Pełny podgląd zapiski o zdarzeniu dotyczącym edukacji i stopni naukowych

Fragment zapiski 1 , Numer strony/karty w źródle: 12

CCCXVII. Literae significatoriales Sigismundi de Targowisko Vicarii in spiritualibus generalis Cracoviensis, actum venditionis census annui pro summa 413 marcarum per Iohannem et Stanislaum de Sprowa fratres, super villis Rogow, Wyszegrod, Kobiela, Chrostowice et Kaszow, executoribus testamentorum Alberti de Szamotuły Medicinae Doctoris et Iohannis Strzeżowski de Iarosław altaristae, ratione fundationis altaris S. Iohannis eleemosynarii in ecclesia parochiali S. Annae Cracoviensi inscripti, in se continentes.
Cracoviae, Anno 1508, die 29 mensis Martii.

Fragment zapiski 2 , Numer strony/karty w źródle: 12

Sigismundus de Targowysko Decretorum Doctor, Custos Sandomiriensis, Canonicus et Vicarius in spiritualibus generalis Cracoviensis, significamus tenore praesentium quibus expedit universis, praesentium notitiam habituris: quomodo in Actis nostris certam notam Contractus emptionis et venditionis census sedecim marcarum in bonis Rogow apud generosos dominos Iohannem et Stanislaum de Sprowa etc. dictorum bonorum antea, ut dicebant, nemini obligatorum possessores, per infrascriptos dominos executores etc. comparati, invenimus de Anno Domini Millesimo Quingentesimo octavo, Indictione undecima, Solis, vigesima sexta Martii, de manu, ut apparuit, infrascripti Notarii, Nicolai Petri de Casimiria Notarii publici, actorumque huiusmodi scribae, sub hoc verborum tenore contineri:

Fragment zapiski 3 , Numer strony/karty w źródle: 12

„Generosi domini Iohannes de Sprowa Vexillifer terrae Sandomiriensis et Stanislaus, germani fratres, Capitanei Opocznenses, indivisi haeredes villarum Rogow, Vyshegrod, Cobyelya, Chrostowycze et Kasshow, coram domino in spiritualibus Vicario, ac me Notario publico et testibus infrascriptis, in domo domini Vicarii praedicti, inter alias domos in platea Canonicorum sita, personaliter constituti et mature deliberati, ac de ipsorum spontanea voluntate recognoverunt et confessi sunt, ac ipsorum quilibet recognovit et confessus est, non per errorem, sed ex certa cuiuslibet ipsorum scientia: quia sedecim marcas numeri et monetae Polonicalium, quadraginta octo grossos in quamlibet marcam computando, census annui perpetui in et super omnibus bonis villarum Rogow, Vyshegrod, Cobyela, Chrostovycze et Kashow, ac eorundem bonorum omnibus proventibus, ad ipsos dominos fratres germanos annuatim quomodolibet spectantibus, quos habent ipsorum proprios et nemini obligatos, in dictis bonis Rogow et aliis praenominatis, in terra Sandomiriensi, districtuque Novae Civitatis Corczyn sitis, pro fundando altari secundi ministerii tituli Sanctorum Iohannis eleemosynarii et Trium Regum, caeterorumque Sanctorum, in ecclesia parochiali Sanctae Annae Cracoviensi, apud altare prioris ministerii Sanctorum Iohannis Baptistae et Evangelistae in dextra

