Full view of a note about event related to education stage and academic degree

Note fragment 1 , Page/tab number in the source: 215

CCCIV. Literae notariales, Sententiam interlocutoriam per Laurentium de Ostrow Decanum Vielunensem, Iudicem commissarium, in causa Magistrorum Universitatis studii Cracoviensis contra Nicolaum de Kurozwanki Palatinum Lublinensem, ratione retenti census annui ex villa Lucianowice, latam, in se
continentes.
In Vielun, Anno 1504. die 7 mensis Februarii.

Note fragment 2 , Page/tab number in the source: 215

Laurentius de Ostrow Decanus Vyelunensis, Iudex appellationis et commissarius ad infrascripta, una cum certo in hac parte collega, cum illa clausula: Quodsi non ambo etc. auctoritate reverendissimi in Christo patris domini Petri miseratione divina tituli Sancti Ciriaci in Thermis sacrosanctae Romanae Ecclesiae Presbyteri Cardinalis, sanctissimi olim in Christo patris et domini nostri, domini Alexandri divina providentia Papae sexti, ac ipsius, dictaeque Sedis in Regno Poloniae, Ungariae, Bohemiae, Russiae, Livoniae, Lithwaniae, Valachiae, Sleziae etc. cum potestate Legati de latere, causae et partibus infrascriptis specialiter datus et deputatus, venerabilibus et egregiis dominis Sigismundo de Thargovyska Decretorum, et Mathiae de Grodzysko Medicinae, Doctoribus, Canonicis ecclesiae cathedralis Cracoviensis, Iudicibus Sedis Apostolicae, a quibus, fratribus dilectis, universisque et singulis dominis Abbatibus, Prioribus, Praepositis, Decanis, Archidiaconis, Scolasticis, Cantoribus, Thesaurariis, Custodibus, Sacristis tam cathedralium quam collegiatarum metropolitanae Gneznensis et Cracoviensis, Canonicis, parochialiumque ecclesiarum rectoribus seu loca tenentibus, earundemque plebanis, viceplebanis, capellanis, curatis et non curatis, vicariis perpetuis, altaristis, caeterisque presbyteris, clericis, Notariis et Tabellionibus publicis quibuscunque per civitatem et diocesim Cracoviensem ac alias ubilibet constitutis, et eorum cuilibet in solidum, ad quem vel ad quos praesentes nostrae literae pervenerint, salutem in Domino cum debita et apostolicorum mandatorum obedientia, et nostris imo verius apostolicis et praefati reverendissimi domini Cardinalis de latere signanter obedire mandatis. Noveritis nos iam dudum literas commissionis vigore appellationis

Note fragment 3 , Page/tab number in the source: 216

praefati reverendissimi domini Cardinalis, in pargameno scriptas, eiusque sigillo oblongae figurae, intus de cera rubea, ab extra vero ferro albo cooperto, in cordula rubea subappendente, sigillatas, sanas, salvas, integras, non vitiatas, nec in aliqua parte sui suspectas et omni vitio prorsus carentes, in exorta dudum coram diversis Iudicibus, tam ordinariis, quam a Sede Apostolica causa appellationis inter magnificum dominum Nicolaum de Curozwanky Palatinum Lublinensem principalem in eisdem literis nominatum ex una, et venerabiles ac egregios dominos Doctores et Magistros Collegii maioris Artistarum Studii Cracoviensis partibus ex altera, pro de et super certo censu annuo duodecim marcarum in vim reemptionis de villa Luczyanovycze ipsis dominis Doctoribus solvi consueto singulis annis, et eorum occasione suscitata materia questionis et appellationis, nobis praesentatas, cum ea qua decuit, reverentia recepisse huiusmodi sub tenore:

Note fragment 4 , Page/tab number in the source: 216

„Petrus miseratione divina tituli Sancti Ciriaci in Thermis sacrosanctae Romanae Ecclesiae Presbyter Cardinalis, Regna ad Ungariae, Bohemiae et Poloniae, nec non Prussiam, Russiam, Liuoniam, Lithwaniam, Valachiam, Sleziam, Lusatiam, Moraviam, Transilvaniam, Sklavoniam, Dalmatiam, Croatiam, Corbaviam et Moscoviam, omnesque et singulas illarum et Regnorum praedictorum provincias, civitates, terras atque loca illis subiecta et alia eis adiacentia, Apostolicae Sedis Legatus, dilectis nobis in Christo Abbati monasterii Schulyeoviensis ordinis Cisterciensis, et Decano ecclesiae collegiatae Sancti Nicolai Vyelunensis, Gneznensis diocesis, salutem in Domino sempiternam. Humilibus supplicum votis libenter annuimus, eaque favoribus prosequimur. Exhibita nobis nuper pro parte dilecti nobis in Christo nobilis viri Nicolai de Curozwanky Palatini Lublinensis, domicelli, petitio continebat: quod orta lite et causa, seu litis et questionis materia, coram dilectis nobis in Christo Sigismundo de Thargowyska et Mathia de Grodzysko Canonicis Cracoviensibus, Iudicibus auctoritate apostolica deputatis, inter Doctores, Magistros et scolares Maioris Collegii Cracoviensis, actores ex una, et dilectum Nicolaum et suos litis consortes conventos, de et super quibusdam rebus et bonis in actis causae huiusmodi latius deductis et illorum occasione, partibus ex altera, ipsi Iudices quibusdam exceptionibus relevantes et probabilibus fori declamatoriis pro parte dicti Nicolai productis, per eos saltem tacite reiectis, se Iudices competentes et ad ulteriora in causa procedi debere, per quandam eorum praetensam interlocutoriam sententiam iniquam pronuntiaverunt et mandaverunt. A qua quidem sententia quamvis fuerit pro ipsius Nicolai parte ad Sedem Apostolicam appellatum, ipse tamen Nicolaus certis impedimentis praepeditus dictam appellationem infra tempus debitum minime prosecutus extitit. Quare idem Nicolaus nobis humiliter supplicari fecit, sibi per nos super his de opportuno remedio provideri. Nos igitur per literas apostolicas ad hoc sufficienter muniti, auctoritate apostolica, qua fungimur in hac parte, discretionibus vestris committimus: quatenus ad se vocatis dictis Doctoribus, Magistris et scolaribus, aut eorum legitimo procuratore, de impedimento legitimo si vobis constiterit, quod iustum fuerit, de et super confirmatione vel infirmatione dictae sententiae decernatis, facientes quod decreveritis, per censuram ecclesiasticam auctoritate nostra, appellatione postposita, firmiter observari, dictumque Nicolaum et eius litis consortes, si post huiusmodi appellationem per eosdem Iudices excommunicatus fuerit, prout iuris fuerit, absolvatis. Testes autem qui nominati fuerint, si

Note fragment 5 , Page/tab number in the source: 217

se odio, gratia vel favore subtraxerint, ad perhibendum testimonium veritati, auctoritate et censura similibus compellatis. Quodsi non ambo his exequendis potueritis interesse, unus vestrum ea nihilominus exequatur, lapsu temporis huiusmodi ac felicis recordationis Bonifacii Papae octavi de una et duabus dietis in Concilio generali edita, dummodo aliquis vigore praesentium ultra tres dietas ad iudicium non trahatur, et aliis constitutionibus et ordinationibus apostolicis, caeterisque contrariis non obstantibus quibuscunque. Datum Budae Vesplimensis diocesis, sub nostro solito sigillo, Anno Incarnationis Dominicae Millesimo Quingentesimo tertio, Decimo quinto Calendas Iulii, Pontificatus sanctissimi in Christo patris et domini, domini nostri Alexandri divina providentia Papae sexti anno undecimo.“

