Full view of a note about event related to functions/offices/roles

Note fragment 1 , Page/tab number in the source: 84

CXLI. Literae Ioannis de Elgoth Canonici et Vicarii generalis Cracoviensis, transumptum privilegii, quo mediante Thomas Praepositus cum Piechna Priorissa ac toto conventu monasterii Zwierzyniecensis, censum annuum quatuor marcarum super bonis eiusdem monasterii assecuratum, pro 60 marcis Floriano Andreae de Proszowice clerico vendiderunt, Anno 1448 die 28 mensis Iunii dati, in se continentes.
Cracoviae, Anno 1448, die 6 mensis Septembris.

Note fragment 2 , Page/tab number in the source: 84

In nomine Domini Amen. Nos Iohannes de Elgoth Decretorum Doctor, Scolasticus et Canonicus Cracoviensis, Vicariusque reverendissimi in Christo patris et domini domini Sbignei Dei gratia Episcopi Cracoviensis in spiritualibus generalis, significamus, quibus expedit universis praesentes literas nostras seu praesens transsumptum audituris et inspecturis: quod coram constitutus personaliter discretus Florianus Andreae de Proschowicze clericus Cracoviensis diocesis, tenens in manibus suis privilegium Praepositi et Priorissae ac totius conventus monasterii Swerzynicensis ordinis Praemonstratensis de prope Cracovia, in et super quatuor marcas perpetui census, sanum, salvum et integrum, non vitiatum, non cancellatum, non rasum, non abolitum, nec in aliqua sui parte suspectum, sed prorsus omni vitio et suspicione carente, duobus sigillis, scilicet Praepositi et conventus, sigillatum, cum pressulis pergameneis appensis: quorum primum erat figurae rotundae in cera alba, a parte posteriori convexum, a parte anteriori concavum, in cuius concavitate erat formatum sigillum super cera viridi, habens in medio scutum cum sculptura quasi trium lancearum, quarum duae prominebant acies ad caput sigilli in modum crucis, tertia vero lancea per medium earundem lancearum aciem figebat super fundum ipsius scuti; in circumferentia vero legebantur hae literae in modum capitalium scriptae: S. Thomae Praepositi Swerzinicensis. Secundum vero sigillum similiter de cera alba fuit ab extra in forma oblonga quasi ad modum naviculae, concavum etiam a parte anteriori, ubi supra ceram nigram sculpta videbatur imago Episcopi sedentis in casula, infulam habentis in capite et baculum pastoralem in manu sinistra, et manum dextram extendentis quasi ad benedicendum; in cuius circumferentia legebantur huiusmodi literae capitales: Sigillum ecclesiae Sancti Augustini de Swerzincia. Petivitque ipsum privilegium sibi transumi cum interpositione nostri decreti, ita ut eidem transumpto tamquam originali privilegio ubique locorum stetur et credatur. Cuius privilegii tenor de verbo ad verbum:

Note fragment 3 , Page/tab number in the source: 84

„Nos Thomas Praepositus, Pyechna Priorissa, Anna Subpriorissa, Hedwigis „Custodissa, totusque conventus monasterii Swerzinicensis ordinis Praemonstratensis „extra muros civitatis Cracoviensis, recognoscimus tenore praesentium quibus expedit „universis tam praesentibus quam faturis, praesentium notitiam habituris: quomodo „ex unanimi consensu et voluntate, bona ac matura deliberatione praehabitis, nostro,

