Full view of a note about event related to education stage and academic degree

Note fragment 1 , Page/tab number in the source: 103

157. Anno Domini 1506, die Mercurii XXIII mensis Septembris, in rectoratu venerabilis magistri Bernardi de Cracovia, sacre theologie professoris, canonicique ecclesie sancti Floriani{{1}}, facta convocacione omnium doctorum et magistrorum duntaxat salariatorum super certa differenda inter Universitatem et domum Collegii maioris artistarum occasione ducentorum florenorum per domum ipsam ab Universitate anno Domini 1492 mutuatorum ac trecentorum similiter florenorum post mortem olim Serenissimi principis et domini domini Kazimiri olim Regis Polonie per Serenissimam dominam Elisabeth, reginam Polonie etc.{{2}}, in domum prefatam et ad doctores ac magistros eiusdem domus missorum et portatorum, sub hoc tenore verborum: Egregie domine doctor et reverende magister. Sitis hodie in tactu vigesime hore in stuba communi Collegii maioris artistarum ad videndam et audiendam certam antiquam differendam inter Universitatem et doctores ac magistros Collegii maioris exortam cum ostensione innocencie dictorum dominorum doctorum et magistrorum eiusdem Collegii maioris, ex regestris Universitatis procuratoris firmiter et veraciter deleri, annihilari et exterminari, de ducentis eciam florenis olim dictis dominis maioris Collegii ab Universitate mutuatis et iam ipsi Universitati per ipsos solutis, pro conclusionis et quietacionis posicione memoriam haberi, de hisque omnibus tractari et decenter concludi, sub debito obediencie et pena non contradicendi. Detur omnibus doctoribus et magistris duntaxat salariatis, ex parte rectoris. In qua quidem convocacione ad omnes dominos doctores et magistros facta inductione et desuper tractatu habito ac per dictam domum Collegii maioris artistarum certis regestris et notis Universitatis in medium productis, deliberatum extitit, ut e medio Universitatis electi videlicet venerabiles et egregii viri: Ioannes de Oswya(n)czym, canonicus Cracoviensis, Stanislaus de Cracovia, prepositus

Comment to note fragment:
{{1}} Bernard z Krakowa, inaczej zwany z Biskupic, od przedmieścia Biskupie (w okolicach dzisiejszej ul. Biskupiej), z którego pochodził.
{{2}} Por. wyżej zap. nr 130.

Note fragment 2 , Page/tab number in the source: 103

sancte Hedwigis in Ponte Regali{{1}}, sacre theologie professores, Valentinus de Ilkusch, canonicus et officialis Cracoviensis, Ioannes de Skavina, canonicus Scarbimiriensis ac novorum iurium lector, Andreas de Gorra, archidiaconus Curzeloviensis, Nicolaus de Coprzywnycza, ordinarius lector iuris pontificii, Ioannes de Regulis {{a-}}et Mathias de Miechow{{-a}}, medicine doctores et magister Petrus de Cracovia, facultatis artium decanus{{2}}, desuper tractarent et singula reviderent, conclusionem ac finem in negocio prefato debitum facerent et illud terminarent. Demum statim in crastino prefati domini per dictum dominum rectorem collecti et convocati unanimi voto et consensu, habito desuper maturo et diligenti tractatu visisque videndis, concluserunt et conclusum habuerunt, ut peramplius et amodo prefata domus Collegii maioris artistarum, tanquam innocens et de singulis omnibus premissis libera sit et per nullum impediatur aut quoquomodo vexetur. Nihilominus decernentes, quatinus domus prefata ex superabundanti de dictis ducentis florenis prius solutis ac etiam de trecentis pro edificiis Universitatis per dictos dominos collegiatos maioris Collegii datis sub sigillo rectoris quietari debet et absolvi. Addentes insuper, quod Universitas ab omnibus inscripcionibus et obligacionibus Domus maioris artistarum libera esse debet, omnibus obligacionibus hincinde cassatis.
Auscultata vero et approbata est hec conclusio per Universitatem ad hoc specialiter per rectorem convocatam, anno quo supra, die vera Iovis prima mensis octobris.

Comment to note fragment:
{{a-a}} //Wykreślone z nadpisaną przezeń własnoręczną uwagą:// non fuit.
{{1}} Stanisław Skawinka z Krakowa (por. //Acta Rect.// I nr 2319).
{{2}} Zwany Aurifaber lub Lubart.