Note fragment 6 , Page/tab number in the source: 217

Nos itaque Laurentius de Ostrow Decanus Vyelunensis, apostolicus commissarius praefatus, volentes huiusmodi apostolicis et praefati domini Legati de latere parere mandatis, iuxta earundem literarum vim, formam, continentiam et tenorem, reverenter ut tenemur in hac parte obedire, ad earundem literarum et in eis contentorum executionem, omnesque alios singulos actus in huiusmodi causa et causis necessarios et opportunos, in quantum potuimus, successive, sicut nobis expedire, rationique consonum videbatur, rite et legitime procedere: ad ipsius magnifici domini Nicolai Palatini Lublinensis principalis appellantis, in inserta nobis facta commissione principaliter nominati, instantiam, in primis nostras patentes citationum literas una cum inhibitione contra et adversus venerabiles dominos Doctores et Magistros Maioris Collegii Artistarum Studii Cracoviensis generalis, ex adverso principales appellatos, omnesque alios et singulos sua communiter vel divisim interesse putantes, ad dicendumque et opponendum, quidquid verbo vel in scriptis contra praedictam nobis praesentatam commissionem et nostram iurisdictionem ac appellationem ipsius domini Nicolai Palatini dicere seu opponere voluissent, dandas fore decrevimus, ipsosque citari et evocari fecimus ad certum terminum peremptorium competentem. Quo quidem citationis termino adveniente, coram nobis iudicio pro tribunali praesidente, ad introductionem causae huiusmodi vigore appellationis a certis gravaminibus memoratorum dominorum Sigismundi et Mathiae Canonicorum Cracoviensium ac Iudicum Sedis Apostolicae, ac occasione duodecim marcarum census annui ipsis dominis Doctoribus et Magistris Universitatis Cracoviensis de villa Luczyanovycze Cracoviensis diocesis, per ipsum magnificum dominum Nicolaum Palatinum praefatum singulis annis solvi consuetum et a multis annis retentum, comparens personaliter discretus Stanislaus de Gorzkovycze plebanus, procurator legitimus ipsius domini Nicolai Palatini, de cuius procurationis mandato apud acta causae per legitima constat documenta, repetitis appellatione cum aliis instrumentis duntaxat verbo, oblataque citatione debita executa, ab auditorio nostro emanata et de mandato nostro ac collegae nostri in hac parte sigillata, petivit nos, non obstante absentia collegae nostri vigore clausulae: Quodsi non ambo etc., et eiusdem appellationis partis suae ac commissionis ipsius domini Legati, se iudicem causae et partibus pronuntiari competentem, ac ipsum magnificum dominum Nicolaum Palatinum a progressu dominorum Sigismundi de Thargovyska et Mathiae de Grodzysko Iudicum commissariorum Sedis Apostolicae absolvi, in praesentia venerabilis Magistri Mathaei de Boleslavyecz altaristae in ecclesia cathedrali Cracoviensi, dictorum dominorum Doctorum et Magistrorum

Note fragment 7 , Page/tab number in the source: 218

legitimi procuratoris, de cuius procurationis onere a simili apud acta causae huiusmodi per legitima constat documenta; cui comparenti citra approbationem iurisdictionis nostrae terminum dandum contra appellationem ac commissionem, nostramque iurisdictionem statuimus competentem. Veniente itaque termino huiusmodi, idem Magister Mathaeus procurator exceptiones fori declinatorias fecit realiter et in scriptis exhibuit, petens easdem per nos admitti ad probandum, in praesentia dicti Stanislai de Gorzkovycze ipsius domini Nicolai procuratoris ad hoc citati specialiter, terminum suscipientis ad dandum contra, prout de iure, ad octavam. Tandemque ipso termino adveniente, idem procurator domini Palatini praefati nihil fecit, neque exceptionibus dominorum Doctorum pro parte ipsorum productis contradixit. Magistro Mathaeo de Boleslavyecz procuratore dominorum Doctorum, nihilominus diligentias suas faciente et accusante contumaciam ipsius magnifici domini Nicolai etc. et in ipsius ac sui procuratoris petente admitti per nos ad probandum suas exceptiones: nos tandem praefato procuratore domini Palatini praefati ultra horam solitam Vesperorum diutius expectato, in contumaciam ipsius et sui principalis, exceptiones ipsorum dominorum Doctorum et Magistrorum, nemine impugnante, tanquam veras et legitimas admisimus ad probandum infra certum terminum competentem, literasque compulsoriales, aliosque processus opportunos contra Iudices primae instantiae ac Notarios et scribas ipsorum, aliosque detentores iurium et processuum ipsorum dominorum Doctorum, pro parte ipsorum spectantes, dandum fore decrevimus et dedimus. Ubi tandem die Veneris xxij mensis Decembris obtulit se discretus Iohannes de Opathow clericus Cracoviensis diocesis, habens certa iura et acta primae instantiae spectantia ad causam dictorum Doctorum et Magistrorum, quem per certum executorem, videlicet dominum Martinimi de Lanczna vicarium perpetuum ecclesiae Vyelunensis, compulimus ad reponendum coram nobis iudicialiter, nostrasque citationum literas per publicum edictum contra ipsum magnificum dominum Nicolaum et suum procuratorem praefatum praemisimus ad petitionem ipsius Magistri Mathaei procuratoris dominorum Doctorum, ad videndum produci iura, acta acticata et alias certas probationes, videndumque iurari portitorem de fidelitate, et ad videndum recognosci manum Notarii publici ipsam auscultantis, dicendumque et opponendum contra ipsam, quidquid verbo vel in scriptis dicere vel opponere voluissent. Ubi tandem in termino praefato per nos assignato partibus, nemine comparente pro parte dicti domini Nicolai Palatini, ad instantiam et petitionem Magistri Mathiae procuratoris dominorum Doctorum ipsa iura, acta auscultata et recognita per testes iuratos ad hoc citatos, et alias probationes coram nobis productas admisimus, publicavimus et pro publicatis habuimus in contumaciam partis principalis ad hoc citatae. Insuper attendentes multas diligentias dominorum Doctorum et procuratoris ipsorum, sumptusque non modicos, ac maiorem fore et esse contumaciam actoris ipsius magnifici domini Nicolai, quoniam rei; quodque ex dispositione sacrorum Canonum contra talem iura insurgere debent, qui iudicem et partem eludit, frivoleque a iudice ad alium absque causa appellat: die tandem Lunae xxij mensis Ianuarii fuimus debita cum instantia requisiti per Magistrum Mathaeum procuratorem dominorum Doctorum, accusantem quotidie contumaciam et negligentiam ipsius magnifici domini Nicolai et suorum procuratorum, quatenus parcendo sumptibus et impensis ipsius et partis suae, sibi et suae parti nostras citationum literas per publicum

