Full view of a note about event related to education stage and academic degree

Note fragment 1 , Page/tab number in the source: 11

CIX. Literae Adae de Bandkow, Iacobi de Zaborow, Iacobi Parkossii de Żorawice, Stanislai de Meprow et Mathiae Woiewodka de Sczodrkowice arbitrorum, Sententiam compromissi, qua mediante decimae in villa Sczodrkowice medietas Universitati studii Cracoviensis, altera vero medietas plebano ecclesiae i n Smarzowice assignataest, in se continentes.
Cracoviae, Anno 1442, die 20 mensis Februarii

Note fragment 2 , Page/tab number in the source: 11

In nomine Domini Amen. Ad perpetuam rei memoriam. Nos Adam de Band­kow, Iacobus de Zaborow Canonici Cracovienses, Iacobus Parkossii de Zorawicze rector ecclesiae parochialis ad Sanctum Stanislaum in Rupella in Kazimiria, Decre­torum Doctores, Stanislaus de Nyeprow Canonicus Cracoviensis et Mathias Woyewodka haeres de Sczodrkowicze, arbitri, arbitratores, amicabilesque compositores ac amici communes partium infrascriptarum concorditer deputati, nominati et electi, significamus quibus expedit universis, praesentibus et futuris, praesentium notitiam habituris: quod cum inter venerabiles et honorabiles viros dominos Rectorem, Doctores et Magistros almae Universitatis studii Cracoviensis ex una, et discretum Nicolaum Nossowsky rectorem ecclesiae parochialis in Smarszowicze Cracoviensis diocesis, partibus ab altera, de et super quibusdam decimis manipularibus et campe­stribus in villa Sczodrkouicze cuiuslibet grani et seminis, coram nonnullis iudicibus ordinaria auctoritate in partibus successive eisdem partibus deputatis, et earum oc­casione materia quaestionis foret mota, ad nonnullosque actus et terminos iudiciarios gradatim et successive coram praedictis iudicibus taliter ipsis partibus deputatis fu­isset processum, ex quibus litibus et controversiis ac odiis, displicentiis, rixis, con­tentionibus expensae graves, onera, labores et fatigae ipsis magis ac magis sequi videbantur; propter quae ipsae partes se non mediocriter gravatos sentientes, ac in futurum, nisi ab amfractibus huiusmodi litium desisterent, plus posse gravari timen­tes, volentesque strepitus et involutionem huiusmodi quaestionum per viam amicabilis concordiae consopire, matura ipsorum hinc inde deliberatione praehabita, suorumque

Note fragment 3 , Page/tab number in the source: 12

amicorum et iurisperitorum freti consilio, in nos tamquam in arbitros, arbitratores et amicabiles compositores pro de et super omnibus et singulis praedictis quaestio­nibus, decimis tam retentis quam debendis et earum occasione, nec non expensis in lite huiusmodi factis de alto et basso coram Notario publico et testibus fide dignis infrascriptis, videlicet venerabilis dominus Derslaus de Borzinow Decretorum Doctor, Archidiaconus Cracoviensis, cavens de ratihabitione praedictorum dominorum Rectoris, Doctorum et Magistrorum almae Universitatis praedictae, et Nicolaus Nossowsky rector ecclesiae parochialis in Smarszowicze praedictus per se et pro se ac ecclesiae suae praedictae nominibus sub poena infrascripta vallata concorditer et solemniter coram nobis personaliter constituti, ex ipsorum certa scientia sponte et libere, non coacti, non compulsi, non seducti, nec aliquo dolo aut fraude circumventi, omnibus melioribus via, modo, iure, stilo, forma et causa, quibus melius et efficacius potue­runt et debuerunt, compromiserunt et tenore praesentium compromittunt, dantes, tradentes et concedentes nobis arbitris, arbitratoribus et ipsorum amicabilibus composi­toribus ac amicis communibus, Notariove publico infrascripto pro eis rite et legitime stipulanti et recipienti mandatum speciale, liberam potestatem ac plenam licentiam de et super omnibus praedictis, quatinus possumus et valeamus simpliciter et de plano ac sine strepitu et figura iudicii procedere, arbitrari, laudare, diffinire et ipsas par­tes amicabiliter componere, eisdem partibus ad nos vocatis vel non vocatis, probationibusve receptis vel non receptis, stando vel sedendo, in scriptis vel sine scriptis, alte vel basse, semel vel pluries uti nobis placuerit, et quod nostram sententiam, laudum, arbitrium, diffinitionem seu pronuntiationem possumus interpretari, corrigere, declarare et reformare, si et in quantum nobis videbitur expedire, ac omnia et sin­gula facere et ordinare ac tenore praesentium, prout et quemadmodum ipsae partes in Instrumento publico compromissi alias principali coram dicto Notario publico fa­cere se astrinxerunt ac inviolabiliter observare. Promittentes nihilominus ipsae partes modo quo supra, omnia grata, rata atque firma in huiusmodi negotio et causa firmi­ter tenere, quaecumque per nos amicos ipsorum communes acta, facta, ordinata, ar­b itrata, laudata ac pronuntiata fuerint et essent in praemissis et quolibet praemis­sorum, sub poena mille florenorum hungaricalium auri puri et iusti ponderis, vide­licet medietatem poenae huiusmodi parti laudum et pronuntiationem manutenenti et observanti, residuam vero partem nobis arbitratoribus et amicabilibus interpositoribus ac amicis communibus per partem contravenientem cum effectu solvendorum, ad quam se praefati domini, videlicet Derslaus de Borzinow Decretorum Doctor, Archidiaco­nus Cracoviensis, cavens de ratihabitione dictorum dominorum Rectoris, Doctorum et Magistrorum almae Universitatis praedictae, et Nicolaus Nossowsky rector ecclesiae parochialis in Smarszouicze pro se et ecclesiae suae praedictae nominibus hinc inde sponte ut praefertur, submiserunt tenendum. Tandem nos Adam de Bandkow, Iacobus de Zaborow Canonici Cracovienses, Iacobus Parkossii de Zorawicze rector ec­clesiae ad Sanctum Stanislaum in Rupella in Kazimiria, Decretorum Doctores, Stanislaus de Nyeprow Canonicus Cracoviensis et Mathias Woyewodka haeres in Sczodr­kouicze, arbitri, arbitratores et amicabiles compositores supradicti vigore dicti com­promissi sicut per dictas partes in nos facti et per nos suscepti ac assumpti, visis ac bene masticatis iuribus ac singulis munimentis ac propositis et responsis, omnibusque aliis inter ipsas partes productis, factis et habitis et visis merito videndis, riteque recensitis, eisdem partibus, praesentisque causae liti et controversiis quibuslibet

