Blick im Eintrag über Funktionen/Ämter/Beschäftigungen

Eintragsabschnitt 1 , Seite/Karte in der Quelle: 50

CCCCXII. Albertus Leopoliensis professor Universitatis Cracoviensis, ultimae suae voluntatis testamentum facit.
Anno 1563, die 13. mensis Aprilis.

Eintragsabschnitt 2 , Seite/Karte in der Quelle: 50

In nomine Domini Amen. Anno Domini 1563, die Aprilis 13. Ego Albertus Leopolitanus artium bonarum magister et Maioris Collegii Cracoviensis collega, regius professor excellendi ingenii et lustrandarum regionum gratia eo proposito, ut rediens cum maiori fructu in Academia Cracoviensi laborare possim, ad exteras nationes proficiscens et varios casus hominum et multa ac infinita pericula, quibus obnoxii sunt et semper expositi homines non habentes hic certam mansionem, sed futuram expectantes, revolvens in animo, decrevi apud me sanus mente et corpore, antequam casus aliquis insperato veniret, aliquos executores deligere ad dispensandas meas quales qualescunque res exiguas, licet pro tenuitate tamen mea satis sufficientes, mihi a Deo optimo maximo concessas, pro quibus illi tanquam immortali, immortales ago gratias, quod usum mihi earum indigno petitori ad tempus concessit; ne autem illae utcumque dispergerentur, quae cum sudore et diligentia parta erant, ad dispensandum hos tres et legittimos deligo executores: Lucam. Leopolitanum, castri Zidaczoviensis notarium, germanum, et magistrum Ioannem Leopoliensem Maioris Collegii collegam, ad s. Annam Cracoviae decanum, meum procuratorem sedulum, et Simonem Leopoliensem suburbanum, etiam fratrem germanum, ut illi conscientia bona et integra exiguam pecuniae summam et aliam meam suppellectilem distribuerent nec aliquid contra voluntatem meam agerent, alias strictissimam posthac Deo rationem redderent de non recte dispensandis rebus meis.
In primis Cracoviae apud Ioannem Leopoliensem et Ioannem Vieliczium, meos procuratores, habeo florenos in moneta Polonicali centum et decemnovem citra vel ultra, nam Ioannes Leopoliensis celeriter scribens, non potuit mihi certo describere. Ex hac pecunia Maioris Collegii Collegiatis lego 40 florenos monetae Polonicalis, ut pro illis 2 cyatus deauratos executores emerent, ita tamen, ut pauperioribus praepositis fidedignis liceret eos oppignorare in praepositura, sed sub finem praepositurae iterum eximere et

