Pełny podgląd zapiski o zdarzeniu dotyczącym pełnionych funkcji/urzędów/ról

Fragment zapiski 1 , Numer strony/karty w źródle: 175

XC. Literae Andreae de Buk Baccalaurei S. Theologiae et Custodis ecclesiae collegiatae S. Floriani, sententiam interlocutoriam pro parte Magistri Vincentii de Brega praebendarii capellae S. Adalberti contra haeredes Nicolai Langeniclos civis, ratione retenti census latam, in se continentes.
Cracoviae, Anno 1433, die 28 mensis Aprilis.

Fragment zapiski 2 , Numer strony/karty w źródle: 175

In nomine Domini Amen. Pridem nos Andreas de Buk Artium liberalium Magister, Sacrae Theologiae Baccalarius, Custos ecclesiae collegiatae Sancti Floriani extra muros Cracovienses, conservator iurium et privilegiorum venerabilium virorum dominorum Rectoris, Doctorum, Magistrorum et Scolarium almae Universitatis studii Cracoviensis per venerabilem et religiosum virum dominum Paulum divina patientia Abbatem monasterii Claraetumbae ordinis Cisterciensis, iudicem et conservatorem principalem a Sede Apostolica cum certis suis in hac parte collegis cum clausula: Quatentis vos aut unus vestrum etc. deputatum, subdelegatus, honorabilem vinan Magistrum Vincencium de Brega praebendarium capellae Sancti Adalberti in Cracovia ad instantiam providorum et honestorum Bernhardi, Conradi, Stanislai, Margarethae et Hedwigis fratrum et sororum, olim Nicolai Langniclos civis Cracoviensis, nostris literis citatoriis super indebita excommunicatione et alias ad respondendum de iustitia coram nobis citari fecimus ad certum peremptorium terminum competentem. In quo quidem termino dictarum partium procuratoribus competentibus quibus sic constitutis, scientificus vir Magister Petrus de Proschowicze Consistorii Cracoviensis et praefatorum Bernhardi, Conradi, Stanislai, Margarethae et Hedwigis puerorum olim Langniclos procurator verus et legitimus, de cuius procurationis mandato apud acta causae constat legitimis documentis, et procuratorio nomine eorundem excommunicationem contra ipsos et pro parte dicti Magistri Vincencii de Brega praebendarii capellae Sancti Adalberti alias a nobis emanatam, tamquam indebitam tolli petivit. Ex adverso vero scientificus vir Magister Stanislaus de Grabowa similiter procurator Consistorii Cracoviensis et nomine procuratorio eiusdem dixit petita fieri non debere, ipsisque Bernhardo, Conrado, Stanislao, Margarethae et Hedwigi pueris olim Nicolai Langniclos manifestam offensam obiecit, et ad probandam eandem manifestam offensam positiones et articulos cum petitione summaria in fine concludendo una cum certis literis et obligatione ex actis nostris in iudicium obtulit et produxit. Tenor vero dictarum positionum et articulorum, de quibus supra fit mentio, sequitur sub his verbis: Ad probandum obiectum manifestae offensae factum providis et honestis Bernhardo, Conrado, Stanislao, Margarethae et Hedwigi pueris olim Nicolai Langniclos de Cracovia, proponit procurator et nomine procuratorio honorabilis viri Magistri Vincencii de Brega dat, facit et offert positiones et articulos infrascriptos, et dat contenta in eis coniunctim et divisim, narrative et dispositive, tollens in et de subscriptis articulis omnem contrarietatem in ipsis re-

