Pełny podgląd zapiski o zdarzeniu dotyczącym pełnionych funkcji/urzędów/ról

Fragment zapiski 1 , Numer strony/karty w źródle: 130

CLXVI. Literae Francisci de Orzek Praepositi, totiuspe Capituli ecclesiae Collegiatae S. Floriani, approbationem actus venditionis horti in Kleparz per Sbigneum de Oleśnica Praepositum Nicolao hortulano, d. 12 Novembris A. 1421 factae, in se continentes.
Cracoviae, Anno 1451, die 23 mensis Augusti.

Fragment zapiski 2 , Numer strony/karty w źródle: 130

In nomine Domini Amen. Nos Franciscus de Orzek Praepositus, Mathias de Labischin Decanus, Petrus de Swanow Custos, Stanislaus de Sobnow, Paulus de Piczkowicze, Iohannes de Dambrowka, Paulus de Clobuczsko, Iohannes de Slupcza, Nicolaus Bylina et Mathias de Sansspow Magistri et Canonici, totumque Capitulum ecclesiae Sancti Floriani in Cleparzs extra muros Cracovienses, notum facimus universis et singulis, praesentes nostras literas seu hoc privilegii publicum Instrumentum inspecturis: quod coram nobis dominis supradictis capitulariter congregatis et Notario publico et testibus infrascriptis personaliter constituti laboriosi viri Mathias et Nicolaus dicti Kozwbowiczy de Nowagora fratres germani exposuerunt: quomodo nuper de anno praesenti, (h)ortum cum domo et area circa providum Cregorium Passkuda de Zarnowecz oppidanum, nepotem olim providi Nicolai, ipsius (h)orti, domus et areae ultimi possessoris retro ecclesiam Sancti Floriani praedictam, circa viam qua itur de Cracovia versus Mechow, in parte dextra sitarum, post obitum dicti Nicolai causa propinquitatis legitimum successorem, emissent et comparassent, emeruntque et comparaverunt pro viginti sex marcis communis pecuniae Cracoviensis, tali cum privilegio, prout praefatus Nicolaus ante mortem, et Gregorius Passkuda nepos suus post mortem ipsius Nicolai in eadem, (h)ortum, domum et aream successor tenuit, habuit et possedit. Cuius privilegii tenor de verbo ad verbum sequitur et est talis:

Fragment zapiski 3 , Numer strony/karty w źródle: 130

„In nomine Domini Amen. Nos Sbigneus de Oleschnycza Praepositus Sancti Floriani extra muros Cracovienses, nec non sanctae Gnesnensis, Cracoviensis et Sandomiriensis ac Wisliciensis ecclesiarum Canonicus, cunctis quibus expedit, notum facimus: quomodo cupientes bona Praepositurae nostrae in usus et fructus deducere meliores, (h)ortum situm circa viam, quae ducit in Mechow, in parte dextra, prudenti viro Nicolao et suis successoribus legitimis pro decem marcis monetae et numeri Polonicalis vendidimus et vendimus per praesentes, tenendum, habendum, possidendum, utifruendum, vendendum, commutandum et in usus proprios convertendum. De quo quidem (h)orto praefatus Nicolaus (h)ortulanus et sui successores legitimi nobis aut nostris successoribus pro tempore Praepositis, unam cum media marcam pro censu annuali monetae et numeri Polonicalis praedicti singulis annis „super festum Sancti Martini confessoris duntaxat solvere tenebuntur. Quodsi vero nos aut nostros successores protunc Praepositos, expost (h)ortum praedictum necessario habere contigerit, extunc refusis et repositis sumptibus et impensis per me

Fragment zapiski 4 , Numer strony/karty w źródle: 131

moratum Nicolaum vel successores suos in aedificia domus praedicti (h)orti expo,sitis, eidem Nicolao (h)ortulano vel suis successoribus, liberum sit nobis aut nostris „successoribus praedictum (h)ortum rehabendi. In cuius rei testimonium sigillum no strum praesentibus est appensum. Actum et datum in Nyepolomycze, in crastino Sancti Martini, Anno Domini Millesimo Quadringentesimo vicesimo primo.“