Note fragment 4 , Page/tab number in the source: 13

finem debitum et amicabilem per nostram arbitralem Sententiam seu laudum inter­ponere, litemque huiusmodi funditus cupientes extinguere, matura animi inter nos de­liberatione praehabita, illum solum prae oculis habentes de cuius vultu iusta proce­dunt iudicia, ipsiusque nomine invocato, de unanimi omnium nostrorum voluntate et consensu ad nostram Sententiam arbitralem processimus, ipsamque coram praedictis partibus tulimus et pronuntiavimus huiusmodi sub tenore: Cristi nomine invocato et ipsum solum prae oculis habentes, visis, attentis, cognitis et diligenter inspectis prae­sentis causae iuribus alias coram nobis productis et oblatis, per hanc nostram arbi­tralem Sententiam, quam ferimus in his scriptis, dicimus, pronuntiamus, decernimus, arbitramur, laudamus, declaramus ac sententiamus: quod omnes et singulae decimae manipulares et campestres cuiuslibet grani et seminis post agros et araturas excres­centes nobilis viri domini Andreae haeredis et kmethonum ac (h)ortulanorum et inco­larum in parte ipsius Andreae in praedicta villa Sczodrkouicze locatorum, pertineant et pertinere debent perpetuo et in aevum ad venerabiles ac honorabiles viros domi­nos Rectorem, Doctor es et Magistros almae Universitatis studii Cracoviensis; in alia autem parte haereditatis praedictae Sczodrkouicze, videlicet post agros et ara­turas excrescentes nobilium Mathiae Woyewodka, Petri Flak , Blasii filii Andreae, Iacussii Gaczka et kmethonum ac (h)ortulanorum et incolarum in parte eorumdem lo­catorum, ad discretum dominum Nicolaum Nossowsky rectorem ecclesiae par ochialis in Smarszowicze, suamque ecclesiam praedictam spectant et pertinent, ac spectar e, per­tinere debeant perpetuo et in aevum; omnesque expensas, dampna, per cepta, diffe­rentias et controversias inter easdem partes in lite huiusmodi quomodolibet hinc inde exortas et factas complanamus et extinguimus, ipsasque complanatas et extinctas dicimus esse debere. Nolumus etiam nostram huiusmodi Sententiam a par tibus prae­scriptis emologari et inviolabiliter observari sub poena mille florenorum hungaricalium auri puri et iusti ponderis, videlicet medietatem poenae huiusmodi parti laudum et sententiam nostram tenenti et observanti, residuam vero partem nobis arbitrato­ribus et amicabilibus compositoribus per partem contravenientem cum effectu solven­dorum. Praeterea declarationem et moderationem huiusmodi nostrae Sententiae, prout ex vi et forma compromissi in nos facti possumus et debemus, reservamus, et quod in
moderatione praedictae nostrae sententiae eandem possumus corrigere vel eidem addere aut minuere, iuxta quod aequitas et iustitia suaserit et ordo dictaverit rationis. Lecta, lata et in scriptis promulgata fuit et est haec nostra arbitralis Sententia per nos Iacobum Parkossii de Zorawicze Decretorum Doctorem, rectorem ecclesiae paro­chialis ad Sanctum Stanislaum in Rupella in Kazimiria, nec non arbitrum, arbitra­torem et amicabilem compositorem praelibatum, de unanimi consensu et pari volun­tate ac mandato speciali nostrorum coarbitrorum supradictorum et in eorum prae­sentia. Quam quidem nostram arbitralem Sententiam in omnibus ipsius punctis et clausulis praenominatae partes mox ibidem emologaverunt et approbaverunt latam et gratam habentes. Post cuius quidem nostrae arbitralis Sententiae seu laudi lec­tionem et pronuntiationem fuimus per praefatum dominum Nicolaum Nossowsky rec­torem ecclesiae parochialis in Smarszouicze debitis, instantibus que petitionibus re­quisiti, quatinus nostram eandem arbitralem Sententiam in publicam formam redigere, decretumque et auctoritatem nostram arbitralem ad id interponere dignaremur. Nos igitur Adam de Bandkow, Iacobus de Zaborow Canonici Cracovienses, Iacobus Parkossii de Zorauicze rector ecclesiae parochialis ad Sanctum Stanislaum in Rupella

