Pełny podgląd zapiski o zdarzeniu dotyczącym edukacji i stopni naukowych

Fragment zapiski 1 , Numer strony/karty w źródle: 241

CCXII. Ioannes (Lutkonis de Brzezie) Episcopus Cracoviensis erectionem altaris tituli Transfigurationis Dominicae et S. Thomae Apostoli in ecclesia cathedrali Cracoviensi, cum adiuncta Professura Novorum Iurium in Facultate Iuridica Universitatis studii Cracoviensis, per executores testamenti olim Thomae (de Strzempin) Episcopi Cracoviensis
dotati, approbat.
Cracoviae, Anno 1465, die 8 mensis Iunii.

Fragment zapiski 2 , Numer strony/karty w źródle: 241

In nomine Domini Amen. Ad rei memoriam sempiternam. Ineffabilis divinae munificentiae altitudo nullis inclusa limitibus recto ordine dispensanda fideli principaliter gregi ineffabilia talenta dilargiens, stabili praeceptorum districtione iniunxit talentorum huiusmodi providam practicare pro retributione aeterna distributionem, qua felici commercio peculiaris gens electa et regale sacerdotium ad sidereas se transferat cum fideli dispensatione centuplato talentorum lucro habitationes. Proinde nos Iohannes Dei gratia Episcopus Cracoviensis significamus tenore praesentium, quibus expedit universis tam praesentibus quam futuris, harum notitiam habituris: quomodo venerabiles domini Petrus Wspinek Decanus Kielcensis et Canonicus Gnesnensis, Nicolaus de Kalisz Decretorum Doctor et Iohannes de Rzeszow Canonici nostrae ecclesiae cathedralis Cracoviensis, testamenti et ultimae voluntatis bonae memoriae reverendi patris domini Thomae olim Episcopi Cracoviensis, nostri antecessoris, executores zelo piae devotionis accensi, cupientes sincero affectu voluntatem ultimam praelibati reverendi patris domini Thomae olim Episcopi testatoris per omnia, prout decet, adimplere, nec non executorum testamenti eiusdem non inutiliter

Fragment zapiski 3 , Numer strony/karty w źródle: 242

officium gerere, apud serenissimum Principem et dominum, dominum Kazimirum Dei gratia Regem Poloniae, Magnum Ducem Lithuaniae, Russiae, Prussiaeque dominum et haeredem et dominum nostrum gratiosissimum, tunc Regni et rei publicae gravi existente indigentia, Quinquaginta marcas annui census monetae currentis et numeri Polonicalis pro duobus Millibus florenorum Hungaricalium puri et iusti ponderis, in et super Zuppis Vieliciensibus et Bochnensibus in terra Cracoviensi existentibus, pro altari per nos erigendo, altari seu altaristis et ministris eiusdem in honorem Dei Omnipotentis et Gloriosissimae Virginis Mariae Genitricis Dei almae, nec non Transfigurationis Dominicae, Sanctorum Thomae Apostoli, Thomae Cantuariensis Martyris, Thomae de Aquino Confessoris et Helenae Reginae Sanctae, in ecclesia nostra cathedrali Cracoviensi versus sacristiam, nec non tumbam seu tumulationem dicti domini Thomae Episcopi sito, singulis Quatuortemporibus per duodecem marcas cum media marca per Zupparios modernos Georgium Morstenn et Magdalenam consortem suam, Salis utriusque et Russiae Zupparios, aut qui successu, temporis fuerint, exnunc et deinceps perpetuis temporibus soluturas, emptione et titulo reemptionis alias na Wyderkaff comparaverunt, emerunt et emptum deputaverunt et pro dicto altari per nos de novo erigendo consignaverunt, conscripserunt et donaverunt donatione irrevocabili, perpetua et in aevum, prout latius in literis regiis continetur. Quam donationem et inscriptionem praefati census annui Quinquaginta marcarum monetae et numeri Polonicalium pro erectione et fundatione altaris praedicti, praefatus serenissimus Princeps et dominus, dominus Kazimirus Dei gratia Rex Poloniae, Magnus Dux Lithuaniae, Russiae, Prussiaeque dominus et haeres et dominus noster gratiosissimus, sic factam, de consilio omnium et singulorum Regni Poloniae Consiliariorum admisit et approbavit, prout in Suae Maiestatis literis latius continetur. Quorum literarum tenor, de verbo ad verbum sequitur et est talis:

