Pełny podgląd zapiski o zdarzeniu dotyczącym edukacji i stopni naukowych

Fragment zapiski 1 , Numer strony/karty w źródle: 1012

[4 I 1743]
Veneris IV Ianuarii anno 1743.
E. Kocikowski cum studiosis scholae Sanctorum Omnium
-- E.M. Antonius Kocikowski philosophiae doctor, <ad> ecclesiam collegiatam Sanctorum Omnium Cracoviae sitam scholae parochialis senior, actor principalis, in termino hodierno ex citatione verbali provenienti in et contra VV. Martinum Sowinski et Albertum Niechwieyski, minorum ordinum clericos, tum quoque <contra> II. Sebastianum Hankiewicz, Simonem Mikołayski, Mathiam Czaputowic studiosos in schola Sanctorum Omnium Cracoviae manentes, citatos, proposuit de et super eo, quia ipsi leges et statuta scholae ad observandum tradita et approbata observare sibi seniori obedire retractant -- In praesentia quoque I. Alberti Danecki studiosi ex eadem schola, ratione enormis sui per citatos die hesterna post editam citationem ex officio praesenti licentiose attenta

Fragment zapiski 2 , Numer strony/karty w źródle: 1049

[29 IV 1743]
Lunae XXIX Aprilis.
Perill. Szymakowski contra studiosos scholae BMV.
-- Cl.M. Antonius Michalski philosophiae doctor et professor, collega minor, Universitatis Cracoviensis syndicus, uti Ill.Cl. et Adm R.M. Petri Szymakowski, sacrae theologiae praesentati eiusdemque professoris, collegae maioris, ecclesiarum collegiatae s. Floriani Clepardiae ad Cracoviam sitae canonici, parochialis in Nasiechowice curati, Classium seu Scholarum Novoduorscianarum et Contubernii Hierosolymitani provisoris, domus

Fragment zapiski 3 , Numer strony/karty w źródle: 1050

lapideae et typographiae Petricovianae Universitatis Cracoviensis hic Cracoviae in platea s. Floriani sitae administratoris mandatarius, necnon HH. Franciscus Dziedzicki, Joannes Szucinski, congregationis artis typographiae socii, Franciscus Radwanski famulus typographiae, actores principales -- productis informationibus de circumstantiis facti per Ill. et Adm R.M. Joannem Rypinski iuris utriusque professorem, ecclesiae collegiatae Sanctorum Omnium Cracoviae canonicum ex officio praesenti deputatum commissarium ad scripturam redactis, necnon producta obductione vulnerum et signorum lividorum atque revisione damnorum per citatos infrascriptos causatorum in causa inter se actores ex una et reos infrascriptos, occasione excitationis tumultu, lapideae et typographiae Petricovianae nocturno tempore invasionis, forium praedictae lapideae et hypocaustorum ipsius excussionis sui actorum et respective Francisci Dziedzicki, Joannis Szucinski, Francisci Radwanski et aliorum hominum innocentorum, utpote Joannis Krusielnicki, famuli N. Walman civis et mercatoris Cracoviensis converberationis -- et in supplementum memoratae informationis de invasione et attentatis violentiis Adm R. Josephum Łoiowski, in ecclesia parochiali BMV in circulo Cracoviensi poenitentiarium, et V. Andream Jurkowski

Fragment zapiski 4 , Numer strony/karty w źródle: 1051

artium liberalium et philosophiae baccalaureum, mendicantium scholae BMV patrem, tanquam spectatores et diremptores eiusdem tumultus induxerunt et ab illis relationem super facto ac omnibus totius facti circumstantiis suscipi postularunt. Et quoniam E. Michael Lipiewicz philosophiae doctor et professor, scholae BMV senior, ex officio suo prout debebat tumultum istum non compescuit et scholares suos licentiosos non retraxit, ideo pro illorum incontinentia eundem exemplaribus pro arbitrio iudicii praesentis puniri flagitaverunt. In praesentia Alberti Sadowicz, Thomae Koziarski, Josephi Gardzicki, Mathiae Kukiałczynski, Cantii Kuklinski, Martini Słonski, Antonii Doskoczewicz, Valentini Zerlichowski, Antonii Rogozinski, Alberti Czarnecki, Thomae Orzelski, Mathiae Gadomski, Antonii Podgorski, Josephi Korzeniowski, Mathiae Szymkiewicz, Joannis Bulewicz, Alberti Krynicki, Mathiae Bialikiewicz, Andreae Skalski, Christophori Pomykalski, Pauli Rozulski, Sebastiani Blachowski, Josephi Sropinski, Francisci Dobrzycki, Antonii Łachowski, Stanislai Zabawski, Adalberti Kargulewski, Josephi Sadowski, Thomae Fabinski, Sebastiani Sławinski, Mathiae Wisniowski, Nicolai Tyrski, Josephi Wyzrałowicz, Joannis Budziowski, Petri Wiatrowski et Josephi Błonski studiosorum citatorum ex adverso principalium -- Alii vero ad datum sibi signum de detentione et percussione I. Bulewicz studiosi per actores attentata ducti compassione ad vindicandum eundem studiosum supervenerunt et quosdam percussores illius ac detentores verberarunt, fores autem sicut dicitur non excusserunt, cuius quidem percussionis et detentionis dicti studiosi origo et causa extitit quidam I. Oraczowicz, civis passamentarii Cracoviensis filius, ideo inter se citatos iudicialiter discerni

Fragment zapiski 5 , Numer strony/karty w źródle: 1052

et innocentes a nocentibus segregari -- Ideo causam praesentem ad comparitionem II. Alberti Karczewski et Alberti Olszowski studiosorum citatorum ad praesens profugorum suspendi flagitantium. In praesentia quoque E.M. Michaelis Lipiewicz philosophiae doctoris et professoris, scholae BMV senioris citati similiter ex adverso principalis -- M.D. rector supramemoratus ante omnia Adm R. Łoiowski, ecclesiae parochialis BMV in circulo Cracoviensi sitae poenitentiarium, et V. Andream Jurkowski artium liberalium et philosophiae baccalaureum ad faciendam relationem admisit. Ex qua quidem relatione in continenti iudicialiter facta -- principales huius tumultus II. Joannem Bulewicz, Albertum Krynicki, Mathiam Bialikiewicz, Andream Skalski, Christophorum Pomykalski, Albertum Karczewski, Albertum Olszowski studiosos et I. Oraczewicz artis passamentariae puerum sive socium extitisse, fores excussisse, habitationes cum facibus et candelis accensis revidisse, homines innocenos, ut pote Franciscum Dziedzicki, Joannem Szucinski, artis typographicae socios, Franciscum Radwanski et Joannem Krusielnicki, N. Walman, illum typographiae famulos, enormiter verberasse --

Fragment zapiski 6 , Numer strony/karty w źródle: 1053

II. Bulewicz, Krynicki, Bialikiewicz, Skalski et Pomykalski studiosos pro termino hodierno citatos et comparentes proscribendos esse ex Albo studentium censuit, prout proscripsit --