Full view of a note about event related to education stage and academic degree

Note fragment 1 , Page/tab number in the source: 111

CCCLVIII. Nicolaus Bedlenski Scholasticus et Vicarius in spiritualibus generalis Cracoviensis, fundationem altaris tituli S. Ioannis ante Portam Latinam, in ecclesia cathedrali Cracoviensi, in pristinum statum restituit, illamque pro beneficio perpetuo Senioris Bursae Canonistarum declarat, atque Sigismundum de Stenżyca ad eandem altariam investit.
Cracoviae, Anno 1532, die 26 mensis Octobris.

Note fragment 2 , Page/tab number in the source: 111

Nicolaus Bedlenski Scholasticus et reverendissimi in Christo patris et domini, domini Petri Dei gratia Episcopi Cracoviensis et Regni Poloniae Vicecancellarii Vicarius in spiritualibus generalis Cracoviensis, Iudexque commissarius ac unicus exequutor ad infrascripta per reverendissimum in Christo patrem et dominum, dominum Petrum Dei gratia Episcopum Cracoviensem et Regni Poloniae Vicecancellarium specialiter datus et deputatus, honorabilibus vicariis seu chori hebdomadariis ecclesiae cathedralis Cracoviensis, seu illi vel illis, ad quem vel ad quos communiter vel divisim, receptio vel inductio altaristaruum in ecclesia cathedrali Cracoviensi de iure vel consuetudine spectat et pertinet, salutem in Domino, et nostris, imo verius praefati reverendissimi domini Episcopi Cracoviensis firmiter obedire mandatis. Noveritis nos literas commissionis una cum literis citationum Cridae, sub titulo et sigillo reverendissimi domini Petri Dei gratia Episcopi Cracoviensis et Regni Poloniae Vicecancellarii, in papyro scriptas, sanas, salvas et integras, non vitiatas, non cancellatas, nec in aliqua parte sui, prout in earum prima facie apparebat, suspectas, sed omni prorsus vitio et suspicionis nota carentes, nobis pro parte venerabilis domini Sigismundi de Stanzicza Decretorum Doctoris, altaristae Premisliensis, principalis in literis commissionum nominati, exhibitas et productas, nos cum ea, qua decuit, reverentia, quarum tenor inferius est insertus, recepisse. Post quarum quidem commissionis et citationis in vim Cridae literarum praesentationem, et per nos receptarum, comparuit coram nobis praefatus venerabilis dominus Sigismundus de Stanzicza Decretorum Doctor, principalis, reproductis huiusmodi literis sub titulo memorati reverendissimi Episcopi Cracoviensis debite executis, accusavit contumaciam omnium et singulorum citatorum sua communiter vel divisim ad altare tituli et invocationis Sancti Ioannis ante Portam Latinam, secundi ministerii, in eclesia cathedrali Cracoviensi situm, interesse putantium, petens eos quoad actum et terminum praesentem contumaces reputari, et in eorum contumaciam privilegium seu ordinationem secundam eiusdem altaris Sancti Ioannis ante Portam Latinam, in ecclesia maiori Cracoviensi, per reverendissimum olim Ioannem Conarski Episcopum Cracoviensem, de Anno Domini Millesimo Quingentesimo decimo nono, die prima mensis Iunii, ante omnia retractari, cassari, annullari et mortificari, manualitatemque atque amovibilitatem