Note fragment 4 , Page/tab number in the source: 85

nostrorumque successorum praedicti monasterii nominibus, iustis venditionum et emp,,tionum titulis, rite et rationabiliter ex nostra certa scientia vendidimus et praesen,,tibus nostris literis vendidisse recognoscimus censum annuum et perpetuum quatuor „marcarum numeri et monetae Polonicalium, in quamlibet marcam quadraginta octo grossos computando, in et super munitione dicti monasterii, curiis, hominibus cen,sualibus, agris, silvis, pratis, pascuis, usibus, fructibus ac omnibus et singulis ipsius monasterii obventionibus et pertinentiis universis, quibuscunque vocitentur nominibus, pro sexaginta marcis monetae et numeri expressorum, discreto Floriano Andreae de Prosschowicze clerico diocesis Cracoviensis, per eundem nobis datis ac realiter cum effectu solutis. Quem quidem censum quatuor marcarum, ut praemissum est, annuum et perpetuum praefato Floriano seu illi vel illis, cui vel quibus praedictum censum quatuor marcarum ipse Florianus dederit, donaverit, legaverit et assignaverit in toto aut in parte, in vita vel in morte, spiritualibus vel saecularibus, quis vel qui praesentes nostras literas habuerit vel habuerint ex consensu dicti Floriani, singulis annis coniunctim vel divisim in terminis infrascriptis, videlicet unam marcam in Quatuortemporibus post Exaltationis Sanctae Crucis proxime affuturis, in quibus prima instabit solutio, et aliam marcam in Quatuortemporibus post festum Sanctae Luciae, tertiam vero maream in Quatuortemporibus Cinerum, quartam maream in Quatuortemporibus post festum Pentecostes, et sic deinceps et aeviterne singulis annis in terminis praenotatis se continue et inmediate sequentibus, nos et successores nostros pro tempore existentes Praepositos, Priorissas, Subpriorissas, Custodissas, conventum de praedicto monasterio Swyerzinicensi ordinis Praemonstratensis, de bonis omnibus ad eum spectantibus ad primam requisitionem praetitulati Floriani vel illius seu illorum, qui praesentes literas nostras habuerint vel habuerit, sub censuris ecclesiasticis per dominum loci ordinarium aut eius Officialem seu in spiritualibus Vicarium pro tempore existentem, si, quod absit, in solutione dicti census quatuor marcarum in parte vel in toto remissi aut negligentes fuerimus sive fuerint, rite ferendis sive promulgandis, absque dolo et fraude promittimus et obligamus et summittimus nos, nostrosque successores aeviterne sub poena excommunicationis quousque dictus census una cum impensis oh non solutionem factis..... nullo colore exquisito, aut regio mandato seu alicuius alterius domini spiritualis aut saecularis, ipsum aut ipsos evadentes, sed pecunia solvere cum parata. In cuius rei testimonium sigilla nostra sunt appensa. Praesentibus nobilibus Iohanne de Pothok, Sbigneo Iacobo de Borczino Grzimala Notario testibus ad praemissa. Actum et datum Dominico die ante festum Sancti Iohannis Baptistae proximo, Anno Domini Millesimo Quadringentesimo octavo etc.“

Note fragment 5 , Page/tab number in the source: 85

Nos igitur Iohannes de Elgoth Decretorum Doctor, Scolasticus et Canonicus Cracoviensis, Vicariusque in spiritualibus generalis, praedictae petitioni tamquam iuri et rationi consonae, paterna benignitate annuentes, huiusmodi literas privilegii transumendas et exemplandas duximus praesentibus scriptis de verbo ad verbum nil addendo aut minuendo, quod facti mutaret substantiam aut variaret intellectum, et inscribendas ad acta nostra, volentes et decernentes, ut eidem transumpto in omnibus sicut literis originalibus praedictis, in Iudiciis et extra fides per omnia adhibeatur. Quibus omnibus et singulis auctoritatem nostram ordinariam praedictam interposuimus et decretum. In quorum omnium testimonium praesentes literas nostras, huiuscemodi transumptum in se continentes, scribi fecimus et sigilli nostri appensione

Note fragment 6 , Page/tab number in the source: 86

(L. S. n.) Et ego Vitus Iohannis de Laszky clericus Posnaniensis diocesis, publicus imperiali auctoritate Notarius, nec non coram praelibato venerabili domino Iohanne de Elgoth causarum et facti huiusmodi scriba, quia praedictis literarum privilegii originalis exhibitioni et eiusdem receptioni una cum decreto, aliisque omnibus et singulis, quae dum sic ut praefertur, agerentur et fierent, cum infrascriptis testibus Magistro Paulo de Zathor Decretorum Doctore, Canonico Cracoviensi, Mathia de Myleyow vicario canonicali perpetuo et Mathia Pho psalmista maioris ecclesiae Cracoviensis, praesens interfui, eaque omnia et singula sic fieri vidi et audivi, et in actis praefati domini in spiritualibus Vicarii reposui, et ideo praesentes literas sive praesens publicum Instrumentum huiusmodi transumptum cum decreto in se continentes sive continens, per alium fide dignum, me caeteris arduis occupato negotiis, scribi procuravi in hanc publicam formam redigendo, signoque et nomine meis circa talia fieri consuetis, una cum appensione sigilli praedicti domini Iohannis de Elgoth, ipsius speciali de mandato consignavi, rogatus et requisitus in fidem et testimonium omnium et singulorum praemissorum.

Comment to note fragment:
(Ex archetypo membranaceo. Sigillum pensile avulsum. — Nr. Archiv.
Univ. 18,233.)