Pełny podgląd zapiski o zdarzeniu dotyczącym edukacji i stopni naukowych

Fragment zapiski 1 , Numer strony/karty w źródle: 174

CCXCI. Fridericus Episcopus Cracoviensis erectionem et dotationem altaris tituli S. Ioannis ante Portam Latinam in ecclesia cathedrali Cracoviensi, cum annexa eidem Collegiatura facultatis iuridicae Universitatis studii Cracoviensis et Senioratu Bursae Canonistarum, per executores testamenti Iacobi de Szadek Decretorum Doctoris fundati, approbat.
Cracoviae, Anno 1491, die 19 mensis Decembris.

Fragment zapiski 2 , Numer strony/karty w źródle: 174

In nomine Domini Amen. Ad rei memoriam perpetuam. Disponente Domino ad regimen ecclesiae Cracoviensis deputati, inter ea quae nostris insident humeris, et ad id praecipue, ut ad laudem et gloriam Dei, fideliumque profectum animarum

Fragment zapiski 3 , Numer strony/karty w źródle: 175

in cunctis ordinationi nostrae subiectis ecclesiis cultus divinus, quem nostris augere temporibus desideramus, vigeat et studium Sacrae Paginae, Canonumque accrescat, frequentibus votis intendimus et operosae sollicitudini curam impertimur. Proinde nos Fredericus Dei gratia electus confirmatus ecclesiae Cracoviensis notum facimus tenore praesentium quibus expedit universis praesentibus et futuris, notitiam praesentium habituris: quomodo nuper pro parte honorabilis Nicolai parochialis in Kxanschnycze rectoris, nec non altaristae Sancti Antonii maioris Cracoviensis ecclesiarum, executorisque testamenti et fideicommissarii venerabilis olim Iacobi de Schadek Decretorum Doctoris, Canonici Cracoviensis, suique, ut dicebat, praecipui promotoris et benefactoris, exhibitis nobis et praesentatis certis venditionis et emptionis censuum infrascriptorum, et ad eos solvendum demandationis et quittationis serenissimi domini et domini Kazimiri Dei gratia Regis Poloniae etc. genitoris nostri gratiosissimi, et fundationis, dotationisque certi altaris de secundo ministerio pro Collegiatura et Seniore Bursae Canonistarum domus lapideae in platea Sancti Andreae Cracoviae iacentis, per venerabilem olim Iohannem Dlugosch nuncupatum Custodem Visliciensem, Rectoremque, Doctores et Magistros ac totam Universitatem studii Cracoviensis circa et apud nobilem olim Iohannem Galka emptae et solutae, annectendi, erigendi et confirmandi, nec non emptionis et resignationis eiusdem domus lapideae sive Bursae Canonistarum literis in pergameno scriptis et sigillis patentibus serenissimi domini Kazimiri Poloniae Regis ac ipsius Nicolai de Koprzywnycza subappendentibus communitis et roboratis, fuit nobis humiliter supplicatum: quatenus in et super sedecim marcis pecuniae usualis, in Regno Poloniae communiter currentis, per eundem Nicolaum huiusmodi testamenti indubitati executorem et fideicommissarium dicti olim Iacobi de Schadek etc. et pro illius et suis bonis a domino Deo ipsis collatis, apud eandem Regiam Maiestatem pro Quingentis florenis Hungaricalibus in proventibus de institis sutorum civitatis Cracoviensis, dicto serenissimo domino Regi Poloniae singulis annis per ipsos sutores et eorum communitatem solvi consuetis, sub spe tamen reemptionis alias Na vederkow emptis et comparatis, et ad easdem sedecim marcas solvendum et extradendum eisdem sutoribus et aliis dictae Regiae Maiestatis huiusmodi proventuum regalium exactoribus, speciali regia litera mandati cum quittantia commissis, certum altare cum annectenda eidem Collegiatura pro Seniore dictae Bursae Canonistarum, et altarista secundi ministerii circa altare Sancti Iohannis ante Portam Latinam intitulatum, in eademque ecclesia nostra cathedrali Cracoviensi situm, ante quod et ubi corpus praefati olim Iacobi de Schadek requiescit, eodem tamen priori permanente titulo, erigere, creare et dotationem ipsorum censuum praedictorum, reservato itaque et salvo usu duodecim marcarum de censibus eisdem comparatis ipsi Nicolao de Koprzywnycza fundatori praedicto quoad vixerit, praetextu lecturae unius missae aut quamdiu sibi earundem duodecem marcarum usum habere placuerit, dicto altari secundi ministerii et novam Collegiaturam annectere, incorporare, inviscerare, appropriare, ecclesiasticaeque libertati et emunitati ascribere, ac residuas quatuor marcas pro ipso Collegiato et altarista utpote Seniore dictae Bursae Canonistarum eodem reservatas durante interim percipiendas assignare, huiusmodi quoque literas venditionis, emptionis, resignationis domus sive Bursae praefatae, censuumque praedictorum, et ad eosdem census solvendum regiae factae demandationis et quittantiae, ratificare, perpetuare, confirmare et honorabilem Magistrum