Fragment zapiski 4 , Numer strony/karty w źródle: 242

„In nomine Domini Amen. Cum dispositiones et actiones hominum plerumque oblivio erroris vitio confundere consuevit, Regum et Principum salubres constituerunt sanctiones, illas literarum scripturis, sigillorum munimentis et testium adminiculo esse firmandas et perhennandas. Ad perpetuam igitur rei memoriam nos Kazimirus Dei gratia Rex Poloniae nec non Cracoviae, Sandomiriae, Siradiae, Lanciciae, Cuiaviae, Magnus Dux Lithuaniae, Russiae, Prussiae, nec non Culmensis, Elbingensis, Lomisbergensis et Pomeraniae terrarum haeres et dominus, significamus tenore praesentium, quibus expedit universis praesentibus et futuris, harum notitiam habituris: quomodo exigentia nostra et Regni nostri non mediocri necessitate et indigentia pro explenda et impendenda stipendiariis et armigeris nostris, qui dominia nostri Regni ob retentionem per nos eis debiti stipendii conabantur invadere et damnis afficere, census annuos Quinquaginta marcarum monetae et numeri Polonicalium, quadraginta octo grossos in quamlibet marcam computando, in de et super Zuppis nostris Vieliciensibus et Bochnensibus in terra nostra Cracoviensi consistentibus, inter alios census pro fisco et thesauro nostro regio singulis annis per Zupparios nostros dari solitos et consuetos, pro duobus Millibus florenorum Hungaricalium puri auri et iusti ponderis, per nos pro huiusmodi Regni nostri et rei publicae opportunitate et relevatione in parata pecunia et auro effectualiter receptis et levatis, venerabilibus Petro Wspinek Decano Kielciensi et Canonico Gnesnensi, Nicolao de Kalisz Decretorum Doctori et Iohanni de Rzeszow Cracoviensis ecclesiarum Canonicis devote nobis dilectis, tanquam testamenti et ultimae

