Blick im Eintrag über Bildung/Akademichen Graden

Eintragsabschnitt 1 , Seite/Karte in der Quelle: 155

LXXIX. Introductio Magistri Vincentii de Brega ad praebendam capellae S. Adalberti in circulo civitatis Cracoviensis sitae.
Cracoviae, Anno 1426, die 16 mensis Augusti.

Eintragsabschnitt 2 , Seite/Karte in der Quelle: 155

In nomine Domini Amen. Sub Anno Nativitatis eiusdem Millesimo Quadringentesimo vicesimo sexto, Indictione quarta, Pontificatus Sanctissimi in Christo patris et domini nostri, domini Martini divina providentia Papae quinti anno nono, die vero decima sexta mensis Augusti, hora tertiarum vel quasi, ante capellam Sancti Adalberti in medio civitatis Cracoviae sitam, in mei Notarii publici subscripti et testiumque infrascriptorum, ad hoc specialiter vocatorum et rogatorum praesentia constitutus personaliter reverendus ac honorabilis vir dominus Vincencius de Brega Wratislaviensis diocesis, Artium liberalium Magister almae Universitatis studii Cracoviensis, tenens et habens suis in manibus literas institutionis venerabilis ac reverendi Magistri Stanislai de Scarbimiria Decretorum Doctoris, Canonici Cracoviensis et Vicarii in spiritualibus reverendi in Christo patris et domini, domini Sbignei Dei gratia Episcopi Cracoviensis, in pergameno scriptas, ipsius sigillo rotundae figurae, intus de rubra ab extra vero de communi cera, in pensula pergamenea subappendente, sigillatas, ipsarum vigorem apprehendens, reverendum ac honorabilem virum Magistrum Nicolaum de Brega Artium liberalium Studii Cracoviensis, praedictae Wratislaviensis diocesis, ante dictam ecclesiam Sancti Adalberti monuit et requisivit, quatenus ad executionem earundem literarum institutionis et investiturae iuxta vim et formam procederet, sibique possessionem prae-

Eintragsabschnitt 3 , Seite/Karte in der Quelle: 156

nominatae capellae Sancti Adalberti in dicta civitate Cracoviensi sitae, nec non omnium et singulorum redituum, proventuum, quaestuum, censuum et oblationum ad dictam capellam quomodolibet pertinentium assignaret cum effectu. Qui quidem praedictus dominus et Magister Nicolaus volens obedire mandatis dicti venerabilis viri domini Stanislai tamquam in spiritualibus Vicarii, possessionem praetaxatae capellae, omnium et singulorum proventuum et censuum, redituum, obventionum, quaestuum et oblationum ad ipsam capellam quomodolibet pertinentium, quantum in eo fuit, cum superpillicii et stolae in manus impositionibus introduxit et assignavit, alia omnia et singula praemissa fecit, quae sibi in dictis literis mandabantur. Super quibus omnibus et praemissis praeexpresatus Magister Vincencius petiit sibi fieri, dari et confici a me Notario publico praesens publicum Instrumentom totiens quotiens sibi videbitur utilius expedire. Acta sunt haec omnia praemissa Anno, Indictione, Pontificatu, die, mense, hora, loco, quibus supra. Praesentibus discretis Nicolao de Brega Wratislaviensis, Nicolao ligatore librorum, cive Cracoviensi, Nicolao de Brega Wratislaviensis, Adam de Merzycze et Laurentio de Iambreschow clericis et studentibus almae Universitatis studii Cracoviensis, Gneznensis diocesum, testibus circa praemissa.

Eintragsabschnitt 4 , Seite/Karte in der Quelle: 156

(L. S. n.) Et ego Stanislaus Michaelis de Szneyna clericus Gneznensis diocesis, publicus imperiali auctoritate Notarius, quia praedictis literarum exhibitioni, requisitioni, introvisationi, aliisque praemissis ut supra praemittuntur, fierent et agerentur, una cum praenominatis testibus praesens interfui, eaque sic fieri vidi et audivi, ideoque me hinc propria manu subscribens in hanc publicam formam redegi, signo et nomine meis sosolitis et consuetis consignavi vocatus et requisitus in lidem et testimomonium omnium praemissorum.

Bemerkungen zum Eintragsabschnitt:
(Ex archetypo membranaceo, absque sigillo. — Nr. Archiv. Univ. 8980.)