Full view of a note about event related to education stage and academic degree
Source information and iterpretation
| Information in source format/language | Event (interpreted) | |||||||||||||||
|---|---|---|---|---|---|---|---|---|---|---|---|---|---|---|---|---|
| First name: | Sigismundus |
| ||||||||||||||
| Surname: | Radawsky | |||||||||||||||
| Social origin: | --- | |||||||||||||||
| Father's name: | --- | |||||||||||||||
| Place of origin: | --- | |||||||||||||||
| Event type: | trwanie studiów/nauki | |||||||||||||||
| Education stage/academic degree: | studiosus | |||||||||||||||
| Scientific discipline: | --- | |||||||||||||||
| Institution: | Universitas, (Uniwersytet Krakowski (Akademia Krakowska)) | |||||||||||||||
| Date: | Feb 27, 1584 | |||||||||||||||
| Comment: | --- | |||||||||||||||
Full contentes of the source note
Source: Acta rectoralia Universitatis Cracoviensis ab a. 1580 ad a. 1618
Note fragment 1 , Page/tab number in the source: 62
Quietatio ex repositione calicis <sancti Adalberti>.
Anno Domini 1584, die vero 27 mensis Februarii. Coram officio rectoratus at actis praesentibus comparens personaliter reverendus sacrae theologiae doctor Nicolaus Bodzęczin, ecclesiae cathedralis Wrathislawiensis canonicus et collegiatorum Opoliensis et Cracoviensis sanctae Annae prepositus, in praesentia reverendi Joannis Curzelowiensis, sacrae theologiae <doctoris>, canonici ecclesiae collegiatae sancti Floriani in Cleparz, consiliarii senioris et venerabilium: Clementis Wieliciensis, Maioris Collegii praepositi, ad hunc actum a tota communitate eiusdem Collegii Maioris deputati, prout de eadem deputatione authentice facta sufficienter apparebat, tamquam patronorum et collatorum praebendae ecclesiae sancti Adalberti in medio circuli Cracoviae siti, et magistri Petri Lodensis, collegae Minoris Collegii, eiusdem praebendae sancti Adalberti interim legittimi possessoris, artium magistris recognovit, quia pietate certa et bona existimatione quorundam defunctorum inductus, calicem sacrum cum patena intus et extra deauratis per venerabilem olim magistrum Adamum Thussyn alias Tharnowitha dictum, dum esset praebendarius eiusdem praedictae ecclesiae sancti Adalberti, pro sacrificiis sacratissimae Eucharistiae in eadem ecclesia celebrandis comparatum, et in pede eiusdem calicis tali signo seu armis in scuto incisis insignitum ab interitu ipsius sollicitudine et pecunia sua redemit atque in integrum restitutit eundemque ipsum calicem coram officio integrum et nullis labefactatum, ut deinceps ad usum pristinum et intentionem donatoris cedat praefatis reverendo et venerabili de eadem venerabili communitate Collegii Maioris tanquam patronis eiusdem ecclesiae et praebendae sancti Adalberti deputatis in manus tradidit, seque quietari ex eo calice apud se hactenus propter
Note fragment 2 , Page/tab number in the source: 63
De vulnerato equo in strata publica.
Anno eodem et die, ut supra. Reverendus dominus praepositus Corporis Christi Casimiriensis et magnus procurator castri Cracoviensis, dispositores molendini Kamienny, contra studiosum Universitatis Sigismundum Radawsky proposuerunt, quia die hesterna cum complicibus suis ante portam Slawkowiensem aurigam praefati molendini haerentem cum curru brasei in luto congelato in strata publica et ad imperata ipsius procedere non valentem, educta framea vulnerare voluit, et dum ab ictu frameae auriga se declinavit, eodem ictu equum per dorsum ipsius periculose vulneravit petieruntque ipsum provideri firma custodia donec equus vel convalescat, vel ex vulnere intereat, propter reponendam iacturam in tali equo admissam. Qua propositione audita, Sigismundus Radawsky negavit omnia narrata, prout narrantur. Et dominus rector parti actoreae ad probandum intentionem et propositionem suam primam iuris assignavit, qua tandem adveniente pars actorea neque per se, neque per alium comparens causam desertavit. Et Sigismundus Radawsky a termino absolutus, salvo iure in posterum actoribus reservato.