Fragment zapiski 5 , Numer strony/karty w źródle: 243

voluntatis bonae memoriae reverendi patris domini Thomae olim Episcopi Cracoviensis executoribus, non improvide aut per errorem, sed de certa et mera nostra scientia et voluntate Praelatorum, Baronum et consiliariorum nostrorum in praesenti conventione generali Regni nostri congregatorum, consilio speciali deliberatione, approbatione et assensu ad id accedentibus, venditione et titulo reemptionis alias na Wyderkaff vendidimus, tenoreque praesentium mediante vendimus perpetuo et in aevum. Quos quidem annuos census Quinquaginta marcarum Zupparii nostri in Zuppis nostris Vieliciensibus et Bochnensibus consistentes moderni, videlicet spectabiles et famosi Georgius Morstenn et Magdalena consors sua, Salis utriusque et Russiae Zupparii, et qui successu temporum fuerint, exnunc et deinceps perpetuis temporibus, singulis annis, videlicet pro quibuslibet Quatuortemporibus cuiuslibet anni per duodecem marcas cum media marca in moneta Regni nostri consueta, praefatis executoribus testamenti, sive manibus et potestati illarum personarum, quibus potior et maior pars memoratorum executorum ad honorem et gloriam Altissimi, potissieque pro incremento et augmento Studii Cracoviensis generalis, aut in alia pietatis opera iam praefatos annuos census Quinquaginta marcarum coniunctim vel divisim, in toto seu in parte duxerint applicandos et adiungendos, ad requisitionem praesentium dabunt et assignabunt, realiterque et effective persolvent, omni dilatione, difficultate et renitentia nostra, nostrorumque successorum sive Zuppariorum nostrorum in his semotis, ad rationem nostrarum pecuniarum regalium, receptis recognitionibus per memoratos Zupparios nostros a praefatis executoribus testamenti sive personis illis per eos ad id, ut praemissum est, constituendis, designandis et praeficiendis, in ratione cum Zuppariis nostris facienda connotandis et ponendis, taliter ac si munimine sigilli nostri regalis essent roboratae et communitae. Quos quidem census Quinquaginta marcarum de certa nostra scientia in perpetuum ab omni onere, contributione generali vel speciali nostra et successorum nostrorum, ab omnique expeditione, bello, guerra generali vel particulari et ab omni contributione regali auctoritate ex quacunque causa et necessitate imponenda libertamus, et quamdiu per nos vel successores nostros redempti non fuerint, ecclesiastico volumus potiri privilegio et libertate. Quodsi in solutionibus huiusmodi census Quinquaginta marcarum in toto vel in parte memorati Zupparii Vielicienses et Bochnenses fuerint remissi vel negligentes, omnibus censuris ecclesiasticis, usque ad sententiam interdicti inclusive per loci ordinarium aut eius vicesgerentem in eos ferendis, quibus ipsos Zupparios subiectos esse volumus et subiici, ad satisfactionem et solutionem compellantur et adstringantur, qualibet contraria ordinatione, statuto vel laudo non obstante, nonnisi satisfactione facta et solutione data relaxandis. Insuper licitum erit nobis et successoribus nostris, Regibus Poloniae, huiusmodi Quinquaginta marcas annui census, non quidem partiali vel media summa, sed integris duobus Millibus florenorum Hungaricalium redimere quandocunque voluerimus. Harum quibus sigillum nostrum praesentibus est subappensum testimonio literarum. Actum in conventione generali Petricoviensi, feria secunda post festum Sancti Martini Confessoris, Anno Domini M° CCCC0 LXII0. Praesentibus ibidem reverendissimo, reverendisque in Christo patribus dominis Iohanne sanctae Gnesnensis ecclesiae Archiepiscopo et Primate, Iohanne Vladislaviensi et Regni Poloniae Cancellario, Andrea Posnaniensi Episcopis, Iohanne de Brzesze Iuris utriusque Doctore, Electo ecclesiae Cracoviensis, Vicecancellario Regni Poloniae, nec non magnificis et generosis

Fragment zapiski 6 , Numer strony/karty w źródle: 244

Luca de Gorka Posnaniensi, Iohanne de Pilca Cracoviensi, Stanislao de Ostrorog Calissiensi, Sandziuogio de Lanzenicze Siradiensi, Petro de Oporow Lanciciensi, Nicolao de Kosczelecz Brzestensi, Iohanne de eadem Kosczelecz Iunivladislaviensi, Andrea Odrowaz de Sprowa Leopoliensi et Capitaneo Russiae generali, Palatinis, Petro de Schamotuli Posnaniensi et Capitaneo Maioris Poloniae generali, Iohanne de Czarnkow Gnesnensi, Petro de Gay Calissiensi, Hincza de Rogow Sandomiriensi, Iohanne Zaramba de Kalinowa Siradiensi, Thoma de Sobota Lanciciensi, Andrea de Kretkow Brzestensi Castellanis, Iohanne de Rythwiany Marsalco, Iacobo de Dambno Thesaurario Regni Poloniae, Iohanne Amor de Tarnow Sandecensi, Nicolao Roza de Borzyslawice Malogostiensi, Magistro Curiae reginalis, Castellanis, Stiborio de Ponyecz Posnaniensi, Michaele de Lassotki Lanciciensi et Groth de Ostrow Lublinensi Succamerariis et aliis quam pluribus fide dignis testibus circa praemissa. Datum per manus praefatorum reverendorum patrum dominorum Iohannis Episcopi Vladislaviensis, Cancellarii et Iohannis de Brzesze luris utriusque Doctoris, Electi ecclesiae Cracoviensis, Vice cancellarii Regni Poloniae, nobis sincere dilectorum.“

