Pełny podgląd zapiski o zdarzeniu dotyczącym pełnionych funkcji/urzędów/ról

Fragment zapiski 1 , Numer strony/karty w źródle: 118

CCLXXIV. Ioannes de Rzeszow episcopus Cracoviensis erectionem et dotationem altaris tituli S. Ioannis Baptistae et Ioannis Evangelistae in ecclesia parochiali S. Annae in Cracovia per executores testamenti Magistri Ioannis Proger plebani eiusdem ecclesiae fundati, approbat.
Cracoviae, Anno 1485, die 28 mensis Iulii.

Fragment zapiski 2 , Numer strony/karty w źródle: 118

In nomine Domini Amen. Pastoralis cura officii humeris nostris imposita nos sollicitat et impellit, summeque necessarium exigit et commendat, ut beneficia et officia ecclesiastica per nos et divae memoriae antecessores nostros olim pontifices, ad dotationem et fundationem Christi fidelium diocesis nostrae nobis commissorum, in laudem Dei et divini cultus augmentum fundata et erecta, literis et privilegiis fundationis suis huiusmodi in toto vel in parte per censuum et proventuum ipsorum seu alterius eorundem mutationem consumptis et abrogatis, non depereant seu etiam extinguantur, sed quanto potius per renovationem nostram et aliarum literarum fundationis et confirmationis necessariarum decretum convalescant et solidentur, illibataque permaneant et robur obtineant perpetuae firmitatis. Proinde nos Iohannes de Rzeschow Dei et Apostolicae Sedis gratia Episcopus Cracoviensis notum facimus tenore praesentium quibus expedit universis praesentibus et futuris, praesentium notitiam habituris: quomodo in audientia nostra deducto per venerabilem dominum Iohannem de Schebnya Custodem ecclesiae nostrae cathedralis Cracoviensis, altaristam altaris tituli Sanctorum Iohannis Baptistae et Iohannis Apostoli et Evangelistae in ecclesia parochiali Sanctae Annae siti, qualiter praefato altari Sanctorum Iohannis Baptistae et Iohannis Apostoli et Evangelistae, de Anno Domini Millesimo Quadringentesimo septuagesimo secundo, per nos in et super censibus annuis sedecim marcarum communis pecuniae apud serenissimum dominum nostrum Regem modernum in proventibus oppidi Proschowicze vulgariter nuncupati, pro Quingentis florenis Hungaricalibus puri auri per venerabiles dominos olim Paulum de Cracovia Sacrae Theologiae Professorem, Decanum Sandeczensem, Iohannem de Osswyanczim Canonicum Sancti Floriani in Cleparz, Florianum plebanum Sancti Stephani in Cracovia, Nicolaum de Ilkusch Collegiatos Maioris Collegii Artistarum, et Iohannem Schlepkogyel altaristam Sanctae Barbarae Cracoviae, executores testamenti honorabilis olim Magistri Iohannis Progar plebani dictae ecclesiae Sanctae Annae in Cracovia, et alias pro pecuniis dicti testamenti, sub spe tamen reemptionis emptis et comparatis, dotato, fundato et erigi procurato, literisque fundationis et erectionis huiusmodi in forma solita habitis et confectis, dictus serenissimus dominus noster Rex censum eundem sedecim marcarum dicto altari et eius altaristae incorporatum exemit cum effectu; tandem memorato domino

