Full view of a note about event related to functions/offices/roles

Note fragment 1 , Page/tab number in the source: 3

CVI. Literae Ioannis de Elgoth Scholastici et Vicarii generalis Cracoviensis, fundationem altaris tituli Assumptionis B. Mariae V. Sanctorum que Iacobi, Lazari et Marthae in capella S. Mariae Magdalenae per Iacobum de Zaborow Decretorum Doctorem, Canonicum Cracoviensem factam, atque quatuor inscriptiones ex annis 1431, 1437
et 1440 in se continentes. Cracoviae, Anno 1441, die 25 mensis Februarii.

Note fragment 2 , Page/tab number in the source: 3

In nomine Domini Amen. Ad rei memoriam sempiternam. Ut bona facientes non desinant, sed spe consolationis aeternae ad meliora propensius incitentur: pro­inde nos Iohannes de Elgoth Decretorum Doctor, Scolasticus et Canonicus Craco­viensis nec non reverendissimi in Christo patris et domini domini Sbignei Dei gratia Episcopi Cracoviensis Vicarius in spiritualibus generalis, significamus tenore prae­sentium quibus expedit universis praesentibus et futuris, praesentium notitiam habi­turis: quomodo venerabilis vir Magister Iacobus de Zaborow Doctor Decretorum, Canonicus Cracoviensis, nec non praebendarius capellae Sanctae Mariae Magdalenae in Cracovia, zelo devotionis accensus, pro terrenis cupiens mereri coelestia et transitoria commutare pro aeternis, suaeque ac suorum progenitorum et benefactorum saluti animarum consulere, attendens in sacrificiis Dei oblationem non esse potiorem, quam ubi corpus et sanguis Christi hostia viva offertur pro peccatis: pro altari ad laudem et gloriam Omnipotentis Dei, ipsiusque praecelsae Genitricis Virginis Mariae
Assumptionis, nec non Sanctorum Iacobi Apostoli et Lazari ac Marthae hospitae Domini, in capella praedicta Sanctae Mariae Magdalenae fundato, erecto et conse­crato, nonnulla bona, quae de manu Domini in hac caduca suscepit vita, videlicet
domus, (h)ortos, piscinas et laterificia in Kazimiria et eius suburbio extra Craco­viam situata, de quibus quatuordecem marcae annui census, ut idem Magister Iacobus bona fide asseruit, singulis annis proveniunt, velut in privilegiis coram nobis tunc facto et realiter exhibitis, quorum tenor inferius continetur, eadem bona plene describuntur, monte lapidino, de quo in uno eorumdem privilegiorum fit et habetur specialis mentio, duntaxat excepto, dedit, donavit et ascripsit donatione irrevocabili, affectuose supplicans, quatinus donationem huiusmodi admittere, confirmare, ratificare et gratificare, bona quoque praedicta altari praedicto et ipsius pro tempore altaristae ascribere, appropriare, annectere et incorporare dignaremur. Nos tandem Iohannes
de Elgoth Decretorum Doctor, Scolasticus et Canonicus Cracoviensis, Vicariusque in spiritualibus memoratus, votis praefati Magistri Iacobi de Zaborow Decretorum Doctoris salubribus annuentes, et ut pro his, quae in praesenti in pias effudit elee­
mosynas, centuplum valeat percipere in futuro, donationem praedictam in nomine

