Full view of a note about event related to education stage and academic degree

Note fragment 1 , Page/tab number in the source: 127

Anno Domini millesimo quingentesimo tredecimo, die Iovis tertia mensis novembris, convocacio a per memoratum dominum rectorem, sub tali tenore verborum facta est: Egregie domine doctor et venerabilis magister. Sitis hodie hora vigesima in stuba communi Collegii maioris artistarum ad consulendum de personis ad terminum in Olomuncz in causa contribucionum mittendis et procuratoribus in eadem causa constituendis et de eisdem concludendis, sicut diligitis bonum commune. Detur omnibus doctoribus et magistris salariatis, sub debito obediencie et pena prestiti iuramenti, ex parte rectoris b. Ubi unanimi et concordi voto omnium doctorum et magistrorum, inferius descriptorum, videlicet: Mathie de Schydlow, Ioannis de Osswya(n)czym, Nicolai Cepel de Posnania, canonicorum Cracoviensium, Stanislai Byel de Nova Civitate, Bernardi de Cracovia {{2}}, Stanislai de Ilkusch, canonicorum sancti Floriani et sacre theologie professorum, Iohannis de Skawyna, Andree de Gorra, Nicolai de Comprowincia, Erazmi de Cracovia, Iacobi de Erczesschow, Leonardi de Cracovia, Mathie de Ilkusch, Stanislai Bargyel de Casimiria, decretorum doctorum, Ioannis de Ostrzeschkow doctoris medicine, Iohannis de Stobnycza, decani facultatis arcium, Ioannis de Michalow, Nicolai Mykosch de Cracovia, Michaelis de Wratislavia, Alberti de Swodzyschowicze, canonicorum sancti Floriani, Martini de Tharnowyecz, Iohannis de Leopoli, Stanislai Byalkowsky, Michaelis Olschnac, Stephani de Lucow, Felicis de Lasky, Martini de Lyazensko, Iacobi de Cleparz, Nicolai de Thulyskow, Gregorii de Stawysschyn, Valentini de Posnania, Pauli de Croschna, Martini de Styrya, Martini de Pokrzywnycza {{3}}, Martini de Schamotuli, Stanislai de Craco-

Comment to note fragment:
{{2}} Z Biskupiego.
{{3}} Marcin z Pokrzywnicy, zwany Kołaczek, od 1507 r. działa na wydziale fil., najpierw jako extraneus, później kolega mniejszy (1511) i większy (1520).

Note fragment 2 , Page/tab number in the source: 131

Die Saturni vigesima sexta mensis novembris, dominus rector convocatis consiliariis Universitatis, videlicet Stanislao Byel de Nova Civitate, sacre theologie professore custodeque sancti Floriani, Nicolao de Comprovincia, decretorum doctore, ordinario iuris, Felice de Lasky et Martino de Schamotuli, arcium magistris necnon decanis facultatum, videlicet Martino Belza de Cracovia, decretorum doctore, seniore burse iuristarum, magistro Mathia de Myechow, doctore medicine et decano eiusdem, magistro Joanne de Stobnycza, decano facultatis arcium, sub tali tenore verborum: Egregie domine doctor et venerabilis magister. Sitis hodie hora vigesima prima in habitacione mea ad sopiendam quandam controversiam inter doctorem Ioannem de Ostrzeschow et magistrum Nicolaum de Tholyskow et pacem inter eos faciendam. Detur omnibus consiliariis et decanis facultatum, sub debito obediencie, ex parte rectoris. In qua quidem convocacione partes prenominate, videlicet Ioannes de Ostrzeschow, arcium et medicine doctor et Nicolaus de Tholyschkow, arcium medicineque magister comparuerunt personaliter, compromittentes et compromissum facientes in concordiam et amicabilem composicionem, occasione quarundam iniuriarum verbalium et actualium infamiarum et signanter memorato domino Ioanni de Ostrzeschow, arcium et medicine doctori, per memoratum magistrum Nicolaum de Tholyskow in conspectu domini rectoris, tunc pro tribunali sedentis, irrogatarum et aliarum hincinde et ubicumque factarum perciperuntque memoratos venerabiles et egregios viros dominos rectorem, doctores et magistros, ut et tanquam arbitros, arbitratores et amicabiles compositores, quatenus pro prefatis iniuriis silencium et amicabilem composicionem inter eos facerent et ordinarent, compromittentes omnia et singula per ipsos facta et ordinata, sub pena centum florenorum Ungaricalium tenere et inviolabiliter observare ac in eventum, in quem aliqua parcium violaverit huiusmodi arbitracionem et amicabilem composicionem parti tenenti per partem contravenientem irremissibiliter solvendarum. Inprimis reconciliacionem mutuam hincinde eis faciendama memoratus dominus rector cum aliis dominis doctoribus et magistris decrevit, quam in continenti coram eisdem sibi fecerunt ac deinde omnes controversias et dissensiones inter ipsos quoa

Note fragment 3 , Page/tab number in the source: 132

-modolibet subortas mortificaverunt. Et quia magis excedens maiorem reconciliacionem facere tenetur, magister enim Nicolaus de Thulyskow dominum doctorem in sua honestate magis leserat, quia in iudicio domini rectoris appellavit eum canem et fatuum et insolentem semper fuisse et de Italia {{1}} asinum reddiisse, quam infamiam magister Nicolaus de Tholyskow revocando pro non dicta habuit ac expresse ibidem revocavit.

Comment to note fragment:
{{1}} Doktor Jan Kośmider z Ostrzeszowa doktoryzował się na Uniwersytecie bolońskim 27 V 1511 r., a z początkiem roku następnego inkorporował się w Krakowie do wydziału medycznego (rkps Bibl. Jag. nr 248 k. 80b).