Pełny podgląd zapiski o zdarzeniu dotyczącym pełnionych funkcji/urzędów/ról

Fragment zapiski 1 , Numer strony/karty w źródle: 212

CCCIII. Investitura Ioannis Amicini Decretorum Doctoris ad plebanatum ecclesiae S. Nicolai extra muros Cracovienses, post resignationem Ioannis de Oświęcim Canonici Cracoviensis.
Cracoviae, Anno 1502, die 5 mensis Novembris.

Fragment zapiski 2 , Numer strony/karty w źródle: 212

Valentinus de Ilkusch Decretorum Doctor, Canonicus et Officialis Cracoviensis generalis, Iudexque commissarius per illustrissimum Principem ac reverendissimum in Christo patrem et dominum, dominum Fredericum miseratione divina sacrosanctae Romanae Ecclesiae tituli Sanctae Luciae in Septem Soliis Presbyterum Cardinalem,

Fragment zapiski 3 , Numer strony/karty w źródle: 213

Archiepiscopum Gneznensem et Primatem, Episcopumque Cracoviensem, ad infrascripta specialiter deputatus, honorabilibus et discretis viris rectoribus ecclesiarum parochialium in Cracovia, et praesertim vicariis ecclesiae parochialis ad Sanctum Nicolaum extra muros Cracovienses, illique vel illis, ad quem vel ad quos receptio vel introductio rectoris sive plebani ad eandem ecclesiam Sancti Nicolai communiter vel divisim spectat et pertinet, praesentibusque requirendis, salutem in Domino, et nostris huiusmodi, imo verius eiusdem reverendissimi domini Cardinalis etc. humiliter obedire mandatis. Noveritis nos literas commissionis memorati reverendissimi domini Cardinalis etc. et Episcopi Cracoviensis, in papyro scriptas et sigillo sigillatas, non vitiatas, non abolitas, neque in aliqua parte suspectas, sed prorsus omni vitio et suspicione carentes, nobis per venerabilem dominum Ioannem Amicinum de Cracovia Decretorum Doctorem, ad praefatam ecclesiam parochialem Sancti Nicolai praesentatum principalem et in eisdem literis commissionis principaliter nominatum, praesentatas, cum ea qua decuit, reverentia recepisse, huiusmodi sub tenore:

Fragment zapiski 4 , Numer strony/karty w źródle: 213

„Fredericus miseratione divina sacrosanctae Romanae Ecclesiae tituli Sanctae Luciae in Septem Soliis Presbyter Cardinalis, Archiepiscopus Gneznensis et Primas, Episcopusque Cracoviensis, venerabili domino Valentino de Ilkusch Decretorum Doctori, Canonico et Officiali Cracoviensi, in Christo nobis dilecto, salutem. Venerabilis in Christo nobis dilecte! Intelleximus venerabilem Ioannem Amicinum Decretorum Doctorem, ad ecclesiam parochialem Sancti Nicolai extra muros Cracovienses, per collatores eiusdem fuisse et esse ex causa permutationis cum venerabili Ioanne de Osswyaczym Canonico Cracoviensi, eiusdem ecclesiae possessore et plebano, initae et factae pro aliis beneficiis, praesentatum. Ideo vobis committimus, ut postquam de eiusdem ecclesiae parochialis resignatione et eiusdem Doctoris Amicini praesentatione vobis constiterit, eundem, servatis de iure servandis, instituatis et investiatis ad eandem, literasque institutionis et investiturae sub titulo et sigillo vestris eidem dandas decernatis et detis nostra auctoritate ordinaria, qua vos fungi volumus in hac parte. Datum in Pabyanicze, die quarta Septembris, Anno Domini Millesimo Quingentesimo secundo, nostro sub sigillo.“

Fragment zapiski 5 , Numer strony/karty w źródle: 213

Post cuius quidem commissionis praesentationem et receptionem nobis et per nos, ut praemittitur, factam, comparens coram nobis venerabilis dominus Ioannes Amicinus de Cracovia Decretorum Doctor, ad ecclesiam parochialem Sancti Nicolai extra muros Cracovienses principalis in eisdem literis commissionum principaliter nominatus, certas Cridae literas per venerabilem dominum Ioannem de Baruchow Decretorum Doctorem, Archidiaconum, Vicariumque in spiritualibus Cracoviensem generalem, decretas et praemissas, legitime executas, ac decretum institutionis a tergo eiusdem Cridae contentum, legitime et iuridice in contumaciam citatorum et non comparentium factum, reproduxit, vigoreque eiusdem commissionis ac decreti de praedicta ecclesia parochiali Sancti Nicolai, ad praesentationem venerabilium dominorum Rectoris, Doctorum, Magistrorum ac totius Universitatis studii Cracoviensis, ex causa permutationis pro certis beneficiis cum venerabili domino Ioanne Osswyaczym Sacrae Theologiae Professore, Canonico Cracoviensi, factae, vacante, institui et investiri petivit et cum debita instantia postulavit. Nos vero commissionem praelibati reverendissimi domini Cardinalis etc. Episcopi Cracoviensis, exequi volentes, praefatum dominum Ioannem Amicinum Decretorum

