Pełny podgląd zapiski o zdarzeniu dotyczącym edukacji i stopni naukowych

Fragment zapiski 1 , Numer strony/karty w źródle: 171

LXXXVIII. Literae Andreae de Buk Baccalaurei S. Theologiae et Custodis ecclesiae collegiatae S. Floriani, approbationem amicabilis compositionis inter Bernhardum filium Nicolai Langeniclos civis Cracoviensis, et Magistrom Vincentium de Brega praebendarium capellae S. Adalberti, ratione retenti census trium marcarum ex domo olim Christophori Fogil praefatae capellae debiti, in se continentes.
Cracoviae, Anno 1432, die 16 niensis Octobris.

Fragment zapiski 2 , Numer strony/karty w źródle: 171

In nomine Domini Amen. Noverint universi praesentem literam sive praesens publicum Instrumentum inspecturi: quod coram nobis Andrea de Buk Artium liberalium Magistro, Sacrae Theologiae Baccalario, Custode ecclesiae Sancti Floriani extra muros Cracovienses, conservatore iurium et privilegiorum venerabilium virorum dominorum Rectoris, Doctorum, Magistrorum et Scolarium almae Universitatis studii Cracoviensis, per venerabilem et religiosum virum dominum Paulum divina patientia Abbatem monasterii Claraetumbae ordinis Cisterciensis, iudicem et conser-

Fragment zapiski 3 , Numer strony/karty w źródle: 172

vatorem principalem a Sede Apostolica cum certis suis in hac parte collegis cum clausula: Quatenus vos aut unus vel duo vestrum etc. deputatum, subdelegato ad hoc specialiter iudicio praesidentibus, constitutus personaliter providus vir Bernhardus filius olim Nicolai Langeniclos civis Cracoviensis suo et Conradi, Stanislai, Margarethae et Hedwigis fratrum et sororum suorum tutorio nomine, de cuius tutela apud acta nostra constitit atque constat lucidissimis documentis, palam publice et expresse iudicialiter recognovit: quomodo alias inter ipsum et dictos suos fratres et sororos ab una, et honorabilem virum dominum et Magistrum Vincencium de Brega praebendarium capellae Sancti Adalberti Cracoviensis, occasione censuum trium marcarum ad dictam capellam spectantium, in et super domo olim Cristofori Fogil consistentium, et ad ipsam domum de domibus olim Nicolai Schaffer et Staschonis Sartoris, quae condam una domus erant, translatorum, nunc vero super domo posteriori dictorum puerorum Langeniclos consistentium et inde censuum persessorum, super quibus censibus coram nobis Andrea de Buk conservatore praedicto vertebatur materia quaestionis, volentes parcere ulterioribus litibus et expensis ac litis amfractus ulteriores evitare, per venerabilem et honorabilem viros dominos Franciscum Creysewicz de Brega Sacrae Theologiae Professorem, Canonicum Cracoviensem, et Andream Schkoda ecclesiarum Wratislaviensis et Glogouiae maioris Canonicum, arbitros arbitratores et amicabiles compositores ad hoc specialiter per dictas partes electos et nominatos, sunt finaliter et amicabiliter uniti, compositi et concordati ita et taliter: quod dictus Bernhardus Langeniclos suo et fratrum et sororum suorum praefatorum nominibus dabit dicto Magistro Vincencio de Brega praebendario quatuor marcas pecuniae usualis, Polonicalis numeri et pagamenti consueti, pro omnibus censibus occasione trium marcarum censuum praedictorum persessis et solvere neglectis, videlicet duas marcas ad festum Nativitatis Christi proxime futurum, et duas marcas ad Carnisprivium expost immediate venturum. De censu vero trium marcarum praedicto amplius et in antea annis singulis temporibus perpetuis dicti Bernhardus, Conradus, Stanislaus, Margaretha et Hedwigis pueri olim Nicolai Langeniclos et ipsorum legitimi successores et possessores domus posterioris praefatae, in platea Scolarium immediate post domum acialem dictorum puerorum Langeniclos situatae, et de ipsa domo posteriori dicto Magistro Vincencio de Brega praebendario antedictae capellae Sancti Adalberti et suis successoribus praebendariis pro tempore existentibus, ad festum Sancti Martini Episcopi respondebunt et solvant cum effectu; et ad proximum festum Sancti Martini prima dictorum censuum trium marcarum instabit solutio, et sic consequenter annis singulis et temporibus perpetuis in dicto festo fiat praefati census trium marcarum solutio. De duabus vero marcis et octo grossis census annui, aliis a dictis tribus marcis census, dictus Bernhardus per praefatum Magistrum Vincencium ibidem fuit hortatus, quod eum coram nobis Magistro Andrea conservatore confitetur ita duntaxat: Respondit sibi bene constare, quod pater suus piae memoriae Nicolaus Langeniclos dictum censum duarum marcarum cum octo grossis dedit annis singulis ad festum Sancti Martini praebendario capellae Sancti Adalberti, qui pro tempore fuit, et ipse etiam Bernhardus dictum censum duarum marcarum cum octo grossis confessus est dicto Magistro Vincencio se dedisse in dicto termino sive festo; sed an iste census dictarum duarum marcarum connumeratur in ratha memoratarum trium marcarum census, vel non, hoc ipsi Bernhardo non constaret neque constat, vel an istae duae marcae cum octo grossis

