Blick im Eintrag über Funktionen/Ämter/Beschäftigungen

Eintragsabschnitt 1 , Seite/Karte in der Quelle: 18

CCCXIX. Literae significatoriales Valentini de Ilkusz Canonici et Vicarii in spiritualibus generalis Cracoviensis, actum fundationis altaris tituli S. Ioannis Eleemosynarii in ecclesia S. Mariae Magdalenae, per executores testamenti olim Ioannis de Wlodzislaw Decret. Doct. et Prof. pro Baccalaureo in Iure canonico de Bursa Canonistarum factae, in se continentes.
Cracoviae, Anno 1508, die 15 mensis Iunii.

Eintragsabschnitt 2 , Seite/Karte in der Quelle: 18

In nomine Domini Amen. Ad rei memoriam sempiternam. Nos Valentinus de Ilkusz Decretorum Doctor, Canonicus, Vicariusque in spiritualibus et Officialis generalis Cracoviensis, Iudexque commissarius per reverendissimum in Christo

Eintragsabschnitt 3 , Seite/Karte in der Quelle: 19

patrem et dominum, dominum Ioannem Dei et Apostolicae Sedis gratia Episcopum Cracoviensem ad infrascripta specialiter datus et deputatus. Ex quo gesta, quae fragilitas humana pro commodo temporali cum tempore perituro, solicitudinis studio acticat, ut illibata in posterum permaneant ; quanto amplius ea convenit posterorum memoriae literarum apicibus commendare, unde animabus in aeternum victuris salubrior speratur fructus provenire. Proinde significamus tenore praesentium quibus expedit universis, praesentibus et futuris praesentium notitiam habituris: quomodo coram nostra constituti praesentia venerabiles viri domini Sigismundus de Targowisko Custos Sandomiriensis, Canonicusque Cracoviensis, et Nicolaus de Koprzywnica Lector ordinarius luris canonici, Decretorum Doctores, Iacobus in Iasio plebanus et Stanislaus de Brudzow mansionarius ecclesiae cathedralis Cracoviensis, tanquam executores testamenti olim venerabilis Ioannis de Wlodzislaw Decretorum Doctoris, testatoris, et fidei commissarii, quasdam commissionis literas in papyro scriptas, sub titulo et sigillo, ut evidenter apparuit, memorati reverendissimi domini Ioannis Episcopi Cracoviensis, tenoris infrascripti, sanas siquidem salvas et integras, non vitiatas, nec aliqua ipsarum in parte suspectas, omnique suspitionis nota carentes, praesentarunt et obtulerunt, quas quidem nos cum ea, qua decuit, reverentia recepimus, sub hoc tenore verborum:

Eintragsabschnitt 4 , Seite/Karte in der Quelle: 19

„Ioannes Dei gratia Episcopus Cracoviensis venerabili domino Valentino de Ilkusz Decretorum Doctori, Canonico et Officiali nostro Cracoviensi generali, fra,tri in Christo nobis dilecto, salutem in Domino. Oblata nobis pro parte venerabilium et honorabilium dominorum Sigismundi Targowicki Canonici et in spiritualibus nostri Vicarii Cracoviensis generalis, Nicolai de Koprzywnica, Decretorum Doctorum, Lectoris ordinarii luris canonici, Iacobi in Iasio plebani et Stanislai de Brudzow mansionarii Sancti Michaelis in Castro Cracoviensi, executorum testamenti venerabilis olim Ioannis de Wlodzislaw Decretorum Doctoris, petitio continebat: quatenus altare in ecclesia Sanctae Mariae Magdalenae, Cracoviae in platea Canonicali sita, iuxta magnum altare, secundi ministerii tituli Sanctorum Ioannis Eleemosynarii, Ioannis Baptistae et Sancti Iacobi Apostoli, in certis bonis per memoratos dominos executores instituendum, censumque decem marcarum pro altari eodem et altarista infrascripto fundando coemendum, in remedium salutis animae ipsius olim Ioannis de Wlodzislaw Decretorum Doctoris, de testamento eiusdem dotandum, erigere, fundare, consummare et confirmare, ipsumque censum decem marcarum cum eodem altari ecclesiasticae adscribere immunitati, nec non ipsorum executorum dominum Iacobum de Iasio plebanum, praesentatum, ad eorum praesentationem de eodem altari instituere, sibique et successoribus suis pro tempore altaristis congrua onera imponere, et eis iuspatronatus et praesentandi altaris eiusdem, vel cui ipsi voluerint, reservare dignaremur. Unde nos cum Dei disponente clementia existimus curae pastorali deputati, cura vigili studium apponimus, ut in ecclesiis nobis subiectis cultum divinum et numerum personarum adaugere valeamus. Vobis igitur, de cuius legalitate et industria fidem obtinemus, committimus per praesentes: quatenus auctoritate nostra praesentium vocatis sua interesse praesentantibus, altare praedictum, si et prout videbitur in bonis censibus fixis et competentibus dotatum fuisse, habitis quoque desuper habendis, fundetur, erigatur et confirmetur ac ecclesiasticae adscribatur immunitati; nec non praefatum Iacobum de Iaslo plebanum, eorum praesentatum, et suis successoribus pro tem-

