Pełny podgląd zapiski o zdarzeniu dotyczącym edukacji i stopni naukowych

Fragment zapiski 1 , Numer strony/karty w źródle: 190

CI. Paulus de Zator Canonicus Cracoviensis donationem librorum manuscriptorum valoris mille marcarum Umversitati studii generalis Cracoviensis per Nicolaum de Kozlow S. Theologiae Professorem in vim testamenti factam, approbat.
Cracoviae, Anno 1439, die 7 mensis Decembris.

Fragment zapiski 2 , Numer strony/karty w źródle: 190

In nomine Domini Amen. Ad perpetuam rei memoriam. Immensa benignitas conditoris homini, quem ad suam formavit similitudinem, primi lapsu parentis, suorumque labe criminum deformato, innumera praestat beneficia et adminicula multa parat, quibus expiare commissa, suorum disrumpere vincula delictorum, promereri veniam et reconciliari suo valeat creatori, utriusque hospitalitatis opera tanto praestantiora et utiliora ad promerendum salutis gratiam stabilivit, quanto per ipsa maiora et acceptiora obsequia patri luminum in eleemosynarum largitione impendantur. Proinde nos Paulus de Zathor Decretorum Doctor, Canonicus ecclesiae maioris Cracoviensis et Vicarius reverendissimi in Christo patris domini Sbignei Dei gratia Episcopi Cracoviensis in spiritualibus generalis, significamus tenore praesentium quibus expedit universis: quomodo venerabilis vir Magister Nicolaus de Coslow Sa-

Fragment zapiski 3 , Numer strony/karty w źródle: 191

crae Theologiae Professor, collegiatae Sancti Floriani extra muros Cracovienses Canonicus ac rector parochialis in Zagoscz ecclesiarum Cracoviensis diocesis, in nostra constitutus praesentia, per gratiam altissimi Dei sanus mente et corpore, compos rationis, sensu discretus et sobrius, attendens, quoniam aegritudinis vehementia corporalis solet plerumque ab humanis usibus mentes in tantum avertere, quod nedum de temporalibus, verum etiam de se ipso quispiam disponere vel sibi providere non valet: unde dum in corpore quies est et sobrietas in mente, animusque nullis torquetur angustiis, tunc melius ordinatur, conditur et salubrius disponitur ultimae voluntatis iudicium; ob idque pietatis et caritatis operibus solicitudine ferventi intentus, animadvertens, quam sit utile, quam salubre pro rebus transitoriis et caducis, bonisque mundanis, quae fluunt et refluunt, nequeuntque subsistere una sorte, Christi gratiam et coronae gloriam promereri, et indeficientes divitias et delicias adipisci, de bonis suis mobilibus, videlicet libris per eum iuste conquisitis et comparatis infrascriptum condidit, fecit et ordinavit verum, indubitatum et irrevocabile, solenni deliberatione praehabita, suorumque necessariorum communicato digesto, ut asseruit, consilio, testamentum modo et forma infrascriptis regulatum. Inprimis siquidem omnes et singulos libros, librorumque volumina et sexternos, tam in pergameno, quam etiam in papyro scriptos, quarumcunque facultatum existant, quibuscunque nominibus et vocabulis nuncupentur, signanter tamen libros theologicae facultatis, quos tam in civitate Cracoviensi, quam etiam in Wlina habet repositos et recollectost, ac per eum ingenti desiderio, magnisque sumptibus mediantibus comparatos, quorum numerum hic voluit habere sufficienter pro expresso, quosque valoris mille marcarum inpraesentiarum minori extimatione dixit existere, venerabilibus viris dominis Benedicto Hesse de Cracovia Sacrae Theologiae Professori, Decano, Stanislao de Pyrzchow Cantori, Mathiae de Labischyn Sacrae Sheologiae Baccalario, Custodi, Laurentio de Rathibor, Nicolao de Brega Sacrae Theologiae Professoribus, Thomae de Bodzanczin Baccalario in Decretis, Paulo de Pyschkowicze Sacrae Theologiae Baccalario, Iohanni Puschko Baccalario in Decretis, Artium liberalium Magistris, Praelatis et Canonicis ecclesiae collegiatae Sancti Floriani in Cleparz, ut et tanquam Doctoribus et Magistris Collegio Serenissimi Principis domini Wladislai Dei gratia Regis Poloniae etc. incorporatis, coram nobis tunc etiam praesentialiter constitutis, donationem et legationem infrascriptam et possessionem librorum suscipientibus, eorumque successoribus Praelatis et Canonicis dictae ecclesiae Sancti Floriani, duntaxat tamen Doctoribus et Magistris praedicto Collegio incorporandis, pro incremento almae Universitatis studii Cracoviensis et specialiter theologicae facultatis, cui singulari zelo in his providere voluit, propter Deum tamen praecipue, dedit, donavit, assignavit, applicuit, annexuit et appropriavit cum effectu, nihil iuris et proprietatis ac dominii in eisdem libris, voluminibus et sexternis sibi, suisque consanguineis, affinibus et amicis quibuscunque reservando, quinimo a se et dictis suis consanguineis, affinibus et amicis omne ius, dominium et proprietatem, ipsos ex quacunque causa forsan concernente, quo ad perceptionem, proprietatem, possessionem, utilitatem, commodum et retentionem huiusmodi librorum, voluminum et sexternorum, abdicare, alienare et privare voluit, prout et abdicavit, alienavit et privavit per expressum; dans ex nunc et in antea temporibus perpetuis plenariam, liberam et omnimodam facultatem et potestatem praefatis dominis Doctoribus, Magistris et eorum successoribus Praelatis et Canonicis ecclesiae Sancti Floriani prae-

