Pełny podgląd zapiski o zdarzeniu dotyczącym pełnionych funkcji/urzędów/ról

Fragment zapiski 1 , Numer strony/karty w źródle: 18

CCXXXVII. Confirmatio testamenti Ioannis de Dambrowka S. Theologiae Professoris, per Nicolaum Bylina de Leszczyny Canonicum Cracoviensem et Vicarium in
spiritualibus generalem.
Cracoviae, Anno 1473, die 28 mensis Maii.

Fragment zapiski 2 , Numer strony/karty w źródle: 18

Magister Nicolaus Bilyna de Lesczyny Sacrae Theologiae Professor, Canonicus, Vicariusque in spiritualibus Cracoviensis generalis, venerabilibus dominis Magistris Stanislao de Sawada Sacrae Theologiae Professori, Custodi, et Iohanni de Osswyanczim Baccalario formato, Sententionarioque eiusdem theologicae facultatis, Canonico ecclesiae collegiatae Sancti Floriani extra muros Cracovienses, olimque venerabilis domini Magistri Iohannis de Dambrowka Sacrae Theologiae Professoris et Canonici Cracoviensis ultimae voluntatis executoribus, fratribus in Christo dilectis, salutem in Domino. Diligentiam caritatum vestrarum circa executionem huiusmodi testamenti ipsius olim domini Magistri Iohannis de Dambrowka pridem coram plena Rectoris et Collegiatorum Collegii Artistarum convocatione, cui et nos interfuimus, de omnibus bonis suis in sanitate facti et dispositi, collaudantes et magnipendentes, in id ipsum vices nostras accumulando, vobis auctoritate committimus ordinaria, horta-

Fragment zapiski 3 , Numer strony/karty w źródle: 19

murque et requirimus in Domino, ut huiusmodi testamentum ita fideliter sicuti diligenter quantocius exequamini et perficiatis, iuxta etiam ipsius olim dicti domini Iohannis de Dambrowka codicillos et inventaria manu sua, et de ore suo manu alterius conscripta, coram nobis et per nos recognita, cum eiusdemque voluntate, qui vos elegit, concurrendo et concordando. Damus etiam vobis et attribuimus plenariam in bis potestatem videlicet agendi, defendendi contra quaslibet personas occasione quorumlibet bonorum et rerum, atque de eisdem quittandi et absolvendi in forma per praesentes. Datum Cracoviae, Vicesima octava Maii, Anno Domini Millesimo Quadringentesimo septuagesimo tertio, sigillo nostro praesentibus subap- penso. Praesentibus venerabilibus et honorabilibus dominis Iacobo de Lyslow Decretorum Doctore, Stanislao de Brzezyny Sacrae Theologiae Professoribus, Canonicis Sancti Floriani, Andrea de Canczuga in ecclesia Cracoviensi vicario perpetuo, Iacobo de Wawrzynczycze, Mathia Iacobi de Swandow et Iohanne de Makow, et aliis pluribus.
Et me Mathia N. de Grodzecz, qui his interfui: ideo haec manu mea subscripsi et consignavi.

Fragment zapiski 4 , Numer strony/karty w źródle: 19

Anno Domini M°CCCC°LXXX secundo, die xxij mensis Octobris, reverendus pater dominus Iacobus de Schadek Decretorum Doctor, Canonicus et Vicarius in spiritualibus Cracoviensis generalis, venerabilem virum Magistrum Andream de Labyschin Decretorum Doctorem in locum olim Magistri Iohannis de Oszwanczin executoris testamenti quondam Magistri Iohannis de Dambrowka coadiutorem et defensorem, de consensu venerabilis Magistri Stanislai de Zawada Sacrae Theologiae Professoris, principalis executoris dicti testamenti praefati olim Magistri Iohannis de Dambrowfka, sibi Magistro Stanislao Zavada dedit et deputavit, dans et concedens eidem omnem facultatem dum et quotiens necesse foret, pro dicto testamento agendi, alias ut in forma a tergo descripta, defendendi. Praesentibus ibidem Stanislao Sapientia servitore et nuntio moderni domini Rectoris in surrogationem huiusmodi nomine praelibati domini Rectoris annuente, Stanislao Baccalario de Premislia et Iohanne servitore domini Andreae Labiszin.
Nicolaus eiusdem de Gleywicz manu sua scripsit.

Komentarz do fragmentu zapiski:
(In dorso:)
(Ex archetypo membranaceo, cum sigillo cereo rubro, taeniola membranacea appenso. Sigillum exhibet scutum cum insigni dicto Belina, in cuius ambitulegitur inscriptio literis minusculis sic dictis gothicis: † S. Magistri Nico....na. de le. — Nr. Archiv. Univ. 12,610.)