Note fragment 3 , Page/tab number in the source: 112

eiusdem altaris perpetuo extingui, primamque ordinationem seu privilegium praedicti altaris Sancti Ioannis ante Portam Latinam, in ecclesia maiori Cracoviensi, per reverendissimum olim Fredericum eadem gratia Electum et confirmatum Cracoviensem, de Anno Domini Millesimo Quadringentesimo nonagesimo primo factam, in omnibus illius punctis, conditionibus et clausulis universis, semota illius manu- alitate, etiam cum titulo et censu ac redditibus universis, per Seniorem Bursae dominorum Canonistarum modernum et pro tempore existentem de caetero et amodo haberi et possideri, in pristinumque statum primae fundationis et erectionis iterum reponi ac restitui, Seniorique Bursae praedictae perpetuo incorporari et inviscerari, et hoc idem altare in titulum et beneficium ecclesiasticum perpetuum, cassata et revocata illius manualitate, assignari; ac post huiusmodi eiusdem altaris primae ordinationis restitutionem et secundae cassationem per nos fiendam, se ad praesentationem venerabilium dominorum Stanislai Byel Sacrae Theologiae Professoris, Canonici Cracoviensis, Rectoris, Doctorumque et Magistrorum Universitatis Studii generalis Cracoviensis et dicti altaris Sancti Ioannis ante Portam Latinam, secundi ministerii, in ecclesia maiori Cracoviensi siti, patronorum et collatorum unicorum, debita cum instantia institui et investiri, ac sibi de eodem altari provideri, petiit et postulavit. Nos vero Nicolaus Bedlenski Scholasticus, Vicariusque in spiritualibus generalis Cracoviensis, Iudex commissarius et executor ad praemissa unicus datus et deputatus, in contumaciam omnium et singulorum in literis Cridae una cum commissione inserta, citatorum non comparentium, neque contra praemissa quidquam dicere seu opponere curantium, attendentes, quod ultima voluntas testatoris modis omnibus, imo pro lege servanda est; volentesque honorabilis olim domini Nicolai de Comprouincia ultimam voluntatem seu ordinationem pro debito officii nostri iterum ad pristinum suum statum reducere: imprimis et ante omnia privilegium seu ordinationem primam altaris tituli et invocationis Sancti Ioannis ante Portam Latinam, in ecclesia maiori Cracoviensi siti, per reverendissimum olim Fredericum Dei gratia protunc Electum confirmatum Cracoviensem factum, cuius quidem privilegii primi tenorem praesentibus pro inserto et expresso de verbo ad verbum habere volumus et decernimus, de consensu venerabilium dominorum Doctorum, Magistrorum Universitatis Studii generalis Cracoviensis, in literis praesentationum facto, in omnibus illius punctis, conditionibus et clausulis universis in pristinum statum restituimus et reducimus, illamque confirmamus, canonisamus, renovamus, dictumque altare amodo et peramplius non manuale, sed beneficium perpetuum ecclesiasticum esse decernimus, illudque pro Seniore Bursae dominorum Canonistarum, cum omnibus et singulis eiusdem altaris censibus et redditibus universis, inhaerendo priori ordinationi et erectioni, ascribimus, annectimus et denuo restituimus, manualitatemque et amovibilitatem illius abolemus; nec non privilegium ac ordinationem secundam eiusdem altaris per reverendissimum olim dominum Ioannem Conarski, ex certis respectibus cassamus, annullamus, mortificamus, ac in toto de consensu et voluntate venerabilium domiminorum Doctorum et Magistrorum Universitatis Studii generalis Cracoviensis perpetuo extinguimus, praefatumque venerabilem dominum Sigismundum de Stanzicza Decretorum Doctorum ad hoc idem altare Sancti Ioannis ante Portam Latinam, ad praesentationem venerabilium dominorum Stanislai Byel Rectoris, Doctorumque et Magistrorum Universitatis Studii generalis Cracoviensis et dicti altaris.

