Full view of a note about event related to education stage and academic degree

Note fragment 1 , Page/tab number in the source: 148

LXXIV. Sbigneus (de Oleśnica) Episcopus Cracoriensis ordinationem, qua mediante Niicolaus Kytla Canonicus Scarbimiriensis ex proventibus altaris tituli S. Margarethae in ecclesia cathediali Cracoviensi annuatim octo marcas hospitali leprosorum (ad S. Valentinum) extra muros Cracovienses se soluturum obligavit, confirmat.
Cracoviae, Anno 1425, die 3 mensis Februarii.

Note fragment 2 , Page/tab number in the source: 148

Sbigneus Dei gratia Episcopus Cracoviensis significamus tenore praesentium quibus expedit universis, tam praesentibus quam futuris, notitiam praesentium habituris: Quomodo honorabilis et circumspectus viri Nicolaus Kythla Canonicus Scarbimiriensis et altarista altaris Beatae Margarethae virginis siti in ecclesia Cracoviensi, et lohannes Hannus balneator balnei in Arena, civis Cracoviensis, tutor seu procurator infirmorum leprosorum extra muros Cracovienses, ad nostram et venerabilium fratrum nostrorum Capituli ecclesiae Cracoviensis venientes praesentiam, talem ordinationem fecisse pro dandis victualium necessariis, quae praefatus Nicolaus Kytla et ipsius successores de bonis et fructibus ac proventibus dicti sui altaris Beatae Margarethae virginis siti in ecclesia Cracoviensi, iuxta tenorem privilegii felicis recordationis domini Nankeri Episcopi Cracoviensis, praedecessoris nostri, super erectione, fundatione eiusdem altaris, ipsis infirmis leprosis dare tenebantur, publice et per expressum recognoverunt, videlicet quod praefatus Nicolaus Kytla et ipsius successores altaristae dicti altaris Sanctae Margarethae occasione huiusmodi victualium necessariorum, quae infirmis leprosis praedictis iuxta tenorem huiusmodi privilegii domini Nankeri Episcopi Cracoviensis fundatoris et dotatoris altaris ipsius dare tenebantur praefatis infirmis leprosis extra muros civitatis Cracoviensis degentibus, pro eorum vita sustentanda, de bonis et proventibus dicti altaris Sanctae Margarethae virginis in eadem ecclesia Cracoviensi, singulis Quatuortemporibus anni duas marcas in moneta communiter in regno Poloniae decurrente dare et sine omni contradictionis negligentia sub poena excommunicationis per Lociordinarium in ipsum promulganda et ferenda, solvere tenebuntur et sint astricti, petentes cum in-

Note fragment 3 , Page/tab number in the source: 149

stantia debita, ordinationem huiusmodi et victualium necessariorum specificationem ipsorum huiusmodi per nos approbari, ratificari et confirmari. Nos vero ordinationem et specificationem necessariorum huiusmodi ipsorum attendentes fore iustam et consonam rationi, eorumque votis et petitionibus annuentes, praedictas recognitionem, ordinationem et necessariorum specificationem ipsorum huiusmodi ratas et gratas habentes, approbamus, ratificamus et praesentis scripti patrocinio confirmamus, decernentes ipsas obtinere robur perpetuae firmitatis. In cuius rei testimonium sigilla nostrum et dicti Capituli ecclesiae Cracoviensis praesentibus sunt appensa. Actum et datum Cracoviae, in crastino Purificationis Sanctae Mariae Virginis, Anno Domini Millesimo Quadringentesimo vicesimo quinto. Praesentibus et consentientibus venerabilibus et honorabilibus viris dominis Iohanne Decano, regni Poloniae Cancellario, Andrea Mischca Archidiacono et Officiali, Nicolao Pyenaschconis Praeposito, Stanislao Czolconis Cantore, Regni Poloniae Vicecancellario, Nemerza Custode Sancti Floriani extra muros Cracovienses, Diuissio Praeposito Scarbimiriensi, Nicolao de Lapanow Praeposito Kelciensi, Magistris Stanislao de Scarbimiria, Adam de Bandcow, Alberto Iastrzambecz Praeposito Poznaniensi et Sancti Floriani extra muros Cracovienses, Decretorum Doctoribus, Nicolao Hinczonis, Iaroslao de Sluzow, Clemente Radomski et Stanislao Neprowski Canonicis Cracoviensibus, fratribus nostris sincere dilectis et aliis testibus fide dignis.

Comment to note fragment:
(Ex archetypo membranaceo, cum duobus sigillis cereis albis. Sigillum primum rotundum, fllis sericis coloris rosei appensum, exhibet imaginem Episcopi stantis, cum duobus angelis ad latus scuta cum insigni Dembno et Capituli Cracoviensis tenentibus. In ambitu vero legitur inscriptio: S. sbignei. dei gra. epi. cracovien. — Sigillum alterum Capituli Cracoviensis formae ellipticae, filis sericis coloris coerulei appensum, eiusdem typi ac sub Nr. XXXVII. — Nr. Archiv. Univ. 10,067.)