Fragment zapiski 3 , Numer strony/karty w źródle: 119

Iohanne de Schebnya altarista, ac venerabilibus dominis Doctoribus, Magistris promotis et Collegiatis dicti Collegii Domus Artistarum Studii Cracoviensis, patronis, indempnitati ipsius altaris providentibus, et ut res magis valeat et subsistat, operam dantibus, census alios perpetuos similium sedecim marcarum etiam communis pecuniae pro summa eadem Quingentorum florenorum Hungaricalium puri auri, boni et iusti ponderis, apud magnificum dominum Nicolaum Stadnyczsky de Smygrod aliasque de Nyedzwyedz baeredem, in et super omnibus proventibus, censibus, molendinis et laneis praedialibus et kmethonalibus dictae villae Nyedzwyedz in terra Cracoviensi et districtu Proscboviensi iacentis, etiam sub conditione reemptionis emendo et comparando, ipsos census annuos sedecim marcarum in proventibus villae Nyedzwyedz antedictae, de speciali consensu serenissimi Principis domini Kazimiri Dei gratia Regis Poloniae etc. in Iure terrestri, et consequenter coram venerabili domino Iacobo de Schadek Decretorum Doctore, Canonico et Vicario nostro in spiritualibus Cracoviensi generali, resignari et inscribi procuraverunt, seu ipse dominus Nicolaus Castellanus procuravit et inscripsit, per ipsum altare et eius altaristam pro tempore existentem babendum, levandum, percipiendum et possidendum, prout latius in literis dictorum consensus regalis, recognitionis, resignationis et inscriptionis huiusmodi, coram nobis originaliter exhibitis, tenoris infrascripti, vidimus contineri; petentes ipsi altarista et patroni fundationem et dotationem altaris eiusdem innovari, venditionemque et emptionem ac resignationem ipsorum censuum per nos admitti, ac ipsos census sedecim marcarum eidem altari et suo altaristae pro tempore existenti incorporari, annecti, uniri, appropriari, inviscerari et ecclesiasticae libertati ascribi realiter et cum effectu, cum auctoritatis nostrae interpositione et decreti. Quarum quidem literarum tenores secuntur in haec verba. Et primo tenor literae consensus regalis incipit:

Fragment zapiski 4 , Numer strony/karty w źródle: 119

„Kazimirus Dei gratia Rex Poloniae “ etc. Vide Nr. CCLXXII.

Fragment zapiski 5 , Numer strony/karty w źródle: 119

Deinde tenor literae luris terrestris continuatur:

Fragment zapiski 6 , Numer strony/karty w źródle: 119

„Nos Nicolaus Strasch de Byalaczow Iudex et Martinus de Conari Subiudex terrae Cracoviensis generales, significamus tenore praesentium quibus expedit universis, praesentibus et futuris, praesentium notitiam habituris: quomodo coram nobis et certis Camerariis nostris in Iudicio tunc praesidentibus, veniens personaliter magnificus dominus Nicolaus Stadnyczsky de Smygrod et Nyedzwyedz haeres, Castellanus Premisliensis, recedendo a districtu suo Proschoviensi, sanus mente et corpore existens, non compulsus nec coactus, sed de ipsius libera voluntate recognovit: quia vendidit et vendit sedecim marcas census annui perpetui in omnibus hominibus possessis et collocatis, et laneis, agris, pratis kmethonalibus et praedialibus, molendinisque ac universis censibus et proventibus villae et hae„reditatis sua Nyedzwyedz, quos coemit a nobili Iohanne Pyelsch, et Campskye et Cobyelskye et tota parte per dominam suam dono resignata et inscripta in eadem villa Nyedzwyedz in terra Cracoviensi et districtu Proschoviensi sita, sub spe tamen reemptionis alias Na wederkoff, venerabilibus dominis Magistro Floriano plebano ad Sanctum Stephanum in Cracovia, patrono et Collegiatori, ac Iohanni de Schebnya Custodi Cracoviensi et altaristae altaris Sanctorum Iohannis Baptistae et Iohannis Evangelistae in ecclesia parochiali Sanctae Annae Cracoviae, pro Quingentis florenis Hungaricalibus puri auri et iusti ponderis, quos ab eisdem numeratos recepit cum effectu. Quos quidem census annuos sedecim

