Pełny podgląd zapiski o zdarzeniu dotyczącym pełnionych funkcji/urzędów/ról

Fragment zapiski 1 , Numer strony/karty w źródle: 37

60. Anno Domini MCCCCLXXIIII, die Saturni decima mensis decembris, per prefatum venerabilem dominum Mathiam de Bladow, decretorum doctorem, Cracoviensem, Przemisliensem et Sandomiriensem canonicum rectoremque Universitatis Studii Cracoviensis, facta est convocacio generalis. Cuius convocacionis tenor sequitur et est talis: Venerabilis domine doctor et magister. Sitis hodie hora XXI in stuba communi Collegii artistarum ad audiendas peticiones venerabilium virorum dominorum magistrorum Iohannis Tosth, decretorum doctoris et magistri Iacobi de Boxicze, licenciati in medicinis, baccalarii sacre theologie et canonici sancti Floriani et ad tractandum et dandum responsum super eisdem, prout diligitis bonum commune Universitatis et sub pena non contradicendi. Detur omnibus dominis doctoribus et magistris dumtaxat salariatis, ex parte rectoris. Conclusum est, quod dominus doctor magister Iohannes Tost habeat habitacionem in Collegio dominorum canonistarum venerabilis domini Nicolai de Przewieczierzino, decretorum doctoris, canonici Wladislaviensis, infra hinc ad suum adventum. In quam habitacionem rectori commissum est dare intromissionem, uti premissum est, duntaxat ad suum adventum, quo adveniente, semotis omnibus difficultatibus, sibi domino doctori de Przewieczierzino cedere debet de sua habitacione.
Item conclusum est, quod magister Iacobus Boxicza, prefatus licenciatus in medicinis, canonicus sancti Floriani, habeat licenciam visi-

Fragment zapiski 2 , Numer strony/karty w źródle: 38

61. Anno, quo supra, die Veneris XXIII mensis decembris, facta est convocacio generalis Universitatis Cracoviensis super controversia venerabilium magistrorum: magistri Nicolai de Lathonicz, in decretis et Iacobi de Boxicza, sancti Floriani canonici et medicine licenciatorum, ex una et Andree de Labyschin, preposito tunc domus artistarum existente cum suis adherentibus, videlicet Andrea de Stargarth, Iohanne de Oschwyanczym, sacre theologie baccalariis formatis, Nicolao de Staw, Iohanne de Lovicz, Nicolao de Cracovia, Iohanne de Pilcza, parte ex altera, racione prioritatis locorum votisacionum domus prefate artistarum. Cuius convocacionis sive quarum convocacionum tenor sequitur in hunc modum: Venerabilis domine doctor. Sitis hodie hora XXI in stuba communi Collegii artistarum ad audiendam, tractandam et fine debito terminandam differendam inter venerabiles magistros Nicolaum de Lathonicz, in decretis et Iacobum de Boxicze, canonicum sancti Floriani, in medicinis licenciatos, ab una et prepositum domus prefati Collegii et collegiatis sibi adherentibus de et super prioritate locorum votisacionum et aliorum ex hinc emergencium, partibus ex altera, motam et quomodolibet intus et extra suscitatam, prout diligitis bonum commune et sub debito obediencie. Detur omnibus dominis doctoribus, ex parte rectoris.

Fragment zapiski 3 , Numer strony/karty w źródle: 38

Sequitur alia convocacio eiusdem diei. Venerabiles magistri. Sitis hodie hora XXI in stuba communi domus vestre ad respondendum querelis venerabilium dominorum magistrorum Nicolai de Lathonicz, in decretis, et Iacobi de Boxicza, in medicinis, licenciatorum, super prioritate locorum votisacionum et aliorum talibus connexorum et audiendum desuper nostrum decretum, sub debito obediencie. Detur preposito domus Collegii artistarum et omnibus collegiatis sibi in premissis adherentibus, ex parte rectoris.
Conclusio. Cristi nomine invocato et ipsum solum pre oculis habentes, nos Mathias de Bladow, decretorum doctor, Cracoviensis, Przemisliensis et Sandomiriensis canonicus rectorque huius Almae Universitatis Studii Cracoviensis, de unanimi voto dominorum doctorum in hac differenda decernimus standum statuto Universitatis et consuetudini eciam huius domus et ex hinc dominos licenciatos in prioritate{{a}} lecture, sicut et loco ceteris collegiatis preferendos et preferimus, aliorum contradiccione non obstante, quibus super hoc silendum ponimus, sub

Komentarz do fragmentu zapiski:
{{a}} //Wyraz dwa razy powtórzony w rkpsie//.

Fragment zapiski 4 , Numer strony/karty w źródle: 39

penis in privilegiis et statutis contentis. Praesentibus venerabilibus et egregiis viris dominis: Stanislao de Zawada, Stanislao de Schadek, Stanislao de Brzezina, Arnolpho de Mirziniecz{{a}}, fratre Alberto conventus sancte Trinitatis, sacre theologie professoribus, canonicis sancti Floriani, Iohanne de Pnyevi, archidiacono Cracoviensi, eodem Arnolpho de Mizinyecz, Iohanne de Oschwyaczym, plebano sancti Nicolai, Mathia de Costhan et Nicolao de Nissa ad Beatam Virginem predicatore, iuris canonici doctoribus, et{{b}} aliis magistris et collegiatis domus prefate et me Nicolao Bartholomei de Bialyn huius facti scriba et Iohanne, domini archidiaconi notario et quam pluribus aliis testibus fidedignis ad premissa.

Komentarz do fragmentu zapiski:
{{a}} Mrzinecz //rkps.// {{b}} ad premissa et //rkps.//