Full view of a note about event related to education stage and academic degree

Note fragment 1 , Page/tab number in the source: 81

139. Anno Domini MCCCCLXXXXV, die Saturni XIV februarii, in rectoratu venerabilis magistri Iohannis de Oschwya(n)czym etc., facta convocacione omnium doctorum et magistrorum Universitatem representancium, sub tali tenore verborum: Egregie domine doctor et magister reverende. Cum statuti ordinacio super vacancia beneficiorum disponat, ut sequenti die vel quantocicius fieri poterit ad electionem procedatur, ideo sitis hodie hora XXI in stuba communi Collegii artistarum ad eligendum novum dominum plebanum et rectorem ecclesie parochialis sancti Nicolai extra muros Cracovie, sub pena non contradicendi. Detur omnibus doctoribus et magistris salariatis duntaxat ex parte rectoris. In plena magistrorum residencia cum iuxta priscas consuetudines post invocacionem Spiritus sancti et lectis litteris incorporacionis dicte ecclesie sancti Nicolai Universitati facte, de modo et qualitate electionis tractaretur, an iuxta conclusionem pene ex concordi

Note fragment 2 , Page/tab number in the source: 82

voto anno superiori factam die Lune XIV aprilis, non tamen auscultatam, ubi de incorporacione eius ordinarie lectioni in facultate theologica fuerat diffinitum, procedi deberet dumque in votorum examinacione ob varios respectus alii pro conclusione tenenda, alii vero contra ipsam conclusionem votavissent, in hoc finaliter multa maior pars consensit, quod non sit ordinaria lectione onerata, maxime ideo, quia domini collegiati maioris Collegii pro maiori parte cum certis doctoribus eis adherentibus [et] collegiatis de minori Collegio censum ordinarie in theologia noluerunt mittere extra domum, cum alias plura onera illi ecclesie incumbunt, nihilominus tamen leve aliquod onus habeat annexum pro utilitate Universitatis et ad precludendam viam impetracionibus futuris. Et hii, qui sequuntur doctores et magistri, fuerunt de hac firma sentencia: Valentinus de Ilkusch, canonicus Cracoviensis, Iohannes Wisoczky, Iohannes de Skavina, lectores novorum iurium, Andreas de Gorra, archidiaconus Curzeloviensis, Bartholomeus de Sneyna, plebanus sancte Anne, Iohannes de Costan, Petrus de Ilkusch, senior privilegiatus burse canonistarum, Nicolaus de Coprziwnycza, lector ordinarius in iure canonico, Iohannes Amicinus, Georgius de Vislicia, doctores in decretis; hi vero, qui sequuntur ex magistris: Stanislaus de Cracovia, licenciatus in medicinis{{1}}, canonicus sancti Floriani, Iohannes de Zummerfelt{{a}}, decanus arcium, Martinus de Cracovia, baccalarius formatus, canonicus sancti Floriani, Iohannes de Glogovia, Stanislaus de Srzebrna Gorka, Mathias de Cobilino, Albertus de Pnyewy, Bernardus de Biskupye, Paulus de Zacliczovo, Stanislaus de Ilkusch, Stanislaus Byel de Nova Civitate, Michael de Bistricow Parisiensis, Iohannes de Leschnicza, Nicolaus de Cracovia{{2}}, Albertus de Schamothuly, Iohannes de Przemyslia et Simon de Szerprzecz{{3}}, collegiati maioris et minoris Collegii. Ex hac igitur concordi multitudine et pluralitate votorum, non obstante eo, quod octo duntaxat votaverunt pro conclusione pristina ratificanda et manutenenda, scilicet: Iohannes de Pilcza, canonicus Cracoviensis, Mathias de Schidlow et Iohannes de Stanischewicze, canonici sancti Floriani, Hieronimus de Wogstadt, professores sacre theologie, Iohannes de Wladislavia, decretorum doctor, lector in decreto, Iohannes Ursinus, doctor medicine et Nicolaus de Pylcza et Iohannes de Gromadzycze, arcium magistri. Conclusum est contra prius conclusa, quod de cetero plebania sancti Nicolai non simpliciter sit libera neque annexa ordinarie facultatis theologice, sed habeat aliquod annexum leve onus ex causis allegatis. Dumque deinde (antequam esset processum ad electionem novi plebani) de

Comment to note fragment:
{{a}} Zunnerfelt //rkps.//
{{1}} Stanisław Selig.
{{2}} Mikołaj Mikosz.
{{3}} Szymon z Sierpca.

Note fragment 3 , Page/tab number in the source: 83

onere diffiniendo et specificando induceretur, quidam stantes in voto priori non secus voluerunt esse onerandam dictam ecclesiam, nisi quod cederet in ordinariam facultatis theologice et hi fuerunt: Iohannes de Pylcza, canonicus Cracoviensis, Mathias de Schidlow, Iohannes de Stanischovicze, canonici sancti Floriani et Hieronimus de Vogstadt, doctores sacre theologie; alii vero numerosiores votarunt, quod ad duos celebres actus duntaxat obligetur habendos in anno temporibus opportunis secundum condicionem promocionis sue, ut si fuerit theologus — in theologia, si iurista — in iure canonico, si vero simplex magister — tunc in artibus. Et hi fuerunt: Valentinus de Ilkusch, canonicus Cracoviensis, Iohannes de Szkawina, Iohannes de Wisoka, lectores novorum iurium, Bartholomeus de Zneyna, plebanus sancte Anne, Petrus de Ilkusch, senior privilegiatus burse canonistarum, Nicolaus de Comprovincia, lector ordinarius in iure canonico, Iohannes Amicinus de Cracovia, doctores sacrorum canonum. Item ex magistris: Stanislaus de Cracovia, licenciatus in medicinis, canonicus sancti Floriani, Iohannes de Zummerfelt{{a}}, decanus arcium, Iohannes de Glogovia, Stanislaus de Gorky, Mathias de Cobilino, Albertus de Pnyewye, Iohannes Gromaczky; accesit Paulus de Zacleczevo, Stanislaus de Ilkusch, Bernhardus de Biskupye, collegiati maioris et minoris Collegii. Alii vero, quod sermones ad clerum correctorii vel funebres sub certis temporibus et hii fuerunt: Andreas de Gorra, Iohannes de Costan, Iohannes de Wladislawia, Georgius de Vislicia, doctores in decretis, item magister Martinus de Cracovia, baccalarius formatus{{1}}, Stanislaus Biel de Nova Civitate, Michael Parisiensis, Iohannes de Leschnycza, Nicolaus de Cracovia, Albertus de Schamothuli et Simon de Szierprzecz, collegiati maioris et minoris Collegii. In ista ergo diversitate ex pluralitate votorum conclusum est, quod de cetero et deinceps ecclesia sancti Nicolai istud onus pro bono et profectu Universitatis ferat, ut eligendus et omnis plebanus et rector pro qualitate sue promocionis duos actus celebres, premissa solemni intimacione, in anno faciat temporibus ad hoc opportunis, quibus se disponere melius poterit.
Lecta in publica audiencia Universitatis tocius et auscultata atque approbata iussaque scribi in librum Conclusionum, ut habeatrobur sempiternum.

Comment to note fragment:
{{a}} Zunnerfelt //rkps.//
{{1}} Mikołaj Łysy z Krakowa. [błąd wydawcy, powinnien być Marcin Łysy z Krakowa - MB]