Blick im Eintrag über Funktionen/Ämter/Beschäftigungen
Quellinformation und ihre Interpretation
| Quellinformation | Ereignis im Bereich Funktionen/Ämter/Beschäftigungen (Interpretation) | |||||||||||||
|---|---|---|---|---|---|---|---|---|---|---|---|---|---|---|
| Vorname: | Sigismundus |
| ||||||||||||
| Name: | --- | |||||||||||||
| Soziale Herkunft: | --- | |||||||||||||
| Vorname des Vaters: | --- | |||||||||||||
| Herkunftsort: | --- | |||||||||||||
| Ereignistyp: | trwanie funkcji | |||||||||||||
| Funktion/Amt/Beschäftigung: | procurator | |||||||||||||
| Ort/Institution: | --- | |||||||||||||
| Datum: | 1488-07-28 | |||||||||||||
| Bemerkungen: | --- | |||||||||||||
Inhalt des Eintrags
Quelle: Acta rectoralia Almae Universitatis Studii Cracoviensis : inde ab anno 1469, t. 1: continens annos 1469–1537, editionem curavit W. Wisłocki, Cracoviae 1893–1897.
Eintragsabschnitt 1 , Seite/Karte in der Quelle: 259
1194. Anno Dni millesimo quadringentesimo octogesimo octauo die vero Lune xxviij Iuly. Venerabilis dni Arnolphi de Myrzymyecz, decretorum dris, Discretus dnus Sigismundus, procurator legitimus, in presencia dnorum consiliariorum dni rectoris pecyt dnum rectorem, dari sibi executorem, vt citet in presenciam sui Honorabilem dnum Albertum de Vyerzynowycze, arcium baccalarium. Et assignauit sibi Stanislaum, seruitorem Vniuersitatis, qui citauit eundem ad videndum et audiendum ex deductis et attestationibus parcium vtrarumque per dnum rectorem sentenciam diffinitiuam ferrj. Eoque dno bacc. iuxta terminum prefixum astante et comparente, pecyt vna cum procuratore dni Arnolphi, ipsam sentenciam diffinitiuam ferri, qua lata et lecta et in scriptis per dnum rectorem pronunciata tenoris subscripti, idem bacc. protestatus est de appellando. Presentibus ibidem Discretis Stanislao de Dzyaloschycze et Martino de Cobilino et seruitoribus Vniuersitatis, Stanislao et Paulo. — Tenor sentencie diffinitiue. Cristi nomine invocato et ipsum solum Deum pre oculis habentes, pro tribunali sedentes in causa infamie verbali Venerabilis dni Arnolphi, s. theologie et decretorum dris, canonici eclesie cathedralis Cracouiensis, ex vna et Honor. dni Alberti, presbiteri et bacc. arcium, ex altera partibus coram nobis rectore Vniuersitatis et nostris consiliarys vertente, per hanc nostram sentenciam diffinitiuam, quam de iuris peritorum et consiliariorum et matura deliberacione prehabita ferimus in hys scriptis, dicimus, decer-
Eintragsabschnitt 2 , Seite/Karte in der Quelle: 260
nimus, pronunciamus, declaramus, prefatum Vener. dnum drem Arnolphum per certos testes, fide dignos, legitime probasse contra prefatum dnum Albertum, bacc., quod ipse dnus Albertus iniuriatus sit dno Arnolpho ipsumque verbis contumeliosis affecit, asserendo eum fraudatorem, deceptorem et aliquando excomunicatum fore et hominem malum, ipsique Alberto talia loqui contra talem et tantum virum, drem et canonicum eclesie cathedralis, honestum, approbatum et Vniuersitati acceptum et tunc dnum suum, minime licuisse neque licere, et ob hoc prefatum Albertum condempnandum fore et condempnari debere, ac ipsum condempnamus in decem florenis, ipsi dno Arnolpho soluendis, compellendumque fore et cogendum, cogimusque et compellimus ad satisfaciendum verbis deprecatorys dno Arnolpho atque reuocare et reclamare coram personis illis, in presencia quorum verba talia infamatoria protulit, prout humana sinit possibilitas, ipsumque condempnamus in expensis, quarum taxacionem nobis in posterum reseruamus. Anno Dni 1488 Lune xxviij Iuly lecta, lata et in hys scriptis est pronunciata hec sentencia diffinitiua per dnum rectorem et in presencia consiliariorum dni rectoris, videlicet Vener. Mathie de Costen, plebani ad s. Annam, et mgri Andree de Labyschyn, drum in decretis, de consensu parcium, videlicet dni Arnolphi et dni Alberti de Vyerzynouicze, qui mox et in continenti protestatus est de appellando. Presentibus ibidem seruitoribus Vniuersitatis, Stanislao et Paulo, Stanislao de Dzyaloschycze et Martino de Cobilino, testibus, specialiter ad hoc vocatis.
