Full view of a note about event related to education stage and academic degree

Note fragment 1 , Page/tab number in the source: 30

47. In rectoratu eiusdem venerabilis magistri Petri Gasszowyecz de Loszmyerza, medicine doctoris ac rectoris huius incliti Studii Cracoviensis, in absencia vero ipsius magister Paulus de Clobuczko, sacre theologie licenciatus, de anno Domini MCCCCLXV, die vero Veneris duodecima mensis iulii, convocacione facta, sub hoc tenore verborum: Venerabilis domine doctor et magister reverende. Sitis hodie hora XIII in stuba communi Collegii artistarum ad continuandum acta{{a}} pridie inchoata{{b}}, videlicet de provisione altaris sancti Bartholomei in ecclesia cathedrali Cracoviensi{{1}} siti{{c}} sub pena non contradicendi. Detur omnibus doctoribus, decanis et licenciatis et magistris Collegii utriusque, ex parte rectoris. Quibus sic congregatis magister Albertus de Oppatow, medicine doctor, peciit sibi de altari predicto provideri, tunc vacanti per mortem olim magistri Bernhardi Hesse de Cracovia, sub tali tamen modo, quod si aliquando occurreret{{d}} aliquis commutans de Universitate Cracoviensi, quod suum beneficium ab Universitate non abitum posset commutare pro eodem et quod altare sancti Bartholomei, quod ab Universitate habitus est, possit pacifice{{e}} et quiete tenere cum illo beneficio, quod per commutacionem adquireret. Qui quidem magistri sic congregati, audita iusta peticione consenserunt, quod ita fieret, sicut idem magister Albertus postulavit. Item in eadem convocacione et congregacione idem magister Albertus postulavit, si ab aliquo impeteretur pro eodem altari, quod Universitas ipsum a suis impetitoribus defenderet et tueretur. Responsum est ei, quod consiliis vellent sufragari ei et non aliter. Postea ascensum petebat. Cui responsum est, quod hoc facere non possent, quia iunioribus magistris preiudicaverit et propter legittimas causas, data sibi licencia absentandi.

Comment to note fragment:
{{a}} //Wyraz dwa razy powtórzony w rkpsie//. {{b}} inchoatum //rkps.//{{c}} sito //rkps.//{{d}} occurret et //rkps.//{{e}} proiudicaverit //rkps.//
{{1}} Dwie były altarje pod wezwaniem św. Bartłomieja w katedrze krakowskiej, obie oparte na dochodach wsi Trądnowice. Pierwsza, ufundowana w 1401 r. przez braci Jana i Piotra Szafrańców (//Cod. dipl.// I nr 24 i 37), później włączoną została do kollegjum mniejszego (rkps Bibl. Jag. 93 k. 77b). Posiadacz jej był zobowiązany «in artium facultatibus lectiones pro studentibus legere, disputare ac exercitia facere» (//Cod. dipl.// I nr 24 i 37). Drugą altarję ufundował profesor teologji Jan Isner w 1410 r. na zakupionej od Szafrańców drugiej połowie Trądnowic. Dzierżący ją mistrz miał «legere in artibus vel in theologia» (//Cod. dipl.// I nr 45). Morawski I 397—8 zna tylko jedną altarję pod tem wezwaniem, natomiast Putanowicz, //Stan wewnętrzny i zewn. Uniw. krak.// i rkps Bibl. Jag. 93 k. 77 (//Numerus prof.//), wyraźnie mówią o dwu. — Wojciech z Opatowa dostał zapewne altarję z fundacji Isnera.