Pełny podgląd zapiski o zdarzeniu dotyczącym pełnionych funkcji/urzędów/ról

Fragment zapiski 1 , Numer strony/karty w źródle: 102

CCLXVIII. Literae Iacobi de Szadek Canonici et Vicarii in spiritualibus Cracoviensis generalis, confirmationem inscriptionis census annui reemptionalis 16 marcarum pro summa 500 florenorum Hungaricalium, per Nicolaum Stadnicki de Zmigrod Castellanum Premisliensem super villa Niedzwiedz, altaristae tituli S. Ioannis Baptistae et Evangelistae in Cracoviensi ecclesia parochiali S. Annae, venditi, in se continentes.
Cracoviae, Anno 1483, die 15 mensis Februarii.

Fragment zapiski 2 , Numer strony/karty w źródle: 102

Iacobus de Schadek Decretorum Doctor, Canonicus, reverendissimique in Christo patris et domini, domini Iohannis de Rzeschow Dei gratia Episcopi Cracoviensis Vicarius in spiritualibus Cracoviensis generalis, significamus tenore praesentium quibus expedit universis praesentibus et futuris, praesentium notitiam habituris : quomodo magnificus dominus Nicolaus Stadnyczsky de Szmygrod et de Myedzwyedz Castellanus Premisliensis, coram nobis et apud Acta nostra Vicariatus

Fragment zapiski 3 , Numer strony/karty w źródle: 103

personaliter constitutus, suo et filiorum ac successorum suorum nominibus cavendo de ratihabitione eorumdem, sponte et libere, non per errorem aut improvide, sed de certa sua scientia et matura intra se deliberatione praehabita, recognoscendo se pro certa sua et suorum filiorum praegnanti necessitate, apud venerabiles dominos Magistrum Florianum plebanum ad Sanctum Stephanum in Cracovia, patronum st collatorem altaris tituli Sanctorum Iohannis Baptistae et Iohannis Evangelistae in ecclesia parochiali Sanctae Annae Cracoviae siti, et Iohannem de Schebnya Custodem Cracoviensem, eiusdem altaris in ecclesia eadem Sanctae Annae altaristam, Quingentos florenos Hungaricales auri boni, puri et iusti ponderis, dicti altaris Sanctorum Iohannis Baptistae et Iohannis Evangelistae, numeratos recepisse et manualiter levasse, confessus est et recognovit, pro eisdem Quingentis florenis sedecim marcas pecuniarum usualium, in Regno Poloniae currentium et receptibilium, census annui perpetui in et super omnibus bonis, laneis, agris, pratis kmethonalibus et praedialibus, molendinisque ac universis censibus et proventibus omnium sortium per ipsum dominum Nicolaum Stadnyczsky habitorum, et tertia parte sibi per dominam consortem suam donata, haereditatis suae dictae villae Myedzwyedz vulgariter nuncupatae, in terra Cracoviensi et districtu Proschoviensi sitae, ex eadem villa et suis sortibus quomodolibet obvenientibus, dicto altaristae et patronis altaris praefati, sub spe tamen reemptionis alias Na widerkoff, vendidisse et praesentibus vendere cum effectu. Quos quidem census annuos sedecim marcarum idem dominus Nicolaus Stadnyczsky Castellanus Premisliensis ibidem per expressum eidem altaristae et patronis altaris praedicti Sanctorum Iohannis Baptistae et Iohannis Evangelistae resignavit et praesentibus resignat, per ipsum dominum Iohannem altaristam et successores suos altaristas pro tempore existentes, habendos, tenendos, possidendos et in usus suos beneplacitos convertendos ex nunc et in aevum. Obligando se nihilominus et successores suos dictae villae et sortium suarum in Myedzwyedz antedictarum, kmethones, molendinatores, tabernarios, incolas modernos et futuros pro tempore existentes, prout obligavit et obligat per praesentes, praefatum censum annuum sedecim marcarum ipsi altaristae annis singulis, reemptione huiusmodi durante, sub poenis excommunicationum in eum et eos, totiens quotiens in solutione eiusdem census sedecim marcarum remissus esset et negligens, ac ipsi successores, kmethones et incolae remissi essent et negligentes, per nos et alios quoscumque iudices spirituales, monitione duntaxat sex dierum personaliter vel in facie ecclesiae parochialis in eadem Myedzwyedz praemittenda, ferendis usque ad Sententiam interdicti inclusive, quibus se et eosdem successores, kmethones, molendinatores, tabernarios et incolas dictae villae sortium suarum in Myedzwyedz submisit et submittit praesentium per tenorem, singulis annis pro festo Nativitatis Dominicae, incipiendo primam solutionem a festo Nativitatis Domini proxime venturo, seu ad ipsum festum Nativitatis Christi proxime affuturum, et continuando usque ad debitam eiusdem census sedecim marcarum pro praefata summa Quingentorum florenorum, reemptionem, solvere et hic Cracoviae in manus altaristae dare et reponere cum effectu. Tali conditione interiecta, quod licebit sibi domino Nicolao Stadnyczsky et successoribus suis praefatum censum sedecim marcarum pro summa eadem Quingentorum florenorum, pro uno semel in manus dominorum Rectoris Universitatis, Praepositi et Consiliariorum domus Collegii maioris Artistarum et Universitatis studii Cracoviensis pro tempore existentium in

