Full view of a note about event related to education stage and academic degree

Note fragment 1 , Page/tab number in the source: 328

1500. Die Iouis xxix (30 et 31)Decembris. Stanislaus, sapiencia, Vniuersitatis seruitor, retulit, quod ad instanciam Iohannis,

Note fragment 2 , Page/tab number in the source: 329

baccalarij de Swijerzino, et Stanislai de Gedrovyecz, tanquam procuratorum Georgij de Dokvdowo, lesi, cittauit infrascriptos: Stanislaum de Lamberg, Ieronimum de Legnycz, Iohannem de Nissa, Stanislaum de Nissa, Iohannem Bagrel, Cristoferum de Strigonia, Andream de Wratislauia, Ieronimum de Legnycz. In crastino Innocentum idem procuratores in presencia domini proposuerunt contra dictos cittatos, quod vehementem habent suspicionem contra eos, quod Georgius de Dokudowo, prenominatus, aut sit per eos letaliter lesus, aut saltem quod aliqui ex eis sint, qui sciunt, quis eum leserit, aut quod aliqui ex eis fuerint cum ipsis percussoribus, dantes eisdem vel eidem consilium et auxilium. Illi autem, audita proposicione, negauerunt narrata, prout narrantur. Et dominus decreuit, eos examinandos per iuramentum, et testes admisit inducere contra eosdem et contra quoscunque alios, qui hoc fecissent. Et inducti sunt pro prima dilacione, quidam pro altera, alijs et pro tercia5 datur eis6 dilacio:
Stanislaus de Lamberk requisitus, si lesit, dicit, quod non; super hoc quesitus, si fuit inter percucientes, respondit non; quesitus, si sciret percucientem, respondit, se nescire; quesitus, si daret ad hoc consilium vel colloqueretur cum aliquibus ad hanc percussionem, respondit, quod non. Et inter cetera dixit, passim scrire vel non scire. — Ieronimus de Legnijcz quesitus, si percusisset, respondit, quod non; quesitus, si sciret percucientem, respondit, non; quesitus, si fuit in numero pereuciencium, respondit ad omnia per non. — Iohannes de Nissa quesitus ad supradicta, respondit ad omnia per non, preter hoc, quod cum querebatur, si sciret percucientem, dicebat, se nescire sed audire, quod quidam dicebant, quod sutores percusserint, alij, quod de noua bursa seruitores, alij, quod de bursa Ierusalem. — Stanislaus de Nissa requisitus ad omnia supradicta, respondit ad omnia per non, et tunc esse6 in bursa. — Andreas de Wratislauia requisitus ad supradicta, respondit, se nihil scire. — Iohannes de Lamberk requisitus de supradictis, ad omnia dixit, se nihil scire. — Cristoferus de Strigonia requisitus de supradictis, respondit ad omnia per non. — Ieronimus de Legnijcz requisitus de supradictis, ad omnia dixit per non. — Nicolaus de Kawno requisitus, si quid scriret, respondit, quod non, audiuit tamen ab vno, scilicet ab Andrea de Wratislauia, quod fuit inter eos. — Bartholomeus de Schijdlow requisitus, inter cetera dixit ad principalia, se de illo scire preter id, quod audiuit ex Ieronimo de Legnijcz, qui dixit, non fuisse eos sedecim, qui percusserunt, sed solum octo, qui dicens, quod tantum sunt octo, dixit, se audiuisse istud ab alio. — Iohannes de Karnkow inquisitus ad omnia superiora, respondit ad omnia per non, excepto hoc, quod a Ieronimo de Legnijcz audiuit cum precedenti conteste dici, quod non fuerunt in numero plures percussores, quam octo, subiungens idem Ieronimus, se hoc audiuisse ab aliquo vel a quodam, qui aliqualiter hoc scit. — Erasmus de Cracouia requisitus, ad omnia dixit, se nihil scire. — Venceslaus de Glocz requisitus, dixit, se de omnibus nihil

Note fragment 3 , Page/tab number in the source: 330

scire. — Petrus de Wratislauia requisitus, ad omnia dixit, se nihil scire. — Paulus de Posnania requisitus, an percusisset, dixit, quod non; quesitus, an fuisset in numero percuciencium, respondit, quod non, hoc tamen inter cetera dixit, quod ante terciam horam rediens in bursam Ierusalem, invenit plures, quinque numero vel sex, custodientes aliquem, inter quos Stanislaum de Lamberk tamen notauit, ad quem quidam de numero illorum dixit in almanico »Maguc kum her«, id est, veni huc, et cito post iam exiens, in bursa audiuit, quod Georgius1 de Lithwania sit lesus. — Iohannes Sommerfelt quesitus de premissis, similiter de singulis, de nullis, dixit, se scire, preter hoc, quod feria tercia die s. Iohannis Evangeliste2, quando iste lesus est, dixit, quod ad eum veniret Stanislaus de Lamberk, dicens, quendam esse lesum et se in tumultu illo fuisse presentem cum ledentibus, de alijs autem, dixit, sibi non constare.
Mgr. Laurencius de Nouo foro cauit pro tribus, scilicet Ieronimo de Legnijcz et pro altero Ieronimo de Legnijcz et pro Stanislao de Nissa, quod debent parere iuri dni rectoris, sub pena decem marcarum, quam se obligauit soluendam, si quis illorum discederet. Mgr. Iohannes Somerfelt cauit pro Stanislao de Lamberk, quod debet parere iuri dni rectoris, sub pena 4or marcarum. Mgr. Iohannes de Glogouia cauit pro Iohanne Bagrel3, pro Cristofero de Strigonia et pro Iohanne de Nissa, quod debent parere iuri dni rectoris, sub pena decem marcarum. Mgr. Iohannes de Oszwijaczijm cauit pro Andrea de Wratislauia. Primus testis Bartholomeus de Schijdlow, secundus testis Iohannes de Karnkow, tercius testis Nicolaus de Kawno.