Fragment zapiski 7 , Numer strony/karty w źródle: 244

Pro cuius quidem altaris erectione et confirmatione per praefatos venerabiles dominos Petrum Wspinek Decanum Kielcensem et Canonicum Gnesnensem, Nicolaum de Kalisz Decretorum Doctorem et Iohannem de Rzeszow Canonicos Cracovienses, testamenti et ultimae voluntatis executores, fuit nobis humiliter supplicatum, quatinus huiusmodi altare fundare, erigere, praedictamque donationem Quinquaginta marcarum confirmare ac ratificare, pro eodem altari sive altaristis pro tempore existentibus approbare et incorporare dignaremur. Nos vero dominorum exeeutorum volentes desideria Christo grata et animabus profutura, prosequi favore generoso, praedictum altare in honorem Omnipotentis Dei, Beatissimae Virginis Mariae piae Genitricis almae, nec non Transfigurationis Dominicae, Sanctorum Thomae Apostoli, Thomae Cantuariensis Martyris, Thomae de Aquino Confessoris et Helenae Reginae electae fundavimus, ereximus, fundamusque et erigimus, donationemque census Quinquaginta marcarum pro ministris eiusdem altaris sive altaristis, qui duo continue debent foveri in numero ad officium divinum alternatim peragendum, in Zuppis Vieliciensibus et Bochnensibus per Zupparios pro tempore existentes solvendum, confirmamus, incorporamus, annectimus et praesentium tenore roboramus, per altaristas dicti altaris, qui pro tempore fuerint, tenendum, utifruendum temporibus perpetuis et in aevum, decernentes quod praefati census in Zuppis deinceps et in antea sors ecclesiastica censeatur; quodque pro ipsis censibus et ipsorum repetitione per altaristas, qui pro tempore fuerint, quotiens Zupparii pro tempore existentes in eorum solutione negligentes fuerint et remissi, aut dum possessioni eorum per quempiam contradictum fuerit, ad forum iuris ecclesiastici habeant recursum. Sed ne dicti altaristae frustra se credant censibus huiusmodi fore stipendiatos, congruum esse rationi dinoscitur, ut is succedat in onere, qui substituitur in honore. Statuimus igitur et decernimus, quod duo altaristae altari praefato instituendi et investiendi, Quadraginta marcas pro sua tollant annua sustentatione ac stipendio et inter se aequaliter dividant, in ususque suos beneplacitos convertant; decem vero marcae de praemissis Quinquaginta residuae per Rectorem seu procuratorem Universitatis distribuantur in usus pios singulis annis in hunc modum: duae marcae dabuntur pro mensa communi dictorum altaristarum et aliorum Doctorum in Domo Iuristarum commorantium; quodsi mensa non