Note fragment 3 , Page/tab number in the source: 4

Domini, in quantum potuimus, admisimus, confirmavimus, ratificavimus et gratifica­
vimus, et nihilominus bona praedicta omnia et singula altari praedicto et ipsius pro
tempore altaristae, monte lapidino, quem praefatus Magister Iacobus excipere voluit,
penitus ab eisdem bonis in praetactis privilegiis descriptis excepto, ascripsimus, ap­
propriavimus, annexuimus et incorporavimus, et tenore praesentium ascribimus, appro­
priamus, annectimus et incorporamus, per ipsius altaris dominum altaristam, qui pro
tempore fuerit, regenda, gubernanda et prout melius et efficacius sibi videbitur ex­
pedire, procuranda; census quoque proventus et quascumque utilitates de eisdem bonis
provenientes levandos, colligendos et percipiendos cum effectu, ita tamen, quod sicut
idem Magister Iacobus de Zaborow circa huiusmodi donationem expresse disposuit
et habere voluit, ut quilibet eiusdem altaris altarista duas marcas de censibus prae­
dictis pro domibus et aliis bonis praedictis reficiendis seu reformandis singulis annis
exponere, si et in quantum necessitas ingruerit, alioquin necessitate huiusmodi se
non offerente, idem altarista nihilominus easdem duas marcas ad Bursam Canoni­
starum seu pauperum studentium pro leguminibus comparandis, videlicet piso, mileo,
papavere et aliis plus necessariis, dare temporibus perpetue duraturis sit astrictus;
decernentes, ut deinceps bona ecclesiastica nominentur, et pro eorum tuitione, defen­
sione et recuperatione nonnisi ad forum ecclesiasticum habeatur recursus. Praeterea
ut praefatus Magister Iacobus huiusmodi suae donationis consequi mereatur effec­
tum, statuimus et ordinamus, quod altarista altaris praedicti pro tempore existens
missas infrascriptas per se vel alium, legitime impeditus, in capella praedicta circa
praedictum altare, unam videlicet pro defunctis, aliam de Corpore Christi, tertiam
de Beata Virgine singulis septimanis legere et adimplere, aliaque omnia et singula
supradicta sub poena excommunicationis ipso facto sit astrictus. Caeterum ut apud
posteros tanti pii operis digna memoria habeatur, aliique suo exemplo ad simile opus
peragendum devotius inardescant, ius patronatus sive praesentandi eiusdem altaris
praefato Magistro Iacobo quoad vixerit reservamus; post mortem vero ipsius ad do­
minos Doctores I uris canonici actu legentes, puta ordinarium cum aliis tribus, de­
volvatur: qui quidem domini Doctores ad praedictum altare quotienscumque per ces­
sum vel decessum vacaverit, tenebuntur praesentare actu presbyterum et studentem
de Bur sa Canonistarum praedicta (h)abilem in facultate canonica ad promovendum,
residere volentem et studere; qui si studere noluerit, seque a studio per quatuor
menses «continue absentaverit, praedictum altare extunc prout exnunc et exnunc prout
extunc decernimus vacare ipso facto: praefati vero domini Doctores praesentantes
plenam et omnimodam alium studere volentem et residere ad dictum altare praesen­
tandum habeant facultatem. Similiter etiam postquam idem altarista fuerit promotus
in Doctor em et aliud ecclesiasticum beneficium habuerit, ipsum altare decernimus
vacare ipso facto. Voluit quoque idem dominus fundator, quod praefatus altarista
altaris praedicti praefatis dominis Doctoribus promittere debeat, res eiusdem altaris
fideliter conscribere et conservare, et bona eiusdem altaris cum consilio eorumdem
dominorum Doctorum defendere et tueri. In quorum omnium et singulorum fidem et
testimonium praemissorum praesentes nostras ratificationis, gratificationis et confirma­
tionis literas per Notarium publicum, nostrumque et facti huiusmodi coram nobis scri­
bam infrascriptum subscribi et publicari mandavimus, nostrique sigilli appensione fe­
cimus communiri. Datum et actum Cracoviae in domo habitationis nostrae solitae,
sub Anno a Nativitate Domini eiusdem Millesimo Quadringentesimo quadragesimo

Note fragment 4 , Page/tab number in the source: 5

primo, Indictione quarta, sacro Concilio Basiliensi praesidente, die Saturni, vicesima quinta mensis Februarii, hora Tertiarum vel quasi. Praesentibus ibidem honorabili­bus et discretis viris dominis Iohanne Scarbkonis de Pnyow Canonico Cracoviensi, Henrico de Tramboczow familiare praedicti domini Iacobi de Zaborow, Stephano rectore ecclesiae parochialis in Gdow et Mathia Phus psalmista in ecclesia Craco­viensi praedicta, testibus ad praemissa vocatis specialiter et rogatis. — Tenor pri­vilegiorum de quibus supra fit mentio, de verbo ad verbum et primo unius sequitur et est talis:

Note fragment 5 , Page/tab number in the source: 5

„Nos Iacobus Advocatus constitutus civitatis Kazimiriensis et Stanislaus Iurzik, Mathias Bewmel, Laurentius Textor, Andreas Pistor, Nicolaus Carnifex, Iohannes Morgenstern, Nicolaus Wika, Iacobus Smirer Scabini civitatis suprascriptae signi­ficamus tenore praesentium quibus expedit universis: quia coram nostro iudicio bannito personaliter constitutus Iohannes Figulus sospes in corpore et animo suo deliberato, non coactus nec compulsus, neque per aliquem seductus, sed de mera et libera sua voluntate resignavit domum acialem una cum (h)orto in circulo canino Kazimiriensi, in vicinatu domus ipsius Iohannis Zindram funditus situatam, eo iure, prout ipsemet hactenus tenuit, habuit et possedit, in tali tantaque longitudine, la­titudine et profunditate, honorabili viro magnifico Iacobo de Zaborow Decretorum Doctori egregio nec non Canonico Cracoviensi, perpetuis temporibus habendam, te­nendam, vendendam, donandam, commutandam, alienandam et in usus suos beneplacitos convertendam, prout suae placuerit voluntati, tali tamen conditione inserta: quod praenominatus Magister Iacobus de Zaborow in omnibus et singulis exactio­nibus ac aliis quibusvis iuribus civilibus iuxta ritum et antiquam nostrae civitatis consuetudinem, domo de praedicta sponte et libere obedire se astrinxit, contradic­tio n e quavis non obstante. In cuius rei testimonium sigillum nostrum scabinale prae­sentibus est subappensum. Datum et actum feria secunda proxima post dominicam Misericordia Domini etc. Anno Domini Millesimo Quadringentesimo tricesimo primo.“

Note fragment 6 , Page/tab number in the source: 5

Deinde alterius:

Note fragment 7 , Page/tab number in the source: 5

„Nos Iacobus Advocatus constitutus civitatis Kazimiriensis et Stanislaus Iurzik, Mathias Bewmel, Laurentius Textor, Andreas Pistor, Nicolaus Carnifex, Iohannes Morgenstern, Nicolaus Wika, Iacobus Smirer, Michael Feylsmet Scabini civitatis praescriptae tenore praesentium significamus quibus expedit universis: quia in no­stro iudicio bannito personaliter constitutus providus Iohannes Zindram sanus in corpore et compos suae rationis existens, non compulsus neque coactus, sed de mera et libera sua voluntate resignavit (h)ortum in circulo canino situatum, invicinatu Stanislai Citarizatoris funditus situatum, honorabili et scientifico viro Magistro Iacobo de Zaborow Decretorum Doctori eximio nec non Canonico castri Cracovien­sis, eo iure quemadmodum hactenus tenuit, habuit et possedit, in tali longitudine, latitudine, circumferentia et profunditate perpetuis temporibus habendum, tenendum,
vendendum, donandum, commutandum, alienandum et in usus beneplacitos, prout sibi utilius videbitur expedire, convertendum. Antedictus vero Magister Iacobus omnes et singulas exactiones, contributiones et solutiones, quae iuxta ritum et con­suetudinem ab antiquo observatam, sunt et fuerunt in civitate praefata, (h)orto de eodem dare et solvere spopondendo se astrinxit. Harum testimonio literarum, qui­bus sigillum nostri Scabinatus est appensum. Datum Kazimiriae, Anno Domini

Note fragment 8 , Page/tab number in the source: 6

Millesimo Quadringentesimo tricesimo primo, feria secunda infra Octavas Assump­tio n is Mariae Virginis gloriosae."

