Full view of a note about event related to functions/offices/roles

Note fragment 1 , Page/tab number in the source: 154

Anno Domini millesimo quingentesimo vicesimo secundo, die Martis vicesima maii alias ipso die Bernardini confessoris gloriosi, facta convocacione Universitatis per rectorem eiusdem magistrum Stanislaum Byel, sacre theologie professorem, canonicum ecclesie cathedralis Cracoviensis, sub hac forma verborum: Venerabilis et egregie domine doctor et magister reverende. Sitis hodie hora decima nona in stuba communi Collegii maioris artistarum ad audiendum relacionem reverendi patris et domini magistri Mathie de Myechow, medicine doctoris et canonici ecclesie cathedralis Cracoviensis, in medium per rectorem proponendam ad deliberandumque et ad concludendum super eadem. Ad consulendum eciam de temerario recessu et absencia quorundam ab Universitate et de ordinacione aliorum, sub debito obediencie. Idem prescriptus venerandus pater dominus doctor Mathias de Myechow, canonicus Cracoviensis, personaliter seu in persona propria constitutus, mentem suam aperuit per hanc postulacionem seu peticionem, ut sibi Universitas consentiret in unam missam quolibet quartali anni in et sub mandatis quartalium perpetuo legendam in vita eius pro peccatis et

Note fragment 2 , Page/tab number in the source: 155

post mortem pro sacerdote defuncto, ita, quod quatuor missas haberet pro salute anime sue perpetuis temporibus in et sub decursu cuiuslibet anni, subiungens se daturum Universitati centum florenos pro libraria theologorum continuanda et centum et fere triginta pro horologio cum debito apparatu cum imaginibus et cursu seu motu adminus solis et lune et indice horario supra testudinem eiusdem librarie statuendo et quadringentos florenos in auro auri puri et iusti ponderis, alias decem marcas census annui emptas pro eisdem quadringentis aureis apud consulatum seu in pretorio Cracoviensi pro astrologo figendo et stabiliendo in sua collegiatura vel ad vitam, vel adminus per quindecim annos continuos propter experienciam, abilitacionem et usitacionem maiorem in his, que eandem collegiaturam astrologie concernunt, ita, quod cum priori censu seu collegiature post mortem ipsius domini doctoris haberet viginti duas marcas, sub vita vero eiusdem duas duntaxat supra duodecim, quas ante habuit pro sua sustentacione {{1}}. Qua postulacione seu peticione porrecta et per Universitatem, tunc congregatam, alacriter audita, premissa matura deliberacione, omnium tandem votis consensit et obtulit, se ad omnia et singula postulata facienda, tenenda et implenda. Volens nihilominus adhuc deliberare cum sua paternitate de modo et loco stabiliendi ipsum collegiatum astrologie, an scilicet debeat transferri eadem collegiatura astrologie de minori Collegio ad maius vel relinqui in Collegio minori, cui est ab eius plantacione ascripta {{2}}. Quod et pro responso dato sue paternitati mox in consessu et congregacione omnium obtulit et realiter et cum effectu reposuit, dedit et donavit per manus magistri Nicolai de Wyeliczka, medicine doctoris et lectoris ordinarii eiusdem, centum florenos in moneta pro continuanda libraria et centum et fere triginta pro horologio statuendo supra testitudinem eiusdem librarie.

Comment to note fragment:
{{1}} Formalnie przyjęta została przez Uniwersytet ta darowizna 13. X t. r., a zatwierdzona przez biskupa krakowskiego 22 X (Cod. dipl. IV nr 348).
{{2}} Ostatecznie urządzono ją jako katedrę ruchomą. Mogła ona znajdować się — zależnie od starszeństwa profesora — bądź w Kolegjum mniejszem, bądź w większem (Cod. dipl. IV nr 350).