Eintragsabschnitt 5 , Seite/Karte in der Quelle: 20

pore existentibus onera congrua imponendo, instituatis, iuspatronatus et praesentandi ipsius altaris ipsis dominis executoribus, aut cui ipsi voluerint, reservando; literas confirmationis, erectionis et institutionis huiusmodi desuper opportunas sub titulo et sigillo vestris decernentes. Datum Cracoviae, die vigesima tertia Maii, Anno Domini Millesimo Quingentesimo octavo, nostro sub sigillo.“

Eintragsabschnitt 6 , Seite/Karte in der Quelle: 20

Tandem vero ibidem in continenti memorati domini executores testamenti et fidei commissarii dicti Ioannis de Wlodzislaw Decretorum Doctoris, ibidem tunc personaliter constituti, explanaverunt nobis: quomodo ipsi post mortem dicti Ioannis testatoris suscepta cura executionis in finem mercedis a Domino Deo recipiendae, ut exemplo eorum parem eis eorum posteri etiam exhibeant servitutem, volentes satisfacere ultimae voluntati suae, summo desiderio et animi conatu de rebus per dictum testatorem derelictis et divina largitate concessis, congregatis, in remissionem peccatorum suorum ac remedium salutis animae suae, pro altari fundando in ecclesia Sanctae Mariae Magdalenae penes domum Collegii Iuristarum sita, secundi ministerii, circa magnum altare ad titulum Sanctorum Ioannis Eleemosynarii, Iacobi et Omnium Sanctorum, decem marcas pecuniarum de censibus annuis, numeri Polonicalis consueti, quadraginta et octo grossos marcam in quamlibet computando, pro honorabili domino Iacobo de Iaslo plebano, dicti altaris primo altarista, coexecutori, tunc per eosdem de unanimi consensu nominato et praesentato, ipsiusque legitimis successoribus canonice intrantibus, apud serenissimum Principem dominum et dominum Sigismundum Dei gratia Regem Poloniae, Magnum Ducem Lithuaniae, Russiae, Prussiaeque etc. dominum et haeredem, in et super Zuppis Bochnensi et Vieliciensi, et super omnibus censibus et proventibus ex eisdem Zuppis provenientibus, pro Quadringentis florenis pecuniarum, quemlibet florenum per mediam sexagenam computando, in vim reemptionis alias na Wyderkaff emerunt et compararunt, quem donatione perpetua et irrevocabili, inter vivos fieri solita, pro praefato altarista dederunt, donaverunt et perpetuo assignaverunt, per ipsum altaristam eo modo, quo in literis donationis census huiusmodi praefatorum dominorum executorum infrascriptorum, ac etiam venditionis census eiusdem praefati serenissimi domini Regis Poloniae, tunc coram nobis exhibitis, plenius apparet contineri, tenendum, habendum, possidendum. Quarum quidem literarum tenores de verbo ad verbum ex originalibus transsumpti sequuntur in hunc modum. Et primo venditionis :