Fragment zapiski 4 , Numer strony/karty w źródle: 176

Nicolaum de Koprziwnycza ad gradum Baccalariatus in Iure canonico promotum et in Seniorem dictae Bursae Canonistarum receptum, clericumque in minoribus ordinibus nostrae diocesis Cracoviensis constitutum, tanquam idoneum et bene meritum, ac dicti Nicolai fundatoris ad ipsum altare Sancti Iohannis ante Portam Latinam secundi ministerii et novae fundationis primum praesentatum et Collegiatum, ad eius praesentationem nobis vivae vocis oraculo factam instituere et investire, sibique Magistro Nicolao moderno et caeteris post eum sequentibus Senioribus in eadem Bursa Canonistarum, altaristis et Collegiatis pro tempore existentibus, onera iniungere, imponere, ac defectus quoslibet, si qui in praemissis intervenerint et in futurum quomodolibet intervenire possent, corrigere et supplere dignaremur. Quarum literarum venditionis, emptionis et resignationis domus lapideae pro Bursa dicta Canonistarum, huiusmodi censuum sedecim marcarum coemptorum et ad eosdem solvendum regiae quittantiae ac demandationis, nec non dotationis et donationis praedicti altaris secundi ministerii, de quibus mentio superius fuit facta, tenores ordinatim secuntur in hunc modum:

Fragment zapiski 5 , Numer strony/karty w źródle: 176

„Kazimirus Dei gratia Rex Poloniae“ etc. Vide Nr. CCXLIV.

Fragment zapiski 6 , Numer strony/karty w źródle: 176

"In nomine Domini Amen. Et cum dispositiones et actiones hominum plerumque oblivio erroris vitio confundere consuevit: Regum et Principum salubres constituerunt sanctiones, illas literarum scripturis et sigillorum munimentis et testium amminiculo esse firmandas. Ad perpetuam igitur memoriam, nos Kazimirus Dei gratia Rex Poloniae, nec noc terrarum Cracoviae, Sandomiriae, Siradiae, Lanciciae, Cuyaviae, Magnus Dux Lithwaniae, Russiae, Prussiae ac Culmensis, Elbingensis et Pomeraniae dominus et haeres etc. significamus tenore praesentium quibus expedit universis praesentibus et futuris, harum notitiam habituris: quomodo exigente nostra et Regni nostri non mediocri necessitate et indigentia, pro conservandaque re publica, census annuos sedecim marcarum monetae et numeri Polonicalium, marcam in quamlibet computando quadraginta et octo grossos, in et super macellis seu bancis sutorum in Cracovia et eorum universis obventionibus, inter alios census pro fisco et thesauro nostro regio singulis annis per seniores magistros artis sutoriae, ipsorumque communitatem dari solitos et consuetos, pro Quingentis florenis Hungaricalibus puri auri boni et iusti ponderis, per nos pro praedicta nostra et Regni nostri opportunitate et relevatione in parata pecunia et auro effectualiter receptis et levatis, honorabili Nicolao de Coprzywnycza in in Kxansznycze plebano, altaristaeque in ecclesia cathedrali Cracoviensi, executori testamenti olim venerabilis Magistri Iacobi de Schadek Decretorum Doctoris, Canonici et Vicarii in spiritualibus pro tunc generalis Cracoviensis, non improvide aut per errorem, sed de certa nostra scientia et voluntate, Praelatorumque et Baronum ac Consiliariorum nostrorum nobiscum protunc existentium consilio speciali, deliberatione, approbatione et consensu ad id accedente, venditione et titulo reemptionis alias Na vederkoff vulgariter nuncupatis, vendidimus et resignavimus, vendimus et resignamus, ac sibi plenam et omnimodam facultatem in eisdem censibus sedecim marcarum altare in aliqua ecclesiarum, aut Collegiaturam cuiuscunque facultatis in Universitate Cracoviensi studii fundandi, dotandi et obtinendi, aut aliquibus ecclesiis vel piis locis coniunctim vel divisim, in toto vel in parte donandi et assignandi, prout sibi melius expedire videbitur, damus et concedimus, tenore praesentium mediante, perpetualiter et in aevum per ipsum et suos