Note fragment 8 , Page/tab number in the source: 219

edictum contra memoratum magnificum dominum Nicolaum Palatinum et suos procuratores legitimos, si quos haberet hic in civitate et loco Vyelunensi, ad procedendum et per nos procedi videndum in causa primo pro primo, et simpliciter ad diem certam in actis specificatam, prout de iure dare et decernere dignaremur: quas decrevimus fore dandas et decrevimus. Quo termino adveniente, idem procurator dominorum Doctorum protestatus est de sua diligentia et accusavit contumaciam citatorum non comparentium, et in ipsorum contumaciam petivit suam partem absolvi ab impetitione et remitti ad priores iudices. Nos tandem in eadem causa maturius procedere cupientes, nec accelerare volentes, decrevimus ipsum magnificum dominum Nicolaum Palatinum et suos procuratores legitimos citandum fore, similiter simpliciter pro secundo ad idem, ut prius, literasque citationum decrevimus dandum, ad videndum partem ipsam absolvi ab impetitione et observatione terminorum; similiter et pro tertio ac peremptorio termino ad procedendum et procedi videndum, alias ad petendum partem suam absolvi ab impetitione et observatione terminorum, et remitti eam cum toto suo effectu ad priores Iudices Sedis Apostolicae. Advenientibus itaque terminis praefatis, in quolibet seorsive et divisim praefatus procurator dominorum Doctorum accusavit contumaciam citatorum non comparentium, et in ipsorum contumaciam petivit ut prius. In ultimoque et peremptorio termino obtulit certam petitionem summariam in scripto contra ipsum magnificum dominum Nicolaum et suos procuratores legitimos, quinimo in eorum contumaciam petivit per nos admitti et super ea interloqui. Quam quidem petitionem admisimus in contumaciam partis principalis ad hoc citatae et super ea interloqui, terminum certum in actis nostris limitatum statuendo, nihilominus decernentes, ipsum magnificum dominum Nicolaum Palatinum et suos procuratores legitimos citandos fore et esse ex superhabundanti pro quarto, ad videndum et audiendum per nos in causa interloqui et animum nostrum declarari, nosque et nostrum collegam de causa ipsa exonerari, ac partem ipsam absolvi ab impetitione et observatione terminorum, et remitti ad iudices, a quibus erit nulliter appellandum, expensasque in causa huiusmodi coram nobis factas taxari. Adveniente itaque termino praefato, procurator dominorum Doctorum iuxta exigentiam termini oblati citatione debite executa, accusando contumaciam citatorum non comparentium, petivit per nos super sua petitione ac deductis in indicium interloqui, nosque cum nostro collega de causa ipsa exonerari, partemque suam absolvi et remitti, et expensas taxari. Nos tandem visis omnibus et singulis actis acticatis, Instrumentis publicis, aliisque productis probationibus ad causam pro parte dictorum dominorum Doctorum et Magistrorum datis et exhibitis, ipsisque rite et rationabiliter recensitis ac aequa lance iustitiae discursis, attendentes que quod idem magnificus dominus Nicolaus Palatinus Lublinensis plus causa diffugii, quam causa iustitiae consequendae, ad nostrum auditorium defatigavit ipsos dominos Doctores et Magistros, ipsos ab ipsorum laboribus, quibus sunt ex privilegio astricti, distrahendo, et quod in causa ipsa nec per se, nec per suos procuratores ad causam constitutos aliquid facere curat, nec ad praesens curavit, ad nostram sententiam interlocutoriam, vim diffinitivae in se continentem, processimus; quam praemissa citatione per publicum edictum, de iuris peritorum consilio et matura deliberatione intra nos praehabita, tulimus et pronuntiavimus huiusmodi, ut sequitur, sub tenore. Christi nomine invocato, pro tribunali sedentes et ipsum solum Deum

