Full view of a note aboute work/book
Source information and iterpretation
| Information in source format/language | |
|---|---|
| Person: | Wojciech Papenkowicz z Uścia Solnego, syn Wojciecha, dr teologii |
| Tilte: | Liber Conclusionum Maioris Collegii Universitatis Cracoviensis 1592-1681 |
| Shelf mark: | AUJ rkps 64 |
| Event type: | autograf |
| Date: | Feb 21, 1646 |
| Comment: | Na s. 182-183. [DWZ] |
Full contentes of the source note
Source: Liber Conclusionum maioris Collegii Universitatis Cracoviensis 1592-1681
Note fragment 1 , Page/tab number in the source: 182
Conclusio de collatione beneficiorum. AD 1646, die 21 Februarii, facta est convocatio per praepositum Domus Maioris Collegii magistrum Albertum Papenkowic Ustiensem, philosophicae facultatis decanum [--] ad conferendos duos canonicatus ecclesiae S. Floriani vacantes; primum quidem post obitum reverendi olim Francisci Boguczki sacrae theologiae baccalaurei, alterum post resignationem reverendi domini Sigismundi Gregierowic [!] sacrae theologiae sententiarii, praepositi S. Nicolai. Item ad conferendum altare s. Bartholomaei et s. Georgii in arce Cracoviensi post liberam resignationem admodum reverendi patris domini Iacobi Ustiensis sacrae theologiae et iuris utriusque doctoris et professoris, praepositi Omnium Sanctorum, custodis S. Floriani. Item ad conferendum plebanatum Zielonecensem post assecutionem alterius plebanatus reverendi domini Ioachimi Speronowic canonici S. Annae vacantem [--].
Note fragment 2 , Page/tab number in the source: 183
Deinde ex unanimi consensu collatus est canonicatus primus S. Floriani reverendo domino Ioanni Cynerski, secundus vero canonicatus S. Floriani collatus est reverendo domino Ioachimo Speronowic cursus Vladislaviani professori. In quorum loca ad canonicatus S. Annae primus venerabilis dominus magister Albertus Papenkowic philosophicae facultatis decanus, secundus vero venerabilis dominus magister Nicolaus Sulikowski Tylicianus eloquentiae professor ex unanimi omnium consensu successerunt. Tandem ex unanimi consensu altare s. Bartholomaei et s. Georgii in arce Cracoviensi suscepit reverendus dominus Stanislaus Jurkowski sacrae theologiae baccalaureus. Postmodum ex unanimi quoque consensu collatus est plebanatus Zielonecensis simul cum decanatu S. Annae reverendo domino Matthaeo Krasniczki regio professori. Demum habitationes et cellaria ex ordine data sunt. Actum anno et die, ut supra. Magister Albertus Papenkowic Ustiensis Collegii Maioris praepositus manu propria.
Comment to note fragment:
Autograf Wojciecha Papenkowicza.
