Blick im Eintrag über Funktionen/Ämter/Beschäftigungen

Eintragsabschnitt 1 , Seite/Karte in der Quelle: 102

LIV. Literae signiflcatoriales Adae (de Bandkow) Canonici et Officialis Cracoviensis generalis, transsumptum privilegii per Petrum (Wysz de Radolina) Episcopum Cracoviensem A. 1404 die 3 m. Februarii dati, quo mediante duo Canonicatus cathedrales, duae praebendae in capellis S. Adalberti et S. Mariae Magdalenae, nec non ecclesia parochialis in Luborzyca Universitati Studii generalis Cracoviensis incorporati sunt, in se continentes.
Cracoviae, Anno 1413, die 7 mensis Novembris.

Eintragsabschnitt 2 , Seite/Karte in der Quelle: 102

In nomine Domini Amen. Universis et singulis ad quos praesentis nostri transsumpti literae pervenerint seu praesens pervenerit publicum Instrumentum, Adam Archipresbyter Sanctae Mariae, Canonicus et Officialis Cracoviensis, nec non Vicarius in spiritualibus reverendi in Christo patris et domini, domini Alberti Episcopi Cracoviensis generalis, Salutem in Domino et praesentibus fidem indubiam adhibere. Nuper coram nobis ac Notario publico et testibus infrascriptis venerabilis vir Magister Stanislaus de Scarbimiria Decretorum Doctor, Canonicus ecclesiae Sancti Iohannis Baptistae in Scarbimiria Cracoviensis diocesis, nec non Rector almae Universitatis Studii Cracoviensis, cum venerabilibus et honorabilibus viris dominis Magistro Francisco de Brega Professore Sacrae Theologiae, Decano Sancti Floriani extra muros Cracovienses, Pelka de Borzikowo Decano facultatis Artium dicti Studii Cracoviensis, Petro de Brandis, Nicolao Baudissen, Iohanne Wylisch, Alexandro de Pekari Magistris Artium, Collegiatis in Collegio serenissimi Principis ac domini, domini Wladislai Dei gratia Regis Poloniae, Universitatem dicti Studii Cracoviensis repraesentantibus, personaliter constituti, quoddam incorporationis, appropriationis et annexionis privilegium in pergameno conscriptum, reverendi in Christo patris et domini, domini Petri Dei gratia tunc Cracoviensis, nunc vero Poznaniensis

Eintragsabschnitt 3 , Seite/Karte in der Quelle: 103

Episcopi, ac venerabilium dominorum Canonicorum ac Capituli Cracoviensis duobus sigillis oblongae figurae, uno videlicet praedicti reverendi in Christo patris et domini, domini Petri tunc Cracoviensis, nunc vero Poznaniensis Episcopi, in filis sericeis rubei et nigri coloris, altero, vero venerabilium dominorum Capituli Cracoviensis, in filis sericeis rubei et flavei lucidi coloris, dependentibus sigillatum exhibuerunt et praesentarunt. Quorum quidem sigillorum primum, videlicet domini Episcopi praedicti, erat ab extra de communi alba, intus vero de rubea cera, in cuius medio quaedam figura admodum scibariae unam turrim ab una parte seu ab uno latere, et aliam turrim ab alia parte seu ab alio latere habens exsculpta apparebat, in qua quidem scibariae figura imago Sancti Stanislai pleno ornatu seu habitu pontificali induta, manu sinistra baculum gestans pastoralem, dextra vero ad benedicendum extensa continebatur; sub qua scibariae figura alia imago pontificalibus induta, utrumque genu flectens videbatur; circumquaque vero praedictarum imaginum fuerunt quaedam puncta admodum rosae depicta seu punctata; in duarum vero turrium praedictarum a lateribus figurae scibariae praedictae positarum inferioribiis partibus duo clipei, quilibet acervum quatuor falangis perforatum continens, conspiciebantur; sub utroque vero clipeorum una aquila volitare cernebatur; literae vero circumferentiales seu in circumferentia desculptae, cruce praeposita, haec apparebant: S. Petri Iuris utriusque Doctoris Episcopi Cracoviensis Sedis Apostolicae Prothonotarii. Sigillum, autem Capituli Cracoviensis praedicti a tergo seu ab extra erat de communi alfea, intus vero de viridi cera: in cuius medio quidam clipeus, in clipeo tres coronae circumquaque vero clipei quaedam puncta admodum liliorum sculpta, super vero clipeo medietas duarum imaginum seu duae imagines per medium Sanctorum videlicet Stanislai et Wenczeslai cernebantur, literae vero in circumferentia ipsius haec legebantur cruce praeposita: S. maius Capituli Cracoviensis. Quod quidem privilegium sanum, salvum, integrum et illaesum, non corruptum, non vitiatum, non cancellatum, non abrasum, nec in aliqua parte sui suspectum, sed prorsus omni vitio et suspitione carens, per dominum Magistrum Stanislaum de Scarbimiria Decretorum Doctorem, Canonicum ecclesiae Sancti Iohannis Baptistae in Scarbimiria Cracoviensis diocesis, nec non Rectorem almae Universitatis Studii Cracoviensis praedictae, ac dominos Magistros Universitatem Studii Cracoviensis repraesentantes, sic ut praefertur, exhibitum et praesentatum nos recepimus huiusmodi sub tenore:

