Blick im Eintrag über Bildung/Akademichen Graden

Eintragsabschnitt 1 , Seite/Karte in der Quelle: 119

CCCCLXVI. Proventus ecclesiae collegiatae ad s. Florianum in Kleparz inter praepositum eiusdem ecclesiae et Universitatem Cracoviensem partiuntur.
Cracoviae, anno 1580, die 30. mensis Angusti.

Eintragsabschnitt 2 , Seite/Karte in der Quelle: 119

A. D. millesimo quingentesimo octogesimo, die trigesima mensis Augusti, in convocatione Universitatis per rectorem ipsius facta, conclusum est ex omnium professorum omnium facultatum unanimi consensu, ut deliberatio matura et mutua cum reuerendo domino doctore Socolouio, praeposito ecclesiae collegiatae s. Floriani in Cleparz instituatur de dismembratione proventuum eiusdem praepositurae secundum mentem S. Maiestatis

Eintragsabschnitt 3 , Seite/Karte in der Quelle: 120

Regiae et privilegii tenorem, quae quidem deliberatio primum ad Universitatem, postea ad reuerendissimum dominum episcopum Cracoviensem referatur. Ad eamque deliberationem et dismembrationem deputati sunt reuerendi et venerabiles Stanislaus Pinceuius s. theologiae doctor et decanus, Ioannes Curelouiensis licentiatus, Martinus Clodauiensis sententiarius et canonici ecclesiae collegiatae s. Floriani, Andreas Zielenski decanus, Nicolaus Cerwienski, Paulus Lodensis canonici ecclesiae collegiatae s. Annae et Collegii Maioris collegae, Adamus Wresnensis senior Bursae Pauperum, Petrus Gorcinius Collegii Minoris collega, artium magistri, per magnificum dominum rectorem Universitatis convocati, qui quidem deputati fundis, bonis omnibus et proventibus eiusdem praepositurae s. Floriani diligenter expensis et supputatis, post multos tractatus cum reuerendo domino praeposito praefato et inter se ipsos habitis, tandem ex unanimi consensu suo constituerunt modum dismembrationis proventuum talem, Universitati praesentandum. Inprimis, ut reuerendus dominus praepositus pro tempore per cessum vel decessum moderni domini praepositi futurus, per Universitatem eligendus et lociordinario praesentandus, percipiat omnes proventus eiusdem praepositurae ex frugibus, feno, censibus, pecoribus, fructibus, emolumentis ex villis Bienczice et Skawcze, et ex hortulaniis circa curiam praepositi Clepardiae provenientibus et reliquos omnes, quibuscunque appellentur nominibus, nullis exceptis. Ex quibus singulis annis pro festo Nativitatis Domini nostri Iesu Christi in manus rectoris Universitatis protunc futuri sub quietatione sigillo officii ipsius obsignata et manu propria subscripta, dabit et in effectu numerabit florenos quadringentos in Polonicali moneta, per mediam sexagenam computatos. Deinde, ut omnia onera praestari solita et expensas occasione limitum bonorum ecclesiae quoque s. Floriani et fabricae scholae ipsius, curiarum in villis et in praepositura aedificationem ipsemet propriis expensis sustineat et nihil ex summa praefata quadringentorum flor. ad eiusmodi onera detrahat, sub poena excommunicationis in eum per reuerendum dominum lociordinarium aut ipsius vicarium vel officialem generalem Crac. simpliciter et de plano absque omni controversia et strepitu iuris in primo termino, si summam totam et integram non solverit et onera praefata non sustinuerit, declaranda. Ad quam quidem ordinationem reuerendus dominus doctor Stanislaus Sokolowski, praepositus modernus, consensit et Universitas eandem acceptavit atque per reuerendissimum episcopum Crac., si ita Reuerendissimae Paternitati ipsius expedire videbitur, in perpetuum approbetur et confirmetur, dominus rector Universitatis diligenter curabit. Ex conclusionibus Universitatis Crac. Stanislaus Socolouius s. Floriani praepositus, praecedentibus omnibus interfuit, consensit, manu propria significat.

Bemerkungen zum Eintragsabschnitt:
(Nr. Archiv. Univ. 9741).