Fragment zapiski 8 , Numer strony/karty w źródle: 245

teneretur in communi, extunc convertantur pro fabrica Domus Canonistarum; item septem marcae de praedictis residuis dentur pro hospitali pauperum scholarium sub castro Cracoviensi construendo. Residua vero marca ad cistam altaristarum in gazophylacio Universitatis locanda, reponatur pro reformatione ornamentorum altaris et aliis necessariis comparandis, quae ornamenta fiant secundum consilium Senioris Doctoris de Domo Iuristarum, qui quidem Doctor unam clavim dictae cistae altaristarum, aliam vero altaristae praefati sunt habituri. Volumus interea, quod altaristae praefati et eorum successores habeant facultatem per se exigendi praenominatas pecunias pro interesse ipsorum, Quadraginta videlicet marcas ipsorum annui census, residuum vero Rector aut procurator Universitatis habebunt potestatem exigendi et petendi a Zuppario pro tempore existente, secundum tenorem et continentiam privilegii per Regiam Maiestatem super dictis censibus concessi, superius scripti. Quia denique altaris ius patronatus et praesentandi ipsi executores pro hac vice duntaxat tenent et habent, expost vero postquam praedictum altare vel eius alteram partem vacare quoquo modo contigerit, volumus ius praefatum patronatus et praesentandi ad Rectorem, Decanos, Doctores et Magistros Collegiatos omnium Facultatum Universitatis studii Cracoviensis in perpetuum devolvi: qui bona eorum conscientia eligent praesentandum Doctorem Iuris canonici aut ad minus Licentiatum vel saltem Bacalaureum in Decretis. Casu vero quo inter eos patronos et praesentatores qualiscunque fieret de praesentando discordia, illum hoc casu volumus praeferri, praesentari et institui, quem pars maior in numero elegerit vel praesentaverit, non attenta eligentium vel electi qualitate; per hoc tamen praesentato pro hac vice ad beneficia seu officia ab Universitate obtenta vel alias obtinenda, praeiudicium nullum volumus generari. Et ne devotio bonae memoriae testatoris praenominati in tam salubri opere in posterum frustraretur, quatenus qui sentit commodum, sentiat et onus: volumus quod circa altare praedictum per altaristas seu alios eorum nomine una missa singulis diebus legatur ita scilicet, quod altaristae praefati per se vel per alios alternatim diebus et vicibus praedictam compleant missam: in diebus Dominicis et omnibus duplicibus de die missam cum impositione Collectae pro anima dotatoris, aliis vero diebus missam pro defunctis legendo. Insuper ut altaristae praedicti Universitatis studii Cracoviensis sint grati et fructum afferentes, volumus quod quilibet eorum per se vel alium pro incremento Universitatis faciat lectionem unam in altero Iurium diebus tantummodo infrascriptis, scilicet in vigiliis Sanctorum, Sabbativis diebus, et diebus quos Universitas et non populus annue consuevit festivare, libertatibus more aliorum lectorum quoad vacantias eisdem lectoribus semper et per omnia salvis, ascensu etiam ad alia beneficia et officia, ac habitationes more aliorum, quae in Domo Canonistarum liberae fuerint, habituri, eisdem per omnia reservato. Caeterum pro indemnitate futurorum circumspectione praemissa roborare cupientes, volumus, ut casu quo census praetacti per Regiam Maiestatem redimerentur, extunc Rector cum Universitate habeant facultatem tollendi illam summam duorum Millium florenorum et emendi alios census aequales pro altaristis et locis deputatis, ita tamen, quod interim donec illi census pro dicta summa capitali emerentur, de summa praedictorum florenorum nihil depereat, sed pro emptione aliorum censuum quanto celerius emendorum integre reservetur, etiamsi oporteat altaristas praefatos et lectores ab imposito eis onere interim vacare usque ad aliorum censuum emptionem et provisionem, iterum officia ipsorum executorum recepturi, continuando eadem in per

Fragment zapiski 9 , Numer strony/karty w źródle: 246

petuum ac in aevum. Haram quibus sigillum nostram praesentibus est subappensum testimonio literarum. Actum et datum Cracoviae in curia residentiae nostrae solitae versus claustrum Sancti Francisci sita, Anno Domini Millesimo Quadringentesimo sexagesimo quinto, Indictione tredecima, Pontificatus sanctissimi in Christo patris et domini, domini Pauli divina providentia Papae secundi anno ipsius primo, die vero Saturni octava mensis Iunii, hora Vesperarum vel quasi. Praesentibus ibidem venerabilibus et honorabilibus dominis Raphaele de Skawina Praeposito Kielcensi et Vicario in spiritualibus, Iohanne seniore Dlugosz et Iohanne iuniore Dlugosz, Stanislao de Szwyradzice Officiali generali, Iacobo de Schadek Decretorum Doctore, Sbigneo de Olesnica Canonicis Cracoviensibus, reverendo Magistro Iohanne Baru- chowski Cancellario, Alberto Gorny Baccalaureo et Iohanne de Iarocino Notariis ipsius domini Episcopi Cracoviensis, testibus ad praemissa et aliis quam pluribus fide dignis vocatis et rogatis.

Komentarz do fragmentu zapiski:
(Ex copia in libro manuscripto: „Liber viridis domus Collegii iuridici“ saec. XVII. exarato. — Nr. Archiv. Univ. 48, pag. 16 et 648.)