Full view of a note about event related to education stage and academic degree

Note fragment 1 , Page/tab number in the source: 234

Anno Domini I540 die Iovis IX septembris, facta est convocacio per reverendum patrem dominum Ioannem a Szanok, iuris pontificii doctorem, rectorem tunc Studii Generalis Cracoviensis, super negligenciis venerabilis magistri Andree Dąmbrowsky, altariste in arce Cracoviensi ecclesie cathedralis tituli Omnium Sanctorum et obligati ad certa festa, inferius describenda, assidentibus eidem reverendo patri et rectori in hoc ipso iudicio Iacobo de Cleparsz, decano, Stanislao de Cracovia, custode sancti Floriani {{1}}, theologis, et Erasmo, preposito sancte Anne {{2}}, Martino Belsze de Cracovia, decretorum doctoribus, Simone de

Comment to note fragment:
{{1}} Stanisław Aurifaber.
{{2}} Erazm Vanzam.

Note fragment 2 , Page/tab number in the source: 236

Ex his que huiusmodi causa et testium deposicionibus vidimus et cognovimus, decernimus, declaramus prefatum magistrum Petrum de Posznania, anno nunc currenti, ipso die Solis prima augusti pro sui domus ingressu ex consuetudine iam diu laudata, prandium seu convivium parasse. Omnes tandem et singulos sui ordinis et domus habitantes ad hoc ipsum convivium fraterne invitasse et pro sua facultate tractavisse. Verum iam prandio finito magistrum Ioannem Dobroszyesky (ubi iam mero incaluit) contra omne phas et honestum atque equitatem iniuriose ac scandalose prefatum magistrum Petrum, prepositum domus, in loco studii et quidem paci ac quieti (licet protunc pro fraterna refectione) destinato, graviter, contumeliose, trilorio e copsza in oculum sinistrum ad usque vulnus lividum percussisse necnon caput assidentis mulieris cum eiusdem prepositi domus capite duriter et vehementer collisisse, canem quoque, quem protunc habere potuit, furiose quodam percitus in mensam assidentium magistrorum et prepositi domus maximam levitatem atque in cleri statum ignominiam, vociferans, hic est custos sacerdotum, proiecisse, eciam vitreum poculum cervisia refertum,

Note fragment 3 , Page/tab number in the source: 237

in prepositi et magistrorum nimiam levitatem eos profundendo, proiecisse et fregisse. Insuper in maiorem contumeliam ac atrocem iniuriam de pede sotulari in faciem et caput cum magna indignitate prepositi domus et tunc convivarum prefecti aliquot vicibus percussisse. Insuper iactu lapidum trino vulnera livida in manus eiusdem prepositi intulisse et tandem condicionis status eminencieque sue et collegarum oblitus, dictum prepositum domus ignominiose et omnium magno scandalo acerrime capillis traxisse, ad ultimum hostium habitacionis alterius college, in quam se idem magister Petrus et dominus prepositus, furori cedens contulerat, ipsum Ioannem Dobroszyelsky cum suis complicibus conatum et impetum effringendi hostii furiose fecisse sibique talia et similia per eum commissa et patrata minime licuisse neque licere et ob hec et tanta facinora delicta et scandala ipsum magistrum Ioannem Dobroszyelsky in pena decem marcarum hinc ad quindenam nobis hac Universitati exponendarum compellendum duximus et compellimus pro edificio in Universitate necessario applicandarum. et in manus domini procuratoris nostre Universitatis prefatam decem marcarum penam dandam, reponendam, solvendam cogimus et compellimus, etiam ad idoneos et possessionatos fideiussores constituendos artamus, alias ad redimendam eandem penam per unum mensem, si maluerit, carceri deputamus et nihilominus propter tam publicum excessum opcione ac regimine burse pauperum privamus. Insuper ac a communi mensa, in qua deliquit, per integrum quartuale, soluta tamen semper singulis septimanis bursa, suspendimus utque porcione eum concernente in propria vescatur habitacione. Venerabilem vero magistrum Albertum Dąmbrowski in huius delicti parte fautorem et adiutorem in unius sexagene pena hinc ad quindenam, sub penis excommunicacionum, minori Collegio et loco offenso applicandum condemnamus. Venerabiles vero doctorem Stanislaum de Lovycz, Michaelem de Glowno, ne huiusmodi spectaculi inspectores in futurum fiant, a pena quidem absolvendos duximus et absolvimus et nihilominus omnes et singuli prefati Collegii college ad idem et equale officium deputati sese pares esse meminerint, nullus alteri condicionem, qualis illa cumque sit, exprobrare audeat, sed collegialiter et fraterne sub prefata decem marcarum pena eidem Collegio applicanda vivant hac nostra sentencia diffinitiva mediante. Lecta et pro- nunciata die Veneris XV octobris, in loco, quo supra.