Blick im Eintrag über Bildung/Akademichen Graden

Eintragsabschnitt 1 , Seite/Karte in der Quelle: 161

CCLXXXVII. Fridericus Princeps Poloniae, electus et confirmatus Episcopus Cracoviensis, testamentum ultimae voluntatis per Nicolaum de Staw S. Theologiae Professorem conditum, confirmat.
Cracoviae, Anno 1490, die 13 mensis Septembris.

Eintragsabschnitt 2 , Seite/Karte in der Quelle: 161

Fredericus Dei et Apostolicae Sedis gratia electus confirmatus ecclesiae Cracoviensis, significamus tenore praesentium quibus expedit universis: quomodo coram nobis personaliter constituti venerabiles Magistri Bartholomeus de Zneyna Decretorum Doctor, plebanus ad Sanctam Annam in Cracovia, Martinus de Cracovia et Albertus de Brudzewo Sacrae Theologiae Baccalarii, Collegiati Maioris Collegii domus Artistarum almae Universitatis studii Cracoviensis, executores testamenti sive ultimae voluntatis olim Magistri Nicolai de Staw Sacrae Theologiae Professoris, Canonici ad Sanctum Florianum in Cleparzs, noviter defuncti, certum codicillum testamenti eiusdem sive inventarium rerum ipsius Magistri Nicolai de Staw conscriptum exhibuerunt et produxerunt, debita cum instantia petentes et postulantes, ut ipsum testamentum veluti salutiferum, auctoritate ordinaria admittere, ratificare et approbare dignaremur. Cuius quidem codicilli sive inventarii tenor sequitur et est talis:

Eintragsabschnitt 3 , Seite/Karte in der Quelle: 161

„Anno Domini Millesimo Quadringentesimo nonagesimo, die Saturni vicesima octava mensis Augusti, hora Vesperorum vel quasi, in domo Maioris Collegii Artistarum Cracoviae constitutus personaliter venerabilis Magister Nicolaus de Staw Sacrae Theologiae Professor, Canonicus ecclesiae collegiatae Sancti Floriani in Cleparzs, licet aeger corpore, compos tamen mentis et rationis, statutis provincialibus innitendo, omnibus melioribus modo, via, iure, causa et forma, quibus melius et efficacius de iure potuit et debuit, fecit, constituit et solenniter ordinavit ac disposuit suum praesens nuncupatum testamentum seu suam ultimam voluntatem inter caetera in hunc qui sequitur modum. In primis quidem quoniam anima melior et preciosior est corpore et rebus humanis, de aeterna Regis summi misericordia plene et salubriter sanam spem gerens et confidens, quoniam cor

Eintragsabschnitt 4 , Seite/Karte in der Quelle: 162

contritum et humiliatum Dens non despiciet, quique ut suum redimeret populum, gustare voluit calicem passionis, morique non dedignatus est: animam suam exnunc omnipotenti Deo et Beatae Mariae Virgini ac Omnibus Sanctis Curiae supernalis commendavit, et si eum de hac luce ob infirmitatem, qua gravatur, decedere contingat, corpori suo sepulturam elegit in ecclesia Sancti Floriani, ubi, ut decens est, voluit sepeliri. Tandem vero demonstrata cista, fecit ex ea deponere ladulam parvam, in qua dixit et demonstravit Tricentos florenos, triginta marcas in saccellis lineis per nodos ligatas, numeri Polonicalis, quadraginta octo grossos in quamlibet marcam computando; ibidemque in saccello sex marcas in mediantibus, et ciphum argenteum cum septem coclearibus argenteis, calicem argenteum deauratum et crucem similiter deauratam cum cingulo rubro sibi sex appositis minoribus puclis et tribus maioribus, et ornatu sive casula viridi, dehinc sempiternum memoriale animae suae post hanc vitam et amicorum suorum relinquere volens, commisit ipsis suis dominis executoribus infrascriptis censum emere et comparare pro Centum florenis in ladula repositis praefata, et pro quinquaginta florenis, quos iam dudum habet repositos pro ipso censu comparando apud dominum Stephanum presbyterum in Staw, suum amicum, pro lectore missarum fraternitati pauperum, et pro ipsa fraternitate dicta pauperum in Staw, et si pro ipsa fraternitate fieri non posset, extunc pro censu emendo praedicatori legavit dictos Centum florenos cum medio, puta quinquaginta et Centum florenos, ita tamen quod altare super altero eorum de praemissis, aut pro fraternitate pauperum, aut pro praedicatore erigatur et fundetur; pro quo quidem altari legat et dat calicem deauratum et crucem similiter deauratam cum ornatu viridi. Item subscriptos dominos executores deputavit, ipsisque commisit ad petendum erigi quoddam altare in ecclesia Cracoviensi et in capella Sancti Thomae Cantuariensis, seu alias ad petendum et obtinendum ipsius altaris confirmationem, ipsamque expediendum, prout et quemadmodum latius in ipsius domini testatoris codicillo per ipsum conscripto continetur, quid fieri ad ipsum altare opporteat. Dehincque ipse dominus testator praefatus ipsos dominos executores suos infra nominatos post suum decessum constituit collatores principales sui altaris in ecclesia Cracoviensi, quod usque modo tenuit et tenet, quibus commisit testamentaliter post mortem suam praesentare dominum Stephanum presbyterum de Staw, amicum suum, reverendissimo domino electo confirmato ecclesiae Cracoviensis, aut ipsius in spiritualibus Vicario, ad ipsum altare et peti instituendum. Tandem post mortem domini Stephani ipse dominus testator deputavit et habere vult, quod domini Doctores et Magistri Collegii maioris sint collatores soli et principales dicti altaris, qui iuxta dispositionem sui codicilli habebunt potestatem omnimodam conferendi altare praefatum cuicunque Magistro, qui in Universitate, secundum consuetudinem Universitatis, laborare tenebitur et debebit in Universitate, et quod sit presbyter. Ante omnia tamen testator praefatus post decessum de hac luce domini Stephani amici sui, testamentaliter legat discretum Mathiam de Bolesla„vyecz suum servitorem et committit, dummodo qualificaretur in Magistrum Artium, fore praesentandum ad praefatum altare in ecclesia Cracoviensi. Huiusmodi quoque suam voluntatem et dispositionem sana mente expleri vult, expostulat et fieri petit. Item pro anniversario anno quolibet pro anima sua explendo legavit vicariis ad Sanctum Florianum sexaginta florenos, puta pro missa defunctorum et