Eintragsabschnitt 7 , Seite/Karte in der Quelle: 20

„In nomine Domini, Amen. Cum dispositiones et actiones hominum plerumque oblivio erroris vitio comprehendere, confundereque consuevit: Regum et Principum salubres constituerunt sanctiones, illas literarum scripturis, sigillorumque munimentis ac testium adminiculo esse firmandas et perennandas. Ad perpetuam igitur rei memoriam, Nos Sigismundus Dei gratia Rex Poloniae, Magnus Dux Lithuaniae, nec non terrarum Cracoviae, Sandomiriae, Siradiae, Lanciciae, Cuiaviae, Russiae, Prussiaeque, Culmensis, Elbingensis ac Pomeraniae etc. dominus et haeres, significamus tenore praesentium quibus expedit universis et singulis, praesentibus et futuris, harum notitiam hahituris: quomodo exigente nostra et rei publicae Regni nostri ardua necessitate, censum decem marcarum monetae et numeri Polonicalium, marcam in quamlibet quadraginta et octo grossos computando, in de et super Zuppis nostris Cracoviensibus Salis utriusque, Bochnensi videlicet et Vieliciensi, et earum universis pecuniariis obventionibus, inter alios proventus

Eintragsabschnitt 8 , Seite/Karte in der Quelle: 21

pecuniarios ex venditione salis utriusque Zuppae Bochnensis et Vieliciensis, pro fisco et thesauro nostro regio singulis annis per Zupparios, factores, administratoresque ac officiales quoscunque et regentes earundem Zupparum nostrarum Cracoviensium, tam modernos, quam pro tempore in Bochnia et Wieliczka existentes, nobis dari solitos et consuetos, pro Quadringentis florenis pecuniarum, florenum quemlibet per triginta grossos computando, per nos pro praedicta nostra et Regni nostri necessitate in parata pecunia effectuatis, levatis et receptis, venerabili domino Sigismundo Targowicki Decretorum Doctori, Canonico, Vicarioque in spiritualibus generali Cracoviensi, et honorabili Iacobo Ryklar altaristae Sanctae Mariae Cracoviensi, ac Doctori Nicolao de Koprzywnica, executoribus testamenti olim Doctoris Vladislavitae, non improvide aut per errorem, sed de certa nostra scien,,tia et voluntate, Praelatorumque et Baronum et consiliariorum nostrorum, protunc nobiscum existentium, consilio speciali, deliberatione, approbatione et consensu ad id accedente, venditione et titulo iustae reemptionis alias na Wyderkaff vulgariter nuncupatae, vendidimus et resignavimus, vendimus et resignamus tenore praesentium mediante perpetuo et in aevum per ipsos executores et ipsorum successores, quibus id contulerint, tenendi, habendi, percipiendi ac pro ipsorum arbitrio et voluntate convertendi. Quas quidem decem marcas pecuniarum Zupparius noster modernus et quilibet pro tempore existens, caeterique in futurum factores, Zupparum administratores et regentes, officialesque praedictarum Zupparum nostrarum exnunc et deinceps perpetuis temporibus, videlicet pro singulis et quibus,libet Quatuortemporibus per duas cum media marcas pecuniarum in moneta currenti et consueta Regni nostri, incipiendo solutionem a Quatuortemporibus Sanctae Crucis proxime futuris inclusive et continuando, usque ad debitam et totalem eiusdem census decem marcarum reemptionem, praefatis executoribus dicti olim Doctoris Vladislavitae et ipsorum successoribus, quibus, ut praemissum est, id contulerint, ad requisitionem praesentium dabunt et assignabunt, realiterque et cum effectu persolvent, omni dilatione, difficultate et renitentia nostra, nostrorumque successorum, sive Zupparii nostri generalis, tam moderni quam cuiuscunque pro tempore existentis, caeterorumve officialium et factorum, administratorumque in eisdem Zuppis consistentium, penitus cessante, ad rationem Zupparum nostrarum Cracoviensium et pecuniarum ex venditione salis in illis provenientium, receptis tamen recognitionibus a praefatis executoribus aut ipsorum successoribus, per eosdem executores ad id, ut praefertur, constituendis, solutionem ipsis factam designantibus: quibus nos in ratione fienda stare volumus, ac si munimine sigilli nostri regalis essent roboratae, sigillataeque. Quem quidem censum decem marcarum ab omni onere, tributo generali vel particulari, nec non contributione quacunque ecclesiastica, per spirituales personas qnomodolibet ex quacunque auctoritate, causa et necessitate instituenda, libertavimus et praesentibus libertamus et auctoritate nostra eximimus. Et nihilominus eundem censum decem marcarum, quamdiu nos vel successores nostri non exemerimus seu non exemerint, ecclesiastico subiicimus et volumus potiri privilegio, immunitatique et libertati ecclesiasticae adscribimus. Casu vero, quo in solutione earundem decem marcarum in toto vel in parte, tam Zupparius modernus, quam etiam alii pro tempore existentes, fuerint remissi et negligentes, omnibus ecclesiasticis censuris usque ad Sententiam Interdicti inclusive per Loci ordinarium aut eius vices gerentem, in eos, monitione duntaxat

