Blick im Eintrag über Funktionen/Ämter/Beschäftigungen
Quellinformation und ihre Interpretation
| Quellinformation | Ereignis im Bereich Funktionen/Ämter/Beschäftigungen (Interpretation) | |||||||||||||
|---|---|---|---|---|---|---|---|---|---|---|---|---|---|---|
| Vorname: | Albertus [Albert/Wojciech] |
| ||||||||||||
| Name: | Sadlynski | |||||||||||||
| Soziale Herkunft: | --- | |||||||||||||
| Vorname des Vaters: | --- | |||||||||||||
| Herkunftsort: | --- | |||||||||||||
| Ereignistyp: | trwanie funkcji | |||||||||||||
| Funktion/Amt/Beschäftigung: | notarius | |||||||||||||
| Ort/Institution: | curia [episcopalis Cracoviensis], (kuria biskupia krakowska) | |||||||||||||
| Datum: | 1536-12-01 | |||||||||||||
| Bemerkungen: | --- | |||||||||||||
Inhalt des Eintrags
Quelle: Codex diplomaticus Universitatis Studii Generalis Cracoviensis continet privilegia et documenta quae res gestas Academiae eiusque beneficia illustrant, ps. 4: ab anno 1507 usque ad annum 1548, Cracoviae 1884.
Eintragsabschnitt 1 , Seite/Karte in der Quelle: 164
CCCLXVI. Ioannes (Latalski) Episcopus Cracoviensis, bona post sex intestatos clericos dioecesis Cracoviensis, derelicta, Universitati Studii generalis Cracoviensis donat.
Cracoviae, Anno 1586, die 1 mensis Decembris.
Eintragsabschnitt 2 , Seite/Karte in der Quelle: 164
Ioannes Dei gratia Episcopus Cracoviensis, venerabilibus dominis Rectori Doctoribus et Magistris, totique Universitati Studii generalis Cracoviensis, fratribus in Christo charissimis, salutem in Domino. Singularem animi propensionem, quam erga viros virtutibus et doctrinis praeditos, ac eandem Universitatem praeseferimus, liberalitatis nostrae munificentia ac re ipsa declarare cupientes, cum videamus aliquas domos eiusdem Universitatis prae vetustate paene corruere ac ruinam minari, et propter exilitatem proventuum succurri non posse: omnem substantiam et bona in rebus ac pecuniis et quibuscunque supellectilibus ad nostram dispensationem et dispositionem spectaturam, post sex intestatos proximos in civitate et diocesi nostra Cracoviensi, cuiuscunque conditionis, gradus et praeeminentiae status clericalis et simul sive successive futuros, exceptis Praelatis et Canonicis ecclesiae cathedralis Cracoviensis, qui privilegiati existunt, vobis et Universitati vestrae, quos acceptandos duxeritis, donamus et conferimus, pro necessitatibus eiusdem Universitatis convertenda, facultatemque vobis damus et concedimus, ut quocunque clerico cuiuscunque ordinis, dignitatis et praeeminentiae, sine testamento decedente, procurator vester cum aliis per vos ad id deputatis vel deputandis, ulteriori nostro vel officialium nostrorum non requisito consensu, possessionem talium rerum, pecuniarum, totiusque substantiae, morte huiusmodi intestatorum derelictae ac derelinquendae, sua auctoritate apprehendant, ac de eisdem ipsi Universitati in toto et integre respondeant, in ususque ipsius Universitatis necessarios convertant. Et nihilominus nostris Vicario in spiritualibus et Officiali generalibus Cracoviensibus, caeterisque omnibus et singulis, quibuscunque censeantur nominibus et officiis, sub debito obedientiae et sub excommunicationis poena inhibemus, ne se ad bona modo suprascripto per mortem intestatorum remansura ingerant, ac ipsos dominos, Rectorem et Universitatem in eorum acceptatione, collectione, perceptione ac usu quovismodo inquietare vel illiberare non audeant, quin potius suum benignum et nobile officium implorantibus impendant, ac eisdem cum affectu assistant, numero praemissorum intestatorum Universitati donatorum durante. Datum Cracoviae in Curia nostra, die prima Decembris, Anno Domini Millesimo Quingentesimo trigesimo sexto. Praesentibus ibidem venerabilibus dominis Benedicto Isbienski, Felice Naropyenski Curiae nostrae Cancellario, ecclesiae nostrae Cracoviensis Canonicis, Gregorio de Samotuli Posnaniensi, Mathia Lanczki
Eintragsabschnitt 3 , Seite/Karte in der Quelle: 165
Pomeraniae in ecclesia Wladislaviensi Archidiaconis, utriusque Iuris, Gregorio de Stawyszin Custode Sancti Floriani, Sacrae Theologiae, et Ioanne Bolanczki Archidiacono in ecclesia Posnaniensi, Medicinae, Doctoribus, testibus circa praemissa fide dignis.
Albertus Sadlynski Curiae suae Paternitatis reverendissimae Notarius sst.
Bemerkungen zum Eintragsabschnitt:
(Ex archetypo membranaceo, cum sigillo cereo rubro, taeniola membranacea appenso. Sigillum exhibet sub mitra episcopali scutum cum stemmate dicto Prawdzic, et duobus ad latus stantibus Angelis. In ambitu legitur sequens inscriptio literis maiusculis italicis exarata: IOHANNES DEI GRATIA EPISCOPUS CRACOVIENSIS. — Nr. Archiv. Univ. 14,803.)