Fragment zapiski 7 , Numer strony/karty w źródle: 120

marcarum pro quolibet festo Nativitatis Christi, incipiendo a proximo festo Nativitatis Christi solutionem, tenebitur solvere praefato altaristae eiusdem altaris praedicti, usque ad totalem et debitam pro dicta summa Quingentorum florenorum reemptionem, eidem altaristae et suo altari praedicto per eum et successores suos ac universos kmethones et incolas villae eiusdem Nyedzwyedz pro tempore existentes, solvendos et in manus dicti altaristae dandos, resignavit et resignat ac inscripsit et inscribit, per ipsum altaristam et suum altare praedictum tenendum, habendum et possidendum exnunc et in aevum, intromissionem in eosdem census annuos sedecim marcarum sibi altaristae per Smach ministerialem de iure datum praesentibus dando; promittens ipsum altaristam occasione praefati census sedecim marcarum ab omnibus impedimentis quarumlibet personarum sexus utriusque tueri, intercedere, defendere, prout ad quamlibet personam pertinet praescriptio. Et signanter ipsum ab expeditione bellica, totiens quotiens occurrerit, eliberare debebit, sub dampno si quod occurrit et habuerit, quod non debet esse altaristae, sed principalis, nec eum evadere in solutione census eiusdem literis regalibus, Conventione, expeditione belli generalis vel specialis, et quibusvis aliis cautelis et exceptionibus excogitatis. Et pro maiori praemissorum firmitate submisit se idem dominus Nicolaus Castellanus Premisliensis Regiae Maiestatis consensum super venditione praefati census expedire et sibi altaristae in manus tradere infra hinc ad unius anni decursum; et casu quo non expediret consensum huiusmodi, extunc promisit ipsos Quingentos florenos sibi altaristae restituere, dum et quando per eum fuerit avisatus, seu successores sui fuerint avisati; tali conditione addita et interiecta: quod idem dominus Nicolaus et successores sui poterint, quando voluerint, eundem censum sedecim marcarum reemere pro praefata summa Quingentorum florenorum integraliter et uno semel coram Praeposito et Collegiatis Domus Maioris Collegii in manus dicti altaristae et patroni, una cum censu pro tunc debendo reponenda, ita tamen quod debebit ipse dominus Nicolaus eundem altaristam ad minus per unum Quartale anni de ipsa exemptione fienda avisare et certificare; et idem altarista debebit subici periculis dictae villae Nyedzwyedz, quod absit, ab insultu inimicorum Regni evenientibus, alias iuxta naturam contractus reemptionum, uti etiam in Actis spiritualibus domini Vicarii in spiritualibus Cracoviensis generalis per ipsum praefatum dominum Nicolaum extat inscriptum et obligatum: quam inscriptionem per istam non mortificat, sed quinimo istam per illam et illam per istam approbavit et approbat. In cuius rei testimonium sigilla nostra praesentibus sunt appensa. Actum et datum Cracoviae, feria secunda in die Sancti Mathiae post dominicam Reminiscere, Anno Domini Mil„lesimo Quadringentesimo octuagesimo tertio. Praesentibus ibidem nobilibus Iacobo de Clonow, Iohanne de ibidem Grzimala, Iohanne Swider de Modlnycza, Mathia de ibidem, Nicolao de Dup et aliis quam pluribus fide dignis.“

Fragment zapiski 8 , Numer strony/karty w źródle: 120

Et consequenter tenor literae domini Vicarii nostri in spiritualibus, de quibus supra fit mentio, sequitur:

Fragment zapiski 9 , Numer strony/karty w źródle: 120

„Iacobus de Schadek Decretorum Doctor “ etc. Vide Nr. CCLXVIII.

Fragment zapiski 10 , Numer strony/karty w źródle: 120

Nos vero Iohannes Episcopus Cracoviensis memoratus, zelum et devotionem praenominatorum dominorum Magistri olim Iohannis Progar plebani Sanctae Annae et executorum testamenti eius, fundatorum, Collegiatorumque dictae Domus Collegii Artistarum patronorum, ac Iohannis de Schebnya altaristae dicti altaris Sanctorum