Note fragment 9 , Page/tab number in the source: 6

Sequitur alterius:

Note fragment 10 , Page/tab number in the source: 6

„Iohannes de Elgoth Decretorum Doctor, Canonicus, Vicariusque in spiritua­libus et Officialis generalis Cracoviensis, significamus tenore praesentium quibus ex­pedit universis: quomodo honorabilis Magister Gregorius Petri Czyenawa de Mi­slouicze Baccalarius in Decretis, procurator causarum consistorii nostri Cracoviensis, coram nobis personaliter constitutus, non compulsus, non coactus, nec aliquo dolo circumventus, sed bona, spontaneaque voluntate et animo deliberato confessus est, se teneri et efficaciter obligari decem et septem marcas communis pecuniae et nu­meri Polonicalis venerabili viro Magistro Iacobo de Zaborow Decretorum Doctori, Canonico Cracoviensi, ratione certi debiti mutuo contracti. In vim igitur solutionis debiti decem et septem marcarum praefatus Magister Gregorius domum ligneam ante valvam Kazimiriensem et prope balneum civitatis eiusdem inter Sutores sitam, per ipsumque iusto emptionis titulo dudum emptam et possessam, eidem Magistro Iacobo de Zaborow tunc etiam coram nobis personaliter constituto, cum omni iure titulo et dominio, ita late, longe et ample, prout in suis circumferentiis extat ab antiquo limitata, assignavit et resignavit tenendam, habendam, possidendam, inha­bitandam, vendendam et ordinandam, prout sibi melius et efficacius, utiliusve vide­bitur expedire. Quam resignationem praedictae domus taliter in vim solutionis dic­tarum decem et septem marcarum coram nobis et in nostris manibus rite et legi­time factam, instante praetitulato venerabili viro Magistro I acobo de Zaborow De­cretorum Doctore, Canonico Cracoviensi, nos ratam et gratam habentes in omnibus punctis et clausulis admisimus et confirmavimus, admitti mus que et confirmamus per praesentes. Harum quibus sigillum nostrum est appensum testimonio literarum. Actum et datum Cracoviae, die Mercurii, tertia decima mensis Martii, Anno a Na­tivitate Domini eiusdem Millesimo Quadringentesimo tricesimo septimo. Praesentibus ibidem discretis viris dominis Conrado Iohannis de Makinicze publico imperiali auctoritate Notario et Nicolao Pywon presbytero de Pylcza ac Nicolao Stanislai de Belkouicze Notario nostro, qui praesentes habuit scribendas in mandatis."

Note fragment 11 , Page/tab number in the source: 6

Item alterius:

Note fragment 12 , Page/tab number in the source: 6

„In nomine sanctae et individuae Trinitatis Amen. Ad perpetuam rei memo­riam. Quoniam ea, quae fiunt in tempore, simul et cum fluxu temporis evanescunt: proinde nos Petrus Advocatus, Iohannes Briganth, Iohannes Boemer, Nicolaus Friof, Petrus Zolko, Mathias Bargel, Cristinus Schrolle, Nicolaus Sutor, Sigismun­dus Carnifex et Martinus Byalucha Iurati civitatis Kazimiriensis, memoriae com­endamus testimonialiter profitentes, quomodo nostro coram bannito iudicio per nos solito more contestato personaliter constituti honesta Agnes Iacussii relicta Bohe­mii concivis sana corpore, bonaque sua per omnia utens ratione, non compulsa, non coacta, neque aliquo errore seducta, sed bona et libera sua voluntate resignavit per providum Stanislaum I urzik vocitatum nostrum concivem, ipsius tutorem legitimum coram nobis electum et constitutum, vendens realiter et cum effectu (h)or­tum suum et haereditatem cum piscina et latricidio cum fornace in eodem (h)orto contentis, in suburbio iuxta fossatam et ante portam civitatis Kazimiriensis a dex­tris qua pergitur ad Weliczkam, et cum monte lapidino iuxta montem religiosorum fratrum monasterii Sanctae Katherinae de Kazimiria funditus situatis, eo pleno iure

Note fragment 13 , Page/tab number in the source: 7

et dominio, pro se et pueris suis in posterum nihil iurisve proprietatis reservans, quemadmodum sola habuit et hucusque tenuit, legitimeque possedit, in tali, tanta­que longitudine, latitudine, circumferentia et profunditate honorum iam dictorum, venerabili viro domino Iacobo de Zaborow Decretorum Doctori, Canonico Craco­viensi, de speciali consensu Consulum et voluntate habendum temporibus perpetuis pacifice, quieteque tenendum et legitime possidendum, utifruendum, vendendum, com­mutandum, alienandum, donandum et in ipsius usus beneplacitos et meliores convertendum. Promisit insuper Agnes prius dicta pro suorum omnium puerorum impe­dimento. Harum evidentia literarum sigillum (sic!) nostri Officii appensione muni­tarum. Actum et datum Kazimiriae, feria secunda post festum Sancti Iohannis Bap­tistae proxima, Anno a Nativitate Domini eiusdem Millesimo Quadringentesimo
quadragesimo."

