Full view of a note about event related to education stage and academic degree

Note fragment 1 , Page/tab number in the source: 330

366. Anno Domini millesimo quingentesimo septuagesimo tertio, decima mensis februarii, facta est convocatio [...]

Note fragment 2 , Page/tab number in the source: 331

In qua convocatione propositum fuit per dominum rectorem de petitione venerabilis viri domini Martini Lyczko, praepositi Tarnoviensis, qui peciit ab Academia, ut illi non deesset Academia ostenderetque illi iura, si quae haberet, super iure patronatus praepositurae Omnium Sanctorum ecclesiae, quibus adiutis posset ostendere, qui essent veri patroni praefatae praepositurae ecclesiae Omnium Sanctorum, eos vero repellere, quos fingunt esse patronos adversarii in causa, quae est illis cum domino Martino Lyczko et maiori Collegio occasione praefatae praepositurae Omnium Sanctorum, Promittebat autem se hoc facturum sua opera fideli, tanquam membrum Academiae et alumnus maioris Collegii {{1}}, quod a veris patronis (qui sunt de Iaroslaw, Melstyn, Tarnow et Sochow) {{2}} consequetur ius patronatus integrum pro Academia et maiori Collegio apud praecipuos patronos, qui sunt de Iaroslaw, Myelstyn, Tarnow et Sochow, quod iam soli domini doctores et magistri cum rectore Academiae Cracoviensis praesentabunt praepositum ecclesiae Omnium Sanctorum Cracoviae quocienscunque praepositura vacaverit, post mortem vel per quemcumque modum et non opus erit expectare Academiae terminum praesentandi in suo ordine. Affirmabat autem se permotum esse, ut id faceret, quod et esset membrum Academiae et quod persuasum haberet dominos doctores et magistros Academiae Cracoviensis unacum rectore daturos operam, quod bonum virum, doctum, tuentem domini praesentabunt, qui functurus est usui ecclesiae Omnium Sanctorum nec fiet tanta negligentia in ecclesia Omnium Sanctorum quanta admittitur cum illi praesunt viri, qui in aula vitam suam contriverint nec aliquando verbum domini publice docuerint. Quibus auditis omnibus unanimi omnium consensu commissum est negocium domino rectori, ut assumptis aliquot viris de numero doctorum et magistrorum tractaret et conferret de ea re cum praefato domino Martino Lyczko, praeposito Tarnoviensi. Rector autem in eadem convocatione adiunxit sibi egregium virum dominum Martinum Pilsnensem, theologiae doctorem, canonicum ecclesiae cathedralis Wratislaviensis et collegiatae sancti Floriani in Cleparz, venerabilem dominum Thomam Paulinum de Cracovia, praepositum ecclesiae sancti Nicolai, magistrum Albertum Wądrogowsky, collegam minoris Collegii, magistrum Iosephum Urzendow, collegam maioris et procuratorem Universitatis.

Comment to note fragment:
{{1}} Nazwiska jego nie udało się znaleźć w Album studiosorum.
{{2}} Byli to pierwotni kollatorzy tej prepozyty; w: ciągu XVI w. zaszły jednakowoż wśród nich pewne zmiany, tak że ostatecznie z końcem XVI w. prawo patronatu po tych rodach skupił w swem ręku Hier. Mielecki.