Eintragsabschnitt 4 , Seite/Karte in der Quelle: 103

„Nos Petrus Dei gratia Episcopus Cracoviensis, etc.

Bemerkungen zum Eintragsabschnitt:
Vide Nr. XXXIII.

Eintragsabschnitt 5 , Seite/Karte in der Quelle: 103

Post cuius quidem privilegii praesentationem et receptionem per praefatum venerabilem virum Magistrum Stanislaum de Scarbimiria Decretorum Doctorem, Canonicum ecclesiae Sancti Iohannis Baptistae in Scarbimiria Cracoviensis diocesis, nec non Rectorem almae Universitatis Studii Cracoviensis saepedicti, ac praedictos Magistros Universitatem praenarrati Studii Cracoviensis repraesentantes, nobis fuit expositum, quod dictis originalibus literis seu dicto originali privilegio in remotis partibus et praesertim in Romana Curia iudicialiter et extra iudicialiter opus dictas literas seu dictum privilegium producendi habeatur, timeaturque, ne propter discrimina et viarum pericula dictas originales literas seu dictum originale privilegium quoquomodo amitti seu deperdi contingat: propter quod dictus venerabilis vir Magister Stanislaus de Scarbimiria Decretorum Doctor, Canonicus ecclesiae Sancti Iohannis Baptistae in Scarbimiria Cracoviensis diocesis, nec non Rector almae Universitatis Studii Cracoviensis praenarrati, ac dicti venerabiles et honorabiles Ma-

