Blick im Eintrag über Funktionen/Ämter/Beschäftigungen

Eintragsabschnitt 1 , Seite/Karte in der Quelle: 106

161. Quoniam mandatorum frequencia distrahebat supposita Universitatis ab assecucione intenti finis, a lectionibus scilicet et sciendarum consecucione, que in sedendo et quiescendo addiscuntur, ideo anno domini 1508, die Saturni XXVI februarii, convocacione ex commisso Universitatis per rectorem facta venerabilium ac egregiorum dominorum Stanislai de Nova Civitate, Bernardi de Biskupie, decani, amborum professorum theologie, Andree Gora, Bartholomei de Zneina, decani, Nicolai de Coprziwnicza, decretorum doctorum, Ioannis de Reguli, doctoris et decani medicine et magistri Ioannis de Stobnicza, decani arcium, conclusum est et unanimi voto sancitum, rectore Universitatis Mathia de Miechow votum suum superaddente, quod abolendo antiquum statutum de exequiis, {{1-}}de cetero non fiat mandatum ad sepeliendum et exequias peragendum, nisi actu studia exercentibus, precipue doctoribus, magistris et emeritis, qui laboribus suis Universitatem ampliarunt. Similiter fiat mandatum illis, qui pro Universitate aliqua condigna fundaverunt, ut regibus Polonie et magnificis duntaxat benefactoribus, qui Universitatem prebendis adauxerunt et suis dotacionibus adornaverunt. Exteris autem seu non intitulatis et intitulatis in Universitate studia et lectiones non continuantibus nec beneficiis Universitatem adaugentibus non fiat mandatum. Quodsi pro huiusmodi non intitulatis et intitulatis studia deserentibus, importuna fieret instancia et requisicio nullomodo admittatur mandatum, nisi adminus ponantur Universitati prius realiter et cum effectu quinque sexagene in pecunia parata. In obvium vero et suscipiendum non exeat Universitas, nisi Serenissimo Domino Regi Polonie semel, ad maximum bis in anno, tunc precipue cum Sua Maiestas diu abfuit a Cracovia. Reverendissimo domino episcopo Cracoviensi cancellario Universitatis, post electionem et consecracionem duntaxat semel tota Universitas occurrat. Aliis vicibus cum advenerit, rector cum aliquot doctoribus et non tota Universitate in curia sue reverendissime paternitatis excipiet et invitabit semel in anno. Ad ceteros pontifices non currat Universitas invitatum, nisi foret aliquis pontificum maximus fautor et actu benefactor Universitatis{{-1}}, talem namque

Bemerkungen zum Eintragsabschnitt:
{{1-1}} Powtórzone z małemi zmianami stylistycznemi oraz z dodaniem zdania o przyjmowaniu (ale tylko po raz pierwszy) legatów i nuncjuszów papieskich, przybywających do Krakowa, w późniejszych statutach Uniwersytetu, spisanych za rektoratu Mikołaja Dobrocieskiego w 1604 r. (por. Szujski, //Statuta Uniwersytetu krakowskiego// w //Arch. do dziejów lit.// II 388/9).

Eintragsabschnitt 2 , Seite/Karte in der Quelle: 107

solum in primo adventu post assecucionem pontificatus susciperet et non plus.
Lecta, auscultata et per Universitatem approbata in proxima sequenti convocacione ad auscultandum convocata. Et ibidem venerabili magistro Ioanni de Nagolt, collegiato maioris Collegii artistarum, petenti licenciam repatriandi, ut ex suis cronicis egritudinibus in paterno et connato aere curaretur, generose prefata Universitas contulit licenciam ad unum annum a medio quadragesime anni currentis 1508 ad medium quadragesime sequentis anni 1509 computando. Ita tantum, quod sicut se ipsum submisit, idoneum lectorem lectionum et disputatorem diebus disputacionum pro se ordinet et relinquat.