Fragment zapiski 4 , Numer strony/karty w źródle: 13

parte magni altaris dictae ecclesiae Sanctae Annae situm, in vim perpetui beneficii, in vim reemptionis fiendae alias Na viderkoff, pro Quadringentis et tredecim marcis numeri et monetae Polonicalium, per eos effectualiter levatis et receptis, venerabilibus et famato viris dominis Stanislao Byel de Nova Civitate, Sacrae Theologiae Professori, Custodi ecclesiae Sancti Floriani in Cleparz, et Magistro Felici de Laski Collegiato Minoris Collegii Studii Cracoviensis, ut et tanquam venerabilis Alberti de Shamothuly Medicinae Doctoris etc., et Nicolao Strzeshowski civi in Iaroslaw, tanquam honorabilis olim Iohannis de Iaroslaw altaristae, fratris ipsius, executoribus ultimarumque voluntatum commissariis, super emendo censu ipso in hac parte unitis et coniunctis, pecuniisque de ipsorum testatorum facultatibus congregatis et derelictis, vendiderunt et eorum quilibet per se vendidit. Quem quidem censum sedecim marcarum, incipiendo a Sancti Martini festo proxime futuro, deinceps singulis annis sequentibus pro simili festo Sancti Martini in tota summa simul perpetuo alias usque ad reemptionem dicti census, alioquin in tribus septimanis festum Sancti Martini immediate sequentibus, praefati domini et eorum quilibet se et suos posteros, legitimosque successores bona eadem possidentes, praedictis executoribus aut illi vel illis, cui vel quibus dandum ipsi executores iuxta ordinationem et erectionem praedicti altaris commiserint, sub excommunicationis poena et censuris ecclesiasticis, per dominum Vicarium aut Officialem pro tempore existentes fulminandis et promulgandis, obligaverunt et eorum quilibet obligavit. Casu vero, quo dicti domini Iohannes et Stanislaus de Sprowa fratres germani, eorumque legitimi successores, in solutione census praedicti pro ratis sive rata superius expressa fuerint negligentes vel remissi, extunc nulla praemissa citatione, duntaxat unica sex dierum monitione praemissa, in foribus cathedralis vel parochialis Sanctae Annae Cracoviensis ecclesiarum per edictum publicum affixa, ad executionem sufficiat, cuius monitionis praetextu secure, legitime et iuste contra eos et eorum quemlibet ac ipsorum successores ad fulminationem censurarum procedere successive usque sd Interdictum poterint ipsi executores seu ipsi, quibus exactionem census huiusmodi sedecim marcarum commiserint. Praeterea iidem domini se et suos praedictos submittunt successores censum praedictum sedecim marcarum pro qualibet rata praedicta, propriis eorum sumptibus et impensis hic in locum Cracoviensem ipsi altaristae seu illis, quibus id ipsum commissum fuerit per executores, in manus realiter et cum effectu tradere et portare. Quodsi ipsum altaristam seu illos exigendi census ab executoribus potestatem habentes, aliquos sumptus et impensas occasione huiusmodi census facere contingeret, extunc pro huiusmodi expensis non secus atque pro debito sive censu principali, se et suos successores, monitione duntaxat praemissa, ut praefertur, eo modo exequenda, declarandos et denuntiandos submiserunt et eorum quilibet submisit. Renuntiantes etiam ipsi domini Iohannes et Stanislaus palam et publice omnibus exceptionibus, appellationibus apostolicis et regalibus literis, iuribus et consuetudinibus seu quibusvis exquisitis coloribus, ingeniis et subterfugiis excogitatis vel excogitandis, census huiusmodi solutionem quomodolibet impedire valentibus, quibus ipsi domini venditores sibi ipsis prodesse et dictis executoribus aut ipsorum successoribus sive commissariis obesse valeant quomodolibet, ab illis omnibus per expressum manu mihi Notario infrascripto stipulata, recesserunt. Promittentes nihilominus, submittentesque se expeditiones quascunque

Fragment zapiski 5 , Numer strony/karty w źródle: 14

generales et particulares per se et eorum sumptibus intercedere, censumque huiusmodi tueri et defendere, ac insuper se et successores suos similiter in Actis iuris terrestris, de solvendo ipso censu sedecim marcarum pro summa praedicta Quadringentarum tredecim marcarum, sub poenis certis ibidem exprimendis obligare et realiter singulis annis solvere, ac ipsum altaristam seu alios quoscumque dicti altaris fundandi possessores, in quomodolibet iure, tam spirituali quam saeculari et ubicumque necesse visum fuerit, coram quocunque iudice, ab omni persona qualicunque occasione huiusmodi census evincere, indemnemque reddere acsi principales proprietarios, prout sunt, ponere, eorum propriis sumptibus tenebuntur. Onera autem altaristae moderabuntur iuxta arbitrium bonorum virorum, si qui casus infortuiti, quod absit, evenirent, alias iuxta commodum sentient onus; postremumque quod cum dicti domini Iohannes et Stanislaus censum huiusmodi eximere voluerint aut ipsorum successores, extunc similiter simul una vice et uno tempore totalem summam, videlicet Quadringentas et tredecim marcas similes, una cum censu anni eiusdem reponere se submittunt, et medio anno ante hac altaristam et collatores avisare de solutione fienda ante huiusmodi exemptionem, et cum summa in toto reposita fuerit, extunc in cisticula et in thesauro Maioris Collegii Artistarum servari debebit, donec similis vel maior census fuerit comparatus; ad cistam vero patroni unam, et census possessores aliam claves habebunt. Quem quidem Contractum venditionis ipsae partes, tam videlicet ipsi domini venditores, quam emptores, in omnibus et singulis punctis aprobaverunt, acceptaverunt et emologaverunt, petentes ipsum Contractum hinc inde per dominum Vicarium memoratum admitti, ratificari, confirmari, auctoritatemque ordinariam pariter et decretum interponi, ac robur perpetuae firmitatis habere decerni. Et dominus huiusmodi Contractum tanquam iustum admisit, ratificavit, confirmavit, auctoritatemque ordinariam pariter et decretum interposuit, ac robur perpetuae firmitatis habere decrevit. Praesentibus ibidem venerabilibus et discretis Magistro Michaele Parisiensi Sacrae Theologiae Professore, Laurentio Grabyenski, Nicolao Czyolek, nobilibus Petro de Glogouia organista in ecclesia Cracoviensi, Iohanne Thargowyczki et Iohanne Suchodolski, testibus ad praemissa, ac me Nicolao Petri de Casimiria Notario publico, actus praesentis scriba.“