Eintragsabschnitt 5 , Seite/Karte in der Quelle: 163

vigiliis; item pro triginta missis tricesimis pro anima sna legavit triginta florenos in quacunque ecclesia conveniendis; item Bernardinis commisit dandos viginti pro sua anima florenos. Item praefato Stephano de Staw legavit coclearia septem argentea pro parandis ampulis, Iohannique suo sororino legavit decem florenos. Similiter Alberto amico suo et pauperi legavit decem florenos, et Mathiae pro nunc suo servitori pro sua diligentia, quam secum habuit per aliquot annos, legavit decem florenos. Item petiit sibi exequias post mortem etiam ad Sanctam Annam parari et fieri per Universitatem. Item ipsis dominis executoribus commisit exigere debita, quaecunque sint, et praecipue apud quendam Antonium de Cracovia pellificem, qui sibi tenetur novem florenos pro pellicea vulpina. Item generaliter omnia et singula suis executoribus commisit disponendum et dispensandum iuxta contenta codicilli sui iam dudum conscripti, quem per hoc testamentum et Instrumentum speciale vult habere robur et firmitatem, ipsumque commisit per ipsos executores suos duci ad effectum; alia autem nec hic, nec in codicillo specificata, nec descripta, arbitrio dominorum suorum executorum com„misit distrahenda et convertenda; et si quid superfuerit de pecuniis, morose pro fatigis dominorum executorum inter se ipsos commisit dividendum, conscientiam super huiusmodi dispensatione dominorum executorum onerando. Ut autem omnia et singula praemissa executioni debitae demandentur, suumque debitum sortiantur effectum, huiusmodi testamenti seu ultimae voluntatis praenominatus testator executores ac procuratores omnibus melioribus modo, via, iure, quibus melius et efficacius potuit et debuit, fecit, constituit, creavit et solenniter ordinavit venerabiles viros Magistros Bartholomeum de Znena Decretorum Doctorem ac plebanum ad Sanctam Annam, Martinum de Cracovia, Albertum de Brudzew et venerabilem dominum Stanislaum de Swyradzicze Praepositum Kyelciensem et Vicarium in spiritualibus etc. tutorem et protectorem. Quibus quidem executoribus idem testator dedit et dat, prout praemissum est, plenam et liberam potestatem, licentiam, auctoritatem et plenum mandatum, omnia et singula in praesenti testamento contenta exequendum, faciendum et disponendum ac ordinandum, nec non legata praedicta personis et locis praefatis dandum, solvendum, et generaliter omnia et singula circa id necessaria faciendum, dicendum, gerendum, procurandum, promittens ratum et gratum atque firmum totum id habiturum. Hanc siquidem dictus testator asseruit esse suam ultimam voluntatem, quam voluit valere et tenere iure testamenti; et si iure testamenti non valeret ratione obmissionis, partitionis vel alteriuscunque solennitatis, voluit tamen valere iure codicillorum seu donationis causa mortis aut inter vivos, sive quo melius valere poterit et teneri.“