Note fragment 4 , Page/tab number in the source: 113

patronorum et collatorum unicorum, in contumaciam omnium et singulorum in literis citationum Cridae citatorum non comparentium, neque praemissa impugnare curantium, vigore dictae commissionis in personam nostram obtentae et nobis praesentatae, per manus nostrae capiti suo impositionem instituimus et investimus in Dei nomine per praesentes, curam et administrationem spiritualium et temporalium illius sibi committentes. Quapropter vobis executoribus supradictis in virtute sanctae obedientiae et sub excommunicationis poena mandamus, quatinus dum et postquam per praefatum venerabilem dominum Doctorem Sigismundum alta- ristam fueritis requisiti, seu alter vestrum fuerit requisitus, ipsum vel eius procuratorem legitimum suo nomine, visis praesentibus, in et ad realem, actualem et corporalem dicti altaris Sancti Ioannis ante Portam Latinam, in ecclesia maiori Cracoviensi siti, possessionem inducatis ac induci et poni faciatis, facientes sibi et nemini alteri de omnibus et singulis dicti altaris proventibus, censibus et redditibus universis, de more et consuetudine ad ipsum altaristam seu Seniorem Bursae Canonistarum spectantibus, plenarie et integre responderi, et vos ipsi, quantum in vobis est, respondeatis. Tenor vero dictarum literarum commissionis sub titulo et sigillo reverendissimi domini Petri Dei gratia Episcopi Cracoviensis, de quibus supra fit mentio, de verbo ad verbum sequitur et est talis:

Note fragment 5 , Page/tab number in the source: 113

„Petrus Dei gratia Episcopus Cracoviensis et Regni Poloniae Vicecancellarius, honorabilibus viris vicariis ecclesiae nostrae cathedralis Cracoviensis, aliisque praesentibus requirendis, salutem in Domino. Noveritis, quod reverendissimus olim dominus Ioannes Conarski Episcopus Cracoviensis, praedecessor noster immediatus, certam ordinationem altaris seu capellaniae Sancti Ioannis ante Portam Latinam, in ecclesia Cracoviensi, factam de consensu venerabilium dominorum Rectoris, Doctorum et Magistrorum Universitatis Studii generalis Cracoviensis, eiusdem altaris unicorum patronorum, certis legitimis rationibus et causis subsistentibus, retractaverat, titulumque eiusdem altaris extinxerat, certamque quotam census ipsi altaristae seu Seniori Bursae Canonistarum ademerat, ac ex perpetuo altarista et Seniore, cui hoc ipsum altare per primum fundatorem ascriptum est, manualem et ad tempus, subsistente causa rationabili, amovibilem reddiderat. Supplicatumque nobis pro parte praefatorum dominorum Rectoris, Doctorum et Magistrorum extitit, quatinus hoc ipsum privilegium per praefatum reverendissimum dominum Ioannem, et illius ordinationem super eius manualitate extingueremus et cassaremus, privilegiumque et ordinationem primam eiusdem altaris in omnibus et singulis clausulis, punctis, rursus, semota illius manualitate, etiam cum titulo et censu ac redditibus universis, per altaristam seu Seniorem Bursae dominorum Canonistarum de caetero tollendis, habendis ac possidendis, restitueremus, in statumque suum pristinum primae fundationis et erectionis poneremus, ac ad hoc ipsum altare, quod Seniori Bursae praefatae Canonistarum extat incorporatum, venerabilem dominum Sigismundum de Stanzicza Decretorum Doctorem, nobis praesentatum, institueremus et investiremus. Nos vero in talibus modum et formam servare solitam cupientes adimplere, nolentesque alicui per nostrum celere immutationis seu institutionis decretum in aliquo praeiudicare, ante omnia nostras citationum in vim Cridae literas contra sua interesse putantes, dandas fore decrevimus, prout damus et decernimus. Quocirca vobis executoribus supradictis in virtute sanctae obedientiae et sub excommunicationis poena mandamus,