Fragment zapiski 4 , Numer strony/karty w źródle: 192

dictae Collegio praefato incorporandis et incorporatis, huiuscemodi libros, volmnina et sexternos recipiendi, habendi, possidendi, utifruendi, ipsosque custodiendi, gubernandi et manutenendi cum effectu. Deinde voluit et desideravit dictus dominus Nicolaus testator et donator, ut praefati domini Praelati et Canonici ecclesiae Sancti Floriani praedictae intitulati et intitulandi, ac Collegio crebrodicto incorporati et incorporandi, et ut praemissum est, taliter qualificati, beneficia beneficiis vincentes, possessione huiusmodi librorum et sexternorum effectuali habita e regione in retributionem huiusmodi donationis et beneficii ad quatuor anniversaria annis singulis temporibus perpetuis pro anima ipsius domini Nicolai donatoris et testatoris, suorumque progenitorum, in ecclesia Sancti Floriani praedicta incipienda, continuanda, perficienda et complenda sint astricti, ita videlicet, quod singulis Quatuortemporibus novem lectionum Vigilias et defumctorum Missam cantari redituum dictae ecclesiae beneficio et sumptibus procurabunt, quodque uno die dominico in dicti domini Nicolai et suo obitus die unum singulariter peragere habeant anniversarium, caetera vero tria anniversaria secundum congruentiam et arbitrium Doctorum, Magistrorum, Praelatorum et Canonicorum praefatorum quocunque die eis aptius visum fuerit, dummodo in mense eorundem Quatuortemporum fiant, similiter complere et perficere studeant et sint obligati. Praeterea idem dominus Nicolaus testator habere postulavit, quatenus omnes et singuli Praelati et Canonici praedicti pro tempore existentes dictis Vigiliis et Missis taliter decantandis interesse debeant, et ut quilibet ipsorum die praedicta celebrans et Missam legens, vel per Missam mortuorum, vel per Collectam, aut alias per memoriam ipsius domini Nicolai spiritualem reminiscentiam, prout ipsis salubrius videbitur faciendum, facere et adimplere debeat. Item voluit ipse testator, quod praedicator ad populum pro tempore in praefata ecclesia constitutus per ipsos dominos Doctores et Magistros induci debeat, ut populo diem anniversarii ipsius domini testatoris publice insinuare et intimare, ac pro fundendis orationibus ad Deum pro anima ipsius domini Nicolai testatoris exhortationem sermone decenti facere debeat, pariforiter et in Missis Universitatis singulis Quatuortemporibus peragendis exhortationem, ope et opera dictorum Doctorum et Magistrorum mediante, habere desideravit. Demum praefati Domini Benedictus, Laurentius, Nicolaus, Thomas, Paulus, Iohannes Praelati et Canonici ecclesiae praedictae, praemissis omnibus et singulis dearticulate auditis, auscultatis, recensitis et intellectis, pium desiderium et operosum affectum praefati domini Nicolai testatoris, ipsorum Concanonici, quem non modo ad ecclesiam praetactam, sed et ad ipsos, almamque Universitatem Cracoviensem, et signanter facultatem theologicam, et facit et habet, perpendentes, huiusmodi beneficiorum suorum grato admodum animo ac voto unanimi optatam vicissitudinem retribuere et refundere ac ad effectum praemissa deducere cupientes, praescriptam donationem librorum ac ipsos libros cum effectu in realem possessionem ab eodem domino Nicolao testatore recipientes, sibi duntaxat quoad vixerit, ex singulari benignitate et zelo fraterno huiusmodi librorum taliter ipsis donatorum et datorum usum libere concesserant, seque et suos successores ad praefatam ecclesiam Sancti Floriani promovendos et dicto Collegio incorporandos, ad omnia et singula suprascripta et per ipsum dominum Nicolaum testatorem desiderata et postulata, temporibus praescriptis implenda, continuanda, perficienda, exequenda et effectui demandanda submiserunt. Taliter autem sub his conditionibus, clausulis, punctis et regulis dicto testamento consummato et perfecto, in continenti prae-

