Pełny podgląd zapiski o zdarzeniu dotyczącym edukacji i stopni naukowych

Fragment zapiski 1 , Numer strony/karty w źródle: 41

CXXII. Doctores et Canonici ecclesiae S. Floriani in Clepardia concordiam cum Nicolao Kuniecki ratione limitum inter villas Książnice et Kunczyce, coram Officio terrestris iudicii sanciunt.
Cracoviae, Anno 1444, die 6 mensis Iulii.

Fragment zapiski 2 , Numer strony/karty w źródle: 41

Nos Barthossius de Gory Index et Petrus de Czcikouicze Subiudex terrae Cracoviensis generales notum facimus quibus expedit universis, praesentibus et futuris, praesentium notitiam habituris: quod in Iudicio terrestri Cracoviensi nostro coram certis Camerariis iudicialibus nostris constituti personaliter egregii et venerabiles domini Doctores, Magistri, Praelati et Canonici ecclesiae Sancti Floriani extra muros Cracovienses in Florentia alias in Kleparz, videlicet Bartholomeus de Badom Provisor bonorum, Benedictus Hesse Decanus eiusdem ecclesiae, Sacrae Theologiae Professores, Paulus de Piszcouicze, Mathias de Labyschin Custos, Baccalarii Sacrae Theologiae formati, Iohannes Puschca de Cracovia Doctor, Stanislaus de Sobnow, Andreas de Dobschino, Paulus de Clobuczsko Magistri et Canonici praedictae ecclesiae Sancti Floriani ex una, et nobilis Nicolaus de Cuncicze haeres parte ex altera, sani mentibus et corporibus existentes, non compulsi neque coacti, sed de bona ipsorum voluntate talem contractum concordiae amicabilis perpetuum pro limitatione inter Xangnicze dictorum Magistrorum, et Cuncicze ipsius Nicolai haereditates, nec non pro causis subscriptis inter se ipsos fecisse recognoverunt, videlicet ita, quod limes procedat a superioritate viae Slomniciensis versus dextram partem eundo Cracoviam a rippa fluvii Dlubna per magnam viam et usque ad antiquam viam, quae ducit versus Pyelgrzimouicze, et eandem limitationem signa facta cum fossoriis ibi ostendunt secundum recognitionem quatuor senum kmethonum, scilicet Boczcam de Michalouicze, Stopcam de Szdzeslauicze, Zmudam de Xangnicze et Iacobum de Cuncicze, in quos utraque pars praedicta consensit; inter quae signa praefatus Nicolaus Cuneczski poterit aquam ducere de fluvio praedicto Dlubna ab illo signo principali et inter signa praedicta, pontem vero nominatus Nicolaus de Cuncicze et sui successores legitimi per fluvium eundem Dlubna solus parabit. Si autem contingerit ipsum Nicolaum Cuneczski aquam iam dictam ducere per alveum antiquum, extunc solus pontem faciet et continue reparabit. Kmethones vero de ipsa haereditate Xangnicze non aedificabunt cum eo pontes praedictos, res tamen venales ad forum secundum consuetudinem terrestrem possunt ducere libere per eosdem pontes, praeterea fimum, frumenta de campo, fenum, pecora, pecudes et aratra. Etiam iam fati Magistri et Doctores fossatum debent facere penes agrum suum a via Slomniciensi usque ad viam versus Pyelgrzimouicze. Item via debet fore inter fossatum et signa consignata iam dicta. Insuper pro gagiis debet esse talis limitatio, ita quod gagium ipsorum Magistrorum incipiat a fine Szdzeslawszkych et procedat iuxta signa con-

Fragment zapiski 3 , Numer strony/karty w źródle: 42

signata usque ad finem gagii Golubowecz ad antiquum fossatum alias Wawosz dictum. Promittentes eis hinc inde hanc concordiam ut supra factam omnium causarum superius descriptarum ratam, gratam atque firmam inviolabiliter tenere et in perpetuum observare. Et specialiter praefati Doctores et Magistri fideiusserunt nulla praescriptione evadentes Nicolao praedicto de Cuncicze pro aliis duobus Magistris pro tunc absentibus, videlicet Iohanne de Cowale, Laurentio de Rathibor Sacrae Theologiae Baccalariis, Canonicis iam dictae ecclesiae Sancti Floriani, in hunc modum, quod ipsi duo Magistri pro omnibus causis superius descriptis ipsum Nicolaum nunquam impedire debebunt. In cuius rei testimonium sigilla nostra praesentibus sunt appensa. Actum et datum Cracoviae, feria secunda proxima post festum Visitationis Beatae Mariae Virginis, Anno Domini Millesimo Quadringentesimo quadragesimo quarto. Praesentibus his testibus nobilibus Stanislao de Mlodzeyouicze, Petro de Kappa, Petro de Carnow, Prandothe de Raciborzani, Nicolao de Garlicza, Iohanne de Modlnicza haeredibus, aliisque quam pluribus fide dignis.

Komentarz do fragmentu zapiski:
(Ex archetypo membranaceo, cum duobus sigillis cereis, taeniolis membranaceis appensis. Sigilla eiusdem typi ac sub Nr. CXVII. — Nr. Archiv. Univ. 2056.)