Eintragsabschnitt 6 , Seite/Karte in der Quelle: 163

Post cuius quidem codicilli sive inventarii exhibitionem, ut praemittitur, factam, nos Fredericus electus ecclesiae Cracoviensis confirmatus memoratus, ante omnia consuetudini patriae et iuri communi inhaerendo, literas citationis nostras in vim Cridae contra omnes et singulos, praetextu testamenti praeinserti sua communiter vel divisim fortasse interesse putantes et praetendentes, im forma solita et fieri consueta ad dictorum executorum instantiam dandum decrevimus ad certum diem et terminum competentem exequendas, ad videndum et audiendum testamentum ipsum, prout petebatur, confirmari et perhennari. In quo termino praefati domini executores coram nobis ad iura reddenda et causas audiendum Iudicio pro tribunali praesidentibus, comparentes, literis eisdem citationis sive Cridae debite et legitime executis, facto et realiter reproductis, omnium citatorum contumaciam

Eintragsabschnitt 7 , Seite/Karte in der Quelle: 164

accusarunt, petentes in ipsorum contumaciam dictum testamentum praescriptum confirmari, admitti et approbari. Nos tandem eisdem citatis non comparentibus pronuntiatis contumacibus, in eorum contumaciam robur ipsius, testamenti decrevimus obtinendum, et insuper volentes de positione et conditionibus testamenti eiusdem certius et efficacius experiri, nonnullos fide dignos testes ad praesentiam nostram citatos recepimus, et medio iuramento iussimus examinari: ex quorum dictis seu expositionibus comperimus et sufficienter cognovimus, praedictum testamentum, quemadmodum codicillus ipse continere dinoscitur, officiose et legitime factum esse et confectum. Ob idque votis et desideriis eorundem executorum permoti et satisfacientes, tanquam iustum et legaliter confectum et conditum, in omnibus suis capitulis, clausulis et conditionibus, de certa nostra scientia admisimus, approbavimus, ratificavimus et confirmavimus, admittimus que, approbamus, ratificamus et confirmamus, ac robur perpetuae firmitatis obtinere et habere decernimus per praesentes, mandantes nihilominus universis, quos praesens tangit negotium, aut quoquomodo tangere poterit in futurum, in virtute sanctae obedientiae et sub excommunicationis poena, quatenus testamentum huiusmodi praeinsertum in omnibus expleant, compleant et ad effectum debitum deducant secundum ipsius ordinationem et tenorem. In quorum omnium et singulorum fidem et testimonium praemissorum, praesentes nostras confirmationis sive ratificationis literas per Notarium nostrum infrascriptum scribi et publicari, nostrique sigilli appensione iussimus et fecimus communiri. Actum et datum Cracoviae, Anno Domini Millesimo Quadringentesimo nonagesimo, Indictione octava, Pontificatus sanctissimi in Christo patris et domini nostri, domini Innocentii divina providentia Papae octavi, anno septimo, die vero Lunae tredecima mensis Septembris, hora Vesperorum vel quasi. Praesentibus ibidem venerabilibus dominis Paulo de Glouina Decano, Iohanne de Schebnya Custode, Petro Vapowsky Decano Oppathouiensi, Iohanne Lesczynsky Praeposito Poznaniensi et Bernardo de Ludbrancz Canonicis ecclesiae nostrae Cracoviensis, testibus circa praemissa.

Eintragsabschnitt 8 , Seite/Karte in der Quelle: 164

(L. S. n.) Et ego Iohannes Andreae de Gorzicze clericus Poznaniensis diocesis, publicus imperiali auctoritate Notarius, illustrissimi Principis, reverendissimique domini et domini Frederici Dei et Apostolicae Sedis gratia electi confirmati ecclesiae Cracoviensis memorati, causarumque et facti huiusmodi coram sua illustrissima et reverendissima Dominatione scriba, quia praedictis codicilli sive testamenti exhibitioni, Cridae reproductioni, petitioni, pronuntiationi, admissioni, ratificationi, confirmationi et decreto, aliisque omnibus et singulis praemissis, dum sic ut praemittitur agerentur et fierent, una cum praenominatis testibus praesens interfui, eaque omnia et singula praemissa sic fieri vidi et audivi: ideo praesentes confirmationis literas sive Instrumentum publicum, manu mea propria scriptum, confeci et in hanc publicam formam redegi, signo et nomine meis solitis et consuetis una cum appensione sigilli dicti domini electi confirmati ecclesiae Cracoviensis, et de suae illustrissimae et reverendissimae Dominationis mandato speciali consignando, in fidem et testimonium omnium et singulorum praemissorum.

Bemerkungen zum Eintragsabschnitt:
(Ex archetypo membranaceo, cum sigillo cereo rubro, taeniola membranacea appenso. Sigillum eiusdem typi ac sub Nr. CCLXXXVI. — Nr. Archiv. Univ. 10,058.)