Eintragsabschnitt 6 , Seite/Karte in der Quelle: 104

gistri Universitatem Studii Cracoviensis pluries dicti repraesentantes, nobis supplicarunt, quatenus dictas literas seu dictum privilegium per Notarium infrascriptum transsumi mandari ac decretum nostrum huiusmodi transsumpto apponere dignaremur eum in eventum, ut ipsi transsumpto in iudiciis et extra ac ubique locorum ubi necesse fuerit, plenaria fides adhiberetur, ac si ibidem huiusmodi privilegium originale offeretur, produceretur et appareret. Nos vero supplicationem saepedicti Magistri Stanislai Decretorum Doctoris, Canonici Sancti lohannis Baptistae in Scarbimiria Cracoviensis diocesis, nec non Rectoris almae Universitatis Studii Cracoviensis, ac dictorum Magistrorum Universitatem Studii Cracoviensis pluriesdicti repraesentantium, iustam ac rationi consonam attendentes, quodque iusta petentibus non est denegandus assensus: praedictas originales literas seu praedictum originale privilegium per Stanislaum lohannis de Sobnow clericum Cracoviensis diocesis, publicum apostolica auctoritate Notarium et facti huiusmodi coram nobis scribam infrascriptum mandavimus transsumi. Et quia huiusmodi transsumptum facta per nos auscultatione plenaria et fideli cum literis originalibus seu cum privilegio originali invenimus per omnia ac de verbo ad verbum concordare, nilque esse in praesenti transsumpto ultra privilegium originale appositum aut depositum, quod sensum mutaret vel intellectum seu sententiam dicti privilegii variaret: ideo pro tribunali sedentes auctoritate nostra ordinaria decrevimus et tenore praesentium decernimus, ut ipsi transsumpto tam in iudiciis quam extra et alias ubi necesse fuerit, plenaria et indubitata fides perinde ac si praedictis originalibus literis seu praedicto originali privilegio debeat adhiberi. In quorum omnium et singulorum fidem et testimonium praemissorum praesentes nostras literas sive praesens transsumpti publicum Instrumentum per Notarium infrascriptum, huiusmodi facti coram nobis scribam scribi et publicari, nostrique appensione sigilli iussimus communiri. Datum et actum Cracoviae in Collegio Serenissimi Principis et domini, domini Wladislai Dei gratia Regis Poloniae, Anno Domini Millesimo Quadringentesimo tredecimo, Indictione sexta, Pontificatus Sanctissimi in Christo patris et domini nostri domini lohannis divina providentia Papae vicesimi tertii anno quarto, Die Martis, septima mensis Novembris, hora Completorii vel quasi. Praesentibus reverendo in Christo patre ac domino, domino Iohanne Dei gratia Sacrosanctae Halliciensis ecclesiae Electo, ac venerabilibus et honorabilibus viris dominis Nicolao Penaszkonis Praeposito Cracoviensi, Iohanne rectore parochialis ecclesiae de Lwow, Sigismundo lohannis de Iacubowicze clerico Cracoviensis diocesis et pluribus aliis fide dignis testibus ad praemissa vocatis specialiter et rogatis.

Eintragsabschnitt 7 , Seite/Karte in der Quelle: 104

Et ego Stanislaus lohannis de Sobnow clericus Cracoviensis diocesis, publicus apostolica auctoritate Notarius, quia praedictarum literarum seu praedicti privilegii praesentationi, receptioni, transsumpti petitioni, decreti interpositioni, ipsius decreto et auscultationi, aliisque omnibus et singulis, dum sic ut praefertur, coram praefato venerabili viro domino Adam Archipresbytero, Canonico et Officiali Cracoviensi,

Eintragsabschnitt 8 , Seite/Karte in der Quelle: 105

nec non Vicario in spiritualibus reverendi in Christo patris et domini, domini Alberti Dei gratia Episcopi Cracoviensis generali, et per eum agerentur et fierent, una cum praenominatis testibus praesens interfui, eaque omnia et singula sic ut praemittitur, fieri vidi et audivi: idcirco de mandato domini, domini Adae Archipresbyteri, Canonici et Officialis Cracoviensis, nec non Vicarii in spiritualibus praenarrati reverendi in Christo patris et domini, domini Alberti Episcopi Cracoviensis, praesens transsumpti publicum Instrumentum propria manu scriptum exinde confeci, subscripsi, publicavi et in hanc publicam formam redegi, signoque et nomine meis solitis et consuetis una cum dicti domini Officialis et Vicarii in spiritualibus appensione sigilli signavi, rogatus et requisitus in lidem et testimonium omnium et singulorum praemissorum.

Bemerkungen zum Eintragsabschnitt:
(Ex archetypo membranaceo, cum sigillo cereo viridi, taeniola membranacea appenso. Sigillum exhibet imaginem B. Mariae V. parvulum Christum gestantis et manu dextra scutum cum insigni dicto Prus 2do sive Wilcze Kosy tenentis. In ambitu legitur inscriptio literis minusculis gothicis exarata: S. ade. arphiri. ste. marie. canonici. et. official’. crac. — Nr. Archiv. Univ. 8975.)