Pełny podgląd zapiski o zdarzeniu dotyczącym edukacji i stopni naukowych

Fragment zapiski 1 , Numer strony/karty w źródle: 157

LXXXI. Canonici ecclesiae collegiatae S. Floriani domum ipsorum in Clepardia sitam pro censu annuo duarum marcarum Stanislao de Iłza elocant.
Clepardiae, Anno 1427, die 16 mensis Iulii.

Fragment zapiski 2 , Numer strony/karty w źródle: 157

In nomine Domini Amen. Ad perpetuam rei memoriam. Cum inter humanae naturae commoda nihil dignius memoria habeatur, opportunum existit, ut actus hominum literarum apicibus perhennentur et testium annotatione. Proinde nos Paulus de Worcyn Decanus, Stanislaus de Scarbimiria Decretorum Doctor, Iohannes de Radochonicze, Stanislaus de Sobnow, Benedictus Hesse de Cracovia, Laurencius de Rathybor Magistri, Canonici praebendati, totumque Capitulum ecclesiae Sancti Floriani in Florencia extra muros civitatis Cracoviensis, tenore praesentium recognosci-

Fragment zapiski 3 , Numer strony/karty w źródle: 158

mus quibus expedit universis: Qualiter de consensu praefati venerabilis viri Magistri Stanislai Decretorum Doctoris expresso locavimus et convenimus certis ex causis Stanislao de Hyslsza, suisque legitimis successoribus domum et aream ad praebendam memorati Magistri Stanislai et ecclesiam praedictam Sancti Floriani spectantes, sitam ibidem in Florencia sive Clepars in acie ex opposito ecelesiae et scolae, in parte dextra circa plateam et viam, qua itur in Mogilam. Quae quidem area ab antiquo in suis limitibus realiter est distincta, liabens longitudinem a circulo versus Mogilam in una parte, videlicet circa aream vicini sive versus Cracoviam octo virgarum et trium aut quasi trium cubitorum: in alia vero parte, hoc est circa plateam et viam praedictam, qua itur in Mogilam, longitudinem septem virgarum, item latitudinem quinque virgarum minus duobus cubitis et medio, et hinc inde est latior et etiam arcior secundum exigentiam dimensionis. Praedictarum vero virgarum quaelibet continet duodecim cubitos sive ulnas usuales, quales habere consueverunt pannicidae et sartores. Tali conditione adiecta, quod idem Stanislaus de Hyslsza, suique successores, perpetuis temporibus debet dare et persolvere cum effectu occasione praedictae locationis singulis annis ad festum Pascae duas marcas communis pecuniae saepedicto Magistro Stanislao et suis successoribus. Qui quidem Stanislaus et sui successores in praedicta area debet pro posse aedificare et aedificata quanto diligentius tanto melius procurare et reformare secundum quod sibi videbitur expedire. Et expost si et quando sibi placuerit, de consensu Capituli praedictorum Magistrorum et Canonicorum vel ipsorum successorum praedictae ecelesiae Sancti Floriani, potest vendere non aream sed usum ipsius areae sub eodem annuo censu duarum marcarum, et aliter venditio non procedet. Si vero in solutione census ipse vel successor suus quilibet deficeret et monitus solvere neglexerit, extunc monitio cum sententia excommunicationis contra ipsum libere poterit expediri. In cuius rei testimonium et maiorem evidentiam sigilla nostra praesentibus iussimus subappendi. Data in Florencia alias Clepars, feria quarta in crastino Divisionis Apostolorum, Anno Domini Millesimo Quadringentesimo vicesimo septimo. Praesentibus providis viris dominis Petro Bravnkyttil Advocato, Petro Lubszyczer, Petro sartore, Michaele, Marco Markel textore, Nicolao carnifice, Francisco civibus et Iuratis de Florencia, testibus ad praemissa et aliis quam pluribus fide dignis.

Komentarz do fragmentu zapiski:
(Ex archetypo membranaceo, cum duobus sigillis cereis rubris, taeniolis membranaceis appensis. Sigillum primum exhibet imaginem S. Floriani cum vexillo et scuto; in ambitu legitur inscriptio literis minusculis gothicis exarata: S. capi. eccle. sci. floriani. Sigillum alterum eiusdem typi ac sub Nr. LXXVII. Nr. Archiv. Univ. 756.)