Pełny podgląd zapiski o zdarzeniu dotyczącym pełnionych funkcji/urzędów/ról
Informacje źródłowe i ich interpretacja
| Informacje w zapisie źródłowym | Zdarzenie urzędowe (zinterpretowane) | |||||||||||||
|---|---|---|---|---|---|---|---|---|---|---|---|---|---|---|
| Imię: | Albertus [Albert/Wojciech] |
| ||||||||||||
| Nazwisko: | --- | |||||||||||||
| Desygnat stanowy: | --- | |||||||||||||
| Imię ojca: | --- | |||||||||||||
| Miejsce pochodzenia: | Schwodzyschowicze (Swolszewice (dawniej Swodziszowice)) | |||||||||||||
| Typ zdarzenia: | trwanie funkcji | |||||||||||||
| Funkcja/urząd/rola: | canonicus | |||||||||||||
| Miejsce/instytucja: | ecclesia collegiata sancti Floriani in Cleparz, (kolegiata św. Floriana na Kleparzu (koło Krakowa)) | |||||||||||||
| Datacja: | 18.04.1517 | |||||||||||||
| Komentarz: | --- | |||||||||||||
Pełna treść zapiski źródłowej
Źródło: Codex diplomaticus Universitatis Studii Generalis Cracoviensis continet privilegia et documenta quae res gestas Academiae eiusque beneficia illustrant, ps. 4: ab anno 1507 usque ad annum 1548, Cracoviae 1884.
Fragment zapiski 1 , Numer strony/karty w źródle: 57
CCCXXXVII. Canonici ecclesiae collegiatae S. Floriani in Clepardia contractum cum Iacobo telae textore, ratione locationis perpetuae novae hortulaniae in villa Igołomia, ineunt.
In Igołomia, Anno 1517, die 18 mensis Aprilis.
Fragment zapiski 2 , Numer strony/karty w źródle: 57
Nos Stanislaus Byel Decanus, Bernardus de Cracovia Custos, Michael de Byestrzikow, Ioannes de Lesznycza, Nicolaus Mykosch de Cracovia, Michael de Wratislavia, Sacrae Theologiae Professores, Albertus de Schwodzyschowicze Theologiae Baccalarius formatus, Michael de Olszna Theologiae Baccalarius, Praelati et Canonici ecclesiae collegiatae Sancti Floriani in Cleparz, praesentium tenore significamus quibus expedit, et recognoscimus: quomodo Anno Domini Millesimo Quingentesimo decimo septimo, die vero Saturni, decima octava Aprilis, in curia sive praedio villae nostrae Igolomia factus est contractus locationis perpetuae, cum laborioso Iacobo textore telae de eadem Igolomia, de et super certa parte agri, octo vel novem sulcorum, post curiam nostram, versus viam transitus in Cracoviam, sitorum, sibi et suis legitimis successoribus pro haereditate concessorum et assignatorum, in titulum hortulaniae novae eiusdem villae, et in perpetuum incorporatorum, his sub conditionibus: quod inprimis et ante omnia idem praefatus Iacobus habebit libertatem seu liberam occupationem eiusdem hortulaniae per quatuor annos immediate se sequentes, incipiendo primum annum a festo Sancti Martini anni praescripti Millesimi Quingentesimi decimi septimi, sine solutione census alicuius; quibus expletis et revolutis, ratione eiusdem hortulaniae et haereditatis sibi et suis successoribus legitimis in perpetuum assignatae, tenebitur irrecusse et omni colore aut excusatione remotis, solvere singulis annis et in perpetuum unam marcam communis pecuniae in Regno currentis, quadra-
Fragment zapiski 3 , Numer strony/karty w źródle: 58
ginta octo grossos computando in eandem, pro festo Sancti Martini, more aliorum hortulanorum villae Igolomiae. Tenebiturque et erit astrictus ad laborem communem omnium kmethonum, et praecipue circa pratorum dispositionem et feni cumulationem vulgariter dictam Grabyerz; insuper tenebitur sibi idem memoratus Iacobus textor telae aedificare domum suis propriis impensis, ob eandem libertatem quatuor annorum, ut praemissum est, sibi concessam, in eodem loco partis agri ad hortulaniam concessam; habebit etiam ipse et sui successores in perpetuum pratum situm inter alia duo prata, videlicet Mathiae Miloschek et Iacobi Pothomek, dictum vulgariter we Wronach, cum omni emolumento et usu fructus meliori, quo sibi videbitur expedire. In cuius rei testimonium praesentibus sigillum Capituli nostri est subappensum. Acta Sunt haec loco, anno et die quibus supra. Praesentibus ibidem Stanislao Iaschyenski de Radymno Notario publico, Ioanne de Zuchowa procuratore protunc villae eiusdem Igolomiae, Casparo de Nova civitate Studente almae Universitatis Cracoviensis, testibus ad praemissa rogatis et requisitis.
Ex commissione dominorum suprascriptorum, transivit per manus Ioannis de Leschnycza Gneznensis et Sancti Floriani ecclesiarum Canonici suprascripti etc.
Komentarz do fragmentu zapiski:
(Ex archetypo membranaceo, cum sigillo cereo rubro, taeniola membranacea appenso. Sigillum exhibet imaginem S. Floriani armati, una manu lanceam, altera scutum tenentis, cum hac in ambitu inscriptione literis sic dictis gothicis minusculis: s. capituli ecclesie. sit. floriani. — Nr. Archiv. Univ. 752.)