Fragment zapiski 6 , Numer strony/karty w źródle: 214

Doctorem ad dictam ecclesiam parochialem Sancti Nicolai extra muros Cracovienses, taliter ut praemissum est, vacantem, per manus nostrae capiti suo impositionem instituimus et investivimus, instituimusque et investimus per praesentes, curam animarum, administrationemque spiritualium et regimen temporalium in eadem sibi committentes. Quocirca vobis dominis executoribus suprascriptis in virtute sanctae obedientiae et sub excommunicationis poena mandamus, quatenus dum et quando per praefatum dominum Ioannem Decretorum Doctorem fueritis requisiti, ipsum superpilliciatum in et ad dictam ecclesiam Sancti Nicolai parochialem introducatis et inducatis, possessionemque realem et corporalem ipsius ecclesiae ac omnium et singulorum fructuum, reddituum et proventuum huiusmodi assignetis, faventes sibi et non alteri per censitas eorundem integre et plenarie responderi, cui et vos quantum in vobis est, respondeatis; quodque omnes et singuli parochiam dictae ecclesiae in omnibus licitis et honestis dicto domino Doctori, tanquam eorum vero pastori, obediant et intendant realiter et cum effectu. In quorum omnium et singulorum praemissorum praesentes nostras investiturae literas sive praesens publicum Instrumentum per Notarium publicum infrascriptum, causaeque et facti coram nobis scribam scribi, subscribi et publicari mandavimus, nostrique sigilli appensione iussimus et fecimus communiri. Actum et datum Cracoviae in domo habitationis nostrae consuetae, Anno a Nativitate Domini Millesimo Quingentesimo secundo, Indictione quinta, Pontificatus sanctissimi in Christo patris et domini nostri, domini Alexandri divina providentia Papae sexti anno undecimo, die vero Saturni quinta mensis Novembris. Praesentibus ibidem honorabilibus dominis Ioanne de Iaslo mansionario in ecclesia cathedrali Cracoviensi, Felice Naropynsky, Ioanne de Colomya, Iacobo de Czchow et Bernardo de Bychow Notariis publicis, clericis Cracoviensis et Gneznensis diocesum, testibus circa praemissa habitis.

Fragment zapiski 7 , Numer strony/karty w źródle: 214

(L. S. n.) Et ego Petrus Mathiae de Nowemyasto clericus Gneznensis diocesis, publicus apostolica auctoritate Notarius et coram memorato reverendo patre domino Valentino de Ilkusch Decretorum Doctore et Officiali Cracoviensi generali, Iudiceque commissario, causae et facti praesentis scriba, quia praedictis literarum commissionis praesentationi, receptioni, institutioni et praesentium decreto, aliisque omnibus et singulis praemissis, dum sic ut praemittitur, agerentur et fierent, una cum praenominatis testibus praesens interfui, eaque omnia et singula sic fieri vidi et audivi: ideo hoc praesens publicum Instrumentum manu propria scriptum exinde confeci, subscripsi et publicavi et in hanc publicam formam redegi, signoque et nomine meis solitis et consuetis, una cum praefati domini Valentini Decretorum Doctoris et commissarii sigilli appensione consignavi et communivi, in fidem et testimonium omnium et singulorum praemissorum rogatus et requisitus.

Fragment zapiski 8 , Numer strony/karty w źródle: 214

Die dominico in festo Sancti Leonardi, ego Nicolaus vicarius ad Sanctum Nicolaum extra muros Cracovienses, executus sum praesens mandatum, introscriptum dominum in possessionem ecclesiae realem iuxta contenta introducendo. Praesentibus ibidem honorabilibus ac famosis Stanislao de Czchow ibidem vicario, Iohanne a Beata Virgine de Cracovia presbytero, Nicolao Griffnyk victrico ecclesiae,

Komentarz do fragmentu zapiski:
(In dorso:)

Fragment zapiski 9 , Numer strony/karty w źródle: 215

Iohanne Iakyel et Alberto Pharbyerz civibus Cracoviensibus extra muros morantibus, ac aliis pluribus pro die data ad divina congregatis.

Komentarz do fragmentu zapiski:
(Ex archetypo membranaceo, cum sigillo cereo rubro, taeniola membranacea appenso. Sigillum exhibet insigne Pilawa dictum, in scuto, cum sequenti in ambitu inscriptione literis minusculis sic dictis gothicis: S... Walentini ca.. ici cracow. — Nr. Archiv. Univ. 11,365.)