Full view of a note about event related to education stage and academic degree

Note fragment 1 , Page/tab number in the source: 77

133. Anno Domini millesimo quadringentesimo nonagesimo quarto, die Iovis sexta februarii, in rectoratu venerabilis viri magistri Iohannis Sacrani de Osswanczym, sacre theologie professoris et custodis sancti Floriani in Cleparz, convocacione facta omnium doctorum et magistrorum salariatorum in {{a-}}stuba communi{{-a}} Collegii artistarum super certis punctis Universitatis commodum concernentibus secundum formam convocacionum consuetam, inter que fuit punctum unum et primum de audienda notificacione voluntatis reverendissimi domini cardinalis et cancellarii Universitatis{{1}} nostre. In qua quidem convocacione expositum est quomodo sua paternitas reverendissima ex

Comment to note fragment:
{{a-a}} stuba commune //rkps.//
{{1}} Fryderyk Jagiellończyk, mianowany kardynałem w 1493 r.

Note fragment 2 , Page/tab number in the source: 78

Universitate postulat et optat, ut licencia pleno iure tribueretur magistro Alberto de Brudzow, sentenciario, electo, votato et postulato ad serviendum illustrissimo principi Magno Duci Lithwanie, ut nec in salariis, nec laborum coactione, nec denique in postergacione sui loci circa lecturam sentenciarum gravaretur et adiectum est, quod iam ex parte sue paternitatis reverendissime sibi sit indultum, prout et litteris rectori et communitati Collegii artistarum inscriptis fuerat expressum. In qua quidem convocacione, prout eodem puncto conclusum est voce concordi, ut ad annum, a festo scilicet Pasche proxime futuro ad alterius anni sequentis Pasche festum, libertate absencie pociatur nec cogatur ad substitucionem laborantis collegialiter, sed sue probitati relinquetur, si vellet pro se lectorem ordinare. Concessum est ei preterea, ut in nullis frustretur interea temporis ascensibus cum contingentibus ex ordine, sed pro presenti circa talium opcionem habeatur et si sub eius absencia contingeret alterum loco eius sentenciarium substitui, eius substitucio non debet ei in loco et ordine suo preiudicare, sed locum suum ante sic substitutum habere debet et tenetur ad sequentes omnes promociones inclusive. Que res et ordinacio per facultatem theologicam singulari eorum convocacione est roborata. De censuum vero dispensacione et ordinacione ad capitulum sancti Floriani remissus, quod habeat iurata privilegia, ut illic secum pro modo meliori disponeretur. Sic est secum ordinatum, ut XVI marcas annuatim habeat de prebenda et quatuordecim marcas refectionum, que dantur presentibus, tantum debent illi defalcari. Actum et datum die et loco, quibus supra.