Fragment zapiski 4 , Numer strony/karty w źródle: 104

Collegio eodem maiori et coram eisdem, de scientia tamen altaristae, alias iuxta fundationum dicti altaris literas, reponenda, quando voluerit et voluerint, redimere; debebit tamen et debebunt idem dominus Nicolaus et successores sui ipsum altaristam ante hoc de ipsa reemptione facienda ad minus per unum quartuale anni avisare. Praefatus quoque altarista debebit periculis villae eiusdem et sortium ipsius domini Nicolai Stadnyczsky in Myedzwyedz ab insultu, quod Deus auferat, inimicorum Regni evenientibus, alias iuxta naturam contractus reemptionis et quantitatem census praedicti, subici. Et insuper pro maiori subsistentia et firmitate praemissorum, dictus dominus Nicolaus Stadnyczsky Castellanus suo et filiorum ac successorum suorum nominibus, quibus supra, promisit et promittit pro omni indempnitate et tuitione ac impedimento occasione venditionis, et in casu non solutionis census eiusdem, quod absit, a quavis persona evenientibus, stare et ipsum altaristam ac patronos tueri, evincere et reddere indempnes propriis sumptibus et impensis; submittendo se nihilominus ipse dominus Nicolaus Castellanus, prout ibidem se et suos successores submisit et submittit per expressum, eidem altaristae et patronis desuper Regiae Maiestatis consensum hinc ad unius anni decursum expedire, nec non dicti census venditionem in libro luris terrestris districtus Proschoviensis et alias coram dicto Iure terrestri nunc inscribere et resignare, ac literas consensus regalis et resignationis huiusmodi ipsi altaristae dare et tradere realiter et cum effectu propriis sumptibus et impensis, aliasque in defectu expeditionis consensus regalis huiusmodi sive etiam resignationis et literarum traditionis non praestandis, praefatam summam Quingentorum florenorum simul cum censu pro tunc debendo et retinendo restituere eidem altaristae et patronis modo superius expresso, dum et quando per ipsum altaristam ipse dominus Nicolaus Stadnyczsky Castellanus seu successores sui esset et essent avisatus et avisati. Ad quod ipse dominus Nicolaus Stadnyczsky Castellanus.....................se et successores suos faciendum,
exequendum et implendum similiter submisit et obligavit, prout submittit et obligat sub poenis excommunicationum antedictis, omnibus exceptionibus, cautelis iuris et facti praesentibus renunctiando; petentes ipsi domini Nicolaus Stadnyczsky Castellanus et Iohannes de Schebnya altarista, praefatas recognitionem, venditionem, resignationem et submissionem per nos admitti, approbari et confirmari, et ipsos census annuos sedecim marcarum taliter venditos et resignatos, eidem altari et suo altaristae incorporari, appropriari et uniri, ac ecclesiasticae iurisdictioni, immunitati et libertati ascribi et inviscerari cum interpositione auctoritatis ordinariae pariter et decreti. Tandem nos Iacobus de Schadek Vicarius in spiritualibus memoratus, petitione huiusmodi iusta attenta, recognitionem, venditionem, resignationem et submissionem antedictas admisimus, approbavimus et confirmavimus, ac ipsos census sedecim marcarum annuos dicto altari et suo altaristae incorporavimus, appropriavimus, univimus et ecclesiasticae iurisdictioni, immunitati et libertati ascripsimus et invisceravimus, prout in Dei nomine admittimus, approbamus, confirmamus, incorporamus, appropriamus, unimus, ascribimus et invisceramus per praesentes, quibus omnibus praemissis auctoritatem nostram ordinariam interponimus pariter et decretum, decernentes omnia praemissa robur obtinere perpetuae firmitatis. In quorum omnium et singulorum fidem et testimonium praemissorum praesentes nostras admissionis et confirmationis literas sive praesens publicum Instrumentum per Notarium nostrum publicum, causarum et facti huiusmodi coram