Fragment zapiski 7 , Numer strony/karty w źródle: 177

successores tenendum, habendum, percipiendum, ac pro suo arbitrio et voluntate convertendum. Quos quidem census sedecim marcarum Seniores sive magistri sutorum, totaque communitas ipsorum pro tempore existentes et caeteri in futurum exnunc et deinceps perpetuis temporibus singulis videlicet pro quibuslibet Quatuortemporibus per quatuor marcas in moneta currenti et consueta Regni nostri, incipiendo solutionem a Quatuortemporibus Cinerum proxime futuris et continuando usque ad debitam et totalem eorundem censuum reemptionem, praefato Nicolao in Kxansznycze plebano ac personis quibuslibet spiritualibus, quibus ipsos census ad gloriam et honorem Altissimi, pro laudisque divinae incremento, duxerit donandos aut in alia pietatis opera coniunctim vel divisim, in toto vel in parte, applicandos et adiungendos, ad requisitionem praesentium dabunt et assignabunt realiter et cum effectu persolvant, omni dilatione, difficultate et renitentia nostra, nostrorumque successorum, sive Procuratoris generalis nostri, cui eundem censum praedicti Seniores, totaque communitas sutorum in Cracovia dare pro designatis temporibus solent, aut ipsius Viceprocuratoris penitus cessante, ad pecuniarum nostrarum regalium rationem, receptis recognitionibus per memoratos Seniores sutorum, ipsorumque communitatem a praefato Nicolao plebano aut successoribus suis, per ipsum Nicolaum in Kxansznycze plebanum ad id, ut praemissum est, constituendis, solutionem ipsi Nicolao plebano factam designantibus, pro ratione nobis cum praefato Procuratore aut Viceprocuratore sive Senioribus magistris sutoribus fienda, ponendis, quibus stare volumus, acsi munimine sigilli nostri regalis essent roboratae et sigillatae. Quos quidem census sedecim marcarum annuos ab omni onere, tributo generali vel particulari, nec non contributione quacunque libertavimus et praesentibus libertamus, et nihilominus ipsos census quamdiu per nos et successores nostros reempti non fuerint, ecclesiastica subicimus et volumus potiri privilegio, libertate et immunitate. Casu vero quo in solutione eorundem censuum sedecim marcarum in toto vel in parte praefati Procuratores sive Vice pro curatores aut Seniores magistri sutorum et ipsorum tota communitas fuerint remissi vel negligentes, omnibus censuris ecclesiasticis usque ad sententiam interdicti inclusive, per loci ordinarium aut eius vicesgerentem in eos, monitione duntaxat infra sex dierum spatium personaliter vel in facie ecclesiarum parochialium ad Sanctam Mariam et ad Omnes Sanctos in Cracovia praemittenda, sine quavis concitatione ferendis et promulgandis, quibus ipsos Procuratorem sive ipsius Viceprocuratorem ac Seniores, totamque communitatem sutorum, alias qui in praemissis fuerint culpabiles, pro tempore existentes et alios in futurum subiectos esse volumus et subicimus, ad solutionem et satisfactionem debitam compellant et astringant, quavis exceptione iuris vel facti et contraria ordinatione, statuto et laudo in contrarium facientibus non obstante quibuscunque, quibus exnunc prout extunc et extunc prout exnunc derogamus et eas obtentas et obtinendas suis viribus carere volumus, nonnisi solutione et satisfactione habita relaxandi et absolvendi. Et insuper praefatos Procuratorem, Viceprocuratorem ac Seniores sutores, eorumque communitatem pro tempore existentes, a solutione dictarum sedecim marcarum census annui, sicut praemissum est, per nos venditi, interim quo reempti non fuerint, nobis et successoribus nostris facienda, dimittimus et absolvimus ac quittatos et absolutos esse volumus per praesentes, ita tamen quod dum et quando dictum censum sedecim marcarum redimere et reemere voluerimus, ipsum Nicolaum plebanum

Fragment zapiski 8 , Numer strony/karty w źródle: 178

aut cni donationem censuum praedictorum fecerit, sex mensibus ante de ipsa reemptione avisare debemus; quo facto licebit nobis et successoribus nostris praelibatum censum pro simili et integra summa Quingentorum florenorum Hungaricalium auri boni et iusti ponderis, quos ab eo similiter recepimus, et non aliter, pro uno semel in manus memorati Nicolai plebani executoris et successorum suorum, quibus donationem fecerit, Cracoviae reponenda et persolvenda, dum et quando voluerimus et placuerit, redimere et reemere; quodque ipse Nicolaus aut successores ipsius debebit et debebunt subici periculis quomodocunque evenientibus, iuxta naturam et contractum reemptionis alias ad arbitrium boni viri taxandis, secundumque eiusdem census quantitatem et valorem, quem nos ipsum et successores ipsius occasione censuum praedictorum in verbo nostro regio indempnem reddere praesentibus promittimus et pollicemur. Harum quibus sigillum nostrum est appensum testimonio literarum. Actum et datum in Nyepolomycze, feria quinta post festum Epiphaniae proxima, Anno Domini Millesimo Quadringentesimo octuagesimo nono. Praesentibus ibidem reverendissimo et illustrissimo Principe domino Frederico Dei gratia electo confirmato Cracoviensi, magnificisque et generosis Iacobo de Dambno Castellano et Capitaneo, Iohanne Amor de Tharnow Palatino Cracoviensibus, Stanislao de Schydlovyecz Radomiensi et Raphaele de Leschno Spicimiriensi Castellanis, Petro de Curoszwyaky Regni nostri Thesaurario, Stanislao de Vythovicze Sanocensi Capitaneo, Campiductore generali Regni nostri, et aliis quam pluribus testibus fide dignis. Datum per manus venerabilis Gregorii de Ludbrancz Scarbimiriensis et Sancti Floriani in Cleparzs Praepositi, Regni Poloniae Vicecancellarii.“

