Blick im Eintrag über Bildung/Akademichen Graden

Eintragsabschnitt 1 , Seite/Karte in der Quelle: 151

LXXVI. Wladislaus Rex Poloniae Custodiam ecclesiae S. Floriani in Suburbio Cracoviensi S. Theologiae Professoribus Universitatis Studii generalia Cracoviensis adscribit Cracoviae, Anno 1425, die 25 mensis Februarii.

Eintragsabschnitt 2 , Seite/Karte in der Quelle: 151

In nomine Domini Amen. Ad rei memoriam sempiternam. Wladislaus Dei gratia Rex Poloniae, nec non terrarum Cracoviae, Sandomiriae, Syradiae, Lanciciae, Cuyaviae, Lithwaniae Princeps supremus, Pomoraniae, Russiaeque dominus et haeres, significamus universis quibus expedit praesentibus et futuris, praesen-

Eintragsabschnitt 3 , Seite/Karte in der Quelle: 152

tium notitiam habituris: Quod cum supernae dispensationis provisio, cui consilia non communicant aliena, nos ineffabili dignatione de gentilitatis erroribus ad lucern de tenebris, ac sui nominis agnitionem eduxit misericorditer, mirabiliter et vocavit, ac tandem ad regalis dignitatis fastigium ac gloriae solium, licet nostris insufficientibus meritis, gloriosius exaltavit, ad hoc laboriosae meditationis indagine propositorum nostrorum studia dirigimus, curamque nostrae diligentiae praestantius extendimus, ut quos olim in erroris vetusta caligine constituti socios tenebrarum habuimus, signanter indigenas terrae nostrae Lithwaniae, quos illo volente, qui coelestia simul et terrena dirigit, ad assumptionem et integritatem fidei catholicae feliciter attulimus, per assuefactionem et exercitium piorum operum, sine quibus ipsa fides vacua fore noscitur et inanis, in lucis filios Deo duce totaliter convertamus, horum tamen ope pariter et opera, quorum animos candor aeternae lucis doctrinae et sapientiae plenitudine decoravit in fundamentis videlicet et profunditatibus scripturanim expertorum, quorum ex approbata prudentia consiliis altissimis thalamus roboratur regius et actibus virtuosis reipublicae stabilitas semper salubribus proficit incrementis. Ideo pro nostri Studii generalis almae Universitatis Cracoviensis firmiori stabilimento ac dilatatione et uberiori incremento, neophytarumque praedictae Lithwaniae, caeterarumque gentium clariori salutis illuminatione ube(rio)ri et profectu, praesertim ad fidei catholicae propagationem nostrae humanitatis viribus assurgere et aspirare praecordialius cupientes, Studium praedictum infrascripti beneficii incorporatione ad nostram utpote veri patroni donationem, praesentationem etc. pertinentis, singularem ad id gerentes pietatis affectum, prout ad hoc ex assumptae dignitatis officio noscimur obligari, de nostra munificentia speciali praehonorando et benignius largiendo, dignum duximus consolandum; ut de tanta ubertate Studii praedicti etiam in exteras nationes per floridam fructuum salutiferorum multiplicationem et Magistroram, Doctorum ac praedicatorum creationem et coelestis prolis foecundam generationem sparsim dilatare et diffundere valeat feliciter atque possit, quo se latioribus beneficiorum et refectionum curialitatibus et munificentiis de nostrae liberalitatis intimis senserit consolatum. Damus itaque, donamus, conferimus, ascribimus, adiungimus et incorporamus perpetuis temporibus affuturis eiusdem Studii generalis Sacrae Theologiae Professoribus, Doctoribus et Magistris Custodiam ecclesiae Sancti Floriani in suburbio nostrae Cracoviensis civitatis, exceptione de eaclem Custodia in nostro privilegio priori non obstante. Ipse quoque Sacrae Theologiae Professor, Doctor sive Magister, qui post mortem honorabilis viri Nemyerzae ibidem nunc Custodis assecutus fuerit Custodiam suprascriptam, pro nostra ac Zophiae consortis nostrae, nec non domini Allexandri alias Wytowdi Magni Ducis Lithwaniae salute ad Dominum iugiter interpellet. Volumus insuper et omnino decernimus, quod praefatus Sacrae Theologiae Professor, Doctor vel Magister postquam ipsum beneficium adeptus fuerit, legere ac residentiam personalem facere in praedicta Universitate more aliorum circa praedictam ecclesiam promotorum teneatur. Et ut ipsa praemissa et singula perpetui roboris obtineant firmitatem, praesentes literas nostras in fidem et testimonium omnium praemissorum scribi mandavimus, ac nostri maioris sigilli pendentis munimine iussimus roborari. Actum et datum in ecclesia cathedrali nostri castri Cracoviensis, ipso die dominico quo Invocavit in Ecclesia Dei decantatur, Anno Domini Millesimo Quadringentesimo vigesimo quinto. Praesentibus reverendis in Christo patribus dominis Alberto Archiepiscopo Gneznensi, Zbigneo

Eintragsabschnitt 4 , Seite/Karte in der Quelle: 153

Episcopo Cracoviensi, nec non honorabilibus et magnificis Wladislao Opporowsky Decretorum Doctore, Scolastico Wladislaviensi, Magistro Andrea de Kokorzino Sacrae Theologiae Baccalario formato, Custode Sandomiriensi, Sandziwogio de Ostrorog Palatino Poznaniensi et aliis quam pluribus testibus fide dignis.
Ad relationem venerabilis viri Stanislai Czolek Vicecancellarii Regni Poloniae.

Bemerkungen zum Eintragsabschnitt:
(Ex archetypo membranaceo, cum sigillo maiestatico maiori, ex alba cera effecto, filis sericis coloris rubri et viridis appenso. Sigillum eiusdem typi ac sub Nr. XVI. — Nr. Archiv. Univ. 9916.)