Fragment zapiski 5 , Numer strony/karty w źródle: 105

nobis scribam infrascriptum scribi, subscribi et publicari mandavimus, nostrique sigilli appensione iussimus et fecimus communiri. Actum et datum Cracoviae in domo nostrae solitae residentiae, die Sabbati quindecima mensis Februarii, Anno a Nativitate Domini Millesimo Quadringentesimo octuagesimo tertio, Indictione prima, Pontificatus sanctissimi in Christo patris et domini nostri, domini Sixti divina providentia Papae quarti anno undecimo, hora Nonarum vel quasi. Praesentibus ibidem venerabili, honorabilibus et nobili dominis Stanislao de Zawada Sacrae Theologiae Professore, Canonico Sancti Floriani in Cleparz, Magistro Martino de Cracovia Collegiato Maioris Collegii Artistarum Cracoviensis, Nicolao de Coprzywnycza plebano in Kxyagnycze, Iacobo Nicolai de Vydawa et Nicolao Grzymala de Zwyerzynyecz quondam Iudice Curiae regalis, aliisque quam pluribus testibus fide dignis circa praemissa.

Fragment zapiski 6 , Numer strony/karty w źródle: 105

(L. S. n.) Et me Nicolao Nicolai de Gleywicz Wratislaviensis diocesis clerico, imperiali auctoritate publico Notario, coram reverendo patre domino Iacobo de Schadek Decretorum Doctore, Canonico, Vicario in spiritualibus Cracoviensi generali, causarum et facti praesentis scriba, qui praedictis recognitioni, venditioni, resignationi, submissioni, obligationi, petitioni, confirmationi et decreti appositioni, aliisque omnibus et singulis praemissis, dum sic ut praemittitur, agerentur et fierent, una cum praenominatis testibus praesens interfui, eaque sic fieri vidi et audivi: ideo hoc publicum Instrumentum exinde manu alterius fideliter scriptum extraxi et in hanc publicam formam redegi, signo et nomine meis solitis una cum appensione sigilli praelibati domini Iacobi consignando in fidem testimoniumque omnium praemissorum.

Komentarz do fragmentu zapiski:
(Ex archetypo membranaceo, cum sigillo cereo rubro, taeniola membranacea appenso. Sigillum exhibet ex una parte scutum cum insigni dicto Wieniawa et hac in ambitu inscriptione literis sic dictis gothicis minusculis: S. magri. iacobi. de schade. Ex altera parte est parvum contrasigillum expressum.— Nr. Archiv. Univ. 3688.)