Fragment zapiski 9 , Numer strony/karty w źródle: 178

„Kazimirus Dei gratia Rex Poloniae, Magnus Dux Lithwaniae, Russiae, Prussiaeque dominus et haeres etc. venerabili Gregorio de Ludbrancz Scarbimiriensi et Sancti Floriani in Cleparzs Praeposito, Regni nostri Vicecancellario et Procuratori nostro generali castri Cracoviensis, sincere, ac ipsius in huiusmodi procuratione vicesgerenti, notariis ac eorum officialibus, nec non Senioribus magistris artis sutoriae, totique communitati ipsorum de Cracovia, censitis nostris fidelibus nobis dilectis, gratiam nostram cum favore. Venerabilis sincere et fideles nostri dilecti! Et quia hodie exigente nostra et Regni nostri non mediocri necessitate, de certa nostra scientia, Praelatorumque, Baronum et Consiliariorum nostrorum consensu ad id accedente, sedecim marcas pecuniarum census annui in et ex censibus et proventibus nostris regiis eiusdem communitatis sutorum in Cracovia inter alios census pro fisco nostro regio dari et solvi debitos, honorabili Nicolao de Coprzywnycza in Kxansznycze plebano, altaristae in ecclesia Cracoviensi et executori testamenti olim Magistri Iacobi de Schadek Decretorum Doctoris, Canonici et Vicarii in spiritualibus Cracoviensis generalis, et ipsius successoribus, pro Quingentis florenis Hungaricalibus auri boni et iusti ponderis, alias ad quaelibet Quatuortempora per quatuor marcas per vos de proventibus nostris solvendis, solutionem incipiendo a Quatuortemporibus Cinerum proxime futuris et continuando usque ad debitam eorundem censuum reemptionem per nos et successores nostros fiendam, vendidimus et resignavimus ac vendimus et resignamus per praesentes, prout in aliis nostris venditionis et resignationis huiusmodi literis desuper confectis plenius habetur et continetur. Vobis igitur et cuilibet vestrum districte praecipientes mandamus, omnino habere volentes, quatenus dum et postquam

Fragment zapiski 10 , Numer strony/karty w źródle: 179

harum vigore literarum requisiti fueritis, dictum censum sedecim marcarum ad quaelibet Quatuortempora per quatuor marcas praefato Nicolao executori testamenti praedicti, aut cui ipse donationem fecerit, singulis annis, quamdiu ipsum censum nos aut successores nostri non reemerimus, de proventibus nostris exsolvatis et exsolvere absque omni excusatione, dilatione et renitentia debeatis, iuxta dictarum literarum nostrarum efficaciam et tenorem, quibuscunque aliis literis nostris in contrarium facientibus datis vel dandis, quas exnunc cassamus, irritamus et nullius roboris aut momenti fore volumus, in aliquo non obstantibus. De quibus quidem censibus sedecim marcarum donatio facta fuerit, taliter de dictis proventibus ad eadem Quatuortempora solvendis, vos et quemlibet vestrum quittamus et absolvimus tenore praesentium mediante, et aliter pro gratia non facturi in praemissis. Harum quibus sigillum nostrum est appensum testimonio literarum. Datum in Nyepolomycze, feria quarta proxima post festum Epiphaniarum, Anno Domini Millesimo Quadringentesimo octuagesimo nono.“

