Pełny podgląd zapiski o zdarzeniu dotyczącym edukacji i stopni naukowych

Fragment zapiski 1 , Numer strony/karty w źródle: 9

CVIII. Literae Raphaelis de Skawina Canonici et Officialis Cracoviensis generalis, Senten­tiam arbitralem inter Doctores Collegii Artistarum Universitatis studii Cracoviensis atque Petrum Szafraniec Subcamerarium terrae Cracoviensis et Stanislaum Młodzie­iowski, ratione iuris praesentandi ad altare tituli S. Bartholomei in ecclesia cathedrali Cracoviensi latam, in se continentes. Cracoviae, Anno 1442, die 17 mensis Februarii.

Fragment zapiski 2 , Numer strony/karty w źródle: 9

Raphael de Scawina Canonicus et Officialis Cracoviensis generalis significamus in publicum: quomodo orta coram nobis inter venerabiles et honorabiles, strenuum et nobiles dominos Magistrum Paulum de Pyotrkow Rectorem Universitatis studii
Cracoviensis, totamque Universitatem praedictam ab una, et Petrum Szaffranyecz Succamerarium terrae Cracoviensis et Stanislaum Mlodzeowski de Mlodzeowicze ab alia partibus, occasione altaris Sancti Bartholomei in ecclesia maiori Cracoviensi,
tandem dictae partes volentes sumptibus parcere et impensis, finemque inter se ami­cabilem de caetero occasione dicta invenire, omnibus modis melioribus omnes et qui­libet eorum in venerabiles dominos Thomam de Strzampino, Adam de Banthkow, Iacobum de Zorawycze Decretorum Doctores, Andream Mischa, Petrum de Ossowa Praepositum Kyelciensem, Canonicos Cracovienses, et nobiles Nicolaum Synowecz de Szadawicze, Iohannem de Cowalye et Marcum de Mnynoga praesentes compromi­serunt de alto et basso et quilibet eorum compromisit, dantes eisdem omnimodam potestatem ut et tanquam eorum arbitris facultatem omnimodam pronuntiandi et sen­tentiandi occasione dicta et omnium ad hoc contingentium, renuntiantes omnibus ex­ceptionibus et reclamationibus, prout et quemadmodum in quodam publico Instrumento compromissi desuper conscripto manu Stanislai de Cobylyno Notarii. Qui quidem domini arbitri in praesentia nostri auditis eorundem hinc inde propositionibus, que­relis et responsionibus, talem ut sequitur, inter eosdem et eorum praesentatos infra nominandos fecerunt concordiam, ipsamque per haec quae secuntur verba, primitus visis videndis et eisdem recensitis, promulgaverunt ad acta nostra: Nos Thomas de Strzampino, Adam de Banthkow, Iacobus de Zorawicze Decretorum Doctores, An­dreas Miska, Petrus de Ossowa Praepositus Kyelciensis, Canonici Cracovienses, Ni­colaus Synowecz de Sadowycze, Iohannes de Cowalye et Marcus de Mnynoga ar­bitri, arbitratores et amicabiles compositores per venerabilem virum Magistrum Paulum de Pyotrkow Rectorem almae Universitatis studii Cracoviensis et ipsam Universitatem ab una, et strenuum ac nobilem Petrum Szaffranyecz Succamerarium Cracoviensem et Stanislaum Mlodzeowski partibus ab altera, communiter electi et nominati, Christi nomine invocato et solum Deum prae oculis habentes pronuntiamus et arbitramur per hanc nostram Sententiam arbitralem: Quod Magistri et Doctores collegiati Collegii Artistarum, postquam altare Sancti Bartholomei in ecclesia maiori