Eintragsabschnitt 9 , Seite/Karte in der Quelle: 22

infra sex dierum spatium personaliter vel in facie ecclesiarum parochialium Cracoviae, Vieliciae et Bochnae praemittenda, sine quavis concitatione ferendis et promulgendis contra modernum Zupparium et alios pro tempore existentes Zupparios Cracovienses, quibus ipsum Zupparium modernum ac alios quoscunque existentes Zupparios, ipsorumque omnes officiales subiectos esse volumus et subiicimus, ad solutionem et satisfactionem debitam compellantur et adstringantur, quavis exceptione iuris et facti, et contraria ordinatione, Statuto et laudo in contrarium faciente, non obstantibus quibuscunque, quibus exnunc, prout extunc, et extunc prout exnunc derogamus, et eas obtentas et obtinendas suis viribus carere volumus, et nonnisi solutione et satisfactione habita relaxandi et absolvendi; ita tamen, quod dum et quando dictum censum decem marcarum redimere voluerimus, ipsos executores, aut quibus donationem earundem decem marcarum fecerint, sex mensibus ante de ipsa redemptione avisare debemus, censu tamen retento prius soluto: quo facto, licet nobis et successoribus nostris praefatum censum decem marcarum pro simili et integra summa Quadringentorum florenorum in moneta, quos ab ipsis executoribus similiter recepimus, simul et semel in manus praefatorum executorum, aut cui donationem census eiusdem fecerint, hic Cracoviae reponere et persolvere, dum et quando voluerimus et placuerit nobis redimere. Quodque ipsi executores aut successores eorundem debebunt subiici periculis quomodocunque evenientibus, iuxta naturam et contractum iustae redemptionis, alias ad arbitrium boni viri taxandis, secundum eiusdem census quantitatem et valorem: quos nos et successores nostri occasione censuum praedictorum bona fide regia indemnes reddere praesentibus promittimus et pollicemur. In cuius rei testimonium, sigillum nostrum praesentibus est subappensum. Actum Cracoviae, feria secunda, ipso die Sanctorum Philippi et Iacobi Apostolorum, Anno Domini Millesimo Quingentesimo octavo, Regni vero nostri anno secundo. Praesentibus reverendis in Christo patribus dominis Ioanne Cracoviensi, Mathia Praemisliensi, Episcopis, et Regni nostri Vicecancellario, nec non magnificis, venerabilibus ac generosis Nicolao de Kamieniec Cracoviensi, Stanislao Kmita de Wisnicze Russiae, Palatinis, Iacobo de Szydlowiec Sandomiriensi, Iacobo de Syekluka Woynicensi, Andrea de Koscielec Becensi et Capitaneo Scepusiensi, Castellanis, Ioanne de Lasko Cancellario, Stanislao de Chodecz Mareschalco Regni nostri et Capitaneo Leopoliensi, Ioanne Latalski Gnesnensis, Cracoviensis et Lanciciensis ecclesiarum Praeposito, Petro de Tomice Decretorum Doctore, Archidiacono, Ioanne Podlodowski, Ioanne Karnkowski, Canonicis Cracoviensibus, Secretariis nostris, Chriphoro de Szydlowiec Succamerario Cracoviensi et Thesaurario, Stanislao de Iarocin Mareschalco Curiae nostrae, caeterisque dignitariis, officialibus et curiensibus nostris, sincere et fidelibus nostris dilectis, testibus ad praemissa fide dignis. Datum per manus praefati reverendi in Christo patris domini Mathiae Episcopi Praemisliensis et Regni nostri Vicecancellarii sincere nobis dilecti. Mathias Episcopus et Vicecancellarius subscripsit."