Fragment zapiski 11 , Numer strony/karty w źródle: 179

„In nomine Domini Amen. Ad perpetuam rei memoriam. Cum sacro scripturarum attestante eloquio, pia desideria et ultimae voluntatis Christi fidelium testatorum per eos, quorum fidei se commiserunt, debeant adimpleri et effectui commendari, et quod in hanc lucem intrantes maiestatem Dei nostris malis multipliciter offendimus et omnes illius gratia indigemus, ab hacque luce unumquemque translatum oportet ante tribunalt erribile aeterni Indicis praesentari, ut recipiat, prout gessit sive bonum sive malum in corpore, mercedem suam; proinde ego Nicolaus de Coprzywnycza plebanus in maiori Xansznicze, nec non altarista tituli Sancti Antonii altaris in ecclesia cathedrali Cracoviensi siti, executor testamenti et fideicommissarius reverendi patris domini olim Iacobi de Schadek Decretorum Doctoris, Canonici, Vicariique in spiritualibus generalis Cracoviensis, mei specialissimi benefactoris, universis et singulis quibus expedit, tam praesentibus quam futuris, notitiam praesentium habituris, notum facio et significo: quomodo voluntati praefati reverendi patris domini testatoris innitendo, eam que ad effectum deducere ac exitus mei diem extremum piis operibus praevenire, Iudicemque terribilem placare, profectus ecclesiae in augmentum divini cultus et utilitatem personarum in Iure canonico discentium, quantum cum Deo poterim, ampliare, terrenaque pro coelestibus commutare cupiens et volens, non per errorem aut improvide, sed amicorum meorum et luris consultorum almae Universitatis studii Cracoviensis consiliis usus, ac matura praehabita deliberatione, in remissionem tam dicti domini testatoris, quam meorum peccaminum, nec non aliorum utriusque nostri progenitorum propinquorum praesentium et futurorum ac omnium Christi fidelium defunctorum animarum remedium sempiternum, altare secundi ministerii seu de secundo ministerio tituli Sancti Iohannis ante Portam Latinam, ubi seu ante quod corpus eiusdem testatoris quiescit in ecclesia cathedrali Cracoviensi situm, cum annexione Collegiaturae novae, tantummodo per Seniorem Bursae Canonistarum Longini nuncupatae, in platea Sancti Andreae Cracoviae ex opposito Collegii Iuristarum iacentis, qui pro tempore fuerit, habendum et possidendum, denuo erigo et fundo, priori titulo eiusdem altaris remanente. Ad idemque altare secundi ministerii et Collegiaturam eidem annectendam, et pro illorum ipsius altaristae et Collegiati videlicet Senioris dictae Bursae Canonistarum pro tempore existentis sustentatione et dotatione certum censum annuum sedecim marcarum pecuniae

Fragment zapiski 12 , Numer strony/karty w źródle: 180

usualis in Regno Poloniae communiter currentis, quadraginta octo grossos in quamlibet marcam computando, pro Quingentis florenis Hungaricalibus in proventibus Regiae Maiestatis, quos sutores et eorum universitas civitatis Cracoviensis Regiae Maiestati de ipsorum institis singulis annis solvere consueverunt, circa et apud serenissimum dominum et dominum Kazimirum Dei gratia Regem Poloniae, Magnum Ducem Lithvaniae, Russiae, Prussiaeque dominum et haeredem, sub spe reemptionis, pro meis et dicti reverendi patris domini Iacobi de Schadek bonis et pecuniis a Domino Deo nobis collatis et concessis, emptum et comparatum, certis et bonis conditionibus et cautelis adhibitis, quibus ipse census, non obstante illius reemptione, una cum altari et Collegiatura sibi annectenda subsistere possit, realiter et cum effectu facto do, dono, assigno, approbo et annecto cum omni iure, dominio et proprietate, alias prout idem census ab ipsa Regia Maiestate fuit et est emptus, inscriptus, assignatus, per ipsum Seniorem dictae Bursae ut altaristam eiusdem altaris secundi ministerii et Collegiatum nunc in parte, post mei vero decessum vel cessum integraliter habendum, possidendum et in suos usus beneplacitos convertendum, ita videlicet quod usufructum duodecim marcarum sic ut praefertur coempti, duntaxat ad tempora vitae meae vel quamdiu in vita agenti placuerit, pro me reservo, et ratione perceptionis illarum missam eidem altari et suo altaristae iniungendam tanquam lector legere et expedire, ipsumque altaristam interim ab eadem missae completione seu lectura liberum esse, ac residuas quatuor marcas percipere volo, ad quas singulis annis solvendas moderno Seniori et suis successoribus me obligo et bona fide promitto. Intuitu tamen illarum quatuor marcarum singulis diebus sabbativis et aliis, quibus nova Iura per lectores ad hoc specialiter deputatos legi consueverunt, utpote in festis Collegii ac etiam temporibus vacationum, quae sunt post festum Natalis Domini ad Epiphaniarum, post dominicam Conductus Paschae ad Sancti Georgii, post Sancti Michaelis ad Sancti Galli festa, in quarto Decretalium in Collegio Canonistarum legere, et statione huiusmodi reservata, solummodo ad unum actum; post illius vero expirationem et quam cito per ipsum Seniorem Bursae, novum Collegiatum et huiusmodi altaristam, possessio plenaria integri census summae sedecim marcarum praefatae consecuta fuerit, extunc ad duos actus septimanatim in eadem Bursa Canonistarum et in Iure canonico disputandos debito modo faciendum, et non solum praedictis diebus sabbativis temporibus quam praescriptarum vacationum et quibus per praenominatos eosdem lectores nova Iura leguntur, sed etiam praeterea diebus dominicis et festivis, exceptis praecipuis et celebribus festivitatibus mobilibus et Beatae Virginis Mariae et Iohannis Baptistae, in dicto quarto Decretalium in eodem Collegio Canonistarum, et unam missam defunctorum pro sacerdote similiter qualibet septimana circa dictum altare secundi ministerii per se vel per alium quocunque die legendum et complendum, sub illius conscientiae oneratione et excommunicationis poena, praesentibus eundem Seniorem Collegiatum et altaristam exnunc prout extunc et extunc prout exnunc obligo et astringo, salvo eo, quod eisdem temporibus vacationum, quibus lectionem in quarto legerit, ad perficiendum et disputandum dictos actus in Bursa ipse Senior et altarista propter meliorem expeditionem in lectionibus fiendam non erit astrictus; utque Magister Nicolaus de Coprzywnycza in Decretis Baccalarius et proximus altiori in eodem Iure canonico promotioni, modernus Senior dictae Bursae Canonistarum,