Fragment zapiski 11 , Numer strony/karty w źródle: 121

Iohannis Baptistae et Iohannis Evangelistae, modernorum, plurimum in Domino commendantes, ad suprascriptam fundationis, dotationis et erectionis altaris antedicti renovationem, nec non censuum supradictorum sedecim marcarum emptionem, venditionem et resignationem, nostrum praebemus et conferimus consensum, ipsasque fundationis innovationem, censuum venditionem, in singulis eorum clausulis, punctis et capitulis superius in literis praeinsertis latius expressis et designatis, approbandum, admittendum, gratificandum et confirmandum duximus et tenore praesentium auctoritate nostra ordinaria per nostri appositionem decreti approbamus, admittimus, gratificamus et confirmamus, decernentes ea omnia praemissa perpetuae firmitatis robur obtinere. Et insuper etiam eadem auctoritate praedicta, census supradictos sedecim marcarum in bonis et villa antedictis Nyedzwyedz nuncupatis, sicut praefertur, pro fundo et dote altaris, sustentationeque altaristae supradictorum venditos, emptos et resignatos, eidem altari et suo altaristae pro tempore existenti unimus, incorporamus, annectimus, appropriamus et invisceramus, ac de novo, quatinus opus est, altare praedictum in censibus praeexpressis sedecim marcarum erigimus et fundamus, ipsosque census ecclesiasticae libertati et iurisdictioni ascribentes et subicientes, statuendo et decernendo, pro repetitione eorum ad Ius, Iudicemque ecclesiasticum, quotiens non solverentur, esse recurrendum, ecelesiasticaque interim, quo reempti non fuerint, immunitate gaudere. Volentes et statuentes, inhaerendo priori fundationi executorum testamenti memoratorum, ut altarista altaris eiusdem pro tempore existens tres missas singulis septimanis circa idem altare per se vel alium idoneum presbyterum, unam videlicet pro defunctis sub Introitu Requiem, alteram de die vel festo occurrente, et tertiam de dominica pro memorati Magistri olim Iohannis Progar, executorumque testamenti eius, et progenitorum ac successorum suorum animabus legere et explere, superpilliciat usque in ipsa eeclesia infra divina officia incedere teneatur et sit astrictus, in quo conscientiam suam oneramus. Ius vero praesentationis et praesentandi altaris eiusdem, iuxta tenorem et continentiam primaevae fundationis altaris praenarrati, executoribus supradictis iam deficientibus et e medio sublatis, dominis Doctoribus, Magistrisque promotis et Collegiatis praenarratis Domus Artistarum Collegii Cracoviensis maioris pro tempore existentibus, reservamus et ad eos duntaxat devolvendum esse volumus et decernimus, tenore praesentium mediante, aliis omnibus abinde exclusis. In quorum omnium et singulorum testimonium et evidentiam plenariam et indubitatam, praesentes literas nostras nostri maioris sigilli appensione fecimus communiri. Actum et datum Cracoviae, feria quinta proxima post festum Sancti Iacobi Apostoli, Anno Domini Millesimo Quadringentesimo octuagesimo quinto. Praesentibus venerabilibus, honorabilibus et nobilibus dominis Petro Wapowsky Decano Opathoviensi, Iohanne Starzechowsky Decretorum Doctore, Iudice causarum, Canonicis Cracoviensibus, Iohanne de Land in Gnoyno, Iohanne Grorziczsky in Zamboczin plebanis, Iacobo Nicolai de Wydawa Notariis et scribis, Nicolao et Derslao dictis Orlikowye de Laziska, et aliis quam pluribus familiaribus nostris testibus fide dignis ad praemissa. Et alias acta sunt haec Anno, loco et praesentibus ut supra, die Iovis vicesima octava mensis Iulii, Indictione tertia, Pontificatus sanctissimi in Christo patris et domini nostri, domini Innocentii divina providentia Papae octavi anno primo.

Fragment zapiski 12 , Numer strony/karty w źródle: 122

(.L. S. n.) Et ego Iohannes Andreae de Gorzicze qui supra clericus Poznaniensis diocesis, publicus imperiali auctoritate Notarius, reverendissimi in Christo patris et domini, domini Iohannis Dei gratia Episcopi Cracoviensis memorati, causarumque et facti huiusmodi coram sua reverendissima
Paternitate scriba, quia praedictis literarum originalium praeinsertarum exhibitioni, petitioni, confirmationi, onerum impositioni, erectioni et decreti appositioni, aliisque omnibus et singulis praemissis, dum sic ut praemittitur, agerentur et fierent, una cum praenominatis testibus praesens interfui, eaque omnia praemissa sic fieri vidi et audivi: ideo praesentes literas sive Instrumentum publicum, manu alterius scriptum, confeci et in hanc publicam formam redegi, signo et nomine meis solitis et consuetis, una cum appensione sigilli dicti domini Episcopi et de eius mandato speciali, consignando, in fidem et testimonium omnium et singulorum praemissorum.

Komentarz do fragmentu zapiski:
(Ex archetypo membranaceo, cum sigillo cereo rubro, funiculis sericis ex filis coloris rubri et nigri contextis, appenso. Sigillum eiusdem typi ac sub Nr. CCXXXIII.— Nr. Archiv. Univ. 3690.)