Eintragsabschnitt 10 , Seite/Karte in der Quelle: 22

Deinde tenor literarum donationis memoratorum dominorum executorum sequitur et est talis:

Eintragsabschnitt 11 , Seite/Karte in der Quelle: 22

„In nomine Domini Amen. Nos Sigismundus de Targowisko Custos Sandomiriensis, Canonicus Cracoviensis, Nicolaus de Koprzywnica Lector ordinarius Iuris canonici Studii Cracoviensis, Decretorum Doctores, Iacobus in Iaslo plebanus

Eintragsabschnitt 12 , Seite/Karte in der Quelle: 23

et altarista ad Sanctam Mariam Cracoviae, ac Stanislaus de Brudzow mansionarius in Castro Cracoviensi cathedralis ecclesiae, executores testamenti olim Ioannis de Wlodzislaw Decretorum Doctoris et Collegiati Collegii Iuristarum Studii Cracoviensis, significamus tenore praesentium quibus expedit universis, tam praesentibus quam futuris: quomodo cupientes de bonis testatoris praedicti, eius innitentes voluntati ultimae, cultum divinum quantum possumus augere et remedio salutis animae suae quantocius consulere, non per errorem aut improvide, sed de nostra libera scientia et voluntate, certum altare sive alias capellaniam perpetuam secundi ministerii pro altarista perpetuo in capella Sanctae Mariae Magdalenae penes domum Collegii Iuristarum sita, circa altare magnum dictae capellae Sanctae Mariae Magdalenae, in et super censibus nostris decem marcarum numeri et monetae Polonicalium, in quamlibet marcam quadraginta et octo grossos computando, per nos pro Quadringentis florenis pecuniarum, in quemlibet florenum per triginta grossos computando, apud illustrissimum et serenissimum Principem dominum Sigismundum Dei gratia Regem Poloniae, Magnum Ducem Lithuaniae, Russiae, Prussiae dominum et haeredem, in et super Zuppis Bochnensi et Vieliciensi, earumque omnibus et singulis obventionibus ex eis provenientibus, sub spe redemptionis alias na Wyderkaff emptis et comparatis et effective solutis, ad laudem et honorem omnipotentis Dei, eiusque intemeratae Matris Virginis Mariae, Sanctorumque Ioannis Eleemosynarii, Iacobi Apostoli ac aliorum Sanctorum omnium, de consensu reverendissimi in Christo patris domini Ioannis Dei gratia Episcopi Cracoviensis fundandum duximus et fundamus per praesentes. Cuius quidem altaris altaristam primum fore volumus honorabilem dominum Iacobum in Iaslo plebanum, coexecutorem nostrum, ad nostram praesentationem instituendum. Qui quidem dominus Iacobus altarista et ipsius legitimi successores pro tempore existentes, per omnia tempora decem marcas pecuniarum singulis annis ex praesenti nostra donatione, quam tenore praesentium facimus et donamus, de proventibus dicti altaris pro consolatione habebit et habebunt eiusdem nostrae donationis vigore in perpetuum duraturae. Sed ne dictus altarista dicti altaris pro tempore existens, frustra se credat dictis censibus fore stipendiatum; congruum rationi esse dignoscitur, ut is succedat in onere, qui substituitur in honore, et qui sentit emolumentum, onus sentire non recuset: duas Missas per se vel alium legere et complere, unam de beata Virgine Maria cum Collecta pro defunctis: Deus veniae „largiter“ etc. et aliam pro anima dicti Doctoris Ioannis Vlodzislavitae fundatoris, seu pro sacerdote, sub excommunicationis poena teneatur. Insuper iuspatronatus dicti altaris nos executores praedicti, nobis ad vitam cuiuslibet nostrum et eorum alterius, etiam usque ad ultimum superstitem, pleno iure, vacatione occurrente, quocunque modo reservamus, dando eidem omnimodam facultatem, personam talem, qualem infra specificabimus, praesentandi ad ipsum altare. Post vitam vero ipsorum executorum iuspatronatus debebit cum plenitudine iuris devolvi ad dominos Lectores Iuris canonici Collegii dominorum Canonistarum, pro tempore existentes, qui similiter quolibet casu vacationis occurrente, ad dictum altare debebunt eligere et praesentare Loci ordinario aut eius in spiritualibus Vicario generali Cracoviensi, actu Studentem aut Baccalaureum in Iure canonico, de Bursa vel Collegio Canonistarum, idoneum et habilem ad promovendum in eodem Iure canonico, et qui adminus per duos annos staret in dicto Collegio vel Bursa Iuristarum, et actu