Fragment zapiski 13 , Numer strony/karty w źródle: 181

meus nepos, per unanimem consensum et conclusionem dominorum Doctorum et Magistrorum duntaxat salariatorum almae Universitatis studii Cracoviensis in plena eorundem convocatione desuper facta et postea debite auscultata, per eosdem in Seniorem eiusdem Bursae receptus et admissus, in primum altaristam dicti altaris secundi ministerii cum annexione novae Collegiaturae fienda, ad meam praesentationem de persona sua per me faciendam instituatur, sitque de numero Collegiatorum, et habeat ipse, postquam fuerit in Doctorem luris canonici promotus, et etiam sui legitimi successores Seniores et altaristae pro tempore existentes, similiter in Doctores promoti, iuxta morem aliorum Collegiatorum ius optandi seu iuxta electionem solitam se eligi et suscipi in altiorem Collegiatorem seu alia officia lecturarum in Iure canonico, post vero decessum aut cessum dicti Magistri Nicolai primi altaristae et Collegiati, vacatione praefati altaris et Collegiaturae superveniente, Rector cum Doctoribus et Magistris actu regentibus et legentibus habebunt ius eligendi et praesentandi ad ipsum altare et Collegiaturam sibi annexam, aliam personam idoneam, videlicet Doctorem in Decretis, si protunc haberi poterit, aut Licentiatum vel saltem sacrorum Canonum Baccalarium in ea ipsa canonica facultate competenter eruditum et habilem ad designatos actus disputandum et lectiones in huiusmodi Iure canonico fideliter et diligenter legendum, quod conscientiis taliter eligentium et praesentantium relinquitur. Ut autem indempnitati rerum altari, sicut praemissum est, fundato et erecto, appropriatarum et assignatarum cautius consulatur, deputentur per Rectorem Universitatis pro tempore existentem et per Decanos omnium facultatum aliqui viri boni et timorati, Doctores vel Magistri ex Universitate Cracoviensi, qui in principio cuiuslibet commutationis res et apparamenta altaris praefati per me iam facto data, videlicet calicem cum patena et cruce parva argenteis et deauratis, duos ornatus, duo antepedia cum pallis duabus, missale cum aliis attinentiis, et alia successu temporis adaugenda, si sint integra et non destructa vel distracta aut alienata, videant et conspiciant, ad ipsamque Bursam tempore congruo ad indagandum, an actus et lectiones debito modo expediuntur per ipsum Seniorem et altaristam, et an bono ordine eadem domus dirigitur, descendant. Cuius quidem Bursae Canonistarum Longini nuncupatae, iuxta conclusionem Universitatis, ex certis respectibus non debebit fore seu aliqua singularis et privata persona in provisorem, praeter ipsum Seniorem seu altaristam, nihilominus tamen cum superintendentia seu superioritate et respectu Rectoris Universitatis, qui in ipsum quemadmodum et in alios Collegiatos suam, cum opus fuerit, exercebit iurisdictionem; hoc etiam adiecto et proviso, ne cursu temporis per reemptionem dicti census fiendam huiusmodi altare cum Collegiatura eidem annexa, suoque altarista et Seniore domus Bursae praefatae, debitis obsequiis, redditibusque suis et proventibus fraudaretur ac frustraretur et capitalis pecunia dilapidaretur, seu ut potius per infrascriptam cautelam adhibitam temporibus perpetuo duraturis subsistere possit, hoc hahere cupio et opto, ut postquam huiusmodi sedecim marcas annui census per serenissimum dominum Regem modernum vel suos successores redimi contigerit, quod Senior praefatae Bursae et altarista pro tempore existens una cum Rectore Universitatis et aliis Doctoribus et Magistris salariatis huiusmodi recepta pecunia capitali, eo celerius alibi dictum censum sedecim marcarum in eadem vel maiori quantitate, prout ipsis melius et salubrius videbitur, in certis et fructiferis bonis

