Full view of a note about event related to functions/offices/roles

Note fragment 1 , Page/tab number in the source: 262

Anno Domini 1552, die quarta mensis decembris, que fuit secunda dominica Adventus Domini, facta ac celebrata convocatione dominorum doctorum et magistrorum duntaxat Salariatorum, sub tali tenore verborum, qui sequitur infra: Reverende pater, egregie domine doctor et magister venerabilis. Sit dominatio tua hodie in medio hore vigesime in stuba communi Collegii maioris ad tractandum et finaliter concludendum de et super domuncula Melsthin, sub pena non contradicendi et prout dominatio tua diligit bonum Universitatis. Detur omnibus dominis doctoribus et magistris duntaxat salariatis, ex parte domini rectoris. In qua quidem convocatione, pretensa, oblata et porrecta auditaque peticione egregii domini doctoris Alberti Posnaniensis {{3}}, medice facultatis lectoris ordinarii, que hoc potissimum continebat, quatinus dicta Universitas de benignitate sua singulari dignaretur eidem locare et arendare domunculam in platea fratrum iacentem, vicinam atque contiguam domui celebris Universitatis, vulgo nuncupatam Melstin, ut eo expeditior, aptior et diligentior sit in prelegendis lectionibus.

Comment to note fragment:
{{3}} Zwany Misellus (Sierotka), Oman, (»ex patre quidam Misellus, tandem ex vitrico Oman cognominatus» rkps Archiwum Un. Jag. nr. 69 str. 71) a także Basa, Saxo.

Note fragment 2 , Page/tab number in the source: 263

Tametsi paucis ante diebus aliquot nata et orta occasione eiusdem fuerit controversia et turba inter venerabilem et eximium dominum doctorem Nicolaum Vieliczka, promotione seniorem ac de celebri Universitate satis optime meritum, dudum eidem superius locata ac inter ipsummet dominum doctorem Albertum Posnaniensem, nihilominus tamen predicta Universitas cupiens inter ipsos tollere ac penitus enervare materiam disceptationis predicte, deprecata est illum, quatenus hoc desiderio animi hactenus condonaret. Memoratus vero dominus doctor Nicolaus, ne videatur adeo esse incivilis ac importunus, non recedendo a pleno iure suo quesito quovis colore et ingenio, verum illud fortificando, tanquam possessor legitimus ad instantes ac urgentes magistros Universitatis, precipue tamen in gratiam, favorem, utilitatem et bonum commune reipublice litterarie ad augendam, hac vice, salvo regressu, eidem hac vice cessit et condescendit. Quo facto reverendus pater ingenio ac iudicio prestans dominus doctor Anthonius a Napachanye, generalis Gymnasii rector, tum demum domini doctores et magistri totam predictam Universitatem representantes ex certis respectibus animum eorum permoventibus, maxime habentes plenam confidentiam in dexteritate ingenii, felicitate, singulari humanitate domini doctoris Alberti ceterisque ingenii dotibus, quibus prestat, ut debitas diligentias in prelegendis lectionibus [faciat], strenuum et opportunum se agat, accommodum et operosum pro viribus se tribuat, lectorem predicte medice facultatis, que paulo ante aliquatenus collapsa videbatur, quatinus eam restauret et scholam quantum potest coadiuvet et illustret industria sua. Ex his premissis et aliis rationibus iustis predicta Universitas premencionato domino doctori Alberto Posnaniensi sub infrascriptis et adiectis conditionibus domunculam predictam locat et arendat, quod exnunc, ut extunc in dicta Universitate alias a modo presens personaliter et perseveranter resideat ac permaneat oneraque et officia collegiature sue agat et obeat, ad quam obstrictus est. Quodsi minus diligens atque remissus in lectionibus fuerit prelegendis aut si interea aliquo casu e Cracovia ab Universitate illum descendere seu abire hinc contigerit, aut huiusmodi collegiaturam libere resignare et dimittere voluerit, puta ad duas, tres et quatuor septimanas, illud principio habito consensu ac licentia speciali domini rectoris, pro tempore existentis, facere omnino debebit. Si autem negligentias propter absentiam suam in lectionibus fecerit et in tempore apto rursus non redierit, nec super premissis curaverit, extunc licite Universitas tam collegiatura seu ordinaria lectura, quam huius- modi domuncula debebit eum modis omnibus privare et amoliri, domunculam vero prefatam venerabili domino doctori Nicolao Wieliczka, priori possessori, ad quam reservavit sibi plenum ius et regressum ad-

Note fragment 3 , Page/tab number in the source: 264

-iudicare, quatenus eadem pociatur cum plenitudine iuris et clausulis ipsi suffragantibus. Presentibus dominis Alberto Schamotuli et Nicolao, bedellis iuratis predicte Universitatis et me Iacobo Gwiasdowski, actorum notario publico, testibus ad premissa vocatis.