Note fragment 9 , Page/tab number in the source: 220

prae oculis habentes, de iuris peritorum consilio ac matura intra nos deliberatione praehabita, per hanc nostram sententiam interlocutoriam vim diffinitivae habentem, eamque ferimus in his scriptis, in causa inter magnificum dominum Nicolaum de Curozwanky Palatinum Lublinensem ex una, et venerabiles ac egregios dominos Rectorem, Doctores et Magistros almae Universitatis studii Cracoviensis generalis partibus ex altera, coram nobis auctoritate reverendissimi in Christo patris domini Petri miseratione divina tituli Sancti Ciriaci in Thermis sacrosanctae Romanae Ecclesiae Presbyteri Cardinalis, sanctissimi olim in Christo patris et domini, domini nostri Alexandri divina providentia Papae sexti, ac ipsius, dictaeque Sedis in Regno Poloniae etc. cum potestate Legati de latere, de et super certis censibus duodecim marcarum ipsis Dominis Doctoribus de villa Luczyanovycze singulis annis provenientibus et solvi consuetis, ac per praefatum magnificum dominum Nicolaum Palatinum diu retentis, rebusque aliis in actis causae deductis et eorum occasione in secunda aut tertia verius instantiis vertentibus, dicimus, pronuntiamus, decernimus et declaramus: venerabiles ac egregios viros dominos Sigismundum de Thargovyska Decretorum, et Mathiam de Grodzysko Medicinae Doctores, Canonicos Cracovienses, Iudicesque commissarios Sedis Apostolicae, inter partes praefatas occasione dictarum xij marcarum census annui de villa Luczyanovycze Cracoviensis diocesis, ipsis Doctoribus et Magistris Studii Cracoviensis singulis annis solvi consuetarum, et per ipsum magnificum dominum Nicolaum solvi a multis annis neglectarum et retentarum, provenientium, bene et iuste ac legitime processisse, ac processus excommunicationum, aggravationum et reaggravationum contra ipsum dominum Nicolaum Palatinum praefatum, ob non responsionem articulorum pro parte dominorum Doctorum productorum, decrevisse et fulminasse, et ab eisdem et processu dictorum dominorum commissariorum praefatorum, ad Sedem Apostolicam, ipsiusque Sedis cum potestate Legatum de latere, male fuisse et esse provocatum et non in tempore appellatum; ac tandem per contrarios actus veluti absolutionis a censuris praelibatorum commissariorum Sedis Apostolicae obtentae, et per litis contestationem ac responsionem ad articulos praefatorum dominorum Doctorum Universitatis Cracoviensis per verbum „credit“ etc. recessisse; tandemque hic evocatis dictis dominis Doctoribus a loco insigni ad nos, nihil fecisse partem colludendo et iudices, nec facere velle; dictosque dominos Doctores suas exceptiones legitimas sufficienter probavisse: et ob hoc processum saepedictorum dominorum Sigismundi et Mathiae Canonicorum Cracoviensium confirmandum fore et per nos confirmari debere, partesque ipsas ad iudices a quibus remittendas fore et remitti, quas et remittimus, nosque et collegam nostrum vigore clausulae: „Quod si non ambo“ etc. exonerari de causa ipsa in totum, prout exoneramus per praesentes; ipsumque magnificum dominum Nicolaum Palatinum dictis dominis Doctoribus et Magistris in litis expensas in huiusmodi causa coram nobis legitime factas, condemnandum fore et condemnamus et ad solutionem cogimus et compellimus; quas iuxta dispositionem Capituli: „Cum appellationibus“, de appel. L. vj°, eadem die moderatione, qua cum Deo potuimus, leviori praemissa, ad quatuor marcas taxavimus per praesentes. Lecta, lata et in his scriptis pronuntiata est haec sententia interlocutoria per nos Laurentium de Ostrow etc. Iudicem commissarium memoratum, in domo habitationis nostrae in Vyelun, hora Vesperorum, ad iura reddendum et causas audiendum iudicio pro tribunali praesidentem, Anno Domini Millesimo