Fragment zapiski 14 , Numer strony/karty w źródle: 182

coemant, et interim eadem pecunia capitalis in una ladula sub duabus aut tribus clavibus per eos ex integro non alibi nisi in domo Maioris Collegii Artistarum et in eorum fisco reponi et iacere debebit, quousque comparatio dicti census fuerit sortita suum effectum. Actum et datum Cracoviae, die Saturni decima septima mensis Decembris, Anno Domini Millesimo Quadringentesimo nonagesimo primo, meo sub sigillo praesentibus appenso. Praesentibus ibidem venerabili et honorabilibus viris dominis Magistro Iohanne de Wlodzislaw Decretorum Doctore, Andrea de Canczuga vicario, Nicolao de Dobyeskow clerico capellae Sanctae Trinitatis perpetuis ecclesiae Cracoviensis, Nicolao et Iacobo de Gorno Notario publico, testibus ad praemissa.“

Fragment zapiski 15 , Numer strony/karty w źródle: 182

Nos itaque Fredericus electus confirmatus ecclesiae Cracoviensis memoratus, quantum nostri pastoralis exigit officii cura, praefatum Nicolaum eiusdem altaris secundi ministerii fundatorem et dotatorem in eius votis conservare, in huiusmodi negotio fundationis, dotationis dicti altaris, eidemque novae Collegiaturae annexionis, incorporationis census praedicti, roborationis literarum praeinsertarum et institutionis praefati Magistri Nicolai primi praesentati, novique Collegiati et instituendi altaristae, rite et legitime procedere cupientes, pro maiori subsistentia et cautela praemissorum, citationum literis nostris in vim Cridae rite praemissis et nullo in termino ipsarum contradicente, ad debitam praefati Nicolai fundatoris instantiam, visis tamen prius et ante omnia attentis huiusmodi venditione, emptione, resignatione praefatae domus et censuum praedictorum, ac ipsius altaris dotatione, eidemque novae Collegiaturae fienda seu postulata annexione sicut praefertur factis et consummatis fore et esse rationabilibus, eisdemque literis praeinsertis et sigillis ipsis appensis veris existentibus et compertis, et aliis omnibus merito videndis matura deliberatione et aequa iustitiae lance recensitis, supplicationibusque eiusdem fundatoris tanquam iustis et rationi consonis annuentes, eas et ea in omnibus ipsorum contentis punctis, sententiis, clausulis, particulis et conditionibus ut rite et legitime factis, rate et grate habentes admittimus, dictumque altare Sancti Iohannis ante Portam Latinam in ecclesia nostra cathedrali Cracoviensi situm, pro honore omnipotentis Dei ac praefati Sancti Iohannis ante Portam Latinam, quoad secundum eiusdem ministerium erigimus et de novo creamus et intitulamus, eidem Collegiaturam novam cum aliis omnibus annectentes, census quoque huiusmodi sedecim marcarum et pecuniarum capitalium temporibus duraturis dicto altari et novae Collegiaturae ac suo altaristae et Collegiato, Senioreque dictae Bursae Canonistarum moderno et pro tempore existente, pro una missa septimanatim et lectionibus temporibus in ipsa litera fundationis descriptis legendis consignatos, in Dei nomine nostra auctoritate qua fungimur ordinaria incorporamus, invisceramusque et iniungimus, et alia omnia et singula praemissa praesentis scripti serie ac munimine ratificamus, approbamus et robur perpetuae firmitatis habere et obtinere, nostrum decretum desuper apponentes, decernimus huiusmodi censum sedecim marcarum annuum eidem altari secundi ministerii collatum, amplius et deinceps ecclesiasticae subiacere libertati, appropriantes et ascribentes, ut de caetero census ecclesiasticus nominetur et pro eius defensione ad forum ecclesiasticum recursus habeatur; ius quoque patronatus et praesentandi eiusdem altaris secundi ministerii et novae Collegiaturae, quotiens illius vacatio sive per cessum aut decessum ocurrerit, Universitati dominorum Rectoris, Doctorum Magistrorum in utraque facultate promotorum