Fragment zapiski 3 , Numer strony/karty w źródle: 176

peribilem, et ad necessaria probanda dumtaxat se astringens. In primis quidem ponit, et si negatum fuerit, probare intendit, quod a x. xx. xxx. xl. 1.ta annis citra vel ultra, et a tanto tempore et per tantum tempus, cuius initii et contrarii memoria hominum non existit, fuit et hodie est capella Sancti Adalberti communiter dicta in circulo Cracoviensi, in planitie eiusdem circuli situata et fundata pro presbytero saeculari sive ministro certis decimis et censibus dotata. Item ponit ulterius, quod ab uno, duobus, tribus, iiij. v. vj. vij. viij. ix. x. xx. xxx. xl. citra vel ultra annis domus Staschkonis Sartoris et Martini Leypniger civium Cracoviensium in circulo Cracoviensi situatae tres marcas annui census annis singulis pro dicto ministro capellae Sancti Adalberti, qui pro tempore fuerit, dare et tradere tenebantur. Item ponit ulterius, quod dicti census trium marcarum pecuniae communis de dictis domibus Staschkonis et Leypniger ad domum olim Cristofori Vogil, alias ad domum posteriorem olim Nicolai Langniclos praedicti sunt translati et traducti, ut hoc patet ex literis Scabinorum civitatis Cracoviensis, ipsorum sigillis roboratis, quas hic inserit propositionibus et articulis, et vult habere pro insertis. Item ponit ulterius, quod praeter istos census trium marcarum praedictos, fuerunt et modo sunt duae marcae cum viij. grossis census annui super domo et ipsius inhabitatoribus aciali sive anteriori in circulo Cracoviensi olim Nicolai Langniclos praedicti, et nunc ex successione Bernhardi, Conradi, Stanislai, Margarethae et Hedwigis puerorum dicti Langniclos. Item ponit ulterius, quod memoratus Magister Vincencius praebendarius Sancti Adalberti fuit cum suis antecessoribus praebendariis, qui pro tempore fuerunt, in possessione vel quasi, dicti census duarum marcarum cum viij. grossis in festo Sancti Martini annis singulis de dicta domo aciali, pacifica et quieta, a decem annis citra vel ultra levandi, tollendi et percipiendi, salvis infra dicendis. Item ponit ultro, quod de Anno Domini Millesimo CCC°XXVIII. dictus Nicolaus Langniclos diem suum per mortem clausit extremum. Item ponit ulterius, quod dicti Bernhardus, Conradus, Stanislaus, Margaretha et Hedwigis fratres et sorores ac pueri Nicolai Langniclos, post mortem sui patris iure haereditario et naturae in dicta domo aciali et omnibus post mortem suam derelictis successerunt. Item ponit ulterius, quod dictus Bernhardus, Conradus, Stanislaus, Hedwigis et Margaretha pueri de Anno praeterito videlicet Domini Millesimo CCCCXXXII. in dicto festo Sancti Martini dictum censum duarum marcarum cum viij. grossis praelibato Magistro Vincencio praebendario dictae capellae dare et solvere neglexerunt et negligunt, minus iuste dictum Magistrum Vincencium sua pacifica possessione spoliando. Item ponit ulterius, quod propter negligentiam dictorum censuum quinque marcarum dicti Bernhardus, Stanislaus, Conradus, Hedwigis et Margaretha pueri olim Nicolai Langniclos sunt per vestras literas monitorias domine Andrea de Buk conservator per dominum Paulum Abbatem monasterii Claraetumbae subdelegate venerande, legitime moniti. Item ponit ulterius, quod dictus Bernhardus, Conradus, Stanislaus, Hedwigis et Margaretha pueri Langniclos tali monitioni minime parendo, Sententias maioris excommunicationis inciderunt, velut hoc ex processibus contra ipsos a Venerabilitate vestra domine Andrea de Buk, emanatis et fulminatis clare constat, quos hic inserit ad probandum praesentem et proximum superiorem articulum. Item ponit ulterius, quod de praemissis omnibus et singulis fuit et est publica vox et fama. Quare petit dictus procurator et procuratorio nomine quo supra, per vos et vestram Interlocutoriam pronuntiare et declarare manifestam offensam ipsis Bernhar-