Fragment zapiski 5 , Numer strony/karty w źródle: 193

fati domini Nicolaus Koslowsky testator, ac Benedictus Decanus, Stanislaus Cantor, Mathias Custos, Laurentius, Nicolaus de Brega, Thomas, Paulus et Iohaunes Praelati et Canonici ecclesiae praelibatae Sancti Floriani nobis debita cum instantia ac omni humilitate et devotione hinc inde supplicarunt, quatenus huiusmodi testamenti vim, effectum et tenorem admittere, approbare, ratificare et auctoritatis ordinariae interposito decreto confirmare dignaremur. Nos vero Paulus de Zathor Canonicus et Vicarius in spiritualibus memoratus attendentes, quod sinceritas devotorum tunc potissimum in augmentum et perfectionem deducitur, cum benignitas auctoritatis ordinariae in complendis eorum desideriis prompta et propitia reperitur, quodque dicti testamenti confectio legalis, iusta, nullique molesta vel obnoxia, imo verius salubris, pia et pro auctione virtutum, scientiarumque diffusione ordinata existat, testamentum praedictum ad simplicem dictorum dominorum testatoris ac Praelatorum et Canonicorum ecclesiae Sancti Floriani Collegio praedicto incorporatorum instantiam, admisimus, approbavimus et ratificavimus, admittimusque, approbamus, ratificamus et auctoritate ordinaria qua fungimur confirmamus, decernentes omnia et singula praemissa, ordinationes, constitutiones et voluntates dicti domini Nicolai testatoris ac praefatorum dominorum Praelatorum et Canonicorum robur habere debere perpetuae et irrevocabilis firmitatis, libros huiusmodi sive volumina et sexternos in amplius ut de caetero dictorum dominorum Doctorum, Magistrorum, Praelatorum et Canonicorum ecclesiae Sancti Floriani memoratae intitulatorum et intitulandorum, ac Collegio Arlistarum incorporatorum et incorporandorum, subicientes potestati et gubernationi per praesentes, mandantes omnibus et singulis Praelatis et Canonicis, Doctoribus et Magistris ad praefatam ecclesiam Sancti Floriani promotis et promovendis, Collegioque praescripto incorporatis et incorporandis, pro tempore existentibus, in virtute sanctae obedientiae et sub excommunicationis poena, quatenus Missas, Vigilias, orationes et exhortationes praedictas pro anima praefati domini Nicolai testatoris agant, perficiant et sine aliqua dissimulatione et negligentia continuando iuxta ordinationem praefatam compleant, excusatione irrationabili qualibet non obstante. In quorum omnium fidem et testimonium praemissorum praesentes nostras literas huiusmodi dispositionem testamenti et ipsius ratificationem in se continentes exinde fieri et per Notarium publicum, nostrumque et facti huiusmodi coram nobis scribam infrascriptum scribi, subscribi et publicari mandavimus, nostrique sigilli appensione iussimus et fecimus communiri. Actum et datum Cracoviae in stuba maiori sive communi Collegii Artistarum prope ecclesiam Sanctae Annae siti, sub Anno a Nativitate Domini Millesimo Quadringentesimo tricesimo nono, Indictione secunda, Sacro Basiliensi Concilio praesidente, die vero Lunae septima mensis Decembris, hora tertiarum vel quasi. Praesentibus ibidem honorabilibus viris dominis Iohanne de Kanthi Baccalario Sacrae Theologiae, Iohanne Orienth et Petro de Zwanow Magistris ac Petro de Cracovia Baccalario in Artibus liberalibus, clericis Gneznensis et Cracoviensis diocesum, testibus ad praemissa vocatis et specialiter rogatis.

Fragment zapiski 6 , Numer strony/karty w źródle: 193

(L. S. n). Et ego Nicolaus Stanislai de Kelkowycze clericus Cracoviensis diocesis, publicus imperiali auctoritate Notarius, causarumque et facti huiusmodi coram egregio viro Magistro Paulo de Sathor Decretorum Doctore, Canonico, Vicarioque in spiritualibus generali memorato scriba, quia praedictis donationi, testamenti ordinationi, dispositioni, submissioni et ratificationi, aliisque omnibus et singulis, dum sic ut praemittitur agerentur

Fragment zapiski 7 , Numer strony/karty w źródle: 194

et fierent, una cum praenominatis testibus praesens fui, eaque omnia et singula sic fieri vidi et audivi: ideo praesens publicum Instrumentum huiusmodi testamentum et ipsius ratificationem in se continens, manu mea scribens exinde confeci et in hanc publicam formam redegi, signoque et nomine meis solitis et consuetis una cum appensione sigilli praefati Magistri Pauli Canonici et Vicarii et de ipsius mandato speciali transsignando communivi rogatus et requisitus in fidem et testimonium praemissorum.

Komentarz do fragmentu zapiski:
(Ex archetypo membranaceo, cum sigillo cereo rubro, funiculo ex filis lineis coloris rubri contexto, appenso. Sigillum minoris formae exhibet quandam imaginem attritam, cum inscriptione illegibili.— Nr. Archiv. Univ. 9665.)