Blick im Eintrag über Funktionen/Ämter/Beschäftigungen

Eintragsabschnitt 1 , Seite/Karte in der Quelle: 5

In nomine Domini amen. Per hoc praesens publicum instrumentum cunctis pateat evidenter et sit notum, quod anno a Nativitate eiusdem millesimo quingentesimo octuagesimo, indictione octva, pontificatus sanctissimi domini nostri domini Gregorii, divina providentia papae XIII, anno ipsius nono, die vero Jovis prima mensis Septembris, hora 19 horologii integri in cellario sub domo lapidea Contuberni Pauperum in platea Vistulae in acie sita, in praesentia venerabilium magistrorum Petri Gorcinii, Martini Slachciny, Petri a Lodzia, Collegii Minoris collegarum, a magnifico domino Universitatis rectore ad hunc actum deputatorum et mei notarii publici atque testium infrascriptorum praesentia, constituta personaliter honesta Dorothea Raiouua, licet aegra corpore, sana tamen mente et rationis bone compos, non compulsa nec coacta, sed sponte ac libere animo bene deliberato suo aliorumque consilio salubri usa, omnibus melioribus modo, iure, forma, via, stillo az consuetudine, quibus melius et efficatius potuit et de iure debuit potestque et debet, fecit et condidit testamentum seu ultimam voluntatem suam testamentariam modo et ordine infrascripto. Cuius quidem ultimae voluntatis suae testamentariae exequutores et fidei commissarios nominavit, elegit et deputavit: venerabiles et egregios viros ac dominos Adamum Wrzesnensem, Contuberni Pauperum seniorem, Clementem Crupium Wieliczensem et Petrum Gorczinium magistros et collegas Minoris Collegii, ibidem praesentes, et onus huiusmodi illius postulationi annuentes in se acceptantes generales et speciales, generali per speciem non derogantes nec e contra deditque iliis facultatem omnimodam res omnes mobiles, quocunque nomine censeantur, post mortem suam derelictas fideliter dispensadi, distribuendi et inter legatarios dividendi. In primis itaque praedicta Dorothea Raiouua animam suam peccatricem Domino Deo commendavit, funeri autem sito sepulturam elegit in ecclesia sancti Francisci et rogavit dominos exequutores, ut quemadmodum in confessione fidei et religionis catholicae orthodoxae vixerat et toto curriculo vitae suae perseveravit ita etiam honeste funus illius expediant. Deinde recognovit praefata Dorothea testatrix se habere mutui debiti florenorum sexaginta in moneta Polonicali, triginta grossos in quemlibet florenum computando, apud famatum olim Albertum Bularni et eius uxorem legittimam relictam Barbaram. Quam summam pecuniae chirographo suo praefatus olim Albertus assecuravit. De qua pecunia legavit pro expeditione funeris sui florenos decem in moneta, quos domini exequutores ad rationem eiusdem principalis summae levabunt, et residuum pecuniae non repetent neque exigent praedicti exequutores, nisi infra unius anni spacium ab ipsa domina Barbara relicta, ne per exactionem eiusdem pecuniae aggravata esse videatur. hacque exacta et percepta postea legavit eam debere convertendam tum in balneas pauperibus parandas, tum in pios usus et eleemosinas pauperum. Praeterea recognovit et testata est praefata testatrix, quod apud Ambrosium Sternaczki dictum Brosi, civem et sutorem Casimiriensem et Cracoviensem, habet etiam