Note fragment 14 , Page/tab number in the source: 7

( L . S . n.) Et ego Georgius Alberti de Mchinicze clericus Wratislaviensis diocesis, publicus imperiali auctoritate nec non venerabilis viri domini Iohannis de Elgoth Decretorum Doctoris, Vicarii in spiritualibus memorati coram eo scriba et facti huiusmodi Notarius, quia praedictis altaris dotationi, ratificationi, gratificationi, confirmationi, aliisque omnibus et singulis prae­missis, dum sic ut praemittitur, fierent et agerentur, una cum praeno­minatis testibus praesens interfui, eaque omnia et singula sic fieri vidi et audivi: ideo praesentes ratificationis et confirmationis literas sive prae­sens publicum Instrumentum manu propria mea scriptum exinde confeci et in hanc publicam formam redegi, signo quoque et nomine nostris so­litis et consuetis una cum appensione sigilli dicti domini Iohannis de Elgoth Vicarii in spiritualibus praelibati, de eius speciali mandato con­signavi rogatus et requisitus in fidem et testimonium omnium et singu­lorum praemissorum.

Note fragment 15 , Page/tab number in the source: 7

Nos etiam Sbigneus Dei gratia Episcopus Cracoviensis, omnibus et singulis dic­torum. privilegiorum et ratificationis huiusmodi venerabilis domini Magistri Iohannis de Elgoth Decretorum Doctoris, Scolastici et Canonici Cracoviensis, Vicariique mei in spiritualibus generalis, conditionibus, articulis, punctis et clausulis in eisdem de­scriptis et contentis salubriter recensitis, eaque omnia et singula in eisdem contenta rata et grata habentes, ratificamus, approbamus et ad supplicationes venerabilis Ma­gistri Iacobi de Zaborow Decretorum Doctoris, Canonici Cracoviensis nec non praebendarii capellae Sanctae Mariae Magdalenae in Cracovia, altarique Assumtionis gloriosissimae Genitricis Virginis Mariae, cuius honori praecipue intendimus, Sanc­torumque Iacobi Apostoli et Lazari et Marthae hospitae Domini, et ipsius altari­stis pro tempore existentibus, incorporamus et tenore praesentium confirmamus. Et nihilominus omnibus et singulis utriusque sexus Cristi fidelibus, qui ad eandem ca­pellam et ad altare in eadem venientes, ibique ante dictum altare genuflexi unum Pater noster cum Ave Maria et Credo dixerint, pro pace quoque huius Regni Po­loniae et unitate sanctae matris Ecclesiae Omnipotentem Deum exoraverint, vere tamen poenitentibus, contritis et confessis, de misericordia Omnipotentis Dei et beato­rum Petri et Pauli Apostolorum eius auctoritate confisi, quadraginta dies indulgen­tiarum impartimur et de iniunctis ipsis poenitentiis misericorditer in Domino rela­xamus, cupientes ea robur obtinere robur (sic!) perpetuae firmitatis. In cuius rei

Comment to note fragment:
A latere:

Note fragment 16 , Page/tab number in the source: 8

testimonium sigillum nostrum praesentibus est appensum. Datum Cracoviae, domi­nico die proximo post dominicam Conductus Paschae, Anno Domini Millesimo Qua­dringentesimo quadragesimo secundo.

Comment to note fragment:
(Ex archetypo membranaceo, cum uno sigillo cereo rubro, filis sericis co­loris rosei et viridis appenso. Sigillum exhibet imaginem S. Catharinae, sub qua scutum cum insigni Wieniawa. In ambitu legitur sequens inscriptio, lite­ris gothicis minusculis exarata: S. Iohanis de elga - th. canonici . crac. — Sigillum alterum episcopale avulsum, restant tantummodo fili serici rosei et nigri, qui­bus appensum erat. — Nr. Archiv. Eniv. 11,228.)