Note fragment 5 , Page/tab number in the source: 14

in Kazimiria, Decretorum Doctores, Stanislaus de Nyeprow Canonicus Cracoviensis et Mathias Woyewodka haeres de Sczodrkouicze, arbitri memorati, attendentes re­quisitionem et petitionem huiusmodi utpote iustas et rationi consonas, quodque iusta petentibus non est denegandus assensus pariter et consensus, ipsam exinde fieri et per discretum Georgium Alberti de Mchinicze clericum Wratislaviensis diocesis, pu­blicum imperiali auctoritate Notarium, nostrumque et facti huiusmodi coram nobis scribam infrascriptum scribi, subscribi et nostrorum appensione sigillorum iussimus communiri. Actum et datum Cracoviae in stuba Collegii Canonistarum, sub Anno Nativitatis Domini eiusdem Millesimo Quadringentesimo quadragesimo secundo, Indictione quinta, sacro Concilio Basiliensi praesidente, die vero Martis, vicesima men­sis Februarii, hora Vesperorum vel quasi. Praesentibus ibidem honorabilibus et no­bili viris dominis Andrea de Obichow, Nicolao de Rudawa Iuris canonici Baccalariis, Iohanne de Schidlow, rectoribus ecclesiarum parochialium, Nicolao de Pyerstne Canonico ecclesiae Collegiatae Sancti Iohannis Baptistae in Scarbimiria Cracoviensis diocesis, Iohanne de Goluchow Artium Baccalario et Nicolao haerede de Sroczkow armigero Cracoviensis diocesis, testibus ad praemissa vocatis et rogatis.

Note fragment 6 , Page/tab number in the source: 14

(L . S. n.) Et ego Georgius Alberti de Mchinicze clericus Wratislaviensis diocesis, publicus imperiali auctoritate Notarius, nec non venerabilium et nobi­lis virorum dominorum Adae de Bandkow, Iacobi de Zaborow, Iacobi Parkossii Decretorum Doctorum, Stanislai de Nyeprow Canonici Craco­viensis et Mathiae de Sczodrkouicze, arbitrorum praelibatorum, causaeque et facti huiusmodi coram eis scriba, quia praedictis compromissi, Sen­tentiae arbitralis seu laudi pronuntiationi, lectioni, petitioni, poenae val­lationi ac emologationi et decreto, aliisque omnibus et singulis praemissis, dum sic ut praemittitur, fierent et agerentur, una cum praenominatis te­stibus praesens interfui, eaque omnia et singula sic fieri vidi et audivi: ideo praesens publicum Instrumentum Sententiam arbitralem huiusmodi in se continens, manu propria scriptum exinde confeci et in hanc publi­cam formam redegi, signo et nomine meis solitis et consuetis una cum appensione sigillorum praefatorum dominorum arbitrorum, de ipsorum voluntate et mandato speciali consignavi rogatus et requisitus in fidem et testimonium omnium et singulorum praemissorum.

Comment to note fragment:
(Ex archetypo membranaceo; ex quinque sigillis restat tantum unum, ulti­mum in serie, cereum album, taeniola membranacea appensum. Sigillum hoc exhibet scutum cum insigni dicto Ostoia; inscriptio in ambitu illegibilis. — Nr. Archiv. Univ. 8594.)