Fragment zapiski 5 , Numer strony/karty w źródle: 131

Sed quia expost viso et percepto privilegio huiusmodi, et consiliis freti amicorum considerarunt, quod idem privilegium in aliquibus sui punctis esset defectuosum et praesertim propter non appensionem sigilli dominorum Capitularium et consensum eorundem viribus non subsistere, ac etiam quia tempore emptionis huiusmodi (h)orti domus et areae nostrum consensum ad id non requirebant: ideo nobis supplicarunt ut eandem emptionem et venditionem ratam, gratam et firmam haberemus et habentes ratificaremus, approbaremus et confirmaremus, et literas nostras huiusmodi ratificationis, approbationis et confirmationis dare et decernere dignaremur ac easdem nostris et Capituli nostri sigillorum appensione communiremus in fidem et effectum meliores. Nos igitur Franciscus Praepositus, Mathias Decanus, Petrus Custos et alii omnes supradicti Praelati et Canonici, totumque Capitulum ecclesiae Sancti Floriani praedictae, attendentes petitionem huiusmodi fore et esse rationi consonam, et considerantes, quod eaedem venditiones et emptiones non sunt in detrimentum nec dampnum ecclesiae nostrae, sed imo in augmentum: quia idem Mathias et Nicolaus Kozwbowiczy et eorum successores singulis annis infra festa Assumptionis Beatae Mariae et Nativitatis sex gallos valentes pro caponibus fiendis ac censum annuale in privilegio principali supradicto contentum, medietatem ad Iohannis Baptistae et reliquam ad Martini Sanctorum festa sese immediate sequentia, domino Francisco Praeposito ecclesiae nostrae praedictae et suis successoribus Praepositis pro tempore existentibus sofvere tenebuntur et se obligarunt et praesentibus soluturos, praedictam emptionem et venditionem ratificavimus, approbavimus et confirmavimus, ac ratificamus, approbamus et confirmamus cum omnibus conditionibus et clausulis in privilegio originali supradicto descriptis et expressis, literas quoque nostras huiusmodi ratificationis, approbationis et confirmationis decrevimus fore dandas, damusque et decernimus per praesentes. In quorum omnium et singulorum fidem et testimonium praesentes nostras ratificationis et approbationis literas sive praesens publicum Instrumentum per Notarium publicum subscriptum et facti huiusmodi coram nobis scribam fecimus scribi, subscribi et publicari, nostrique et Capituli nostri sigillorum appensione iussimus communiri. Actum et datum Cracoviae in Collegio Artistarum, Anno Domini Millesimo Quadringentesimo quinquagesimo primo, Indictione decima quarta, Pontificatus sanctissimi in Christo patris et domini nostri, domini Nicolai divina providentia Papae quinti anno quinto, die vero Lunae vicesima tertia mensis Augusti, horis Completorii vel quasi. Praesentibus discretis Mathia Clementis de Prochnyk et Iohanne Sthiper de Elwang clericis Przemisliensis et Wormiensis diocesum, testibus ad praemissa.

Fragment zapiski 6 , Numer strony/karty w źródle: 131

(L. S. n.) Et ego Iohannes Henrici de Schebnya clericus Cracoviensis diocesis, Notarius imperiali auctoritate publicus, venerabiliumque virorum dominorum Francisci de Orzek Praepositi, Mathiae Decani, Petri Custodis, totiusqus Capituli ecclesiae Sancti Floriani praedictae et facti huiusmodi coram eis scriba, quia praedictis ratificationi, approbationi et literarum decreto, aliisque omnibus et singulis praemissis, dum sic ut praemittitur,

Fragment zapiski 7 , Numer strony/karty w źródle: 132

agerentur et fierent, una cum praenominatis testibus praesens interfui, eaque omnia sic fieri vidi et audivi: ideo hoc praesens publicum Instrumentum manu propria scriptum exinde extraxi, meque hic subscribens in hanc publicam formam redegi, signo quoque et nomine meis solitis consignavi, una cum appensione sigillorum venerabilium virorum dominorum Francisci Praepositi et Capituli praedictorum, de mandato ipsorum speciali communivi, rogatus et requisitus in fidem et testimonium omnium et singulorum praemissorum.

Komentarz do fragmentu zapiski:
(Ex archetypo membranaceo, cum reliquiis secundi sigilli minoris formae cerei rubri, taeniola membranacea appensi. — Nr. Archiv. Univ. 5219.)