Fragment zapiski 16 , Numer strony/karty w źródle: 183

et solummodo salariatorum, reservamus, eosdem veros, unicos et legitimos dicti altaris et Collegiaturae patronos et Collegiatos esse et debere pronuntiantes, omnibus successoribus eiusdem fundatoris et olim testatoris praefati abinde seclusis, nihilque iuris et proprietatis ipsis in eodem iure patronatus et praesentandi praefati altaris imposterum relinquentes. Verum quia beneficium datur propter officium; ut ergo is qui emolimenta percipit, onus subire non recuset: omnes altaristas altaris supradicti et Seniores eiusdem Bursae Canonistarum pro tempore existentes, ad complendum et legendum septimanatim unam missam pro sacerdote per se vel alium presbyterum idoneum circa altare secundi ministerii praedictum, lectionemque in quarto Decretalium, temporibus in litera fundationis superius scriptae deputatis, et actus in eadem Bursa Canonistarum similiter secundum dispositionem et voluntatem fundatoris praefati perficiendum et expediendum astringimus et obligamus sub excommunicationis poena, conscientiaeque propriae oneratione, eum et eos fore obligatos, nec non eandem reservatam duodecim marcarum ad tempora vitae vel ad placitum eiusdem fundatoris sibi in robore suo permanere volentes. Ne tamen praenominati fundatoris donatio ipsorum censuum imposterum quoquomodo frustraretur et divinae laudes propter dictorum censuum reemptionem fiendam et forte, quod absit, pecuniarum capitalium distractionem, debitis suis fraudatae, et huiusmodi opera lectionum et actuum conquiescant et cessent, sed ut potius per infrascriptam cautelam adhibitam temporibus perpetuis duratura subsistere possit, sub antedictis anathematum ac oneratae conscientiae poenis mandamus: quod dum et quando praefati census sedecim marcarum per ipsum serenissimum dominum Kazimirum Regem Poloniae vel suos successores reempti fuerint, extunc dictae capitales pecuniae Quingentorum florenorum Hungaricalium non alibi, nisi in Collegio et thesauro dominorum Collegiatorum Maioris Collegii Artistarum studii Cracoviensis numeratae et sigillatae per ipsos patronos, de scientia tamen altaristae, Collegiatique et Senioris Bursae Canonistarum pro tempore existentis, sine mora reponentur, et pro eis alii census aequales vel maiores in aliis bonis fructiferis et fixis per eosdem patronos et altaristam pro dicto altari et Collegiatura, suoque altarista Collegiato et Seniore antedictae Bursae Canonistarum perpetuo duraturi, quanto celerius poterint, emantur et comparentur. Et insuper ad dictum altare secundi ministerii in eadem ecclesia nostra cathedrali Cracoviensi situm cum Collegiatura eidem annexa, ad praesentationemque eiusdem Nicolai de Coprzywnycza vivae vocis oraculo nobis factam, praefatum Magistrum Nicolaum de eadem Coprzywnycza modernum Seniorem dictae Bursae Canonistarum, clericum nostrae diocesis, per manus nostrae capiti suo impositionem in Dei nomine instituimus et investimus per praesentes; vobisque vicariis perpetuis dictae ecclesiae nostrae cathedralis Cracoviensis sub excommunicationis poena mandamus, quatenus cum praefato Magistro Nicolao altarista et novo Collegiato ad ipsam ecclesiam descendentes, ipsum in et ad realem actualem et corporalem possessionem omnium iu- rium et pertinentiarum dicti altaris secundi ministerii et novae Collegiaturae inducatis, et de dictis censibus et proventibus ad ipsum altare et Collegiaturam spectantibus, per eos ad quos pertinet, hac vice tamen de quatuor marcis interim videlicet quamdiu ipsa duodecim marcarum dicto domino fundatori reservata duraverit, eaque postea cessante, plenarie et integre ad sedecim marcas sibi et suis successoribus responderi faciatis praecipientes, ut omnes et singuli eiusdem altaris

Fragment zapiski 17 , Numer strony/karty w źródle: 184

secundi ministerii censitae dicto Magistro Nicolao tanquam vero et legitimo altaristae in omnibus licitis et honestis obediant et intendant. In cuius rei testimonium sigillum nostrum praesentibus est appensum. Actum et datum Cracoviae, die Lunae decima nona mensis Decembris, Anno Domini Millesimo Quadringentesimo nonagesimo primo. Praesentibus ibidem venerabilibus et honorabilibus Iohanne de Baruchow Decretorum Doctore, Archidiacono, Iohanne Lesczynski Canonico Cracoviensibus, Sigismundo de Thargovyska Decretorum Doctore, Canonico Premisliensi, Cancellario, Andrea de Lublyn in Przemakow, Luca de Sandomiria in Iodlowa, et Paulo de Costen in Nyepolomycze plebanis, Curiae nostrae capellanis, testibus circa praemissa.
Iohannes de Gorzicze Notarius Curiae eiusdem, manu propria de mandato reverendissimi domini electi scripsit.

Komentarz do fragmentu zapiski:
(Ex archetypo membranaceo, cum sigillo cereo rubro, funiculo ex filiis sericis, rubri viridis et albi coloris, contexto, appenso, Sigillum eiusdem typi ac sub Nr. CCLXXXVI. — Nr. Archiv. Univ. 384.)