Fragment zapiski 4 , Numer strony/karty w źródle: 173

census in domo anteriori aciali vel posteriori praefatis est constitutus, dictus Bernhardus dixit sibi non constare, nec eundem solvere quovismodo vult, nisi iure victus et ad ipsius solutionem compulsus. In quorum omnium fidem et testimonium praemissorum praesentes literas sive praesens publicum Instrumentum huiusmodi confessionem in se continentes sive continens, per Henricum de Strelicz Notarium nostrum et huiusmodi facti coram nobis scribam scribi et publicari mandavimus, nostroque sigillo, quo ad causas utimur, sub appensione iussimus communiri. Unde nobis pro parte dicti Magistri Vincencii de Brega praebendarii dictae capellae Sancti Adalberti extitit humiliter supplicatum, quatenus praesentibus auctoritatem nostram interponere dignaremur et decretum: nos Andreas attendentes huiusmodi petitionem fore iustam et consonam rationi, et quod iusta petentibus non est denegandus assensus, praesentibus auctoritatem nostram interposuimus pariter et decretum. Actum et datum in Collegio Artistarum et in camera Magistri Francisci de Brega Sacrae Theologiae Professoris, Anno Domini Millesimo Quadringentesimo tricesimo secundo, Indictione decima, Pontificatus Sanctissimi in Christo patris et domini nostri domini Eugenii Papae quarti anno secundo, die Mercurii sexta decima mensis Octobris, hora Vesperorum vel quasi. Praesentibus ibidem honorabilibus et discretis viris Magistris Nicolao de Brega Sacrae Theologiae Baccalario, Andrea de Dopschino Artium Magistro et Mathia de Buk Notario publico, clericis Wratislaviensis et Poznaniensis diocesum, testibus ad praemissa vocatis specialiter et rogatis.

Fragment zapiski 5 , Numer strony/karty w źródle: 173

(L. S. n.) Et ego Henricus olim Petri Brzoza de Strelicz clericus Wratislaviensis diocesis, publicus imperiali auctoritate Notarius, huiusmodique facti coram venerabili viro domino Andrea de Buk conseiratore subdelegato praedicto scriba, quia praedictorum amicabilis concordiae, iudicialis recognitionis et confessioni, omnibusque et singulis praedictis, dum sic ut praemittitur, agerentur et fierent, una cum memoratis testibus praesens fui, eaque omnia et singula sic fieri vidi et audivi: ideoque praesens publicum Instrumentum sive literam, me aliis occupato, per alium scriptum exinde confeci, subscripsi et in hanc publicam formam redegi, signo et nomine meis solitis et consuetis consignavi rogatus et requisitus in fidem et testimonium omnium et singulorum praemissorum.

Komentarz do fragmentu zapiski:
(Ex archetypo membranaceo, cum sigillo cereo rabro, taeniola membranacea appenso. Sigillum defert imaginem cuiusdam Sancti cum inscriptione in ambitu illegibili.— Nr. Archiv. Univ. 536.)