Blick im Eintrag über Funktionen/Ämter/Beschäftigungen

Eintragsabschnitt 1 , Seite/Karte in der Quelle: 102

156. Anno Domini 1505, XIII decembris, in rectoratu domini Mathie de Myechow, facta convocacione dominorum reformatorum, sub hoc tenore: Egregie domine doctor et magister venerabilis. Sitis hodie in medio hore XX in habitacione rectoris ad tractandum, consulendum, prosequendum, referendum in ordinem et effectum ponendum quedam Universitatis reformacionem et recuperacionem concernenda, nuper in convocacione Universitatis proposita, sub debito obediencie et prout diligitis bonum Universitatis. Detur nomine rectoris dominis reformatoribus per Universitatem deputatis, scilicet egregiis et venerabilibus dominis Bernhardo de Cracovia, Stanislao de Cracovia, preposito ad sanctam Hedwigim, theologie, Andree de Gorra, Iohanni de Wlodzyslaw, canonum, Blasio de Vitemberk, Alberto de Schamotuly, medicine doctoribus, Petro de Cracovia{{1}}, Mathia de Bolyeslawyecz, magistris et collegiatis minoris Collegii artistarum. In ea convocacione et sequentibus, pluries habitis, domini reformatores maturo consilio et longa deliberacione tractantes clausulas et verba privilegii de censu decem marcarum posita in privilegio duorum collegiatorum et novi iuris lectorum per rectorem aut procuratorem Universitatis iuxta prenominatum privilegium distribuendo{{2}}, ultimo et completive in convocacione facta XXV ianuarii, que fuit dominica in die Conversionis sancti Pauli, concluserunt, quod privilegium collegiatorum et lectorum novi iuris specialiter et expresse quoad decem marcas teneatur in bona forma. Quam Universitas octava februarii per convocacionem legittime congregatam quoad tercium punctum secundum pluralitatem votorum noluit acceptare, sed sic iussit scribere, quod rector vel procurator Universitatis pro tempore existens de prefatis decem marcis det unam marcam ad cistam altaristarum pro reformacione ornamentorum altaris, duas vero marcas pro communi mensa aut fabrica domus dominorum cano-

Bemerkungen zum Eintragsabschnitt:
{{1}} Zwany Aurifaber lub Lubart, późniejszy doktor teologji i praw oraz biskup sufragan płocki.
{{2}} Chodziło tu o dwu altarystów ołtarza Przemienienia Pańskiego i św. Tomasza apostoła, a zarazem profesorów t. zw. nowych praw z fundacji biskupa krak. Tomasza Strzempińskiego, którzy z czynszu 50 grzywien, stanowiących uposażenie tej altarji, mieli pobierać po 20 grzywien; reszta t. j. 10 grzywien miała być rozdzieloną przez rektora lub prokuratora (t. j. syndyka, zarządcy majątkowego Uniwersytetu) w ten sposób, iż 2 grzywny miały iść na stół dla kollegjum kanonistów lub na restaurację ich domu, 7 na budowę szpitala dla ubogich schlolarów pod zamkiem, 1 wreszcie na naprawę aparatów, należących do tej altarji (Cod. dipl. II nr 212

Eintragsabschnitt 2 , Seite/Karte in der Quelle: 103

nistarum, septem autem marcas (cum non sit usque ad hanc diem hospitale pauperum scolarium sub castro Cracoviensi, donec edificabitur), det prenominatus rector aut procurator Universitatis modernus lectoribus novi iuris duntaxat doctoribus Iohanni de Skawyna et Petro de Ilkusch ad eorum cessum vel decessum et tunc post cessum vel decessum eorum determinabit Universitas quorsum et ad quas utilitates Universitatis vel alia pia opera predicte septem marce convertantur.
Lecta, auscultata et approbata est prefata [conclusio] octava februarii in plena congregacione Universitatis iussaque ascribi in libro Conclusorum.