Eintragsabschnitt 2 , Seite/Karte in der Quelle: 6

mutui debiti florenorum quinquaginta, numeri et monetae praedictae. Quam pecuniam legavit et assignavit per decem marcas pecuniae Polonicalis singulis dividendas tribus honestis: Dorotheae famulae suae, Reginae et Margaretae ex sororibus suis filiabus, residuum vero convertendum erit in pios usus. Quam pecuniam tenetur idem debitor numerare et reponere post festum sancti Michaelis Archangeli [29 IX] anni praesentis proximum, super quam chirographum illius habetur apud eandem testatricem. Insuper recognovit praedicta Dorothea testatrix se etiam habere debiti apud honestam Barbaram Vincentii Fabri ferrarii florenorum triginta, monetae Polonicalis, quod debitum est per eam recognitum et inscriptum in actis certis iudiciariis Cracoviensis eoque exacto domini exequutores secundum arbitrium suum dispensabunt. Item recognovit quendam Cothwicz, canonicum Glogowiensem, sibi tenere florenos sex cum medio in moneta Polonicali. Pro quo debitore venerabilis dominus Cornius, canonicus Wratislawiensis, fideiussit et bona fide solvere eundem promisit. Item apud Bartholomeum, baccalaureum Leopoliensem, recognovit habere florenos quatuor et grossos decem sibi per eum retentos neque hactenus solutos. Item recognovit quendam virum Kuklia hortulanum de Bieliani retinere sibi marcam pecuniae in moneta usuali. Similiter quoque Joannem Fabrum Almanum, studiosum Cracoviensem, marcam pecuniae recognovit sibi debere. Deinde praedicta Dorotea testatrix testata est se commodasse domino Vrbano Germano, studioso Cracoviensi, manenti in Contubernio Iurisperitorum, quinque pulvinaria cum duobus tegumentis alias z dwoią powloką. Similiter apud alium Germanum, quem ipse dominus Vrbanus novit et compertum habet, in eodem Contubernio manentem, tria plumatica, pro quo idem Vrbanus fideiussit et veluti principalem se statuit. Tandem sepedicta Dorothea testatrix recognovit se habere apud venerabilem dominum Adamum Vrzesnensem, seniorem Contuberni Pauperum, octo cochlearia argentea inpignorata in quatuor florenos monetae Polonicalis. Item praefata testatrix falsa est unum cochlear esse apud quondam mulierem dictam Poznanka, invadiatum in uno floreno monetae Polonicalis, primo quoque tempore ab executoribus redimendum. Deinde recognovit circa se habere alia tria cochlearia argentea, quae iussit vendere et pecuniam in pauperes et debita, si quae ab ea fuerint contracta errogare. Item praedicta testatrix legavit duoabus sororibus suis: uni Barbarae scilicet Dutkowa, in Vsczie degenti, unam vestem dictam kithlicza krolikowymi pellibus brzuszkami subductam, alteri vero Faelici Mazurowa szewczowa, Cracoviae degenti, vestem harasowa pellibus vulpinis subductam. Ab aliis autem omnibus rebus easdem sorores ac alios quisvis consanguineos et amicos suos removit, nec rerum suarum participes et successores esse voluit. Item praefata testatrix recognovit se habere varias res mobiles, videlicet vestes, pulvinaria et supellectilem tam cupream, quam etiam stanneam etc. Quas quidem omnes res praedictas legavit et aequali sorte dividendas mandavit inter praedictas honestas Dorotheam, Reginam et Margaretam, dempto tamen chaldeari cupreo, quod ipsimet Dorotheae famulae suae de Brzesko de se bene meritae legavit, et vestem dictam giermak odziewalnyb coloris nigri utersim iam aliquantulum attritam. Item Francisco puero praedictae Dorotheae legavit omnes libros apud se iam dudum inpignoratos, nec hucusque exemptos. Item recognovit praenominata testatrix, quod Mathiae introligatori, qui eandem occasione cuiusdam debiti coram seniore Contuberni Pauperum in iudicium vocaverat nil tenet, necque etiam debet. Deinde praedicta testatrix recognovit se debere censum Contuberni Pauperum pro duabus quadrantibus marcas duas monetae et numeri Polonicalis. Demum praefata testatrix fidei dominorum executorum commissit, ut reliqua debita ex chirographis quomodolibet se concernentia ab illius debitoribus, quacunque possent ratione, exiguunt et secundum arbitrium suum pecuniam exactam dispensent Super quibus omnibus et singulis

Eintragsabschnitt 3 , Seite/Karte in der Quelle: 7

praemissis praefata testatrix petiit sibi a me notario publico unum vel plura publicum seu publica instrumentum seu instrumenta conficciendo confecta extradi prout extradidi. Acta sunt haec Cracoviae, anno, indictione, die, mense, hora, loco, quibus supra. Praesentibus tunc ibidem venerabilibus et discretis dominis |-Martino Sliachczinski-| <Blasio Golniensi, Alberto Sierpczio> magistris Minoris Collegii collegis, Caspare Clepardiensi, Caspare Cobylnensi, artium baccalaureis, et Andrea Jagielski, studioso Contuberni Pauperum, testibus ad praemissa vocatis et rogatis.