Pełny podgląd zapiski o zdarzeniu dotyczącym pełnionych funkcji/urzędów/ról

Fragment zapiski 1 , Numer strony/karty w źródle: 306

1395. Die Martis xxix Marcy anno Dni millesimo quadringentesimo nonagesimo primo concordia arbitralis Honorabilium

Fragment zapiski 2 , Numer strony/karty w źródle: 307

dnorum mgrorum, Stanislai Byel de Nova ciuitate, collegiatj minoris Collegy et senioris burse pauperum, et Nicolai de Michalowicze, prout inferius. Tenor talis est: Honor. dnorum mgrorum Stanislai Byel de Nova ciuitate, collegiati in minorj Collegio et senioris burse pauperum, ex vna et Nicolai de Michalowicze, in bursa Ierusalem commorantis, partibus ex altera in causa, occasione certarum verbalium et realium iniuriarum coram Venerabili viro dno Iohanne de Pilcza, s. theologie professore, custode s. Ffloriani in Cleparzs et rectore Alme Vniuersitatis Study Cracouiensis, et apud acta ipsius dudum mota et intentata ac indecisa pendente, Reuerendi patres dni Stanislaus Zawada alias de Piczkowicze, Stanislaus de Brzeszini, canonicus Cracouiensis, s. theologie professores, ac mgr. Albertus de Brudzeow, baccalarius s. theologie, professor, collegiati maioris Collegy in Cracouia, arbitri, arbitratores et amicabiles compositores, per ipsas partes vigore certi compromissi coram me notario infrascripto et testibus electi, assumpti et rogati, facti, volentes parcere litibus, laboribus, sumptibus, fatigis et expensis, ac ipsas partes ad bonum pacis et vnionis conducere, non vi, dolo, metu, fraude aut aliqua sinistra machinacione circumventi, sed bene deliberati, sentenciam arbitralem tenoris infrascriptj inter ipsas partes, ipsam emologantes et approbantes, nec ei aliquo aliquando in parte uel in toto, prout in libellis hinc inde partium continetur, nec ei aliquando5, sub pena quadraginta florenorum vngaricalium, parti tenenti per non tenentem soluendorum, per ipsos arbitros vallata directe, tacite uel oculte non convenire volentes et compromittentes, sed omnia sentenciata, arbitrata, rata et grata inviolabiliter et perpetuo obseruare volentes, tulerunt in hunc, qui sequitur, modum: In primis ipsi dni arbitri, arbitratores et amicabiles compositores arbitramento sentenciauerunt, laudauerunt et decreuerunt, quod ipse partes eis invicem pro huiusmodj infamationibus, dehonestationibus, verbaliter et in scriptis per famosos libellos eis invicem irrogatis, factis et explicatis, revocent et reclament per omnia, se invicem perrogantes. Similiter idem mgr. Nicolaus de Michalowicze omnes infamationes et iniurias verbales et reales contra Nobilem Stanislaum6, baccalarium, Seuerini de Ffelstin, vexilliferi Leopoliensis, factas reconciliat, perrogat et reclamat, et idem Stanislaus, bacc., e contra ipsum mgrum Nicolaum consimiliter. Item omnia et singula acta producta, iudicialiter coram memorato dno rectore data, coram ipsis dnis arbitris reponi debent. Et quod de cetero ipse partes honorem, famam bonam et laudabilem de se proferant, nostra sentencia arbitrali mediante, sub pena suprascripta xlta florenorum. Presentibus ibidem Discretis Bartholomeo de Borky, Stanislao de Brudzow, Martino, bacc. de Piczkowicze, testibus ad premissa vocatis et habitis, et me Stanislao Stanislai de Sandomiria, clerico Cracouiensis diocesis, ss. apostolica et imperiali auctoritatibus notario publico, presente, rogato, vocato ad premissa. Quam concordiam suprascriptam Vener. vir, dnus Iohannes de Pilcza, qui supra, rector

Fragment zapiski 3 , Numer strony/karty w źródle: 308

Alme Vniuersitatis Study Cracouiensis, in omnibus et singulis conditionibus, clausulis et punctis admisit et approbauit, robur perpetue firmitatis habere.