Fragment zapiski 3 , Numer strony/karty w źródle: 10

Cracoviensi vacaverit quovis modo, tenebuntur et poterint praesentare duos Magistros idoneos seniori de domo dominorum Szaffranyecz alias Staricon, qui de illis duobus tenebitur unum accipere et in eum consentire secundum tenorem privilegii sive pri­vilegiorum, ita tamen quod dicti domini Petrus Szaffranyecz et Stanislaus Mlodzeowski et ipsorum successores legitimi praedictos Rectorem et Universitatem in prae­sentatione seu collatione huiusmodi secundum hoc decretum et arbitrium nostrum facta, impedire et molestare non debent quovis modo perpetuis temporibus sub poena in compromisso vallata et apposita totiens quotiens nostrae Sententiae contravenerint aut contravenirent; ipsi vero Magistri tenebuntur subire et explere omnia onera dicti altaris iuxta tenorem dictorum privilegiorum etiam temporibus aeviternis. Item dicti Magistri tenebuntur et debent remittere omnes iniurias, debita et expensas et quae­cumque alia occasione dictae causae contracta ipsis dominis Petro Szaffranyecz et Stanislao Mlodzeowski ac honorabili domino Nicolao Gardialek presbytero de Slaw­kow, et confitebuntur coram domino Officiali Cracoviensi pro omnibus dictis eis fore satisfactum. Ipseque dominus Stanislaus Mlodzeowski tenebitur dimittere omnes poe­nas occasione dictae causae contractas in iudicio saeculari, et venire ad iudicium saeculare et recognoscere pro dictis poenis satis fuisse factum. Et dominus Nicolaus Gardialek consimiliter iuri, si quod sibi ad dictum altare competebat, renuntiare et omnimode ab eodem recedere debet; cui etiam praefati Magistri dampnificata et per­cepta, quae occasione dicti altaris perceperat, remittere debent. Nihilominus tamen dominus Stanislaus Mlodzeowski duos boves, quos recognovit et fatetur recepisse praefatis Magistris vel uni eorum cuius interest, restituere aut valorem ipsorum com­pensare tenebitur et sit astrictus, ad quod etiam se sponte obtulit pro procuratore vero suo Nicolao, qui alios boves praefatis Magistris sine velle de mandato dicti Stanislai Mlodzeowski abstulit et recepit, et statim idem Stanislaus asseruit se coram quocumque iudice de praemissis attentare non debere. Quae omnia et singula prae­fatae partes sub poena ducentarum marcarum tenebuntur hinc inde observare. In quorum omnium et singulorum praemissorum praesentes literas huiusmodi Sententiam arbitralem in se continentes exinde fieri et per Notarium publicum infrascriptum, co­ram nobis causarum et facti huiusmodi scribam, scribi et ad acta nostra de dicta­rum partium ac arbitrorum voluntate et consensu acticari, sigillique nostri appen­sione mandavimus et iussimus communiri et sigillari. Lecta fuit haec Sententia ar­bitralis per praefatum dominum Thomam de Strzampino et ad acta nostra de con­sensu suorum coarbitrorum imposita et pronuntiata Anno Domini Millesimo Quadrin­gentesimo quadragesimo secundo, Indictione quinta, sacrosancta Basiliensi Synodo generali durante, die Sabbato decima septima Februarii, hora Nonarum vel quasi, in domo habitationis nostrae Cracoviae, nobis et dictis dominis arbitris pro tribunali sedentibus. Praesentibus honorabilibus et discretis dominis Iohanne Rogalecz Prae­posito Curzelouiensi, Mathia de Myeschewo et Martino de Sochaczow Notariis pu­blicis, Cracoviensis et Poznaniensis diocesum, testibus ad praemissa vocatis specia­liter et rogatis.

Fragment zapiski 4 , Numer strony/karty w źródle: 10

(L. S. n.) Et me Mathia Nicolai de Grodzecz clerico Poznaniensis diocesis, impe­riali auctoritate Notario, causarumque coram praefato domino Raphaele de Skawina Canonico et Officiali Cracoviensi generali scriba, qui prae­missa in actis ipsius domini Officialis manu dicti Magistri Mathiae de Myeschow auctoritate praedicta Notarii, meique coram eo causarum

Fragment zapiski 5 , Numer strony/karty w źródle: 11

conscribae, aeticata et reposita inveni, vidi et reperi: ideo praesens Instrumentum huiusmodi concordiam in se continens, per dicti Mathiae ma­num ingrossatum confeci, signoque et nomine meis solitis et consuetis consignavi, sigillo suo communivi, rogatus etenim et requisitus in fidem et testimonium omnium et singulorum praemissorum.

Komentarz do fragmentu zapiski:
(Ex archetypo membranaceo, cum sigillo cereo viridi, taeniola membra­nacea appenso. Sigillum exhibet imaginem B. Mariae V. parvulum Christum gestantis, sub qua scutum cum insigni dicto Doliwa. In ambitu legitur inscrip­tio literis gothicis minusculis exarata: s. rappael. de sca . can. cr.— Nr. Archiv.Univ. 9274.)