Note fragment 6 , Page/tab number in the source: 114

quatinus personaliter accedentes, seu alias per affixionem praesentium in valvis ecclesiae Cracoviensis, omnes et singulos, sua communiter vel divisim interesse putantes, alias ad videndum huiusmodi manualitatem extingui et cassari, ac praefatum altare in titulum et in beneficium perpetuum, illius manualitate cassata, assignari, primamque ordinationem in omnibus et singulis illius punctis et clausulis restitui, ac de eodem altari venerabilem dominum Sigismundum praesentatum instituendum decerni ac institui, citetis, terminum ipsis coram venerabili domino Nicolao Bedlenski Scholastico, Vicarioque in spiritualibus generali nostro Cracoviensi, sexta die ab executione praesentium, si iuridica fuerit, alias prima immediate sequenti, allegaturi causas et rationes, cur praemissa fieri non debeant, ac alia quae iuris fuerint, peti, fieri et decerni compareant; certificantes eos quidem, sive in dicto citationis nostrae termino compareant, sive non, nihilominus ipse dominus Vicarius noster ad ea, quae iuris fuerint et rationis, procedet, contumacia sive absentia citatorum non obstante. Cui quidem domino Vicario nostro praemissa omnia, uti praemissum est, cum omnibus earum emergentiis, dependentiis, annexis et connexis, et cum facultate praedictam manualitatem dicti altaris extinguendi, cassandi, ac de caetero non manuale, sed perpetuum beneficium censeri, ipsumque Doctorem Sigismundum institui et investiri facultatem concedendum et committendum duximus, prout concedimus et committimus praesentibus. Datum Cracoviae, die Saturni, decima nona Octobris, Anno Domini Millesimo Quingentesimo tricesimo secundo, nostro sub sigillo.“

Note fragment 7 , Page/tab number in the source: 114

Tenor autem executionis notae, a tergo earundem literarum Cridae et commissionis contentae, talis est:

Note fragment 8 , Page/tab number in the source: 114

„Anno quo intra, die Solis, vigesima mensis Octobris, ego Martinus de Opolye, ecclesiae cathedralis Cracoviensis perpetuus vicarius, executus sum prae,sens mandatum, omnes et singulos in facie ecclesiae, seu per affixionem in valvis ecclesiae citando, terminumque eis assignado iuxta formam processus.“

Note fragment 9 , Page/tab number in the source: 114

Quae omnia et singula vobis omnibus et singulis, quibus interest, intererit seu interesse poterit quomodolibet in futurum, intimamus, insinuamus et notificamus, ac ad vestram et cuiuslibet vestrum notitiam indubitatam deducimus et deduci volumus per praesentes. In quorum omnium et singulorum praemissorum robur et testimonium, praedictas literas per Notarium publicum et coram nobis causarum scribam, subscribi et publicari, sigillique nostri appensione iussimus communiri. Actum et datum Cracoviae, sub Anno a Nativitate Domini Millesimo Quingentesimo tricesimo secundo, Indictione quinta, die vero Sabbati, vigesima sexta Octobris, Pontificatu sanctissimi in Christo patris et domini nostri, domini Clementis divina providentia Papae septimi, anno ipsius nono. Praesentibus ibidem venerabili et honorabili ac discretis viris dominis Gregorio de Schamotuly Deretorum Doctore, Praeposito in Nyedzwyedz, Simone de Calisch in Bolyechowicze plebano, et Stanislao de Cleparz alias Crabuss, testibus ad praemissa vocatis et rogatis.

Note fragment 10 , Page/tab number in the source: 114

(.L. S. n.) Et ego Marcus Mathiae de Curzelow, clericus diocesis Gnesnensis, sacra apostolica auctoritate Notarius publicus et coram memorato reverendo patre domino Nicolao Bedlenski Scholastico, Vicarioque in spiritualibus generali Cracoviensi, causarum scriba, qui praedictis omnibus et singulis praemissis una cum praenominatis testibus praesens

Note fragment 11 , Page/tab number in the source: 115

interfui, eaque sic fieri vidi et audivi, ac in notam sumpsi: ideo praesentes literas investiturae, manu alterius fideliter scriptas, exinde confeci et in hanc publicam formam redegi, signoque et nomine meis solitis et consuetis, una cum memorati domini Vicarii generalis Cracoviensis sigilli appensione, consignavi et communivi, in fidem, robur et testimonium omnium et singulorum praemissorum, rogatus et requisitus.

Comment to note fragment:
(Ex archetypo membranaceo, cum sigillo cereo rubro, taeniola membranacea appenso. Sigillum defert scutum cum stemmate Wieniawa dicto, atque hac in ambitu inscriptione literis maiusculis italicis exarata: S. NICOLAI DE BEDLNO. CANON. ET VICA. CRAC. — Nr. Archiv. Univ. 9307.)