Eintragsabschnitt 13 , Seite/Karte in der Quelle: 24

diligenter studeret per dictos duos annos, ac etiam qui nullum aliud ecclesiasticum haberet beneficium; qui electus, praesentatus et institutus ad dictum altare, si a studio coepto discontinuaverit, aut per sex menses se ab huiusmodi studio, cessante causa probabili, absentaverit, extunc ipso facto altare ipsum vacare volumus, et ipsi patroni praesentare debebunt aliam personam idoneam. Item alta„rista praedictus postquam fuerit in Doctorem luris canonici promotus, quam primum alium beneficium fuerit consecutus, ipsum altare vacabit ex nostra praesenti ordinatione et alteri idoneo conferri possit per dictos patronos. Praeterea casu quo dictum censum decem marcarum Regia Maiestas voluerit eximere in summa praedicta Quadringentorum florenorum, extunc reposita huiusmodi summa et recepta, per patronos et altaristam in cisticula tribus seris clausa servetur in aliquo loco securo, et praesertim in thesauro domus Artistarum Studii Cracoviensis, ad quam unam altarista, alteram Lector ordinarius et tertiam Senior Doctor ex Doctoribus luris canonici domus Canonistarum, claves habebunt, et interim dabunt ipsi patroni et altarista operam, ut alium censum similem vel maiorem pro dicta summa emant. Caeterum dictus altarista tenebitur sollicitare Decanum Facultatis theologicae singulis Quatuortemporibus anni pro exhortatione solemni, seu ut fiat memoria animae dicti fundatoris in sermone, qui solet celebrari per Baccalaureum Sacrae Paginae in Missa Universitatis in praedictis Quatuortemporibus, in quantum tamen possit ipse altarista commode accedere dictum Decanum pro facienda huiusmodi exhortationis memoria, ut alii dictam exhortationem audientes sint promptiores ad similes fundationes faciendas. In quorum omnium et singulorum fidem ac testimonium praemissorum, sigilla nostra praesentibus sunt subimpressa. Datum Cracoviae, die octava Iunii, Anno Domini Millesimo Quingentesimo octavo.“

Eintragsabschnitt 14 , Seite/Karte in der Quelle: 24

Post quarum quidem literarum exhibitionem et praesentationem nobis, ut praemissum est, factam, fuit nobis per memoratos dominos executores testamenti dicti domini Ioannis de Wlodzislaw Decretorum Doctoris, fundatoris, debita cum instantia humiliter supplicatum, quatenus altare praefatum in ecclesia Sanctae Mariae Magdalenae erigere, fundare, censum quoque praedictum decem marcarum pro eodem altari incorporare et literas praeinsertas confirmare, ratificare et approbare, una cum oneribus praedictis, in literis donationis superius latius contentis, pro eodem altari incorporare et auctoritatem nobis commissam interponere, ac ipsum dominum Iacobum in Iaslo plebanum, coexecutorem, ad praedictum altare fundandum, post ipsius legitimam fundationem, ad praesentationem dictorum executorum, id a nobis humiliter flexis genibus petentem, instituere ac investire dignaremur. Nos vero Valentinus de Ilkusz Decretorum Doctor, Canonicus, Vicariusque in spiritualibus et Officialis generalis Cracoviensis, Iudexque memoratus commissarius, considerata cura et attentione ipsorum dominorum executorum id instanter a nobis petentium, volentesque ipsorum desideria pia paterna benignitate prosequi, literis Cridae contra omnes et singulos sua communiter vel divisim interesse putantes, legitime praemissis in contumaciam ipsorum, donationem et venditionem praeinsertas duximus ratificandas et confirmandas, ratificamusque et confirmamus, huiusmodique altare tituli Sanctorum Ioannis Eleemosynarii, Ioannis Baptistae et Iacobi Apostoli, in ecclesia Sanctae Mariae Magdalenae, Cracoviae situm, erigimus, censumque praefatum decem marcarum libertati et ecclesiasticae immunitati incorporamus et adscribimus, ac literas praedictas in omnibus et singulis punctis, clausulis et conditionibus uni-