Fragment zapiski 4 , Numer strony/karty w źródle: 177

do, Conrado, Stanislao, Margarethae et Hedwigi obiectam pueris olim Nicolai Langniclos sufficienter fore probatam, processusque ulteriores contra ipsos decernendo et ob hoc ipsum in expensis condempnandum fore, de fiendis in posterum protestatur, vestro super hoc officio humiliter implorato. Extunc pro parte dicti domini et Magistri Vincencii nonnullis testibus inductis et productis, quibus rite receptis et examinatis, eorumque dictis nobis ad iudicium remissis et publicatis, visis igitur omnibus et singulis actis in praesenti causa acticatis, habitis et productis, eisque rite recensitis, deliberatione quoque super his et consilio iurisperitorum praehabito diligenti, demum praefato Magistro Stanislao de Grabowa procuratore coram nobis comparente et Sententiam interlocutoriam a nobis fieri supplicante, nos ad huiusmodi Sententiam interlocutoriam duximus procedendum, ipsamque tulimus in scriptis, dicendo, interloquendo pronuntiamus: manifestam offensam esse probatam, processus ulteriores contra praefatos Bernhardum, Conradum, Stanislaum, Margaretham et Hedwigim decernendo, expensas litis occasione huiusmodi factas ex causa obmittentes. Lecta, lata et pronuntiata haec est nostra interlocutoria Sententia in scriptis per vos Andream de Buk Artium liberalium Magistrum, Sacrae Theologiae Baccalarium, Custodem ecclesiae collegiatae Sancti Floriani extra muros Cracovienses, conservatorem a venerabili viro domino Paulo divina patientia Abbate monasterii Claraetumbae subdelegatum praelibatum, Martis vicesima octava mensis Aprilis, sub Anno Domini Millesimo CCCC° tricesimo tertio, Indictione undecima, in Collegio Artistarum et in stuba facultatis ibidem ad iura reddendum pro tribunali iudicio sedente, mane hora tertiarum, Pontificatus Sanctissimi in Christo patris et domini nostri, domini Eugenii providentia Papae quarti anno eius tertio. In quorum omnium et singulorum fidem et testimonium praemissorum praesentes literas sive praesens publicum Instrumentum huiusmodi nostram interlocutoriam Sententiam in se continentes sive continens per Henricum Notarium nostram publicum infrascriptum publicari mandavimus, nostroque sigillo, quo ad causas utimur, appensione iussimus communiri. Praesentibus ibidem venerabili, scientifico et nobili viris dominis et Magistris Wyschote Praeposito Poznaniensi, Gregorio de Mislowicze procuratore causarum Consistorii Cracoviensis et Bartussio haerede de Borschicze clericis et laico Poznaniensis et Cracoviensis diocesum, testibus ad praemissa vocatis specialiter et rogatis.

Fragment zapiski 5 , Numer strony/karty w źródle: 177

(L. S. n.) Et ego Henricus olim Petri Brzoza de Strelicz clericus Wratislaviensis diocesis, publicus imperiali auctoritate Notarius, huiusmodique facti coram venerabili viro domino Andrea de Buk conservatore subdelegato praedicto scriba, quia praescriptorum Sententiae interlocutoriae prolationi, omnibusque et singulis praemissis, dum sic ut praemittitur, coram praelibato venerabili viro domino Andrea de Buk conservatore subdelegato Universitatis Cracoviensis et per eum fierent et agerentur, una cum praenotatis testibus praesens fui, eaque omnia et singula sic fieri vidi et audivi: ideoque praesens publicum Instrumentum per alium, me aliis occupato, scriptum exinde confeci, subscripsi et in hanc publicam formam redegi, signo et nomine meis solitis et consuetis consignavi rogatus et requisitus in fidem et testimonium omnium et singulorum praemissorum.

Komentarz do fragmentu zapiski:
(Ex archetypo membranaceo. Sigillum pensile avulsum. — Nr. Archiv. Univ. 537.)