Eintragsabschnitt 3 , Seite/Karte in der Quelle: 51

in thesaurum seponere vel cistam communem scripta schedula vel syngrapho de acceptis cyatis, ut etiam in pecunia Bogus faciunt fiscarii (vel si executoribus placuerit pecuniam ita pro praepositis reservare, ut pro fiscaria a Bogus, ut ea uti possint omnes praepositi, si tutum erit).
Item Lucas frater vestes accipiat et libros maiores magis sibi necessarios.
Item Minoribus Collegis lego cantharum stanneum, qui 1 sexagena constabat.
Item Lucas accipiat sibi 20 florenos, quos mihi pro promotione commodato dederat.
Item Simoni 30 florenos fratri meo et executori lego et aliquam reverendam seu vestem talarem et cantharos stanneos et......
Item Ioanni Leopoliensi executori meo... et argentei cochlearis usum ad mortem, quod postea Maioribus Collegis legare debet meo nomine.
(Acceperam mecum pecuniae plus, quam 100 taleros, sed in Germania in libros et alias res necessarias exposui). Lipsiae vero mecum habeo propriae pecuniae, quam ex collegiatura et discipulis per meos sudores auxilio divino corroseram et mecum in Germaniam tuleram, 70 taleros; 30 taleros pauperibus distribuant 25, qui vere essent pauperes et pro me Deum orarent, pro tricesimis vero ad celebrandas missas 5 florenos numeri Polonicalis. Simoni Czimae servitori meo, decem taleros pro promotione baccalariatus Cracoviensis, si diligentem navaverit operam litteris, libros etiam minutiores Lucas, qui sibi non essent necessarii Czymae det; ea (s) legat, ut quoad vivat, illis utatur, post mortem ut etiam pauperi alicui Leopolitano studioso legaret et ille vicissim alteri et sic consequenter. Reliquam pecuniam, si Simon Czima diligenter disceret, pro promotione magisterii haberet, alias non; sed si non diligenter incumberet, alicui pauperiori sedulo esset dandum Leopolitano, quod pro nobis Deo oraret.
Bursae pauperum studiosis ad mensam emenda est Confessio Osii, quam ad mensam legant et non polluant et senior apud se servet vel consiliarii, modo non... vel studiosus seduli possent uti eo libro cum consilio senioris.
X taleros Luciae, Annae, Zachariae, liberis generi nostri. Ioannes Leopoliensis si XXX marcas ex parochia prope Premisliam censum acciperet, pro rebus ecclesiasticis in eadem parochia convertat. Emat librum Osii Confessionem et Apologiam cum scopo biblico Novicampiani et aliquem librum Locorum Communium quinque marcis, ut parochus semper haberet inpromptu et semper servaret.
Item X marcas pro rebus ecclesiasticis necessariis.
Item quinque marcas pro aedificio scholae, si ibi esset; si non, pro aedificio ecclesiae convertantur (quae sunt Dei Deo cedant) et quinque marcas pro pauperibus parochianis, et quinque pauperibus studiosis et pro missis celebrandis; 3 vero marcas (de 70 taleris meis) convertat pro Collegis tam Maioribus quam Minoribus, duas Maioribus, unam Minoribus, pro specialibus.
Item Ioanni Vieliczio diviti et negligenti... ad meas lego amforulas, tunicas et lystvas.
Item Lucae et Simoni fratribus vestem pelliceam, quam Lipsiae habui et pelliceam mantel.
Item Lucae et Simoni zamtova posczyel mchova, pyerzyne wyerschnya y spodnyą, dwye poduscze w glovy male... druga prosta, 2 posevcze czvyeliczove, para yedna czarna zamsovech skor dobra, ktora ze my bel Simon frater daroval, Simoni fratri reddo.
Lucae et Simoni cistas, lectum, mensam et aliam omnem supellectilem do et lego... Lucae et peto obnixe et cum lacrimis, ut pro me indigno, misero homuncione Deum optimum maximum orarent. Ipse vos obtestor, me in unitate ecclesiae mori velle nec unquam volui assentiri haereticis, Deus novit, etiam si me dilacerassent, semper aperte me papistam profitebar. Quod mihi non licuit habere papisticum sacerdotem, Deo confessus sum semper, nam haeretici, qui non sunt missi, absolvere non poterant, quia nemo potest dare, quod non habet. Deus tamen coronat voluntatem, quando non invenit facultatem. Subdo me divinae voluntati, fiat illius sancta voluntas.

Eintragsabschnitt 4 , Seite/Karte in der Quelle: 52

Item habeo mecum Lipsiae decem novem (addidi nunc octo aureos commutatos, erunt ergo numero viginti septem aurei Ungaricales; 27 aurei 40 taleros grossum 1/2 efficiunt) aureos Ungaricales boni et iusti ponderis, quos fratribus lego Lucae et Simoni, ut partem sibi accipiant, partem etiam pro anima mea dispensent et pauperibus.
Consulibus Leopoliensibus lego Anatomiam Vesalii in folio, item Luminare maius cum Myrepso et tabulas Syntaxis medicinae, quos libros volo, ut in sacello consulum retinerent et catenulis ferreis ad scamna lignea allegarent, alias non. Ioanni Leopoliensi tela Coloniensis detur, ligna mea in calaria accipiat.
Item rogo, orate omnes doctores, magistros et alios, ut si eos verbo vel facto laeserim, ut mihi ob nomen Iesu Christi condonarent.
Item Bibliothecae Maioris Domus lego scriptum libellum Anatomiae compendiosum, quem scio nec Italos habere talem, hunc loco munusculi singularis lego; hunc in cista Servavi Semper (potest per aliquem studiosum pulchre describi mea pecunia et pulchre ligari alba cute et in catenula in bibliotheca ligari nam non est comunal (s); potest et huic addi in membrana consutus libellus Quaestionum medicarum partim excussarum, partim scriptarum. Vellem, ut etiam nostri non ignari sint compendiorum reliquarum academiarum. Si vixissem, volebam Deo adiuvante iuventuti ex animo prodesse et absentiam istam magna diligentia sarcire, sed tamen hoc est adhuc in manu Dei.
Simoni fratri germano sortem meam ex patrimonio lego et dono; si ille mortuus fuisset, Lucae omnia lego, quae illi legaveram.
Hec volo esse rata et firma. Violatorem puniat Deus anima et corpore et in mense post mortem meam respondebit Deo. Hoc non propter vos addo viros graves et iustos, sed ne alii testamentum perriperent.
Ioanni Leopolitano Maioris Collegii Cracoviensis Collegae vel Lucae Leopolitano notario castri Zidaczouiensis, fratri meo charissimo.

Bemerkungen zum Eintragsabschnitt:
(Ex archetypo chartaceo. — Nr. Archiv. Univ. 12616).