Fragment zapiski 6 , Numer strony/karty w źródle: 14

Tenor vero literarum Consensus regii talis est:

Fragment zapiski 7 , Numer strony/karty w źródle: 14

„Sigismundus Dei gratia Rex Poloniae, Magnus Dux Lithuaniae, Russiae, Prussiaeque dominus et haeres etc. significamus tenore praesentium quibus expedit universis: quia nos habentes in prospectu servitia generosorum Iohannis de Sprowa Vexilliferi Sandomiriensis ac Stanislai exactoris nostri, germanorum et Capitaneorum Opocznensium, nobis et praedecessoribus, fratribus nostris, Regi„bus Poloniae per eos exhibita, atque petitionibus eorum annuentes, eis de certa scientia et gratia nostra censum annuum sedecim marcarum, quamlibet in marcam quadraginta octo grossos computando, in villis eorum haereditariis, videlicet Rogow, Vyschegrod, Cobyela, Chrostovycze et Kasschow, in terra Sandomiriensi sitis, pro quacunque pecuniarum summa iusta atque in talibus dari consueta, quibuscunque ecclesiasticis seu spiritualibus personis in vim reemptionis vendendum et inscribendum consensimus et admisimus, consentimusque et admittimus praesentibus, ita tamen quod servitium expeditionis bellicae ipsi germani de Sprowa dictorum bonorum Rogowskye haeredes et eorum successores debebunt et tene-

Fragment zapiski 8 , Numer strony/karty w źródle: 15

buntur de ipsis sedecim marcis census venditi intercedere. Propterea quoque admittimus eundem sedecim marcarum censum ecclesiasticae libertati et immunitati ascribi, uniri et incorporari, et quantum de nobis est, ascribimus, unimus et incorporamus usque ad ipsius redemptionem, tenore praesentium mediante. Harum quibus sigillum nostrum est praesentibus subappensum, testimonio literarum. Datum Cracoviae, Sabbato proximo ante festum Sancti Gregorii, Anno Domini Millesimo Quingentesimo octavo, Regni nostri anno secundo. Iohannes de Lasko R. P. Cancellarius sspt.“

Fragment zapiski 9 , Numer strony/karty w źródle: 15

Quam quidem Notam una cum Consensu praeinserto, ad petitionem et instantiam venerabilium Stanislai de Nova Civitate Custodis ecclesiae Sancti Floriani, Felicis de Lasky Collegiati Minoris Collegii Artistarum, executorum testamenti olim dicti Magistri Alberti de Sbamotuly Medicinae Doctoris, desuper nobis oblata, ex eisdem Actis nostris transsumi et exemplari mandavimus. Nihilominus vos vigore praesentium admonemus et hortamur, quatenus praesentibus nostris significatorialibus transsumpti literis, tam in iudiciis, quam extra et ubique locorum stetur et fides plenaria adhibeatur, non secus quam Actis nostris originalibus antedictis. In quorum omnium praemissorum fidem et testimonium, significatorias praesentes literas sigillo nostro et subscriptione Notarii publici praedicti iussimus et fecimus communiri. Actum et datum Cracoviae, Anno Domini Millesimo Quingentesimo octavo, Indictione undecima, Pontificatus domini nostri, domini Iulii divina providentia Papae secundi anno ipsius quinto, die vero Mercurii vigesima nona Martii. Praesentibus ibidem discretis viris Martino de Lanczna presbytero, Alexio de Cracovia, Iohanne Volski, Cracoviensis et Posnaniensis diocesum Notariis et clericis, Iohanne Slath de Pylzna causarum Consistorii Cracoviensis procuratore, testibus ad praemissa rogatis et requisitis.

Fragment zapiski 10 , Numer strony/karty w źródle: 15

(L. S. n.) Et ego Nicolaus Petri de Cazimiria, clericus diocesis Cracoviensis, sacris apostolica et imperiali auctoritatibus Notarius publicus et coram memorato reverendo patre domino Sigismundo etc. Vicario causarum factique huiusmodi scriba, quia praedictis recognitioni, obligationi, pecuniarum numerationi, et ipsarum receptioni, quietationi, aliisque omnibus inde secutis praemissis praesens interfui, eaque sic fieri vidi et audivi: ideo praesentes significatorias literas manu propria cursimque fideliter scripsi et in hanc publicam formam redegi, signo et nomine meis solitis et consuetis consignavi, in fidem omnium et singulorum praemissorum rogatus et requisitus.

Komentarz do fragmentu zapiski:
(Ex archetypo membranaceo, cum sigillo cereo rubro, taeniola membranacea appenso. Sigillum eiusdem typi ac sub Nr. CCCXVI.—-Nr. Archiv. 4263.)