Blick im Eintrag über Funktionen/Ämter/Beschäftigungen
Quellinformation und ihre Interpretation
| Quellinformation | Ereignis im Bereich Funktionen/Ämter/Beschäftigungen (Interpretation) | |||||||||||||
|---|---|---|---|---|---|---|---|---|---|---|---|---|---|---|
| Vorname: | Sigismundus |
| ||||||||||||
| Name: | --- | |||||||||||||
| Soziale Herkunft: | --- | |||||||||||||
| Vorname des Vaters: | --- | |||||||||||||
| Herkunftsort: | Stezicensis (Stężyca) | |||||||||||||
| Ereignistyp: | trwanie funkcji | |||||||||||||
| Funktion/Amt/Beschäftigung: | canonicus | |||||||||||||
| Ort/Institution: | Cracoviensis, (katedra w Krakowie) | |||||||||||||
| Datum: | 1578-02-07 | |||||||||||||
| Bemerkungen: | --- | |||||||||||||
Inhalt des Eintrags
Quelle: Conclusiones Universitatis Cracoviensis ab anno 1441 ad annum 1589, wyd. H. Barycz, Kraków 1933.
Eintragsabschnitt 1 , Seite/Karte in der Quelle: 376
419. Anno Domini millesimo quingentesimo septuagesimo octavo, die vero septima februarii, in convocatione publica Universitatis more solito per schedam ad pulsum campanae facta, ad providendum de pecunia sexingentorum florenorum ad mensam contubernii iurisperitorum pertinentium, male collocata, rector Universitatis coram tota Universitate solemniter protestatus est, quia licet primo loco scriptus sit in obligationibus super pecunia sexingentorum florenorum civibus quibusdam Cracoviensibus in vim reemptionis inscripta {{1}}, tamen ipse ad eas obligationes non consensit, imo ne pecunia extraderetur propter defectuosas obligationes admonuit reverendos dominos iurisprudentiae doctores Sigismundum Stezicensem, canonicum Cracoviensem et Iacobum Cromfeltium, plebanum Luborzicensem. Qua protestatione audita, dominus doctor Sigismundus recognovit se dedisse claves ad tollendam et numerandam pecuniam, quoniam dominus doctor Iacobus Cromfeltius dixerit iam nihil esse periculi ex parte obligationum et inscriptionum atque consensus regii. Sed si inveniuntur aliqui defectus et inde summae huic sexcentorum florenorum periculum imminet, ideo dominus doctor Cromfeltius curet defectum supplendum et periculum submovendum, quod se facturum dominus doctor Iacobus Cromfeltius obtulit. Et tandem uterque dominorum doctorum, dato loco deliberandi Universitati super tali negotio, revisis diligenter obligationibus, ex unanimi omnium sententia decretum est, rectore legitime contradicente, non debebat extradi pecunia ex thesauro per custodes ipsius. Quoniam vero obligationes et inscriptiones super sexingentis florenis supra expressis per duos cives Cracovienses in actis consularibus Clepardiensibus factae, in acta consularia Cracoviensia pariter cum consensu Sacrae Maiestatis Regiae ad simplicem narrationem et petitionem unius partis, nempe vendentis census reemptionales, absentibus ementibus praefatum censum dominis doctoribus iurisprudentiae et non per decretum consulare ad requisitionem utriusque partis faciendum translatae sunt, ideo tanquam defectuosae et invalidae brevi tempore summam sexingentorum florenorum praedictam periculo subiecturae sint, ut abhinc ad festum sacratis-
Bemerkungen zum Eintragsabschnitt:
{{}}1 Zapis ten jest nieznany.
Eintragsabschnitt 2 , Seite/Karte in der Quelle: 377
-simi Paschatis domini doctores Sigismundus et Iacobus, praefati custodes thesauri, quod se facturos promiserant, de supplendo obligationum et inscriptionum defectu et periculo amovendo curent, nisi ipsimet defectum prefatae summae pati et periculum ipsius subire voluerint. Quae sententia ipsis dominis doctoribus praefatis per rectorem Universitatis die duodecima februarii iuridice et legitime est intimata ad notitiamque deducta. Praesentibus bedellis Universitatis et familia rectoris et dominorum doctorum. Cassata satisfactione subsecuta per rectorem.