Eintragsabschnitt 15 , Seite/Karte in der Quelle: 25

versis observare sub excommunicationis poena per dominum Lociordinarium Cracoviae pro tempore existentem fulminanda, praecipimus et mandamus ac omnes defectus in praemissis auctoritate nostra ex superabundanti supplemus, in Dei nomine per praesentes decernentes, censum praedictum decem marcarum ecclesiasticae subiacere libertati; quodque pro illius recuperatione nonnisi ad Iudicem ecclesiasticum recurratur. Et insuper ad ulteriorem dicti domini in Iasio plebani instantiam et petitionem, eundem ad praefatum altare Sanctorum Ioannis Eleemosynarii et Ioannis Baptistae in ecclesia Sanctae Mariae Magdalenae, secundi ministerii, ad petitionem venerabilium dominorum Sigismundi Targowicki Custodis Sandomiriensis, Canonici Cracoviensis, Nicolai de Koprzywnica et Stanislai de Brudzow, tanquam executorum testamenti olim Ioannis de Wlodzislaw, instituimus et investivimus, instituimus ac investimus in Dei nomine per praesentes, curam et administrationem spiritualium ac regimen temporalium eidem pariter committentes. Quocirca vobis, quibus interest, seu ad quem vel ad quos receptio et admissio altaristarum ecclesiae Sanctae Mariae Magdalenae Cracoviensis spectat et pertinet, in virtute sanctae obedientiae et sub excommunicationis poena mandamus: quatenus postquam per praefatum dominum Iacobum in Iasio plebanum, ad memoratum altare in ecclesia Sanctae Mariae Magdalenae situm, per dictos executores, ut praemissum est, praesentatum seu ipsius legitimum procuratorem, vigore praesentium fueritis requisiti seu alter vestrum fuerit requisitus, ipsum in et ad realem, actualem, corporalem dicti altaris possessionem inducatis et ponatis ac inductum defendatis, facientes ipsi et non alteri de omnibus fructibus, censibus et universis dicti altaris obventionibus per eos, ad quos pertinet, responderi, et vos ipsi, quantum ex vobis est, respondeatis realiter et cum effectu. In quorum omnium et singulorum fidem et testimonium praemissorum, praesentes nostras literas Notario nostro infrascripto subscribi et publicari, sigillique nostri legitima appensione fecimus et mandavimus communiri. Actum et datum Cracoviae, Anno Domini Millesimo Quingentesimo octavo, Indictione undecima, Pontificatus sanctissimi in Christo patris et domini nostri domini Iulii divina providentia Papae secundi anno decimo quinto, die vero Iovis, quindecima mensis Iunii. Praesentibus ibidem Alberto Wilk de Miechow, Nicolao Iankowski, Stanislao Minocki, Petro Zakrzewski, Martino de Gorennice ac Martino Kurzatkowski, Notariis publicis, testibus ad praemissa.

Eintragsabschnitt 16 , Seite/Karte in der Quelle: 25

(L. S. n) Et ego Petrus Mathiae de Zakrzew, clericus diocesis Posnaniensis, auctoritate imperiali Notarius publicus et coram memorato reverendo patre domino Valentino de Ilkusz Decretorum Doctore, Canonico, Vicario in spiritualibus et Officiali Cracoviensi generali, Iudice commissario, scriba, quia praedictis literarum venditionis, donationis, commissionisque exhibitioni, fundationi, erectioni ac institutioni, aliisque omnibus et singulis praemissis, dum sic ut praemittitur, agerentur et fierent, una cum praenominatis testibus praesens interfui, eaque omnia et singula praemissa sic fieri vidi et audivi: ideo praesentes literas in absentia alterius legalis Notarii, imo protunc occupato, fideliter scriptas confeci et in hanc formam publicam redegi, signoque et nomine meis, circa talia consuetis, communivi et consignavi, in fidem et

Eintragsabschnitt 17 , Seite/Karte in der Quelle: 26

testimonium omnium et singulorum praemissorum rogatus specialiter et requisitus.

Bemerkungen zum Eintragsabschnitt:
(Ex copia in libro manuscripto: „Promptuarium Iurium, Privilegiorum Collegio Iureconsultorum Universitatis Studii generalis Crac. servientium, opera M. Sebastiani Piskorski I. U. D. et Prof. apertum A. D. 1700“, etiam „Liber viridis domus Collegii iuridici “ intitulato, saec. XVIII. exarato. — Nr. Archiv. Univ. 48, pag. 24.)