Full view of a note about event related to education stage and academic degree

Note fragment 1 , Page/tab number in the source: 131

Anno Domini millesimo quingentesimo sexagesimo, die ve[ro] Martis prima octobris [1 X 1560], in praepositura magistri Alberti Leopoliensis, facta est convocatio omnium dominorum doctorum et magistrorum more solito per schedam, sub paena prout diligit quisque bonum communitatis et non contradicendi, ad consultandum, deliberandum finaliterque concludendum, quonam modo haec pecunia centum triginta septem florenorum et decem grossorum, quae ex venditis omnibus bonis mobilibus villae Bosczina post mortem nobilis olim domini Nicolai Bogusz erat collecta, disponatur [...].

Note fragment 2 , Page/tab number in the source: 131

"Anno Domini 1560, die vero prima octobris [1 X 1560], ego d[ominus?] Felix Sieprczius recognosco praesentibus accepisse me mutuo a reverendis dominis doctoribus et magistris Maioris Collegii ex the[sau]ro eiusdem communitatis, per manus venerabilis magistri Alberti Le[o]poliensis praepositi et reverendi doctoris domini Sebastiani a C[le]parz nec non magistri Martini Pilsnensi consiliariorum, qui[n]quaginta florenos in moneta bonae pecuniae et numeri Po[lo]nicalis, in singulos triginta grossos computando, pro subsidio exp[en]sarum fiscarię. Quos quidem quinquaginta florenos obl[igo]

Note fragment 3 , Page/tab number in the source: 132

praesenti chyrographo et promitto soluturum feria quarta Cinerum proxime instantis, anno Domini 1561 [19 II 1561], sub paena eiusdem summae quinquaginta florenorum in summam praedictam principaliter non computanda. Datum in Collegio Maiori anno, die, etc. mense, quibus supra”.