Note fragment 10 , Page/tab number in the source: 221

Quingentesimo quarto, Indictione septima, Pontificatus quibus infra, die vero Lunae xxx (sic) mensis Ianuarii. Praesentibus ibidem honorabilibus dominis Iohanne Olevynsky, Martino de Lanczna vicariis perpetuis, Stanislao Swyrczowsky, Thoma de Cosczelecz mansionariis Vyelunensis ecclesiae, et Gregorio plebano in Cadlub, testibus circa praemissa. Quae quidem nostra sententia interlocutoria nulla suspensa est appellatione. Quae omnia et singula, nec non dictam interlocutoriam sententiam et in ea contenta, vobis venerabilibus et egregiis dominis Sigismundo de Thargovyska Decretorum, et Mathiae de Grodzysko Medicinae Doctoribus et Canonicis, Iudicibus commissariis Sedis Apostolicae a quibus, omnibusque et singulis supradictis quorum interest, intererit aut interesse poterit quomodolibet in futurum, intimamus, insinuamus, notificamus ac ad notitiam cuilibet vestrum deducimus et deduci volumus per praesentes. In quorum omnium et singulorum fidem et testimonium praemissorum, praesentes nostras literas sive praesens publicum Instrumentum huiusmodi nostram remissionem ad Indices a quibus, in se continentes sive continens, exinde fieri et per Notarium publicum, eorumque et huiusmodi causae coram nobis scribam infrascriptum, subscribi et publicari mandavimus, nostrique sigilli proprii appensione iussimus et fecimus communiri. Datum in Vyelun, die Mercurii septima mensis Februarii, sub Anno a Nativitate domini Millesimo Quingentesimo quarto, Indictione septima, Pontificatus vero sanctissimi in Christo patris et domini, domini nostri Iulii secundi anno ipsius primo. Praesentibus ibidem honorabilibus dominis Stanislao de Bnyn, Iohanne Olevynsky, Martino de Lanczna vicariis perpetuis, Stanislao Swyrczowsky, Thoma de Cosczelecz mansionariis Vyelunensis ecclesiae, et Iohanne de Parczycze plebano in Ruda, testibus ad praemissa vocatis specialiter et rogatis.

Note fragment 11 , Page/tab number in the source: 221

(L. S. n.) Et ego Laurentius Stanislai de Gyeszky clericus Gneznensis diocesis, publicus apostolica et imperiali auctoritatibus Notarius et coram memorato venerabili domino Laurentio de Ostrow Decano Vyelunyensi, Iudiceque commissario facti praesentis scriba, quia dictarum literarum remissorialium seu remissionis ad Iudices a quibus scilicet est appellatum, petitioni et decreto, omnibus et singulis, dum sic ut praemittitur, agerentur et fierent, una cum praenominatis testibus praesens interfui, eaque omnia et singula praemissa sic fieri vidi et audivi: ideo hoc praesens remissionis publicum Instrumentum manu alterius Notarii, me aliis occupato negotiis, fideliter scriptum exinde confeci, et in hanc publicam formam redegi seu publicavi, signoque et nomine meis solitis et consuetis manu propria subscribendo, sigillique appensione praelibati domini Iudicis commissarii communiendo, in fidem et testimonium omnium et singulorum praemissorum.

Comment to note fragment:
(Ex archetypo membranaceo, cuius sigillum pensile avulsum. — Nr. Archiv. Univ. 3257.)